Septuagint, Liber Isaiae 9:

(70인역 성경, 이사야서 9:)

ΤΟΥΤΟ πρῶτον πίε, ταχὺ ποίει, χώρα Ζαβουλών, ἡ γῆ Νεφθαλὶμ ὁδὸν θαλάσσησ καὶ οἱ λοιποὶ οἱ τὴν παραλίαν κατοικοῦντεσ καὶ πέραν τοῦ Ἰορδάνου, Γαλιλαία τῶν ἐθνῶν, τὰ μέρη τῆσ Ἰουδαίασ. ὁ λαὸσ ὁ πορευόμενοσ ἐν σκότει, ἴδετε φῶσ μέγα. οἱ κατοικοῦντεσ ἐν χώρᾳ καὶ σκιᾷ θανάτου, φῶσ λάμψει ἐφ̓ ὑμᾶσ. τὸ πλεῖστον τοῦ λαοῦ, ὃ κατήγαγεσ ἐν εὐφροσύνῃ σου, καὶ εὐφρανθήσονται ἐνώπιόν σου ὡσ οἱ εὐφραινόμενοι ἐν ἀμήτῳ καὶ ὃν τρόπον οἱ διαιρούμενοι σκῦλα. διότι ἀφῄρηται ὁ ζυγὸσ ὁ ἐπ̓ αὐτῶν κείμενοσ καὶ ἡ ράβδοσ ἡ ἐπὶ τοῦ τραχήλου αὐτῶν. τὴν γὰρ ράβδον τῶν ἀπαιτούντων διεσκέδασε Κύριοσ, ὡσ τῇ ἡμέρᾳ τῇ ἐπὶ Μαδιάμ. ὅτι πᾶσαν στολὴν ἐπισυνηγμένην δόλῳ καὶ ἱμάτιον μετὰ καταλλαγῆσ ἀποτίσουσι καὶ θελήσουσιν εἰ ἐγενήθησαν πυρίκαυστοι. ὅτι παιδίον ἐγενήθη ἡμῖν, υἱὸσ καὶ ἐδόθη ἡμῖν, οὗ ἡ ἀρχὴ ἐγενήθη ἐπὶ τοῦ ὤμου αὐτοῦ, καὶ καλεῖται τὸ ὄνομα αὐτοῦ μεγάλησ βουλῆσ ἄγγελόσ, θαυμαστὸσ σύμβουλοσ, Θεὸσ ἰσχυρόσ, ἐξουσιαστήσ, ἄρχων εἰρήνησ, πατὴρ τοῦ μέλλοντοσ αἰῶνοσ. ἐγὼ γὰρ ἄξω εἰρήνην ἐπὶ τοὺσ ἄρχοντασ, εἰρήνην καὶ ὑγίειαν αὐτῷ. μεγάλη ἡ ἀρχὴ αὐτοῦ, καὶ τῆσ εἰρήνησ αὐτοῦ οὐκ ἔστιν ὅριον ἐπὶ τὸν θρόνον Δαυὶδ καὶ τὴν βασιλείαν αὐτοῦ κατορθῶσαι αὐτὴν καὶ ἀντιλαβέσθαι αὐτῆσ ἐν κρίματι καὶ ἐν δικαιοσύνῃ ἀπὸ τοῦ νῦν καὶ εἰσ τὸν αἰῶνα. ὁ ζῆλοσ Κυρίου σαβαὼθ ποιήσει ταῦτα. Θάνατον ἀπέστειλε Κύριοσ ἐπὶ Ἰακώβ, καὶ ἦλθεν ἐπὶ Ἰσραήλ, καὶ γνώσονται πᾶσ ὁ λαὸσ τοῦ Ἐφραὶμ καὶ οἱ ἐγκαθήμενοι ἐν Σαμαρείᾳ ἐφ̓ ὕβρει καὶ ὑψηλῇ καρδίᾳ λέγοντεσ. πλίνθοι πεπτώκασιν, ἀλλὰ δεῦτε λαξεύσωμεν λίθουσ καὶ ἐκκόψωμεν συκαμίνουσ καὶ κέδρουσ καὶ οἱκοδομήσωμεν ἑαυτοῖσ πύργον. καὶ ράξει ὁ Θεὸσ τοὺσ ἐπανισταμένουσ ἐπὶ ὄροσ Σιὼν ἐπ̓ αὐτοὺσ καὶ τοὺσ ἐχθροὺσ αὐτῶν διασκεδάσει, Συρίαν ἀφ̓ ἡλίου ἀνατολῶν καὶ τοὺσ Ἕλληνασ ἀφ̓ ἡλίου δυσμῶν, τοὺσ κατεσθίοντασ τὸν Ἰσραὴλ ὅλῳ τῷ στόματι. ἐπὶ πᾶσι τούτοισ οὐκ ἀπεστράφη ὁ θυμόσ, ἀλλ̓ ἔτι ἡ χεὶρ ὑψηλή. καὶ ὁ λαὸσ οὐκ ἀπεστράφη, ἕωσ ἐπλήγη, καὶ τὸν Κύριον οὐκ ἐξεζήτησαν. καὶ ἀφεῖλε Κύριοσ ἀπὸ Ἰσραὴλ κεφαλὴν καὶ οὐράν, μέγαν καὶ μικρὸν ἐν μιᾷ ἡμέρᾳ, πρεσβύτην καὶ τοὺσ τὰ πρόσωπα θαυμάζοντασ καὶ προφήτην διδάσκοντα ἄνομα . καὶ ἔσονται οἱ μακαρίζοντεσ τὸν λαὸν τοῦτον πλανῶντεσ καὶ πλανῶσιν, ὅπωσ καταπίωσιν αὐτούσ. διὰ τοῦτο ἐπὶ τοὺσ νεανίσκουσ αὐτῶν οὐκ εὐφρανθήσεται ὁ Κύριοσ καὶ τοὺσ ὀρφανοὺσ αὐτῶν καὶ τὰσ χήρασ αὐτῶν οὐκ ἐλεήσει, ὅτι πάντεσ ἄνομοι καὶ πονηροί, καὶ πᾶν στόμα λαλεῖ ἄδικα. ἐπὶ πᾶσι τούτοισ οὐκ ἀπεστράφη ὁ θυμόσ, ἀλλ̓ ἔτι ἡ χεὶρ ὑψηλή. καὶ καυθήσεται ὡσ πῦρ ἡ ἀνομία καὶ ὡσ ἄγρωσισ ξηρὰ βρωθήσεται ὑπὸ πυρόσ. καὶ καυθήσεται ἐν τοῖσ δάσεσι τοῦ δρυμοῦ, καὶ συγκαταφάγεται τὰ κύκλῳ τῶν βουνῶν πάντα. διὰ θυμὸν ὀργῆσ Κυρίου συγκέκαυται ἡ γῆ ὅλη, καὶ ἔσται ὁ λαὸσ ὡσ κατακεκαυμένοσ ὑπὸ πυρόσ. ἄνθρωποσ τὸν ἀδελφὸν αὐτοῦ οὐκ ἐλεήσει, ἀλλὰ ἐκκλινεῖ εἰσ τὰ δεξιά, ὅτι πεινάσει καὶ φάγεται ἐκ τῶν ἀριστερῶν, καὶ οὐ μὴ ἐμπλησθῇ ἄνθρωποσ ἔσθων τὰσ σάρκασ τοῦ βραχίονοσ αὐτοῦ. φάγεται γὰρ Μανασσῆσ τοῦ Ἐφραὶμ καὶ Ἐφραὶμ τοῦ Μανασσῆ, ὅτι ἅμα πολιορκήσουσι τὸν Ἰούδαν. ἐπὶ τούτοισ πᾶσιν οὐκ ἀπεστράφη ὁ θυμόσ, ἀλλ̓ ἔτι ἡ χείρ ὑψηλή.

목록

일치하는 문장이 없습니다.

SEARCH

MENU NAVIGATION