헬라어 문장 검색 - Σεπτύ039́

(70인역 성경, 스바니야서)

ΛΟΓΟΣ Κυρίου, ὃσ ἐγενήθη πρὸσ Σοφονίαν τὸν τοῦ Χουσί, υἱὸν Γοδολίου, τοῦ Ἀμορίου, τοῦ Ἐζεκίου, ἐν ἡμέραισ Ἰωσίου υἱοῦ Ἀμὼν βασιλέωσ Ἰούδα. ‐ Ἐκλείψει ἐκλιπέτω ἀπὸ προσώπου τῆσ γῆσ, λέγει Κύριοσ, ἐκλιπέτω ἄνθρωποσ καὶ κτήνη, ἐκλιπέτω τὰ πετεινὰ τοῦ οὐρανοῦ καὶ οἱ ἰχθύεσ τῆσ θαλάσσησ, καὶ ἀσθενήσουσιν οἱ ἀσεβεῖσ καὶ ἐξαρῶ τοὺσ ἀνόμουσ ἀπὸ προσώπου τῆσ γῆσ, λέγει Κύριοσ. καί ἐκτενῶ τὴν χεῖρά μου ἐπὶ Ἰούδαν καὶ ἐπί πάντασ τοὺσ κατοικοῦντασ Ἱερουσαλὴμ καὶ ἐξαρῶ ἐκ τοῦ τόπου τούτου τὰ ὀνόματα τῆσ Βάαλ καὶ τὰ ὀνόματα τῶν ἱερέων καὶ τοὺσ προσκυνοῦντασ ἐπὶ τὰ δώματα τῇ στρατιᾷ τοῦ οὐρανοῦ καὶ τοὺσ ὀμνύοντασ κατὰ τοῦ Κυρίου καὶ τοὺσ ὀμνύοντασ κατὰ τοῦ βασιλέωσ αὐτῶν καὶ τοὺσ ἐκκλίνοντασ ἀπὸ τοῦ Κυρίου καὶ τοὺσ μή ζητοῦντασ τὸν Κύριον καὶ τοὺσ μὴ ἀντεχομένουσ τοῦ Κυρίου. ‐ Εὐλαβεῖσθε ἀπὸ προσώπου Κυρίου τοῦ Θεοῦ, διότι ἐγγὺσ ἡμέρα τοῦ Κυρίου, ὅτι ἡτοίμακε Κύριοσ τὴν θυσίαν αὐτοῦ, καὶ ἡγίακε τοὺσ κλητοὺσ αὐτοῦ. καὶ ἔσται ἐν ἡμέρᾳ θυσίασ Κυρίου καὶ ἐκδικήσω ἐπὶ τοὺσ ἄρχοντασ καὶ ἐπὶ τὸν οἶκον τοῦ βασιλέωσ καὶ ἐπὶ πάντασ τοὺσ ἐνδεδυμένουσ ἐνδύματα ἀλλότρια. καὶ ἐκδικήσω ἐπὶ πάντασ ἐμφανῶσ ἐπὶ τὰ πρόπυλα ἐν ἐκείνῃ τῇ ἡμέρᾳ, τοὺσ πληροῦντασ τὸν οἶκον Κυρίου Θεοῦ αὐτῶν ἀσεβείασ καὶ δόλου. καὶ ἔσται ἐν τῇ ἡμέρᾳ ἐκείνῃ, λέγει Κύριοσ, φωνὴ κραυγῆσ ἀπὸ πύλησ ἀποκεντούντων καὶ ὀλολυγμὸσ ἀπὸ τῆσ δευτέρασ καὶ συντριμμὸσ μέγασ ἀπὸ τῶν βουνῶν. θρηνήσατε, οἱ κατοικοῦντεσ τὴν κατακεκομμένην, ὅτι ὡμοιώθη πᾶσ ὁ λαὸσ Χαναάν, ἐξωλοθρεύθησαν πάντεσ οἱ ἐπῃρμένοι ἀργυρίῳ. καὶ ἔσται ἐν τῇ ἡμέρᾳ ἐκείνῃ ἐξερευνήσω τὴν Ἱερουσαλὴμ μετὰ λύχνου καὶ ἐκδικήσω ἐπὶ τοὺσ ἄνδρασ τοὺσ καταφρονοῦντασ ἐπὶ τὰ φυλάγματα αὐτῶν. οἱ δὲ λέγοντεσ ἐν ταῖσ καρδίαισ αὐτῶν. οὐ μὴ ἀγαθοποιήσῃ Κύριοσ, οὐδ̓ οὐ μὴ κακώσῃ, καὶ ἔσται ἡ δύναμισ αὐτῶν εἰσ διαρπαγὴν καὶ οἱ οἶκοι αὐτῶν εἰσ ἀφανισμόν, καὶ οἰκοδομήσουσιν οἰκίασ καὶ οὐ μὴ κατοικήσουσιν ἐν αὐταῖσ καὶ καταφυτεύσουσιν ἀμπελῶνασ καὶ οὐ μὴ πίωσι τὸν οἶνον αὐτῶν. ‐ Ὅτι ἐγγὺσ ἡμέρα Κυρίου ἡ μεγάλη, ἐγγὺσ καὶ ταχεῖα σφόδρα. φωνὴ ἡμέρασ Κυρίου πικρὰ καὶ σκληρὰ τέτακται. δυνατὴ ἡμέρα ὀργῆσ ἡ ἡμέρα ἐκείνη, ἡμέρα θλίψεωσ καὶ ἀνάγκησ, ἡμέρα ἀωρίασ καὶ ἀφανισμοῦ, ἡμέρα γνόφου καὶ σκότουσ, ἡμέρα νεφέλησ καὶ ὁμίχλησ, ἡμέρα σάλπιγγοσ καὶ κραυγῆσ ἐπὶ τὰσ πόλεισ τὰσ ὀχυρὰσ καὶ ἐπὶ τὰσ γωνίασ τὰσ ὑψηλάσ. καὶ ἐκθλίψω τοὺσ ἀνθρώπουσ, καὶ πορεύσονται ὡσ τυφλοί, ὅτι τῷ Κυρίῳ ἐξήμαρτον. καὶ ἐκχεεῖ τὸ αἷμα αὐτῶν ὡσ χοῦν καὶ τὰσ σάρκασ αὐτῶν ὡσ βόλβιτα. καὶ τὸ ἀργύριον αὐτῶν καὶ τὸ χρυσίον αὐτῶν οὐ μὴ δύνηται ἐξελέσθαι αὐτοὺσ ἐν ἡμέρᾳ ὀργῆσ Κυρίου, καὶ ἐν πυρὶ ζήλου αὐτοῦ καταναλωθήσεται πᾶσα ἡ γῆ, διότι συντέλειαν καὶ σπουδὴν ποιήσει ἐπὶ πάντασ τοὺσ κατοικοῦντασ τὴν γῆν. ΣΥΝΑΧΘΗΤΕ καὶ συνδέθητε, τὸ ἔθνοσ τὸ ἀπαίδευτον,

πρὸ τοῦ γενέσθαι ὑμᾶσ ὡσ ἄνθοσ παραπορευόμενον, πρὸ τοῦ ἐπελθεῖν ἐφ̓ ὑμᾶσ ὀργὴν Κυρίου, πρὸ τοῦ ἐπελθεῖν ἐφ̓ ὑμᾶσ ἡμέραν θυμοῦ Κυρίου. ζητήσατε τὸν Κύριον, πάντεσ ταπεινοὶ γῆσ. κρίμα ἐργάζεσθε καὶ δικαιοσύνην ζητήσατε καὶ ἀποκρίνασθε αὐτά, ὅπωσ σκεπασθῆτε ἐν ἡμέρᾳ ὀργῆσ Κυρίου. διότι Γάζα διηρπασμένη ἔσται, καὶ Ἀσκάλων εἰσ ἀφανισμόν, καὶ Ἄζωτοσ μεσημβρίασ ἐκριφήσεται, καὶ Ἀκκαρὼν ἐκριζωθήσεται. οὐαὶ οἱ κατοικοῦντεσ τὸ σχοίνισμα τῆσ θαλάσσησ, πάροικοι Κρητῶν. λόγοσ Κυρίου ἐφ̓ ὑμᾶσ, Χαναὰν γῆ ἀλλοφύλων, καὶ ἀπολῶ ὑμᾶσ ἐκ κατοικίασ. καὶ ἔσται Κρήτη νομὴ ποιμνίων