헬라어 문장 검색 - Σεπτύ032́

(70인역 성경, 아모스서)

ΛΟΓΟΙ Ἀμώσ, οἳ ἐγένοντο ἐν Ἀκκαρεὶμ ἐκ Θεκουέ, οὓσ εἶδεν ὑπὲρ Ἱερουσαλὴμ ἐν ἡμέραισ Ὀζίου βασιλέωσ Ἰούδα καὶ ἐν ἡμέραισ Ἱεροβοὰμ τοῦ Ἰωὰσ βασιλέωσ Ἰσραήλ, πρὸ δύο ἐτῶν τοῦ σεισμοῦ. Καὶ εἶπε. Κύριοσ ἐκ Σιὼν ἐφθέγξατο καὶ ἐξ Ἱερουσαλὴμ ἔδωκε φωνὴν αὐτοῦ, καὶ ἐπένθησαν αἱ νομαὶ τῶν ποιμένων, καὶ ἐξηράνθη ἡ κορυφὴ τοῦ Καρμήλου. ‐ Καὶ εἶπε Κύριοσ. ἐπὶ ταῖσ τρισὶν ἀσεβείαισ Δαμασκοῦ καὶ ἐπὶ ταῖσ τέσσαρσιν οὐκ ἀποστραφήσομαι αὐτόν, ἀνθ̓ ὧν ἔπριζον πρίοσι σιδηροῖσ τὰσ ἐν γαστρὶ ἐχούσασ τῶν ἐν Γαλαάδ. καὶ ἀποστελῶ πῦρ εἰσ τὸν οἶκον Ἀζαήλ, καὶ καταφάγεται τὰ θεμέλια υἱοῦ Ἄδερ. καὶ συντρίψω μοχλοὺσ Δαμασκοῦ καὶ ἐξολοθρεύσω κατοικοῦντασ ἐκ πεδίου Ὦν, καὶ κατακόψω φυλὴν ἐξ ἀνδρῶν Χαρράν, καὶ αἰχμαλωτευθήσεται λαὸσ Συρίασ ἐπίκλητοσ, λέγει Κύριοσ. ‐ Τάδε λέγει Κύριοσ. ἐπὶ ταῖσ τρισὶν ἀσεβείαισ Γάζησ καὶ ἐπὶ ταῖσ τέσσαρσιν οὐκ ἀποστραφήσομαι αὐτούσ, ἕνεκεν τοῦ αἰχμαλωτεῦσαι αὐτοὺσ αἰχμαλωσίαν τοῦ Σαλωμὼν τοῦ συγκλεῖσαι εἰσ τὴν Ἰδουμαίαν. καὶ ἐξαποστελῶ πῦρ ἐπὶ τὰ τείχη Γάζησ, καὶ καταφάγεται τὰ θεμέλια αὐτῆσ. καὶ ἐξολοθρεύσω κατοικοῦντασ ἐξ Ἀζώτου, καὶ ἐξαρθήσεται φυλὴ ἐξ Ἀσκάλωνοσ, καὶ ἐπάξω τὴν χεῖρά μου ἐπὶ Ἀκκάρων, καὶ ἀπολοῦνται οἱ κατάλοιποι τῶν ἀλλοφύλων, λέγει Κύριοσ. ‐ Τάδε λέγει Κύριοσ. ἐπὶ ταῖσ τρισὶν ἀσεβείαισ Τύρου καὶ ἐπὶ ταῖσ τέσσαρσιν οὐκ ἀποστραφήσομαι αὐτήν, ἀνθ̓ ὧν συνέκλεισαν αἰχμαλωσίαν τοῦ Σαλωμὼν εἰσ τὴν Ἰδουμαίαν καὶ οὐκ ἐμνήσθησαν διαθήκησ ἀδελφῶν. καὶ ἐξαποστελῶ πῦρ ἐπὶ τὰ τείχη Τύρου, καὶ καταφάγεται τὰ θεμέλια αὐτῆσ. ‐ Τάδε λέγει Κύριοσ. ἐπὶ ταῖσ τρισὶν ἀσεβείαισ τῆσ Ἰδουμαίασ καὶ ἐπὶ ταῖσ τέσσαρσιν οὐκ ἀποστραφήσομαι αὐτούσ, ἕνεκα τοῦ διῶξαι αὐτοὺσ ἐν ρομφαίᾳ τὸν ἀδελφὸν αὐτοῦ καὶ ἐλυμήνατο μητέρα ἐπὶ γῆσ καὶ ἥρπασεν εἰσ μαρτύριον φρίκην αὐτοῦ καὶ τὸ ὅρμημα αὐτοῦ ἐφύλαξεν εἰσ νῖκοσ. καὶ ἐξαποστελῶ πῦρ εἰσ Θαμάν, καὶ καταφάγεται θεμέλια τειχέων αὐτῆσ. ‐ Τάδε λέγει Κύριοσ. ἐπὶ ταῖσ τρισὶν ἀσεβείαισ υἱῶν Ἀμμὼν καὶ ἐπὶ ταῖσ τέσσαρσιν οὐκ ἀποστραφήσομαι αὐτόν, ἀνθ̓ ὧν ἀνέσχιζον τὰσ ἐν γαστρὶ ἐχούσασ τῶν Γαλααδιτῶν, ὅπωσ ἐμπλατύνωσι τὰ ὅρια αὐτῶν. καὶ ἀνάψω πῦρ ἐπὶ τείχη Ραββάθ, καὶ καταφάγεται θεμέλια αὐτῆσ μετὰ κραυγῆσ ἐν ἡμέρᾳ πολέμου, καὶ σεισθήσεται ἐν ἡμέραισ συντελείασ αὐτῆσ. καὶ πορεύσονται οἱ βασιλεῖσ αὐτῆσ ἐν αἰχμαλωσίᾳ, οἱ ἱερεῖσ αὐτῶν καὶ οἱ ἄρχοντεσ αὐτῶ ἐπὶ τὸ αὐτό, λέγει Κύριοσ. ΤΑΔΕ λέγει Κύριοσ. ἐπὶ ταῖσ τρισὶν ἀσεβείαισ Μωὰβ καὶ ἐπὶ ταῖσ τέσσαρσιν οὐκ ἀποστραφήσομαι αὐτόν, ἀνθ̓ ὧν κατέκαυσαν τὰ ὀστᾶ βασιλέωσ τῆσ Ἰδουμαίασ εἰσ κονίαν.

