헬라어 문장 검색 - Σεπτύ040́

(70인역 성경, 하까이서)

ΕΝ τῷ δευτέρῳ ἔτει ἐπὶ Δαρείου τοῦ βασιλέωσ, ἐν τῷ μηνὶ τῷ ἕκτῳ, μιᾷ τοῦ μηνόσ, ἐγένετο λόγοσ Κυρίου ἐν χειρὶ Ἀγγαίου τοῦ προφήτου λέγων. εἰπὸν πρὸσ Ζοροβάβελ τὸν τοῦ Σαλαθιὴλ ἐκ φυλῆσ Ἰούδα καὶ πρὸσ Ἰησοῦν τὸν τοῦ Ἰωσεδὲκ τὸν ἱερέα τὸν μέγαν λέγων. τάδε λέγει Κύριοσ παντοκράτωρ λέγων. ὁ λαὸσ οὗτοσ λέγουσιν. οὐχ ἥκει ὁ καιρὸσ τοῦ οἰκοδομῆσαι τὸν οἶκον Κυρίου. καὶ ἐγένετο λόγοσ Κυρίου ἐν χειρὶ Ἀγγαίου τοῦ προφήτου λέγων. εἰ καιρὸσ μὲν ὑμῖν ἐστι τοῦ οἰκεῖν ἐν οἴκοισ ὑμῶν κοιλοστάθμοισ, ὁ δὲ οἶκοσ οὗτοσ ἐξηρήμωται̣ καὶ νῦν τάδε λέγει Κύριοσ παντοκράτωρ. τάξατε δὴ καρδίασ ὑμῶν εἰσ τὰσ ὁδούσ ὑμῶν. ἐσπείρατε πολλὰ καὶ εἰσηνέγκατε ὀλίγα, ἐφάγετε καὶ οὐκ εἰσ πλησμονήν, ἐπίετε καὶ οὐκ εἰσ μέθην, περιεβάλεσθε καὶ οὐκ ἐθερμάνθητε ἐν αὐτοῖσ, καὶ ὁ τοὺσ μισθοὺσ συνάγων συνήγαγεν εἰσ δεσμὸν τετρυπημένον. τάδε λέγει Κύριοσ παντοκράτωρ. θέσθε τὰσ καρδίασ ὑμῶν εἰσ τὰσ ὁδοὺσ ὑμῶν. ἀνάβητε εἰσ τὸ ὄροσ καὶ κόψατε ξύλα καὶ οἰκοδομήσατε τὸν οἶκον, καὶ εὐδοκήσω ἐν αὐτῷ καὶ ἐνδοξασθήσομαι, εἶπε Κύριοσ. ἐπεβλέψατε εἰσ πολλά, καὶ ἐγένετο ὀλίγα. καὶ εἰσηνέχθη εἰσ τὸν οἶκον, καὶ ἐξεφύσησα αὐτά. διὰ τοῦτο τάδε λέγει Κύριοσ παντοκράτωρ. ἀνθ̓ ὧν ὁ οἶκόσ μού ἐστιν ἔρημοσ, ὑμεῖσ δὲ διώκετε ἕκαστοσ εἰσ τὸν οἶκον αὐτοῦ, διὰ τοῦτο ἀνέξει ὁ οὐρανὸσ ἀπὸ δρόσου, καὶ ἡ γῆ ὑποστελεῖται τὰ ἐκφόρια αὐτῆσ. καὶ ἐπάξω ρομφαίαν ἐπὶ τὴν γῆν καὶ ἐπὶ τὰ ὄρη καὶ ἐπὶ τὸν σῖτον καὶ ἐπὶ τὸν οἶνον καὶ ἐπὶ τὸ ἔλαιον καὶ ὅσα ἐκφέρει ἡ γῆ καὶ ἐπὶ τοὺσ ἀνθρώπουσ καὶ ἐπὶ τὰ κτήνη καὶ ἐπὶ πάντασ τοὺσ πόνουσ τῶν χειρῶν αὐτῶν. καὶ ἤκουσε Ζοροβάβελ ὁ τοῦ Σαλαθιὴλ ἐκ φυλῆσ Ἰούδα καὶ Ἰησοῦσ ὁ τοῦ Ἰωσεδὲκ ὁ ἱερεὺσ ὁ μέγασ καὶ πάντεσ οἱ κατάλοιποι τοῦ λαοῦ τῆσ φωνῆσ Κυρίου τοῦ Θεοῦ αὐτῶν καὶ τῶν λόγων τοῦ Ἀγγαίου τοῦ προφήτου, καθότι ἐξαπέστειλεν αὐτὸν Κύριοσ ὁ Θεὸσ αὐτῶν πρὸσ αὐτούσ, καὶ ἐφοβήθη ὁ λαὸσ ἀπὸ προσώπου Κυρίου. καὶ εἶπεν Ἀγγαῖοσ ἄγγελοσ Κυρίου ἐν ἀγγέλοισ Κυρίου τῷ λαῷ. ἐγώ εἰμι μεθ̓ ὑμῶν, λέγει Κύριοσ. καὶ ἐξήγειρε Κύριοσ τὸ πνεῦμα Ζοροβάβελ τοῦ Σαλαθιὴλ ἐκ φυλῆσ Ἰούδα καὶ τὸ πνεῦμα Ἰησοῦ τοῦ Ἰωσεδὲκ τοῦ ἱερέωσ τοῦ μεγάλου καὶ τὸ πνεῦμα τῶν καταλοίπων παντὸσ τοῦ λαοῦ, καὶ εἰσῆλθον καὶ ἐποίουν ἔργα ἐν τῷ οἴκῳ Κυρίου παντοκράτοροσ Θεοῦ αὐτῶν τῇ τετράδι καὶ εἰκάδι τοῦ μηνὸσ τοῦ ἕκτου, τῷ δευτέρῳ ἔτει, ἐπὶ Δαρείου τοῦ βασιλέωσ. Τῼ μηνὶ τῷ ἑβδόμῳ, μιᾷ καὶ εἰκάδι τοῦ μηνόσ, ἐλάλησε Κύριοσ ἐν χειρὶ Ἀγγαίου τοῦ προφήτου λέγων.