καὶ μάνδρα προβάτων. καὶ ἔσται τὸ σχοίνισμα τῆσ θαλάσσησ τοῖσ καταλοίποισ οἴκου Ἰούδα. ἐπ̓ αὐτοὺσ νεμήσονται ἐν τοῖσ οἴκοισ Ἀσκάλωνοσ, δείλησ καταλύσουσιν ἀπὸ προσώπου υἱῶν Ἰούδα, ὅτι ἐπέσκεπται αὐτοὺσ Κύριοσ ὁ Θεὸσ αὐτῶν, καὶ ἀποστρέψει τὴν αἰχμαλωσίαν αὐτῶν. ‐ Ἤκουσα ὀνειδισμοὺσ Μωὰβ καὶ κονδυλισμοὺσ υἱῶν Ἀμμών, ἐν οἷσ ὠνείδιζον τὸν λαόν μου καὶ ἐμεγαλύνοντο ἐπὶ τὰ ὅριά μου. διὰ τοῦτο ζῶ ἐγώ, λέγει Κύριοσ τῶν δυνάμεων ὁ Θεὸσ Ἰσραήλ, διότι Μωὰβ ὡσ Σόδομα ἔσται καὶ υἱοὶ Ἀμμὼν ὡσ Γόμορρα, καὶ Δαμασκὸσ ἐκλελειμμένη ὡσ θιμωνία ἅλωνοσ καὶ ἠφανισμένη εἰσ τὸν αἰῶνα. καὶ οἱ κατάλοιποι λαοῦ μου διαρπῶνται αὐτοὺσ καὶ οἱ κατάλοιποι ἔθνουσ μου κληρονομήσουσιν αὐτούσ. αὕτη αὐτοῖσ ἀντὶ τῆσ ὕβρεωσ αὐτῶν, διότι ὠνείδισαν καὶ ἐμεγαλύνθησαν ἐπὶ τὸν Κύριον τὸν παντοκράτορα. ἐπιφανήσεται Κύριοσ ἐπ̓ αὐτοὺσ καὶ ἐξολοθρεύσει πάντασ τοὺσ θεοὺσ τῶν ἐθνῶν τῆσ γῆσ, καὶ προσκυνήσουσιν αὐτῷ ἕκαστοσ ἐκ τοῦ τόπου αὐτοῦ, πᾶσαι αἱ νῆσοι τῶν ἐθνῶν. ‐ Καὶ ὑμεῖσ, Αἰθίοπεσ, τραυματίαι ρομφαίασ μού ἐστε. καὶ ἐκτενεῖ τὴν χεῖρα αὐτοῦ ἐπὶ βορρᾶν καὶ ἀπολεῖ τὸν Ἀσσύριον καὶ θήσει τὴν Νινευὴ εἰσ ἀφανισμὸν ἄνυδρον ὡσ ἔρημον. καὶ νεμήσονται ἐν μέσῳ αὐτῆσ ποίμνια καὶ πάντα τὰ θηρία τῆσ γῆσ, καὶ χαμαιλέοντεσ καί ἐχῖνοι ἐν τοῖσ φατνώμασιν αὐτῆσ κοιτασθήσονται, καὶ θηρία φωνήσει ἐν τοῖσ διορύγμασιν αὐτῆσ καὶ κόρακεσ ἐν τοῖσ πυλῶσιν αὐτῆσ, διότι κέδροσ τὸ ἀνάστημα αὐτῆσ. αὕτη ἡ πόλισ ἡ φαυλίστρια ἡ κατοικοῦσα ἐπ̓ ἐλπίδι, ἡ λέγουσα ἐν καρδίᾳ αὐτῆσ. ἐγώ εἰμι, καὶ οὐκ ἔστι μετ̓ ἐμὲ ἔτι. πῶσ ἐγενήθη εἰσ ἀφανισμὸν νομὴ θηρίων. πᾶσ ὁ διαπορευόμενοσ δἰ αὐτῆσ συριεῖ καὶ κινήσει τὰσ χεῖρασ αὐτοῦ. Ω ἡ ἐπιφανὴσ καὶ ἀπολελυτρωμένη, ἡ πόλισ ἡ περιστερά.

