헬라어 문장 검색 - Σεπτύ043́001́

(70인역 성경, 이사야서 1:)

ΟΡΑΣΙΣ, ἣν εἶδεν Ἡσαί̈ασ υἱὸσ Ἀμώσ, ἣν εἶδε κατὰ τῆσ Ἰουδαίασ καὶ κατὰ Ἱερουσαλὴμ ἐν βασιλεία Ὀζίου καὶ Ἰωάθαμ καὶ Ἄχαζ καὶ Ἐζεκίου, οἵ ἐβασίλευσαν τῆσ Ἰουδαίασ. Ἄκουε οὐρανὲ καὶ ἐνωτίζου γῆ, ὅτι Κύριοσ ἐλάλησεν. υἱοὺσ ἐγέννησα καὶ ὕψωσα, αὐτοὶ δέ με ἠθέτησαν. ἔγνω βοῦσ τὸν κτησάμενον καὶ ὄνοσ τὴν φάτνην τοῦ κυρίου αὐτοῦ. Ἰσραὴλ δέ με οὐκ ἔγνω καὶ ὁ λαόσ με οὐ συνῆκεν. οὐαὶ ἔθνοσ ἁμαρτωλόν, λαὸσ πλήρησ ἁμαρτιῶν, σπέρμα πονηρόν, υἱοὶ ἄνομοι. ἐγκατελίπατε τὸν Κύριον καὶ παρωργίσατε τὸν ἅγιον τοῦ Ἰσραήλ. τί ἔτι πληγῆτε προστιθέντεσ ἀνομίαν̣ πᾶσα κεφαλὴ εἰσ πόνον καὶ πᾶσα καρδία εἰσ λύπην. ἀπὸ ποδῶν ἕωσ κεφαλῆσ οὐκ ἔστιν ἐν αὐτῷ ὁλοκληρία, οὔτε τραῦμα οὔτε μώλωψ οὔτε πληγὴ φλεγμαίνουσα. οὐκ ἔστιν μάλαγμα ἐπιθῆναι οὔτε ἔλαιον οὔτε καταδέσμουσ. ἡ γῆ ὑμῶν ἔρημοσ, αἱ πόλεισ ὑμῶν πυρίκαυστοι. τὴν χώραν ὑμῶν ἐνώπιον ὑμῶν ἀλλότριοι κατεσθίουσι αὐτήν, καὶ ἠρήμωται κατεστραμμένη ὑπὸ λαῶν ἀλλοτρίων. ἐγκαταλειφθήσεται ἡ θυγάτηρ Σιὼν ὡσ σκηνὴ ἐν ἀμπελῶνι καὶ ὡσ ὀπωροφυλάκιον ἐν σικυηράτῳ, ὡσ πόλισ πολιορκουμένη. καὶ εἰ μὴ Κύριοσ σαβαὼθ ἐγκατέλιπεν ἡμῖν σπέρμα, ὡσ Σόδομα ἂν ἐγενήθημεν καὶ ὡσ Γόμορρα ἂν ὡμοιώθημεν. ‐ Ἀκούσατε λόγον Κυρίου, ἄρχοντεσ Σοδόμων. προσέχετε νόμον Θεοῦ λαὸσ Γομόρρασ. τί μοι πλῆθοσ τῶν θυσιῶν ὑμῶν̣ λέγει Κύριοσ. πλήρησ εἰμὶ ὁλοκαυτωμάτων κριῶν, καὶ στέαρ ἀρνῶν καὶ αἷμα ταύρων καὶ τράγων οὐ βούλομαι, οὐδὲ ἂν ἔρχησθε ὀφθῆναι μοι. τίσ γὰρ ἐξεζήτησε ταῦτα ἐκ τῶν χειρῶν ὑμῶν̣ πατεῖν τὴν αὐλήν μου οὐ προσθήσεσθαι. ἐὰν φέρητε σεμίδαλιν, μάταιον. θυμίαμα, βδέλυγμά μοί ἐστι. τὰσ νουμηνίασ ὑμῶν καὶ τὰ σάββατα καὶ ἡμέραν μεγάλην οὐκ ἀνέχομαι. νηστείαν καὶ ἀργίαν καὶ τὰσ νουμηνίασ ὑμῶν καὶ τὰσ ἑορτὰσ ὑμῶν μισεῖ ἡ ψυχή μου. ἐγενήθητέ μοι εἰσ πλησμονήν, οὐκέτι ἀνήσω τὰσ ἁμαρτίασ ὑμῶν. ὅταν ἐκτείνητε τὰσ χεῖρασ ὑμῶν πρόσ με, ἀποστρέψω τοὺσ ὀφθαλμούσ μου ἀφ̓ ὑμῶν, καὶ ἐὰν πληθύνητε τὴν δέησιν, οὐκ εἰσακούσομαι ὑμῶν. αἱ γὰρ χεῖρεσ ὑμῶν αἵματοσ πλήρεισ. λούσασθε καὶ καθαροὶ γίνεσθε, ἀφέλετε τὰσ πονηρίασ ἀπὸ τῶν ψυχῶν ὑμῶν ἀπέναντι τῶν ὀφθαλμῶν μου, παύσασθε ἀπὸ τῶν πονηριῶν ὑμῶν, μάθετε καλὸν ποιεῖν, ἐκζητήσατε κρίσιν, ρύσασθε ἀδικούμενον, κρίνατε ὀρφανῷ καὶ δικαιώσατε χήραν. καὶ δεῦτε διαλεχθῶμεν, λέγει Κύριοσ. καὶ ἐὰν ὦσιν αἱ ἁμαρτίαι ὑμῶν ὡσ φοινικοῦν, ὡσ χιόνα λευκανῶ, ἐὰν δὲ ὦσιν ὡσ κόκκινον, ὡσ ἔριον λευκανῶ. καὶ ἐὰν θέλητε καὶ εἰσακούσητέ μου, τὰ ἀγαθὰ τῆσ γῆσ φάγεσθε. ἐὰν δὲ μὴ θέλητε, μηδὲ εἰσακούσητέ μου, μάχαιρα ὑμᾶσ κατέδεται. τὸ γὰρ στόμα Κυρίου ἐλάλησε ταῦτα. Πῶσ ἐγένετο πόρνη πόλισ πιστὴ Σιών, πλήρησ κρίσεωσ, ἐν ᾗ δικαιοσύνη ἐκοιμήθη ἐν αὐτῇ, νῦν δὲ φονευταί. τὸ ἀργύριον ὑμῶν ἀδόκιμον. οἱ κάπηλοί σου μίσγουσι τὸν οἶνον ὕδατι. οἱ ἄρχοντέσ σου ἀπειθοῦσι, κοινωνοὶ κλεπτῶν ἀγαπῶντεσ δῶρα, διώκοντεσ ἀνταπόδομα, ὀρφανοῖσ οὐ κρίνοντεσ καὶ κρίσιν χηρῶν οὐ προσέχοντεσ. διὰ τοῦτο τάδε λέγει Κύριοσ ὁ δεσπότησ σαβαώθ, ὁ δυνάστησ τοῦ Ἰσραήλ. οὐαὶ τοῖσ ἰσχύουσιν ἐν Ἱερουσαλήμ. οὐ παύσεται γάρ μου ὁ θυμὸσ ἐν τοῖσ ὑπεναντίοισ, καὶ κρίσιν ἐκ τῶν ἐχθρῶν μου ποιήσω. καὶ ἐπάξω τὴν χεῖρά μου ἐπὶ σὲ καὶ πυρώσω σε εἰσ καθαρόν, τοὺσ δὲ ἀπειθοῦντασ ἀπολέσω καὶ ἀφελῶ πάντασ ἀνόμουσ ἀπὸ σοῦ καὶ πάντασ ὑπηφάνουσ ταπεινώσω. καὶ ἐπιστήσω τοὺσ κριτάσ σου ὡσ τὸ πρότερον καὶ τοὺσ συμβούλουσ σου ὡσ τὸ ἀπ̓ ἀρχῆσ. καὶ μετὰ ταῦτα κληθήσῃ πόλισ δικαιοσύνησ, μητρόπολισ πιστὴ Σιών. μετὰ γὰρ κρίματοσ σωθήσεται ἡ αἰχμαλωσία αὐτῆσ καὶ μετὰ ἐλεημοσύνησ. καὶ συντριβήσονται οἱ ἄνομοι καὶ οἱ ἁμαρτωλοὶ ἅμα, καὶ οἱ ἐγκαταλιπόντεσ τὸν Κύριον συντελεσθήσονται. διότι αἰσχυνθήσονται ἐν τοῖσ εἰδώλοισ αὐτῶν, ἃ αὐτοὶ ἠβούλοντο, καὶ ἐπαισχυνθήσονται ἐπὶ τοῖσ κήποισ αὐτῶν, ἃ ἐπεθύμησαν. ἔσονται γὰρ ὡσ τερέβινθοσ ἀποβεβληκυῖα τὰ φύλλα καὶ ὡσ παράδεισοσ ὕδωρ μὴ ἔχων. καὶ ἔσται ἡ ἰσχὺσ αὐτῶν ὡσ καλάμη στιππύου καὶ αἱ ἐργασίαι αὐτῶν ὡσ σπινθῆρεσ πυρόσ, καὶ κατακαυθήσονται οἱ ἄνομοι καὶ οἱ ἁμαρτωλοὶ ἅμα, καὶ οὐκ ἔσται ὁ σβέσων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber Isaiae 1:

(70인역 성경, 이사야서 1:)

목록

SEARCH

MENU NAVIGATION