Septuagint, Liber Isaiae 6:

(70인역 성경, 이사야서 6:)

ΚΑΙ ἐγένετο τοῦ ἐνιαυτοῦ, οὗ ἀπέθανεν Ὀζίασ ὁ βασιλεύσ, εἶδον τὸν Κύριον καθήμενον ἐπὶ θρόνου ὑψηλοῦ καὶ ἐπῃρμένου, καὶ πλήρησ ὁ οἶκοσ τῆσ δόξησ αὐτοῦ. καὶ Σεραφὶμ εἱστήκεισαν κύκλῳ αὐτοῦ, ἓξ πτέρυγεσ τῷ ἑνὶ καὶ ἓξ πτέρυγεσ τῷ ἑνί, καὶ ταῖσ μὲν δυσὶ κατεκάλυπτον τὸ πρόσωπον, ταῖσ δὲ δυσὶ κατεκάλυπτον τοὺσ πόδασ καὶ ταῖσ δυσὶν ἐπέταντο. καὶ ἐκέκραγεν ἕτεροσ πρὸσ τὸν ἕτερον καὶ ἔλεγον. ἅγιοσ, ἅγιοσ, ἅγιοσ Κύριοσ σαβαώθ, πλήρησ πᾶσα ἡ γῆ τῆσ δόξησ αὐτοῦ. καὶ ἐπήρθη τὸ ὑπέρθυρον ἀπὸ τῆσ φωνῆσ, ἧσ ἐκέκραγον, καὶ ὁ οἶκοσ ἐπλήσθη καπνοῦ. καὶ εἶπον. ὦ τάλασ ἐγώ, ὅτι κατανένυγμαι, ὅτι ἄνθρωποσ ὢν καὶ ἀκάθαρτα χείλη ἔχων, ἐν μέσῳ λαοῦ ἀκάθαρτα χείλη ἔχοντοσ ἐγὼ οἰκῶ καὶ τὸν βασιλέα Κύριον σαβαὼθ εἶδον τοῖσ ὀφθαλμοῖσ μου. καὶ ἀπεστάλη πρόσ με ἓν τῶν Σεραφίμ, καὶ ἐν τῇ χειρὶ εἶχεν ἄνθρακα, ὃν τῇ λαβίδι ἔλαβεν ἀπὸ τοῦ θυσιαστηρίου, καὶ ἥψατο τοῦ στόματόσ μου καὶ εἶπεν. ἰδοὺ ἥψατο τοῦτο τῶν χειλέων σου καὶ ἀφελεῖ τὰσ ἀνομίασ σου καὶ τὰσ ἁμαρτίασ σου περικαθαριεῖ. καὶ ἤκουσα τῆσ φωνῆσ Κυρίου λέγοντοσ. τίνα ἀποστείλω, καὶ τίσ πορεύσεται πρὸσ τὸν λαὸν τοῦτον̣ καὶ εἶπα. ἰδοὺ ἐγώ εἰμι. ἀπόστειλόν με. καὶ εἶπε. πορεύθητι καὶ εἰπὸν τῷ λαῷ τούτῳ. ἀκοῇ ἀκούσετε καὶ οὐ μὴ συνῆτε καὶ βλέποντεσ βλέψετε καὶ οὐ μὴ ἴδητε. ἐπαχύνθη γὰρ ἡ καρδία τοῦ λαοῦ τούτου, καὶ τοῖσ ὠσὶν αὐτῶν βαρέωσ ἤκουσαν καὶ τοὺσ ὀφθαλμοὺσ αὐτῶν ἐκάμμυσαν μήποτε ἴδωσι τοῖσ ὀφθαλμοῖσ καὶ τοῖσ ὠσὶν ἀκούσωσι καὶ τῇ καρδίᾳ συνῶσι, καὶ ἐπιστρέψωσι, καὶ ἰάσομαι αὐτούσ. καὶ εἶπα. ἕωσ πότε Κύριε̣ καὶ εἶπεν. ἕωσ ἂν ἐρημωθῶσι πόλεισ παρὰ τὸ μὴ κατοικεῖσθαι καὶ οἶκοι παρὰ τὸ μὴ εἶναι ἀνθρώπουσ, καὶ ἡ γῆ καταλειφθήσεται ἔρημοσ. καὶ μετὰ ταῦτα μακρυνεῖ ὁ Θεὸσ τοὺσ ἀνθρώπουσ, καὶ πληθυνθήσονται οἱ ἐγκαταλειφθέντεσ ἐπὶ τῆσ γῆσ. καὶ ἔτι ἐπ̓ αὐτῆσ ἔστι τὸ ἐπιδέκατον, καὶ πάλιν ἔσται εἰσ προνομὴν ὡσ τερέβινθοσ καὶ ὡσ βάλανοσ, ὅταν ἐκπέσῃ ἐκ τῆσ θήκησ αὐτῆσ.

목록

일치하는 문장이 없습니다.

SEARCH

MENU NAVIGATION