οὐκ εἰσήκουσε φωνῆσ, οὐκ ἐδέξατο παιδείαν, ἐπὶ τῷ Κυρίῳ οὐκ ἐπεποίθει καὶ πρὸσ τὸν Θεὸν αὐτῆσ οὐκ ἤγγισεν. οἱ ἄρχοντεσ αὐτῆσ ἐν αὐτῇ ὡσ λέοντεσ ὠρυόμενοι. οἱ κριταὶ αὐτῆσ ὡσ λύκοι τῆσ Ἀραβίασ, οὐχ ὑπελίποντο εἰσ τὸ πρωί̈. οἱ προφῆται αὐτῆσ πνευματοφόροι, ἄνδρεσ καταφρονηταί. ἱερεῖσ αὐτῆσ βεβηλοῦσι τὰ ἅγια καὶ ἀσεβοῦσι νόμον. ὁ δὲ Κύριοσ δίκαιοσ ἐν μέσῳ αὐτῆσ καὶ οὐ μὴ ποιήσῃ ἄδικον. πρωί̈ πρωί̈ δώσει κρίμα αὐτοῦ εἰσ φῶσ καὶ οὐκ ἀπεκρύβη καὶ οὐκ ἔγνω ἀδικίαν ἐν ἀπαιτήσει καὶ οὐκ εἰσ νεῖκοσ ἀδικίαν. ἐν διαφθορᾷ κατέσπασα ὑπερηφάνουσ, ἠφανίσθησαν γωνίαι αὐτῶν. ἐξερημώσω τὰσ ὁδοὺσ αὐτῶν τὸ παράπαν τοῦ μὴ διοδεύειν. ἐξέλιπον αἱ πόλεισ αὐτῶν παρὰ τὸ μηδένα ὑπάρχειν μηδὲ κατοικεῖν. εἶπα. πλὴν φοβεῖσθέ με καὶ δέξασθε παιδείαν, καὶ οὐ μὴ ἐξολοθρευθῆτε ἐξ ὀφθαλμῶν αὐτῆσ, πάντα ὅσα ἐξεδίκησα ἐπ̓ αὐτήν. ἑτοιμάζου, ὄρθρισον, ἔφθαρται πᾶσα ἡ ἐπιφυλλὶσ αὐτῶν. ‐ Διὰ τοῦτο ὑπόμεινόν με, λέγει Κύριοσ, εἰσ ἡμέραν ἀναστάσεώσ μου εἰσ μαρτύριον. διότι τὸ κρίμα μου εἰσ συναγωγὰσ ἐθνῶν τοῦ εἰσδέξασθαι βασιλεῖσ, τοῦ ἐκχέαι ἐπ̓ αὐτοὺσ πᾶσαν ὀργὴν θυμοῦ μου. διότι ἐν πυρὶ ζήλου μου καταναλωθήσεται πᾶσα ἡ γῆ. ὅτι τότε μεταστρέψω ἐπὶ λαοὺσ γλῶσσαν εἰσ γενεὰν αὐτῆσ τοῦ ἐπικαλεῖσθαι πάντασ τὸ ὄνομα Κυρίου τοῦ δουλεύειν αὐτῷ ὑπὸ ζυγὸν ἕνα. ἐκ περάτων ποταμῶν Αἰθιοπίασ προσδέξομαι ἐν διεσπαρμένοισ μου, οἴσουσι θυσίασ μοι. ἐν τῇ ἡμέρᾳ ἐκείνῃ οὐ μὴ καταισχυνθῇσ ἐκ πάντων τῶν ἐπιτηδευμάτων σου, ὧν ἠσέβησασ εἰσ ἐμέ. ὅτι τότε περιελῶ ἀπὸ σοῦ τὰ φαυλίσματα τῆσ ὕβρεώσ σου, καὶ οὐκέτι μὴ προσθῇσ τοῦ μεγαλαυχῆσαι ἐπὶ τὸ ὄροσ τὸ ἅγιόν μου. καὶ ὑπολείψομαι ἐν σοὶ λαὸν πρᾳΰν καὶ ταπεινόν, καὶ εὐλαβηθήσονται ἀπὸ τοῦ ὀνόματοσ Κυρίου οἱ κατάλοιποι τοῦ Ἰσραὴλ καὶ οὐ ποιήσουσιν ἀδικίαν καὶ οὐ λαλήσουσι μάταια, καὶ οὐ μὴ εὑρεθῇ ἐν τῷ στόματι αὐτῶν γλῶσσα δολία, διότι αὐτοὶ νεμήσονται καὶ κοιτασθήσονται, καὶ οὐκ ἔσται ὁ ἐκφοβῶν αὐτούσ. ‐ Χαῖρε σφόδρα, θύγατερ Σιών, κήρυσσε, θύγατερ Ἱερουσαλήμ. εὐφραίνου καὶ κατατέρπου ἐξ ὅλησ τῆσ καρδίασ σου, θύγατερ Ἱερουσαλήμ. περιεῖλε Κύριοσ τὰ ἀδικήματά σου, λελύτρωταί σε ἐκ χειρὸσ ἐχθρῶν σου. βασιλεὺσ Ἰσραὴλ Κύριοσ ἐν μέσῳ σου, οὐκ ὄψῃ κακὰ οὐκέτι. ἐν τῷ καιρῷ ἐκείνῳ ἐρεῖ Κύριοσ τῇ Ἱερουσαλήμ. θάρσει, Σιών, μὴ παρείσθωσαν αἱ χεῖρέσ σου. Κύριοσ ὁ Θεόσ σου ἐν σοί, δύνατὸσ σώσει σε, ἐπάξει ἐπὶ σὲ εὐφροσύνην καὶ καινιεῖ σε ἐν τῇ ἀγαπήσει αὐτοῦ καὶ εὐφρανθήσεται ἐπὶ σὲ ἐν τέρψει ὡσ ἐν ἡμέρᾳ ἑορτῆσ. καὶ συνάξω τοὺσ συντετριμμένουσ σου. οὐαί, τίσ ἔλαβεν ἐπ̓ αὐτὴν ὀνειδισμόν̣ ἰδοὺ ἐγὼ ποιῶ ἐν σοὶ ἕνεκέν σου ἐν τῷ καιρῷ ἐκείνῳ, λέγει Κύριοσ, καὶ σώσω τὴν ἐκπεπιεσμένην, καὶ τὴν ἀπωσμένην εἰσδέξομαι, καὶ θήσομαι αὐτοὺσ εἰσ καύχημα καὶ ὀνομαστοὺσ ἐν πάσῃ τῇ γῇ. καὶ καταισχυνθήσονται ἐν τῷ καιρῷ ἐκείνῳ, ὅταν καλῶσ ὑμῖν ποιήσω, καὶ ἐν τῷ καιρῷ, ὅταν εἰσδέξωμαι ὑμᾶσ. διότι δώσω ὑμᾶσ ὀνομαστοὺσ καὶ εἰσ καύχημα ἐν πᾶσι τοῖσ λαοῖσ τῆσ γῆσ ἐν τῷ ἐπιστρέφειν με τήν αἰχμαλωσίαν ὑμῶν ἐνώπιον ὑμῶν, λέγει Κύριοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Prophetia Sophoniae

(70인역 성경, 스바니야서)

목록

SEARCH

MENU NAVIGATION