Septuagint, Liber Isaiae 2:

(70인역 성경, 이사야서 2:)

Ο λόγοσ ὁ γενόμενοσ παρὰ Κυρίου πρὸσ Ἡσαί̈αν υἱὸν Ἀμὼσ περὶ τῆσ Ἰουδαίασ καὶ περὶ Ἱερουσαλήμ. Ὅτι ἔσται ἐν ταῖσ ἐσχάταισ ἡμέραισ ἐμφανὲσ τὸ ὄροσ Κυρίου καὶ ὁ οἶκοσ τοῦ Θεοῦ ἐπ̓ ἄκρων τῶν ὀρέων καὶ ὑψωθήσεται ὑπεράνω τῶν βουνῶν. καὶ ἥξουσιν ἐπ̓ αὐτὸ πάντα τὰ ἔθνη, καὶ πορεύσονται ἔθνη πολλὰ καὶ ἐροῦσι. δεῦτε καὶ ἀναβῶμεν εἰσ τὸ ὄροσ Κυρίου καὶ εἰσ τὸν οἶκον τοῦ Θεοῦ Ἰακώβ, καὶ ἀναγγελεῖ ἡμῖν τὴν ὁδὸν αὐτοῦ, καὶ πορευσόμεθα ἐν αὐτῇ. ἐκ γὰρ Σιὼν ἐξελεύσεται νόμοσ καὶ λόγοσ Κυρίου ἐξ Ἱερουσαλήμ. καὶ κρινεῖ ἀναμέσον τῶν ἐθνῶν καὶ ἐλέγξει λαὸν πολύν, καὶ συγκόψουσι τὰσ μαχαίρασ αὐτῶν εἰσ ἄροτρα καὶ τὰσ ζιβύνασ αὐτῶν εἰσ δρέπανα, καὶ οὐ λήψεται ἔθνοσ ἐπ̓ ἔθνοσ μάχαιραν, καὶ οὐ μὴ μάθωσιν ἔτι πολεμεῖν. ‐ Καὶ νῦν, ὁ οἶκοσ Ἰακώβ, δεῦτε πορευθῶμεν τῷ φωτὶ Κυρίου. ἀνῆκε γὰρ τὸν λαὸν αὐτοῦ τὸν οἶκον τοῦ Ἰσραήλ, ὅτι ἐνεπλήσθη ὡσ τὸ ἀπ̓ ἀρχῆσ ἡ χώρα αὐτῶν κληδονισμῶν, ὡσ ἡ τῶν ἀλλοφύλων, καὶ τέκνα πολλὰ ἀλλόφυλα ἐγενήθη αὐτοῖσ. ἐνεπλήσθη γὰρ ἡ χώρα αὐτῶν ἀργυρίου καὶ χρυσίου, καὶ οὐκ ἦν ἀριθμὸσ τῶν θησαυρῶν αὐτῶν. καὶ ἐνεπλήσθη ἡ γῆ ἵππων, καὶ οὐκ ἦν ἀριθμὸσ τῶν ἁρμάτων αὐτῶν. καὶ ἐνεπλήσθη ἡ γῆ βδελυγμάτων τῶν ἔργων τῶν χειρῶν αὐτῶν, καὶ προσεκύνησαν, οἷσ ἐποίησαν οἱ δάκτυλοι αὐτῶν. καὶ ἔκυψεν ἄνθρωποσ, καὶ ἐταπεινώθη ἀνήρ, καὶ οὐ μὴ ἀνήσω αὐτούσ. καὶ νῦν εἰσέλθετε εἰσ τὰσ πέτρασ καὶ κρύπτεσθε εἰσ τὴν γῆν ἀπὸ προσώπου τοῦ φόβου Κυρίου καὶ ἀπὸ τῆσ δόξησ τῆσ ἰσχύοσ αὐτοῦ, ὅταν ἀναστῇ θραῦσαι τὴν γῆν. οἱ γὰρ ὀφθαλμοὶ Κυρίου ὑψηλοί, ὁ δὲ ἄνθρωποσ ταπεινόσ. καὶ ταπεινωθήσεται τὸ ὕψοσ τῶν ἀνθρώπων, καὶ ὑψωθήσεται Κύριοσ μόνοσ ἐν τῇ ἡμέρα ἐκείνῃ. ἡμέρα γὰρ Κυρίου σαβαὼθ ἐπὶ πάντα ὑβριστὴν καὶ ὑπερήφανον καὶ ἐπὶ πάντα ὑψηλὸν καὶ μετέωρον, καὶ ταπεινωθήσονται, καὶ ἐπὶ πᾶσαν κέδρον τοῦ Λιβάνου τῶν ὑψηλῶν καὶ μετεώρων καὶ ἐπὶ πᾶν δένδρον βαλάνου Βασὰν καὶ ἐπὶ πᾶν ὑψηλὸν ὄροσ καὶ ἐπὶ πάντα βουνὸν ὑψηλὸν καὶ ἐπὶ πάντα πύργον ὑψηλὸν καὶ ἐπὶ πᾶν τεῖχοσ ὑψηλὸν καὶ ἐπὶ πᾶν πλοῖον θαλάσσησ καὶ ἐπὶ πᾶσαν θέαν πλοίων κάλλουσ. καὶ ταπεινωθήσεται πᾶσ ἄνθρωποσ, καὶ πεσεῖται ὕψοσ ἀνθρώπων, καὶ ὑψωθήσεται Κύριοσ μόνοσ ἐν τῇ ἡμέρᾳ ἐκείνῃ. καὶ τὰ χειροποίητα πάντα κατακρύψουσιν, εἰσενέγκαντεσ εἰσ τὰ σπήλαια καὶ εἰσ τὰσ σχισμὰσ τῶν πετρῶν καὶ εἰσ τὰσ τρώγλασ τῆσ γῆσ ἀπὸ προσώπου τοῦ φόβου Κυρίου καὶ ἀπὸ τῆσ δόξησ τῆσ ἰσχύοσ αὐτοῦ, ὅταν ἀναστῇ θραῦσαι τὴν γῆν. τῇ γὰρ ἡμέρᾳ ἐκείνῃ ἐκβαλεῖ ἄνθρωποσ τὰ βδελύγματα αὐτοῦ τὰ ἀργυρᾶ καὶ τὰ χρυσᾶ, ἃ ἐποίησαν προσκυνεῖν, τοῖσ ματαίοισ καὶ ταῖσ νυκτερίσι, τοῦ εἰσελθεῖν εἰσ τὰσ τρώγλασ τῆσ στερεᾶσ πέτρασ καὶ εἰσ τὰσ σχισμὰσ τῶν πετρῶν ἀπὸ προσώπου τοῦ φόβου Κυρίου καὶ ἀπὸ τῆσ δόξησ τῆσ ἰσχύοσ αὐτοῦ, ὅταν ἀναστῇ θραῦσαι τὴν γῆν.

목록

일치하는 문장이 없습니다.

SEARCH

MENU NAVIGATION