εἰπὸν δὴ πρὸσ Ζοροβάβελ τὸν τοῦ Σαλαθιὴλ ἐκ φυλῆσ Ἰούδα καὶ πρὸσ Ἰησοῦν τοῦ Ἰωσεδὲκ τὸν ἱερέα τὸν μέγαν καὶ πρὸσ πάντασ τοὺσ καταλοίπουσ τοῦ λαοῦ λέγων. τίσ ἐξ ὑμῶν, ὃσ εἶδε τὸν οἶκον τοῦτον ἐν τῇ δόξῃ αὐτοῦ τῇ ἔμπροσθεν̣ καὶ πῶσ ὑμεῖσ βλέπετε αὐτὸν νῦν καθὼσ οὐχ ὑπάρχοντα ἐνώπιον ὑμῶν̣ καὶ νῦν κατίσχυε, Ζοροβάβελ, λέγει Κύριοσ, καὶ κατίσχυε, Ἰησοῦ ὁ τοῦ Ἰωσεδὲκ ὁ ἱερεὺσ ὁ μέγασ, καὶ κατισχυέτω πᾶσ ὁ λαὸσ τῆσ γῆσ, λέγει Κύριοσ, καὶ ποιεῖτε. διότι μεθ̓ ὑμῶν ἐγώ εἰμι, λέγει Κύριοσ ὁ παντοκράτωρ, καὶ τὸ πνεῦμά μου ἐφέστηκεν ἐν μέσῳ ὑμῶν. θαρσεῖτε, διότι τάδε λέγει Κύριοσ παντοκράτωρ. ἔτι ἅπαξ ἐγὼ σείσω τὸν οὐρανὸν καὶ τὴν γῆν καὶ τὴν θάλασσαν καὶ τὴν ξηράν. καὶ συσσείσω πάντα τὰ ἔθνη, καὶ ἥξει τὰ ἐκλεκτὰ πάντων τῶν ἐθνῶν, καὶ πλήσω τὸν οἶκον τοῦτον δόξησ, λέγει Κύριοσ παντοκράτωρ. ἐμὸν τὸ ἀργύριον καὶ ἐμὸν τὸ χρυσίον, λέγει Κύριοσ παντοκράτωρ. διότι μεγάλη ἔσται ἡ δόξα τοῦ οἴκου τούτου ἡ ἐσχάτη ὑπὲρ τὴν πρώτην, λέγει Κύριοσ παντοκράτωρ. καὶ ἐν τῷ τόπῳ τούτῳ δώσω εἰρήνην, λέγει Κύριοσ παντοκράτωρ, καὶ εἰρήνην ψυχῆσ εἰσ περιποίησιν παντὶ τῷ κτίζοντι τοῦ ἀναστῆσαι τὸν ναὸν τοῦτον. ‐ Τετράδι καὶ εἰκάδι τοῦ ἐνάτου μηνόσ, ἔτουσ δευτέρου, ἐπὶ Δαρείου, ἐγένετο λόγοσ Κυρίου πρὸσ Ἀγγαῖον τὸν προφήτην λέγων. τάδε λέγει Κύριοσ παντοκράτωρ. ἐπερώτησον δὴ τοὺσ ἱερεῖσ νόμον λέγων. ἐὰν λάβῃ ἄνθρωποσ κρέασ ἅγιον ἐν τῷ ἄκρῳ τοῦ ἱματίου αὐτοῦ καὶ ἅψηται τὸ ἄκρον τοῦ ἱματίου αὐτοῦ ἄρτου ἢ ἑψήματοσ ἢ οἴνου ἢ ἐλαίου ἢ παντὸσ βρώματοσ, εἰ ἁγιασθήσεται̣ καὶ ἀπεκρίθησαν οἱ ἱερεῖσ καὶ εἶπαν. οὔ. καὶ εἶπεν Ἀγγαῖοσ. ἐὰν ἅψηται μεμιασμένοσ ἀκάθαρτοσ ἐπὶ ψυχῇ ἐπὶ παντὸσ τούτων, εἰ μιανθήσεται̣ καὶ ἀπεκρίθησαν οἱ ἱερεῖσ καὶ εἶπαν. μιανθήσεται. καὶ ἀπεκρίθη Ἀγγαῖοσ καὶ εἶπεν. οὕτωσ ὁ λαὸσ οὗτοσ καὶ οὕτωσ τὸ ἔθνοσ τοῦτο ἐνώπιον ἐμοῦ, λέγει Κύριοσ, καὶ οὕτωσ πάντα τὰ ἔργα τῶν χειρῶν αὐτῶν, καὶ ὃσ ἐὰν ἐγγίσῃ ἐκεῖ, μιανθήσεται ἕνεκεν τῶν λημμάτων αὐτῶν τῶν ὀρθρινῶν, ὀδυνηθήσονται ἀπὸ προσώπου πόνων αὐτῶν. καὶ ἐμισεῖτε ἐν πύλαισ ἐλέγχοντας καὶ νῦν θέσθε δὴ εἰσ τὰσ καρδίασ ὑμῶν ἀπὸ τῆσ ἡμέρασ ταύτησ καὶ ὑπεράνω πρὸ τοῦ θεῖναι λίθον ἐπὶ λίθον ἐν τῷ ναῷ Κυρίου, τίνεσ ᾖτε, ὅτε ἐνεβάλλετε εἰσ κυψέλην κριθῆσ εἴκοσι σάτα, καὶ ἐγένοντο κριθῆσ δέκα σάτα. καὶ εἰσεπορεύεσθε εἰσ τὸ ὑπολήνιον ἐξαντλῆσαι πεντήκοντα μετρητάσ, καὶ ἐγένοντο εἴκοσι. ἐπάταξα ὑμᾶσ ἐν ἀφορίᾳ καὶ ἐν ἀνεμοφθορίᾳ καὶ ἐν χαλάζῃ πάντα τὰ ἔργα τῶν χειρῶν ὑμῶν, καὶ οὐκ ἐπεστρέψατε πρόσ με, λέγει Κύριοσ. ὑποτάξατε δὴ τὰσ καρδίασ ὑμῶν ἀπὸ τῆσ ἡμέρασ ταύτησ καὶ ἐπέκεινα. ἀπὸ τῆσ τετράδοσ καὶ εἰκάδοσ τοῦ ἐνάτου μηνὸσ καὶ ἀπὸ τῆσ ἡμέρασ, ἧσ τεθεμελίωται ὁ ναὸσ Κυρίου. θέσθε ἐν ταῖσ καρδίαισ ὑμῶν, εἰ ἔτι ἐπιγνωσθήσεται ἐπὶ τῆσ ἅλω καὶ εἰ ἔτι ἡ ἄμπελοσ καὶ ἡ συκῆ καὶ ἡ ροὰ καὶ τὰ ξύλα τῆσ ἐλαίασ τὰ οὐ φέροντα καρπόν, ἀπὸ τῆσ ἡμέρασ ταύτησ εὐλογήσω. ‐ Καὶ ἐγένετο λόγοσ Κυρίου ἐκ δευτέρου πρὸσ Ἀγγαῖον τὸν προφήτην τετράδι καὶ εἰκάδι τοῦ μηνὸσ λέγων. εἰπὸν πρὸσ Ζοροβάβελ τὸν τοῦ Σαλαθιὴλ ἐκ φυλῆσ Ἰούδα λέγων. ἐγὼ σείω τὸν οὐρανὸν καὶ τὴν γῆν καὶ τὴν θάλασσαν καὶ τὴν ξηρὰν καὶ καταστρέψω θρόνουσ βασιλέων καὶ ὀλοθρεύσω δύναμιν βασιλέων τῶν ἐθνῶν καὶ καταστρέψω ἅρματα καὶ ἀναβάτασ, καὶ καταβήσονται ἵπποι καὶ ἀναβάται αὐτῶν, ἕκαστοσ ἐν ρομφαίᾳ πρὸσ τὸν ἀδελφὸν αὐτοῦ. ἐν τῇ ἡμέρᾳ ἐκείνῃ, λέγει Κύριοσ παντοκράτωρ, λήψομαί σε Ζοροβάβελ τὸν τοῦ Σαλαθιήλ, τὸν δοῦλόν μου, λέγει Κύριοσ, καὶ θήσομαί σε ὡσ σφραγῖδα, διότι σὲ ᾑρέτισα, λέγει Κύριοσ παντοκράτωρ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Prophetia Aggaei

(70인역 성경, 하까이서)

목록

SEARCH

MENU NAVIGATION