Septuagint, Liber Isaiae 8:

(70인역 성경, 이사야서 8:)

ΚΑΙ εἶπε Κύριοσ πρόσ με. λάβε σεαυτῷ τόμον καινοῦ μεγάλου καὶ γράψον εἰσ αὐτὸν γραφίδι ἀνθρώπου. τοῦ ὀξέωσ προνομὴν ποιῆσαι σκύλων. πάρεστι γάρ. καὶ μάρτυράσ μοι ποίησον πιστοὺσ ἀνθρώπουσ, τὸν Οὐρίαν καὶ Ζαχαρίαν υἱὸν Βαραχίου. καὶ προσῆλθον πρὸσ τὴν προφῆτιν, καὶ ἐν γαστρὶ ἔλαβε καὶ ἔτεκεν υἱόν. καὶ εἶπε Κύριόσ μοι. κάλεσον τὸν ὄνομα αὐτοῦ Ταχέωσ σκύλευσον, ὀξέωσ προνόμευσον. διότι πρὶν ἢ γνῶναι τὸ παιδίον καλεῖν πατέρα ἢ μητέρα, λήψεται δύναμιν Δαμασκοῦ καὶ τὰ σκῦλα Σαμαρείασ ἔναντι βασιλέωσ Ἀσσυρίων. καὶ προσέθετο Κύριοσ λαλῆσαί μοι ἔτι. διὰ τὸ μὴ βούλεσθαι τὸν λαὸν τοῦτον τὸ ὕδωρ τοῦ Σιλωὰμ τὸ πορευόμενον ἡσυχῆ, ἀλλὰ βούλεσθαι ἔχειν τὸν Ρασεὶμ καὶ τὸν υἱὸν Ρομελίου βασιλέα ἐφ̓ ὑμῶν, διὰ τοῦτο ἰδοὺ Κύριοσ ἀνάγει ἐφ̓ ὑμᾶσ τὸ ὕδωρ τοῦ ποταμοῦ τὸ ἰσχυρὸν καὶ τὸ πολύ, τὸν βασιλέα τῶν Ἀσσυρίων καὶ τὴν δόξαν αὐτοῦ. καὶ ἀναβήσεται ἐπὶ πᾶσαν φάραγγα ὑμῶν καὶ περιπατήσει ἐπὶ πᾶν τεῖχοσ ὑμῶν καὶ ἀφελεῖ ἀπὸ τῆσ Ἰουδαίασ ἄνθρωπον, ὃσ δυνήσεται κεφαλὴν ἆραι ἢ δυνατὸν συντελέσασθαί τι, καὶ ἔσται ἡ παρεμβολὴ αὐτοῦ ὥστε πληρῶσαι τὸ πλάτοσ τῆσ χώρασ σου. μεθ̓ ἡμῶν ὁ Θεόσ. γνῶτε ἔθνη καὶ ἡττᾶσθε, ἐπακούσατε ἕωσ ἐσχάτου τῆσ γῆσ, ἰσχυκότεσ ἡττᾶσθε. ἐὰν γὰρ πάλιν ἰσχύσητε, πάλιν ἡττηθήσεσθε. καὶ ἣν ἂν βουλεύσησθε βουλήν, διασκεδάσει Κύριοσ, καὶ λόγον ὃν ἂν εἴπητε, οὐ μὴ ἐμμείνῃ ἐν ὑμῖν, ὅτι μεθ̓ ἡμῶν ὁ Θεόσ. Οὕτω λέγει Κύριοσ. τῇ ἰσχυρᾷ χειρὶ ἀπειθοῦσι τῇ πορείᾳ τῆσ ὁδοῦ τοῦ λαοῦ τούτου λέγοντεσ. μήποτε εἴπητε σκληρόν. πᾶν γάρ, ὃ ἐὰν εἴπῃ ὁ λαὸσ οὗτοσ, σκληρόν ἐστι. τὸν δὲ φόβον αὐτοῦ οὐ μὴ φοβηθῆτε, οὐδ̓ οὐ μὴ ταραχθῆτε. Κύριον αὐτὸν ἁγιάσατε, καὶ αὐτὸσ ἔσται σου φόβοσ. καὶ ἐὰν ἐπ̓ αὐτῷ πεποιθὼσ ἦσ, ἔσται σοι εἰσ ἁγίασμα καὶ οὐχ ὡσ λίθου προσκόμματι συναντήσεσθε αὐτῷ, οὐδὲ ὡσ πέτρασ πτώματι. οἱ δὲ οἶκοι Ἰακὼβ ἐν παγίδι, καὶ ἐν κοιλάσματι ἐγκαθήμενοι ἐν Ἱερουσαλήμ. διὰ τοῦτο ἀδυνατήσουσιν ἐν αὐτοῖσ πολλοὶ καὶ πεσοῦνται καὶ συντριβήσονται, καὶ ἐγγιοῦσι καὶ ἁλώσονται ἄνθρωποι ἐν ἀσφαλείᾳ. ‐ Τότε φανεροὶ ἔσονται οἱ σφραγιζόμενοι τὸν νόμον τοῦ μὴ μαθεῖν. καὶ ἐρεῖ. μενῶ τὸν Θεὸν τὸν ἀποστρέψαντα τὸ πρόσωπόν αὐτοῦ ἀπὸ τοῦ οἴκου Ἰακὼβ καὶ πεποιθὼσ ἔσομαι ἐπ̓ αὐτῷ. ἰδοὺ ἐγὼ καὶ τὰ παιδία, ἅ μοι ἔδωκεν ὁ Θεόσ, καὶ ἔσται σημεῖα καὶ τέρατα ἐν τῷ οἴκῳ Ἰσραὴλ παρὰ Κυρίου σαβαώθ, ὃσ κατοικεῖ ἐν τῷ ὄρει Σιών. καὶ ἐὰν εἴπωσι πρὸσ ὑμᾶσ. ζητήσατε τοὺσ ἐγγαστριμύθουσ καὶ τοὺσ ἀπὸ τῆσ γῆσ φωνοῦντασ, τοὺσ κενολογοῦντασ, οἳ ἐκ τῆσ κοιλίασ φωνοῦσιν, οὐχὶ ἔθνοσ πρὸσ Θεὸν αὐτοῦ ἐκζητήσουσι̣ τί ἐκζητοῦσι περὶ τῶν ζώντων τοὺσ νεκρούσ̣ νόμον γὰρ εἰσ βοήθειαν ἔδωκεν, ἵνα εἴπωσιν οὐχ ὡσ τὸ ρῆμα τοῦτο, περὶ οὗ οὐκ ἔστι δῶρα δοῦναι περὶ αὐτοῦ. καὶ ἥξει ἐφ̓ ὑμᾶσ σκληρὰ λιμὸσ καὶ ἔσται ὡσ ἂν πεινάσητε, λυπηθήσεσθε καὶ κακῶσ ἐρεῖτε τὸν ἄρχοντα καὶ τὰ πάτρια, καὶ ἀναβλέψονται εἰσ τὸν οὐρανὸν ἄνω, καὶ εἰσ τὴν γῆν κάτω ἐμβλέψονται, καὶ ἰδοὺ ἀπορία στενὴ καὶ σκότοσ, θλίψισ καὶ στενοχωρία καὶ σκότοσ, ὥστε μὴ βλέπειν, καὶ οὐκ ἀπορηθήσεται ὁ ἐν στενοχωρίᾳ ὢν ἕωσ καιροῦ.

목록

SEARCH

MENU NAVIGATION