καὶ ἐξαποστελῶ πῦρ εἰσ Μωάβ, καὶ καταφάγεται τὰ θεμέλια τῶν πόλεων αὐτῆσ, καὶ ἀποθανεῖται ἐν ἀδυναμίᾳ Μωὰβ μετὰ κραυγῆσ καὶ μετὰ φωνῆσ σάλπιγγοσ. καὶ ἐξολοθρεύσω κριτὴν ἐξ αὐτῆσ, καὶ πάντασ αὐτῆσ ἀποκτενῶ μετ̓ αὐτοῦ, λέγει Κύριοσ. ‐ Τάδε λέγει Κύριοσ. ἐπὶ ταῖσ τρισίν ἀσεβείαισ υἱῶν Ἰούδα καὶ ἐπὶ ταῖσ τέσσαρσιν οὐκ ἀποστραφήσομαι αὐτόν, ἕνεκα τοῦ ἀπώσασθαι αὐτοὺσ τὸν νόμον τοῦ Κυρίου, καὶ τὰ προστάγματα αὐτοῦ οὐκ ἐφυλάξαντο, καὶ ἐπλάνησεν αὐτοὺσ τὰ μάταια αὐτῶν, ἃ ἐποίησαν, οἷσ ἐξηκολούθησαν οἱ πατέρεσ αὐτῶν ὀπίσω αὐτῶν. καὶ ἐξαποστελῶ πῦρ ἐπὶ Ἰούδαν, καὶ καταφάγεται θεμέλια Ἱερουσαλήμ. ‐ Τάδε λέγει Κύριοσ. ἐπὶ ταῖσ τρισὶν ἀσεβείαισ̓Ισραὴλ καὶ ἐπὶ ταῖσ τέσσαρσιν οὐκ ἀποστραφήσομαι αὐτόν, ἀνθ̓ ὧν ἀπέδοντο ἀργυρίου δίκαιον καὶ πένητα ἕνεκεν ὑποδημάτων, τὰ πατοῦντα ἐπὶ τὸν χοῦν τῆσ γῆσ καὶ ἐκονδύλιζον εἰσ κεφαλὰσ πτωχῶν καὶ ὁδὸν ταπεινῶν ἐξέκλιναν, καὶ υἱὸσ καὶ πατὴρ αὐτοῦ εἰσεπορεύοντο πρὸσ τὴν αὐτὴν παιδίσκην, ὅπωσ βεβηλῶσι τὸ ὄνομα τοῦ Θεοῦ αὐτῶν. καὶ τὰ ἱμάτια αὐτῶν δεσμεύοντεσ σχοινίοισ παραπετάσματα ἐποίουν ἐχόμενα τοῦ θυσιαστηρίου καὶ οἶνον ἐκ συκοφαντιῶν ἔπινον ἐν τῷ οἴκῳ τοῦ Θεοῦ αὐτῶν. ἐγὼ δὲ ἐξῇρα τὸν Ἀμορραῖον ἐκ προσώπου αὐτῶν, οὗ ἦν, καθὼσ ὕψοσ κέδρου τὸ ὕψοσ αὐτοῦ, καὶ ἰσχυρὸσ ἦν ὡσ δρῦσ, καὶ ἐξήρανα τὸν καρπὸν αὐτοῦ ἐπάνωθεν καὶ τὰσ ρίζασ αὐτοῦ ὑποκάτωθεν. καὶ ἐγὼ ἀνήγαγον ὑμᾶσ ἐκ γῆσ Αἰγύπτου καὶ περιήγαγον ὑμᾶσ ἐν τῇ ἐρήμῳ τεσσαράκοντα ἔτη τοῦ κατακληρονομῆσαι τὴν γῆν τῶν Ἀμορραίων. καὶ ἔλαβον ἐκ τῶν υἱῶν ὑμῶν εἰσ προφήτασ καὶ ἐκ τῶν νεανίσκων ὑμῶν εἰσ ἁγιασμόν. μὴ οὐκ ἔστι ταῦτα υἱοὶ Ἰσραήλ̣ λέγει Κύριοσ. καὶ ἐποτίζετε τοὺσ ἡγιασμένουσ οἶνον καὶ τοῖσ προφήταισ ἐνετέλλεσθε λέγοντεσ. οὐ μὴ προφητεύσητε. διὰ τοῦτο ἰδοὺ ἐγὼ κυλίω ὑποκάτω ὑμῶν, ὃν τρόπον κυλίεται ἡ ἅμαξα ἡ γέμουσα καλάμησ. καὶ ἀπολεῖται φυγὴ ἐκ δρομέωσ, καὶ ὁ κραταιὸσ οὐ μὴ κρατήσῃ τῆσ ἰσχύοσ αὐτοῦ, καὶ ὁ μαχητὴσ οὐ μὴ σώσῃ τὴν ψυχὴν αὐτοῦ, καὶ ὁ τοξότησ οὐ μὴ ὑποστῇ, καὶ ὁ ὀξὺσ τοῖσ ποσὶν αὐτοῦ οὐ μὴ διασωθῇ καὶ ὁ ἱππεὺσ οὐ μὴ σώσῃ τὴν ψυχὴν αὐτοῦ καὶ ὁ κραταιὸσ οὐ μὴ εὑρήσει τὴν καρδίαν αὐτοῦ ἐν δυναστείαισ. ὁ γυμνὸσ διώξεται ἐν ἐκείνῃ τῇ ἡμέρᾳ, λέγει Κύριοσ. ΑΚΟΥΣΑΤΕ τὸν λόγον τοῦτον, ὃν ἐλάλησε Κύριοσ ἐφ̓ ὑμᾶσ, οἶκοσ Ἰσραήλ, καὶ κατὰ πάσησ φυλῆσ, ἧσ ἀνήγαγον ἐκ γῆσ Αἰγύπτου, λέγων.

πλὴν ὑμᾶσ ἔγνων ἐκ πασῶν τῶν φυλῶν τῆσ γῆσ. διὰ τοῦτο ἐκδικήσω ἐφ̓ ὑμᾶσ πάσασ τὰσ ἁμαρτίασ ὑμῶν. εἰ πορεύσονται δύο ἐπὶ τὸ αὐτὸ καθόλου, ἐὰν μὴ γνωρίσωσιν ἑαυτούσ̣ εἰ ἐρεύξεται λέων ἐκ τοῦ δρυμοῦ αὐτοῦ θήραν οὐκ ἔχων̣ εἰ δώσει σκύμνοσ φωνὴν αὐτοῦ ἐκ τῆσ μάνδρασ αὐτοῦ καθόλου, ἐὰν μὴ ἁρπάσῃ τι̣ εἰ πεσεῖται ὄρνεον ἐπὶ γῆσ γῆσ ἄνευ ἰξευτοῦ̣ εἰ σχασθήσεται παγὶσ ἐπὶ τῆσ γῆσ ἄνευ τοῦ συλλαβεῖν τί̣ εἰ φωνήσει σάλπιγξ ἐν πόλει, καὶ λαὸσ οὐ πτοηθήσεται̣ εἰ ἔσται κακία ἐν πόλει, ἣν Κύριοσ οὐκ ἐποίησε̣ διότι οὐ μὴ ποιήσῃ Κύριοσ ὁ Θεὸσ πρᾶγμα, ἐὰν μὴ ἀποικαλύψῃ παιδείαν αὐτοῦ πρὸσ τοὺσ δούλουσ αὐτοῦ τοὺσ προφήτασ. λέων ἐρεύξεται, καὶ τίσ οὐ φοβηθήσεται̣ Κύριοσ ὁ Θεὸσ ἐλάλησε, καὶ τίσ οὐ προφητεύσει̣ ‐ Ἀπαγγείλατε χώραισ ἐν Ἀσσυρίοισ καὶ ἐπὶ τὰσ χώρασ τῆσ Αἰγύπτου καὶ εἴπατε. συνάχθητε ἐπὶ τὸ ὄροσ Σαμαρείασ καὶ ἴδετε θαυμαστὰ πολλὰ ἐν μέσῳ αὐτῆσ καὶ καταδυναστείαν τὴν ἐν αὐτῇ. καὶ οὐκ ἔγνω ἃ ἔσται ἐναντίον αὐτῆσ, λέγει Κύριοσ, οἱ θησαυρίζοντεσ ἀδικίαν καὶ ταλαιπωρίαν ἐν ταῖσ χώραισ αὐτῶν. διὰ τοῦτο τάδε λέγει Κύριοσ ὁ Θεόσ. Τύροσ, κυκλόθεν ἡ γῆ σου ἐρημωθήσεται, καὶ κατάξει ἐκ σοῦ ἰσχύν σου, καὶ διαρπαγήσονται αἱ χῶραί σου. τάδε λέγει Κύριοσ. ὃν τρόπον ὅταν ἐκσπάσῃ ὁ ποιμὴν ἐκ στόματοσ τοῦ λέοντοσ δύο σκέλη ἢ λοβὸν ὠτίου, οὕτωσ ἐκσπασθήσονται οἱ υἱοὶ Ἰσραὴλ οἱ κατοικοῦντεσ ἐν Σαμαρείᾳ κατέναντι τῆσ φυλῆσ καὶ ἐν Δαμασκῷ ἱερεῖσ, ἀκούσατε καὶ ἐπιμαρτύρασθε τῷ οἴκῳ Ἰακώβ, λέγει Κύριοσ ὁ Θεὸσ ὁ παντοκράτωρ. διότι ἐν τῇ ἡμέρᾳ ὅταν ἐκδικῶ ἀσεβείασ τοῦ Ἰσραὴλ ἐπ̓ αὐτόν, καὶ ἐκδικήσω ἐπὶ τὰ θυσιαστήρια Βαιθήλ, καὶ κατασκαφήσεται τὰ κέρατα τοῦ θυσιαστηρίου καὶ πεσοῦνται ἐπὶ τὴν γῆν. συγχεῶ καὶ πατάξω τὸν οἶκον τὸν περίπτερον ἐπὶ τὸν οἶκον τὸν θερινόν, καὶ ἀπολοῦνται οἶκοι ἐλεφάντινοι, καὶ προστεθήσονται ἕτεροι οἶκοι πολλοί, λέγει Κύριοσ. ΑΚΟΥΣΑΤΕ τὸν λόγον τοῦτον, δαμάλεισ τῆσ Βασανίτιδοσ, αἱ ἐν τῷ ὄρει τῆσ Σαμαρείασ, αἱ καταδυναστεύουσαι πτωχοὺσ καὶ καταπατοῦσαι πένητασ, αἱ λέγουσαι τοῖσ κυρίοισ αὐτῶν. ἐπίδοτε ἡμῖν ὅπωσ πίωμεν.

