Septuagint, Liber Isaiae 1:

(70인역 성경, 이사야서 1:)

ΟΡΑΣΙΣ, ἣν εἶδεν Ἡσαί̈ασ υἱὸσ Ἀμώσ, ἣν εἶδε κατὰ τῆσ Ἰουδαίασ καὶ κατὰ Ἱερουσαλὴμ ἐν βασιλεία Ὀζίου καὶ Ἰωάθαμ καὶ Ἄχαζ καὶ Ἐζεκίου, οἵ ἐβασίλευσαν τῆσ Ἰουδαίασ. Ἄκουε οὐρανὲ καὶ ἐνωτίζου γῆ, ὅτι Κύριοσ ἐλάλησεν. υἱοὺσ ἐγέννησα καὶ ὕψωσα, αὐτοὶ δέ με ἠθέτησαν. ἔγνω βοῦσ τὸν κτησάμενον καὶ ὄνοσ τὴν φάτνην τοῦ κυρίου αὐτοῦ. Ἰσραὴλ δέ με οὐκ ἔγνω καὶ ὁ λαόσ με οὐ συνῆκεν. οὐαὶ ἔθνοσ ἁμαρτωλόν, λαὸσ πλήρησ ἁμαρτιῶν, σπέρμα πονηρόν, υἱοὶ ἄνομοι. ἐγκατελίπατε τὸν Κύριον καὶ παρωργίσατε τὸν ἅγιον τοῦ Ἰσραήλ. τί ἔτι πληγῆτε προστιθέντεσ ἀνομίαν̣ πᾶσα κεφαλὴ εἰσ πόνον καὶ πᾶσα καρδία εἰσ λύπην. ἀπὸ ποδῶν ἕωσ κεφαλῆσ οὐκ ἔστιν ἐν αὐτῷ ὁλοκληρία, οὔτε τραῦμα οὔτε μώλωψ οὔτε πληγὴ φλεγμαίνουσα. οὐκ ἔστιν μάλαγμα ἐπιθῆναι οὔτε ἔλαιον οὔτε καταδέσμουσ. ἡ γῆ ὑμῶν ἔρημοσ, αἱ πόλεισ ὑμῶν πυρίκαυστοι. τὴν χώραν ὑμῶν ἐνώπιον ὑμῶν ἀλλότριοι κατεσθίουσι αὐτήν, καὶ ἠρήμωται κατεστραμμένη ὑπὸ λαῶν ἀλλοτρίων. ἐγκαταλειφθήσεται ἡ θυγάτηρ Σιὼν ὡσ σκηνὴ ἐν ἀμπελῶνι καὶ ὡσ ὀπωροφυλάκιον ἐν σικυηράτῳ, ὡσ πόλισ πολιορκουμένη. καὶ εἰ μὴ Κύριοσ σαβαὼθ ἐγκατέλιπεν ἡμῖν σπέρμα, ὡσ Σόδομα ἂν ἐγενήθημεν καὶ ὡσ Γόμορρα ἂν ὡμοιώθημεν. ‐ Ἀκούσατε λόγον Κυρίου, ἄρχοντεσ Σοδόμων. προσέχετε νόμον Θεοῦ λαὸσ Γομόρρασ. τί μοι πλῆθοσ τῶν θυσιῶν ὑμῶν̣ λέγει Κύριοσ. πλήρησ εἰμὶ ὁλοκαυτωμάτων κριῶν, καὶ στέαρ ἀρνῶν καὶ αἷμα ταύρων καὶ τράγων οὐ βούλομαι, οὐδὲ ἂν ἔρχησθε ὀφθῆναι μοι. τίσ γὰρ ἐξεζήτησε ταῦτα ἐκ τῶν χειρῶν ὑμῶν̣ πατεῖν τὴν αὐλήν μου οὐ προσθήσεσθαι. ἐὰν φέρητε σεμίδαλιν, μάταιον. θυμίαμα, βδέλυγμά μοί ἐστι. τὰσ νουμηνίασ ὑμῶν καὶ τὰ σάββατα καὶ ἡμέραν μεγάλην οὐκ ἀνέχομαι. νηστείαν καὶ ἀργίαν καὶ τὰσ νουμηνίασ ὑμῶν καὶ τὰσ ἑορτὰσ ὑμῶν μισεῖ ἡ ψυχή μου. ἐγενήθητέ μοι εἰσ πλησμονήν, οὐκέτι ἀνήσω τὰσ ἁμαρτίασ ὑμῶν. ὅταν ἐκτείνητε τὰσ χεῖρασ ὑμῶν πρόσ με, ἀποστρέψω τοὺσ ὀφθαλμούσ μου ἀφ̓ ὑμῶν, καὶ ἐὰν πληθύνητε τὴν δέησιν, οὐκ εἰσακούσομαι ὑμῶν. αἱ γὰρ χεῖρεσ ὑμῶν αἵματοσ πλήρεισ. λούσασθε καὶ καθαροὶ γίνεσθε, ἀφέλετε τὰσ πονηρίασ ἀπὸ τῶν ψυχῶν ὑμῶν ἀπέναντι τῶν ὀφθαλμῶν μου, παύσασθε ἀπὸ τῶν πονηριῶν ὑμῶν, μάθετε καλὸν ποιεῖν, ἐκζητήσατε κρίσιν, ρύσασθε ἀδικούμενον, κρίνατε ὀρφανῷ καὶ δικαιώσατε χήραν. καὶ δεῦτε διαλεχθῶμεν, λέγει Κύριοσ. καὶ ἐὰν ὦσιν αἱ ἁμαρτίαι ὑμῶν ὡσ φοινικοῦν, ὡσ χιόνα λευκανῶ, ἐὰν δὲ ὦσιν ὡσ κόκκινον, ὡσ ἔριον λευκανῶ. καὶ ἐὰν θέλητε καὶ εἰσακούσητέ μου, τὰ ἀγαθὰ τῆσ γῆσ φάγεσθε. ἐὰν δὲ μὴ θέλητε, μηδὲ εἰσακούσητέ μου, μάχαιρα ὑμᾶσ κατέδεται. τὸ γὰρ στόμα Κυρίου ἐλάλησε ταῦτα. Πῶσ ἐγένετο πόρνη πόλισ πιστὴ Σιών, πλήρησ κρίσεωσ, ἐν ᾗ δικαιοσύνη ἐκοιμήθη ἐν αὐτῇ, νῦν δὲ φονευταί. τὸ ἀργύριον ὑμῶν ἀδόκιμον. οἱ κάπηλοί σου μίσγουσι τὸν οἶνον ὕδατι. οἱ ἄρχοντέσ σου ἀπειθοῦσι, κοινωνοὶ κλεπτῶν ἀγαπῶντεσ δῶρα, διώκοντεσ ἀνταπόδομα, ὀρφανοῖσ οὐ κρίνοντεσ καὶ κρίσιν χηρῶν οὐ προσέχοντεσ. διὰ τοῦτο τάδε λέγει Κύριοσ ὁ δεσπότησ σαβαώθ, ὁ δυνάστησ τοῦ Ἰσραήλ. οὐαὶ τοῖσ ἰσχύουσιν ἐν Ἱερουσαλήμ. οὐ παύσεται γάρ μου ὁ θυμὸσ ἐν τοῖσ ὑπεναντίοισ, καὶ κρίσιν ἐκ τῶν ἐχθρῶν μου ποιήσω. καὶ ἐπάξω τὴν χεῖρά μου ἐπὶ σὲ καὶ πυρώσω σε εἰσ καθαρόν, τοὺσ δὲ ἀπειθοῦντασ ἀπολέσω καὶ ἀφελῶ πάντασ ἀνόμουσ ἀπὸ σοῦ καὶ πάντασ ὑπηφάνουσ ταπεινώσω. καὶ ἐπιστήσω τοὺσ κριτάσ σου ὡσ τὸ πρότερον καὶ τοὺσ συμβούλουσ σου ὡσ τὸ ἀπ̓ ἀρχῆσ. καὶ μετὰ ταῦτα κληθήσῃ πόλισ δικαιοσύνησ, μητρόπολισ πιστὴ Σιών. μετὰ γὰρ κρίματοσ σωθήσεται ἡ αἰχμαλωσία αὐτῆσ καὶ μετὰ ἐλεημοσύνησ. καὶ συντριβήσονται οἱ ἄνομοι καὶ οἱ ἁμαρτωλοὶ ἅμα, καὶ οἱ ἐγκαταλιπόντεσ τὸν Κύριον συντελεσθήσονται. διότι αἰσχυνθήσονται ἐν τοῖσ εἰδώλοισ αὐτῶν, ἃ αὐτοὶ ἠβούλοντο, καὶ ἐπαισχυνθήσονται ἐπὶ τοῖσ κήποισ αὐτῶν, ἃ ἐπεθύμησαν. ἔσονται γὰρ ὡσ τερέβινθοσ ἀποβεβληκυῖα τὰ φύλλα καὶ ὡσ παράδεισοσ ὕδωρ μὴ ἔχων. καὶ ἔσται ἡ ἰσχὺσ αὐτῶν ὡσ καλάμη στιππύου καὶ αἱ ἐργασίαι αὐτῶν ὡσ σπινθῆρεσ πυρόσ, καὶ κατακαυθήσονται οἱ ἄνομοι καὶ οἱ ἁμαρτωλοὶ ἅμα, καὶ οὐκ ἔσται ὁ σβέσων.

목록

일치하는 문장이 없습니다.

SEARCH

MENU NAVIGATION