ὀμνύει Κύριοσ κατὰ τῶν ἁγίων αὐτοῦ, διότι ἰδοὺ ἡμέραι ἔρχονται ἐφ̓ ὑμᾶσ, καὶ λήψονται ὑμᾶσ ἐν ὅπλοισ, καὶ τοὺσ μεθ̓ ὑμῶν εἰσ λέβητασ ὑποκαιομένουσ ἐμβαλοῦσιν ἔμπυροι λοιμοί, καὶ ἐξενεχθήσεσθε γυμναὶ κατέναντι ἀλλήλων καὶ ἀπορριφήσεσθε εἰσ τὸ ὄροσ τὸ Ρεμμάν, λέγει Κύριοσ. ‐ Εἰσήλθατε εἰσ Βαιθὴλ καὶ ἠνομήσατε καὶ εἰσ Γάλγαλα ἐπληθύνατε τοῦ ἀσεβῆσαι καὶ ἠνέγκατε εἰσ τὸ πρωί̈ θυσίασ ὑμῶν, εἰσ τὴν τριημερίαν τὰ ἐπιδέκατα ὑμῶν. καὶ ἀνέγνωσαν ἔξω νόμον καὶ ἐπεκαλέσαντο ὁμολογίασ. ἀπαγγείλατε ὅτι ταῦτα ἠγάπησαν οἱ υἱοὶ Ἰσραήλ, λέγει Κύριοσ. καὶ ἐγὼ δώσω ὑμῖν γομφιασμὸν ὀδόντων ἐν πάσαισ ταῖσ πόλεσιν ὑμῶν καὶ ἔνδειαν ἄρτων ἐν πᾶσι τοῖσ τόποισ ὑμῶν. καὶ οὐκ ἐπεστρέψατε πρόσ με, λέγει Κύριοσ. καὶ ἐγὼ ἀνέσχον ἐξ ὑμῶν τὸν ὑετὸν πρὸ τριῶν μηνῶν τοῦ τρυγητοῦ. καὶ βρέξω ἐπὶ πόλιν μίαν, ἐπὶ δὲ πόλιν μίαν οὐ βρέξω. μερὶσ μία βραχήσεται, καὶ μερίσ, ἐφ̓ ἣν οὐ βρέξω ἐπ̓ αὐτήν, ξηρανθήσεται. καὶ συναθροισθήσονται δύο καὶ τρεῖσ πόλεισ εἰσ πόλιν μίαν τοῦ πιεῖν ὕδωρ καὶ οὐ μὴ ἐμπλησθῶσι. καὶ οὐκ ἐπιστράφητε πρόσ με, λέγει Κύριοσ. ἐπάταξα ὑμᾶσ ἐν πυρώσει καὶ ἐν ἰκτέρῳ. ἐπληθύνατε κήπουσ ὑμῶν, ἀμπελῶνασ ὑμῶν καὶ συκεῶνασ ὑμῶν καὶ ἐλαιῶνασ ὑμῶν κατέφαγεν ἡ κάμπη. καὶ οὐδ̓ ὧσ ἐπεστρέψατε πρόσ με, λέγει Κύριοσ. ἐξαπέστειλα εἰσ ὑμᾶσ θάνατον ἐν ὁδῷ Αἰγύπτου καὶ ἀπέκτεινα ἐν ρομφαίᾳ τοὺσ νεανίσκουσ ὑμῶν μετὰ αἰχμαλωσίασ ἵππων σου καὶ ἀνήγαγον ἐν πυρὶ τὰσ παρεμβολὰσ ἐν τῇ ὀργῇ μου. καὶ οὐδ̓ ὧσ ἐπεστρέψατε πρόσ με, λέγει Κύριοσ. κατέστρεψα ὑμᾶσ, καθὼσ κατέστρεψεν ὁ Θεὸσ Σόδομα καὶ Γόμορρα, καὶ ἐγένεσθε ὡσ δαλὸσ ἐξεσπασμένοσ ἐκ πυρόσ. καὶ οὐδ̓ ὧσ ἐπεστρέψατε πρόσ με, λέγει Κύριοσ. διὰ τοῦτο οὕτωσ ποιήσω σοι, Ἰσραήλ. πλὴν ὅτι οὕτωσ ποιήσω σοι, ἑτοιμάζου τοῦ ἐπικαλεῖσθαι τὸν Θεόν σου, Ἰσραήλ. διότι ἰδοὺ ἐγὼ στερεῶν βροντὴν καὶ κτίζων πνεῦμα καὶ ἀπαγγέλλων. εἰσ ἀνθρώπουσ τὸν χριστὸν αὐτοῦ, ποιῶν ὄρθρον καὶ ὁμίχλην καὶ ἐπιβαίνων ἐπὶ τὰ ὑψηλὰ τῆσ γῆσ. Κύριοσ ὁ Θεὸσ ὁ παντοκράτωρ ὄνομα αὐτῷ. ΑΚΟΥΣΑΤΕ τὸν λόγον Κυρίου τοῦτον, ὃν ἐγὼ λαμβάνω ἐφ̓ ὑμᾶσ θρῆνον. οἶκοσ Ἰσραὴλ ἔπεσεν, οὐκέτι μὴ προσθῇ τοῦ ἀναστῆναι.

παρθένοσ τοῦ Ἰσραὴλ ἔσφαλεν ἐπὶ τῆσ γῆσ αὐτοῦ, οὐκ ἔστιν ὁ ἀναστήσων αὐτήν. διὰ τοῦτο τάδε λέγει Κύριοσ Κύριοσ. ἡ πόλισ ἐξ ἧσ ἐξεπορεύοντο χίλιοι, ὑπολειφθήσονται ἑκατόν, καὶ ἐξ ἧσ ἐξεπορεύοντο ἑκατόν, ὑπολειφθήσονται δέκα τῷ οἴκῳ Ἰσραήλ. διότι τάδε λέγει Κύριοσ πρὸσ τὸν οἶκον Ἰσραήλ. ἐκζητήσατέ με, καὶ ζήσεσθε. καὶ μὴ ἐκζητεῖτε Βαιθὴλ καὶ εἰσ Γάλγαλα μὴ εἰσπορεύεσθε καὶ ἐπὶ τὸ φρέαρ τοῦ ὅρκου μὴ διαβαίνετε, ὅτι Γάλγαλα αἰχμαλωτευομένη αἰχμαλωτευθήσεται, καὶ Βαιθὴλ ἔσται ὡσ οὐχ ὑπάρχουσα. ἐκζητήσατε τὸν Κύριον καὶ ζήσατε, ὅπωσ μὴ ἀναλάμψῃ ὡσ πῦρ ὁ οἶκοσ Ἰωσήφ, καὶ καταφάγεται αὐτόν, καὶ οὐκ ἔσται ὁ σβέσων τῷ οἴκῳ Ἰσραήλ. Κύριοσ ὁ ποιῶν εἰσ ὕψοσ κρίμα καὶ δικαιοσύνην εἰσ γῆν ἔθηκεν, ὁ ποιῶν πάντα καὶ μετασκευάζων καὶ ἐκτρέπων εἰσ τὸ πρωί̈ σκιὰν καὶ ἡμέραν εἰσ νύκτα συσκοτάζων, ὁ προσκαλούμενοσ τὸ ὕδωρ τῆσ θαλάσσησ καὶ ἐκχέων αὐτὸ ἐπὶ πρόσωπον τῆσ γῆσ, Κύριοσ ὁ Θεὸσ παντοκράτωρ ὄνομα αὐτῷ. ὁ διαιρῶν συντριμμὸν ἐπὶ ἰσχὺν καὶ ταλαιπωρίαν ἐπὶ ὀχύρωμα ἐπάγων. ἐμίσησαν ἐν πύλαισ ἐλέγχοντα καὶ λόγον ὅσιον ἐβδελύξαντο. διὰ τοῦτο ἀνθ̓ ὧν κατεκονδυλίζετε πτωχοὺσ καὶ δῶρα ἐκλεκτὰ ἐδέξασθε παῤ αὐτῶν, οἴκουσ ξεστοὺσ ᾠκοδομήσατε καὶ οὐ μὴ κατοικήσητε ἐν αὐτοῖσ, ἀμπελῶνασ ἐπιθυμητοὺσ ἐφυτεύσατε καὶ οὐ μὴ πίητε τὸν οἶνον αὐτῶν. ὅτι ἔγνων πολλὰσ ἀσεβείασ ὑμῶν, καὶ ἰσχυραὶ αἱ ἁμαρτίαι ὑμῶν, καταπατοῦντεσ δίκαιον, λαμβάνοντεσ ἀλλάγματα καὶ πένητασ ἐν πύλαισ ἐκκλίνοντεσ. διὰ τοῦτο ὁ συνίων ἐν τῷ καιρῷ ἐκείνῳ σιωπήσεται, ὅτι καιρὸσ πονηρῶν ἐστιν. ἐκζητήσατε τὸ καλόν, καὶ μὴ τὸ πονηρόν, ὅπωσ ζήσητε. καὶ ἔσται οὕτωσ μεθ̓ ὑμῶν Κύριοσ ὁ Θεὸσ ὁ παντοκράτωρ, ὃν τρόπον εἴπατε. μεμισήκαμεν τὰ πονηρὰ καὶ ἠγαπήσαμεν τὰ καλά. καὶ ἀποκαταστήσατε ἐν πύλαισ κρίμα, ὅπωσ ἐλεήσῃ Κύριοσ ὁ Θεὸσ ὁ παντοκράτωρ τοὺσ περιλοίπουσ τοῦ Ἰωσήφ. διὰ τοῦτο τάδε λέγει Κύριοσ ὁ Θεὸσ ὁ παντοκράτωρ. ἐν πάσαισ ταῖσ πλατείαισ κοπετόσ, καὶ ἐν πάσαισ ταῖσ ὁδοῖσ ρηθήσεται. οὐαί, οὐαί. κληθήσεται γεωργὸσ εἰσ πένθοσ καὶ κοπετὸν καὶ εἰσ εἰδότασ θρῆνον, καὶ ἐν πάσαισ ὁδοῖσ κοπετόσ, διότι ἐλεύσομαι διὰ μέσου σου, εἶπε Κύριοσ. ‐ Οὐαὶ οἱ ἐπιθυμοῦντεσ τὴν ἡμέραν Κυρίου. ἱνατί αὕτη ὑμῖν ἡ ἡμέρα τοῦ Κυρίου̣ καὶ αὐτή ἐστι σκότοσ καὶ οὐ φῶσ. ὃν τρόπον ἐὰν φύγῃ ἄνθρωποσ ἐκ προσώπου τοῦ λέοντοσ καὶ ἐμπέσῃ αὐτῷ ἡ ἄρκοσ, καὶ εἰσπηδήσῃ εἰσ τὸν οἶκον αὐτοῦ καὶ ἀπερείσηται τὰσ χεῖρασ αὐτοῦ ἐπὶ τὸν τοῖχον καὶ δάκῃ αὐτὸν ὄφισ. οὐχὶ σκότοσ ἡ ἡμέρα τοῦ Κυρίου καὶ οὐ φῶσ̣ καὶ γνόφοσ οὐκ ἔχων φέγγοσ αὕτη̣ μεμίσηκα, ἀπῶσμαι ἑορτὰσ ὑμῶν καὶ οὐ μὴ ὀσφρανθῶ θυσίασ ἐν ταῖσ πανηγύρεσιν ὑμῶν. διότι ἐὰν ἐνέγκητέ μοι ὁλοκαυτώματα καὶ θυσίασ ὑμῶν, οὐ προσδέξομαι αὐτά, καὶ σωτηρίου ἐπιφανείασ ὑμῶν οὐκ ἐπιβλέψομαι. μετάστησον ἀπ̓ ἐμοῦ ἦχον ᾠδῶν σου, καὶ ψαλμὸν ὀργάνων σου οὐκ ἀκούσομαι. καὶ κυλισθήσεται ὡσ ὕδωρ κρίμα καὶ δικαιοσύνη ὡσ χειμάρρουσ ἄβατοσ. μὴ σφάγια καὶ θυσίασ προσηνέγκατέ μοι, οἶκοσ Ἰσραήλ, τεσσαράκοντα ἔτη ἐν τῇ ἐρήμῳ̣ καὶ ἀνελάβετε τὴν σκηνὴν τοῦ Μολὸχ καὶ τὸ ἄστρον τοῦ θεοῦ ὑμῶν Ραιφάν, τοὺσ τύπουσ αὐτῶν, οὓσ ἐποιήσατε ἑαυτοῖσ. καὶ μετοικιῶ ὑμᾶσ ἐπέκεινα Δαμασκοῦ, λέγει Κύριοσ, ὁ Θεὸσ ὁ παντοκράτωρ ὄνομα αὐτῷ. ΟΥΑΙ τοῖσ ἐξουθενοῦσι Σιὼν καὶ τοῖσ πεποιθόσιν ἐπὶ τὸ ὄροσ Σαμαρείασ. ἀπετρύγησαν ἀρχὰσ ἐθνῶν, καὶ εἰσῆλθον αὐτοί. οἶκοσ τοῦ Ἰσραήλ,

διάβητε πάντεσ καὶ ἴδετε καὶ διέλθατε ἐκεῖθεν εἰσ Ἐμαθραββὰ καὶ κατάβητε ἐκεῖθεν εἰσ Γὲθ ἀλλοφύλων, τὰσ κρατίστασ ἐκ πασῶν τῶν βασιλειῶν τούτων, εἰ πλείονα τὰ ὅρια αὐτῶν ἐστι τῶν ὑμετέρων ὁρίων. οἱ ἐρχόμενοι εἰσ ἡμέραν κακήν, οἱ ἐγγίζοντεσ καὶ ἐφαπτόμενοι σαββάτων ψευδῶν, οἱ καθεύδοντεσ ἐπὶ κλινῶν ἐλεφαντίνων καὶ κατασπαταλῶντεσ ἐπὶ ταῖσ στρωμναῖσ αὐτῶν καὶ ἔσθοντεσ ἐρίφουσ ἐκ ποιμνίων καὶ μοσχάρια ἐκ μέσου βουκολίων γαλαθηνά, οἱ ἐπικροτοῦντεσ πρὸσ τὴν φωνὴν τῶν ὀργάνων, ὡσ ἑστηκότα ἐλογίσαντο καὶ οὐχ ὡσ φεύγοντα. οἱ πίνοντεσ τὸν διυλισμένον οἶνον καὶ τὰ πρῶτα μῦρα χριόμενοι καὶ οὐκ ἔπασχον οὐδὲν ἐπὶ τῇ συντριβῇ Ἰωσήφ. διὰ τοῦτο νῦν ἀχμάλωτοι ἔσονται ἀπ̓ ἀρχῆσ δυναστῶν καὶ ἐξαρθήσεται χρεμετισμὸσ ἵππων ἐξ Ἐφραίμ. ὅτι ὤμοσε Κύριοσ καθ̓ ἑαυτοῦ. διότι βδελύσσομαι ἐγὼ πᾶσα τὴν ὕβριν Ἰακὼβ καὶ τάσ χώρασ αὐτοῦ μεμίσηκα, καὶ ἐξαρῶ πόλιν σὺν πᾶσι τοῖσ κατοικοῦσιν αὐτήν. καὶ ἔσται ἐὰν ὑπολειφθῶσι δέκα ἄνδρεσ ἐν οἰκίᾳ μιᾷ, καὶ ἀποθανοῦνται, καὶ ὑπολειφθήσονται οἱ κατάλοιποι, καὶ λήψονται οἱ οἰκεῖοι αὐτῶν καὶ παραβιῶνται τοῦ ἐξενέγκαι τὰ ὀστᾶ αὐτῶν ἐκ τοῦ οἴκου. καὶ ἐρεῖ τοῖσ προεστηκόσι τῆσ οἰκίασ. εἰ ἔτι ὑπάρχει παρὰ σοί̣ καὶ ἐρεῖ. οὐκέτι. καὶ ἐρεῖ. σίγα, ἕνεκα τοῦ μὴ ὀνομάσαι τὸ ὄνομα Κυρίου. διότι ἰδοὺ Κύριοσ ἐντέλλεται καὶ πατάξει τὸν οἶκον τὸν μέγαν θλάσμασι καὶ τὸν οἶκον τὸν μικρὸν ράγμασιν. εἰ διώξονται ἐν πέτραισ ἵπποι̣ εἰ παρασιωπήσονται ἐν θηλείαισ̣ ὅτι ἐξεστρέψατε εἰσ θυμὸν κρίμα καὶ καρπὸν δικαιοσύνησ εἰσ πικρίαν, οἱ εὐφραινόμενοι ἐπ̓ οὐδενὶ λόγῳ, οἱ λέγοντεσ. οὐκ ἐν τῇ ἰσχύϊ ἡμῶν ἔσχομεν κέρατα̣ διότι ἰδοὺ ἐγὼ ἐπεγερῶ ἐφ̓ ὑμᾶσ, οἶκοσ Ἰσραήλ, ἔθνοσ, λέγει Κύριοσ τῶν δυνάμεων, καὶ ἐκθλίψουσιν ὑμᾶσ τοῦ μὴ εἰσελθεῖν εἰσ Ἐμὰθ καὶ ὡσ τοῦ χειμάρρου τῶν δυσμῶν. ΟΥΤΩΣ ἔδειξέ μοι Κύριοσ ὁ Θεόσ, καὶ ἰδοὺ ἐπιγονὴ ἀκρίδων ἐρχομένη ἑωθινή, καὶ ἰδοὺ βροῦχοσ εἷσ Γὼγ ὁ βασιλεύσ.

καὶ ἔσται ἐὰν συντελέσῃ τοῦ καταφαγεῖν τὸν χόρτον τῆσ γῆσ, καὶ εἶπα. Κύριε Κύριε, ἵλεωσ γενοῦ. τίσ ἀναστήσει τὸν Ἰακώβ̣ ὅτι ὀλιγοστόσ ἐστι. μετανόησον, Κύριε, ἐπὶ τούτῳ. καὶ τοῦτο οὐκ ἔσται, λέγει Κύριοσ. ‐ Οὕτωσ ἔδειξέ μοι Κύριοσ, καὶ ἰδοὺ ἐκάλεσε τὴν δίκην ἐν πυρὶ Κύριοσ, καὶ κατέφαγε τὴν ἄβυσσον τὴν πολλὴν καὶ κατέφαγε τὴν μερίδα Κυρίου. καὶ εἶπα. Κύριε, κόπασον δή, τίσ ἀναστήσει τὸν Ἰακώβ̣ ὅτι ὀλιγοστόσ ἐστι. μετανόησον, Κύριε, ἐπὶ τούτῳ. καὶ τοῦτο οὐ μὴ γένηται, λέγει Κύριοσ. ‐ Οὕτωσ ἔδειξέ μοι Κύριοσ, καὶ ἰδοὺ ἑστηκὼσ ἐπὶ τείχουσ ἀδαμαντίνου, καὶ ἐν τῇ χειρὶ αὐτοῦ ἀδάμασ. καὶ εἶπε Κύριοσ πρόσ με. τί σὺ ὁρᾷσ, Ἀμώσ̣ καὶ εἶπα. ἀδάμαντα. καὶ εἶπε Κύριοσ πρόσ με. ἰδοὺ ἐγὼ ἐντάσσω ἀδάμαντα ἐν μέσῳ λαοῦ μου Ἰσραήλ, οὐκέτι μὴ προσθῶ τοῦ παρελθεῖν αὐτόν. καὶ ἀφανισθήσονται βωμοὶ τοῦ γέλωτοσ, καὶ αἱ τελεταί τοῦ Ἰσραὴλ ἐρημωθήσονται, καὶ ἀναστήσομαι ἐπὶ τὸν οἶκον Ἱεροβοὰμ ἐν ρομφαίᾳ. ‐ Καὶ ἐξαπέστειλεν Ἀμασίασ ὁ ἱερεὺσ Βαιθὴλ πρὸσ Ἱεροβοὰμ βασιλέα Ἰσραὴλ λέγων. συστροφὰσ ποιεῖται κατὰ σοῦ Ἀμὼσ ἐν μέσῳ οἴκου Ἰσραήλ. οὐ μὴ δύνηται ἡ γῆ ὑπενεγκεῖν πάντασ τοὺσ λόγουσ αὐτοῦ, διότι τάδε λέγει Ἀμώσ. ἐν ρομφαίᾳ τελευτήσει Ἱεροβοάμ, ὁ δὲ Ἰσραὴλ αἰχμάλωτοσ ἀχθήσεται ἀπὸ τῆσ γῆσ αὐτοῦ. καὶ εἶπεν Ἀμασίασ πρὸσ Ἀμώσ. ὁ ὁρῶν, βάδιζε ἐκχώρησον σὺ εἰσ γῆν Ἰούδα καὶ ἐκεῖ καταβίου καὶ ἐκεῖ προφητεύσεισ, εἰσ δὲ Βαιθὴλ οὐκέτι προσθήσεισ τοῦ προφητεῦσαι, ὅτι ἁγίασμα βασιλέωσ ἐστὶ καὶ οἶκοσ βασιλείασ ἐστί. καὶ ἀπεκρίθη Ἀμὼσ καὶ εἶπε πρὸσ Ἀμασίαν. οὐκ ἤμην προφήτησ ἐγὼ οὐδὲ υἱὸσ προφήτου, ἀλλ̓ ἢ αἰπόλοσ ἤμην καὶ κνίζων συκάμινα. καὶ ἀνέλαβέ με Κύριοσ ἐκ τῶν προβάτων, καὶ εἶπε Κύριοσ πρόσ με. βάδιζε προφήτευσον ἐπὶ τὸν λαὸν μου Ἰσραήλ. καὶ νῦν ἄκουε λόγον Κυρίου. σὺ λέγεισ. μὴ προφήτευε ἐπὶ τὸν Ἰσραὴλ καὶ οὐ μὴ ὀχλαγωγήσῃσ ἐπὶ τὸν οἶκον Ἰακώβ. διὰ τοῦτο τάδε λέγει Κύριοσ. ἡ γυνή σου ἐν τῇ πόλει πορνεύσει, καὶ οἱ υἱοί σου καὶ αἱ θυγατέρεσ σου ἐν ρομφαίᾳ πεσοῦνται, καὶ ἡ γῆ σου ἐν σχοινίῳ καταμετρηθήσεται, καὶ σὺ ἐν γῇ ἀκαθάρτῳ τελευτήσεισ, ὁ δὲ Ἰσραὴλ αἰχμάλωτοσ ἀχθήσεται ἀπὸ γῆσ γῆσ αὐτοῦ. ΟΥΤΩΣ ἔδειξέ μοι Κύριοσ καὶ ἰδοὺ ἄγγοσ ἰξευτοῦ.

καὶ εἶπε. τί σὺ βλέπεισ, Ἀμώσ̣ καὶ εἶπα. ἄγγοσ ἰξευτοῦ. καὶ εἶπε Κύριοσ πρόσ με. ἥκει τὸ πέρασ ἐπὶ τὸν λαόν μου Ἰσραήλ, οὐ προσθήσω ἔτι τοῦ παρελθεῖν αὐτόν. καὶ ὀλολύξει τὰ φατνώματα τοῦ ναοῦ. ἐν τῇ ἡμέρᾳ ἐκείνῃ, λέγει Κύριοσ, πολὺσ ὁ πεπτωκὼσ ἐν παντὶ τόπῳ, ἐπιρρίψω σιωπήν. ‐ Ἀκούσατε δὴ ταῦτα οἱ ἐκτρίβοντεσ εἰσ τὸ πρωί̈ πένητα καὶ καταδυναστεύοντεσ πτωχοὺσ ἀπὸ τῆσ γῆσ, οἱ λέγοντεσ. πότε διελεύσεται ὁ μὴν καὶ ἐμπολεμήσομεν καὶ τὰ σάββατα καὶ ἀνοίξομεν θησαυρὸν τοῦ ποιῆσαι μέτρον μικρὸν καὶ τοῦ μεγαλῦναι στάθμια καὶ ποιῆσαι ζυγὸν ἄδικον τοῦ κτᾶσθαι ἐν ἀργυρίῳ καὶ πτωχοὺσ καὶ πένητα ἀντὶ ὑποδημάτων καὶ ἀπὸ παντὸσ γεννήματοσ ἐμπορευσόμεθα̣ ὀμνύει Κύριοσ κατὰ τῆσ ὑπερηφανίασ Ἰακώβ, εἰ ἐπιλησθήσεται εἰσ νῖκοσ πάντα τὰ ἔργα ὑμῶν. καὶ ἐπὶ τούτοισ οὐ ταραχθήσεται ἡ γῆ, καὶ πενθήσει πᾶσ ὁ κατοικῶν ἐν αὐτῇ, καὶ ἀναβήσεται ὡσ ποταμὸσ συντέλεια καὶ καταβήσεται ὡσ ποταμὸσ Αἰγύπτου. καὶ ἔσται ἐν τῇ ἡμέρᾳ ἐκείνῃ, λέγει Κύριοσ ὁ Θεόσ, καὶ δύσεται ὁ ἥλιοσ μεσημβρίασ, καὶ συσκοτάσει ἐπὶ τῆσ γῆσ ἐν ἡμέρᾳ τὸ φῶσ. καὶ μεταστρέψω τὰσ ἑορτὰσ ὑμῶν εἰσ πένθοσ καὶ πάσασ τὰσ ὠδὰσ ὑμῶν εἰσ θρῆνον καὶ ἀναβιβῶ ἐπὶ πᾶσαν ὀσφὺν σάκκον καὶ ἐπὶ πᾶσαν κεφαλὴν φαλάκρωμα καὶ θήσομαι αὐτὸν ὡσ πένθοσ ἀγαπητοῦ καὶ τοὺσ μετ̓ αὐτοῦ ὡσ ἡμέραν ὀδύνησ. ἰδοὺ ἡμέραι ἔρχονται, λέγει Κύριοσ, καὶ ἐξαποστελῶ λιμὸν ἐπὶ τὴν γῆν, οὐ λιμὸν ἄρτων οὐδὲ δίψαν ὕδατοσ, ἀλλὰ λιμὸν τοῦ ἀκοῦσαι τὸν λόγον Κυρίου. καὶ σαλευθήσονται ὕδατα ἀπὸ τῆσ θαλάσσησ ἕωσ θαλάσσησ, καὶ ἀπὸ βορρᾶ ἕωσ ἀνατολῶν περιδραμοῦνται ζητοῦντεσ τὸν λόγον τοῦ Κυρίου καὶ οὐ μὴ εὕρωσιν. ἐν τῇ ἡμέρᾳ ἐκείνῃ ἐκλείψουσιν αἱ παρθένοι αἱ καλαὶ καὶ οἱ νεανίσκοι ἐν δίψει, οἱ ὀμνύοντεσ κατὰ τοῦ ἱλασμοῦ Σαμαρείασ καὶ οἱ λέγοντεσ. ζῇ ὁ Θεόσ σου, Δάν, καὶ ζῇ ὁ Θεόσ σου, Βηρσαβεέ. καὶ πεσοῦνται καὶ οὐ μὴ ἀναστῶσιν ἔτι. ΕΙΔΟΝ τὸν Κύριον ἐφεστῶτα ἐπὶ τοῦ θυσιαστηρίου, καὶ εἶπε. πάταξον ἐπὶ τὸ ἱλαστήριον καὶ σεισθήσεται τὰ πρόπυλα καὶ διάκοψον εἰσ κεφαλὰσ πάντων. καὶ τοὺσ καταλοίπουσ αὐτῶν ἐν ρομφαίᾳ ἀποκτενῶ, οὐ μὴ διαφύγῃ ἐξ αὐτῶν φεύγων, καὶ οὐ μὴ διασωθῇ ἐξ αὐτῶν ἀνασωζόμενοσ.

ἐὰν κατακρυβῶσιν εἰσ ᾅδου, ἐκεῖθεν ἡ χείρ μου ἀνασπάσει αὐτούσ. καὶ ἐὰν ἀναβῶσιν εἰσ τὸν οὐρανόν, ἐκεῖθεν κατάξω αὐτούσ. ἐὰν ἐγκατακρυβῶσιν εἰσ τὴν κορυφὴν τοῦ Καρμήλου, ἐκεῖθεν ἐξερευνήσω καὶ λήψομαι αὐτούσ. καὶ ἐὰν καταδύσωσιν ἐξ ὀφθαλμῶν μου εἰσ τὰ βάθη τῆσ θαλάσσησ, ἐκεῖ ἐντελοῦμαι τῷ δράκοντι καὶ δήξεται αὐτούσ. καὶ ἐὰν πορευθῶσιν ἐν αἰχμαλωσίᾳ πρὸ προσώπου τῶν ἐχθρῶν αὐτῶν, ἐκεῖ ἐντελοῦμαι τῇ ρομφαίᾳ καὶ ἀποκτενεῖ αὐτούσ. καὶ στηριῶ τοὺσ ὀφθαλμούσ μου ἐπ̓ αὐτοὺσ εἰσ κακὰ καὶ οὐκ εἰσ ἀγαθά. καὶ Κύριοσ Κύριοσ ὁ Θεὸσ ὁ παντοκράτωρ, ὁ ἐφαπτόμενοσ τῆσ γῆσ καὶ σαλεύων αὐτήν, καὶ πενθήσουσι πάντεσ οἱ κατοικοῦντεσ αὐτήν, καὶ ἀναβήσεται ὡσ ποταμὸσ συντέλεια αὐτῆσ καὶ καταβήσεται ὡσ ποταμὸσ Αἰγύπτου. ὁ οἰκοδομῶν εἰσ τὸν οὐρανὸν ἀνάβασιν αὐτοῦ καὶ τὴν ἐπαγγελίαν αὐτοῦ ἐπὶ τῆσ γῆσ θεμελιῶν, ὁ προσκαλούμενοσ τὸ ὕδωρ τῆσ θαλάσσησ καὶ ἐκχέων αὐτὸ ἐπὶ πρόσωπον τῆσ γῆσ. Κύριοσ ὁ Θεὸσ ὁ παντοκράτωρ ὄνομα αὐτῷ. οὐχ ὡσ υἱοὶ Αἰθιόπων ὑμεῖσ ἐστε ἐμοί, υἱοὶ Ἰσραήλ̣ λέγει Κύριοσ. οὐ τὸν Ἰσραὴλ ἀνήγαγον ἐκ γῆσ Αἰγύπτου καὶ τοὺσ ἀλλοφύλουσ ἐκ Καππαδοκίασ καὶ τοὺσ Σύρουσ ἐκ βόθρου̣ ‐ Ἰδοὺ οἱ ὀφθαλμοὶ Κυρίου τοῦ Θεοῦ ἐπὶ τὴν βασιλείαν τῶν ἁμαρτωλῶν καὶ ἐξαρῶ αὐτὴν ἀπὸ προσώπου τῆσ γῆσ. πλὴν ὅτι οὐκ εἰσ τέλοσ ἐξαρῶ τὸν οἶκον Ἰακώβ, λέγει Κύριοσ. διότι ἰδοὺ ἐγὼ ἐντέλλομαι καὶ λικμήσω ἐν πᾶσι τοῖσ ἔθνεσι τὸν οἶκον Ἰσραήλ, ὃν τρόπον λικμᾶται ἐν τῷ λικμῷ καὶ οὐ μὴ πέσῃ σύντριμμα ἐπὶ τὴν γῆν. ἐν ρομφαίᾳ τελευτήσουσι πάντεσ ἁμαρτωλοὶ λαοῦ μου οἱ λέγοντεσ. οὐ μὴ ἐγγίσῃ οὐδ̓ οὐ μὴ γένηται ἐφ̓ ἡμᾶσ τὰ κακά. ἐν τῇ ἡμέρᾳ ἐκείνῃ ἀναστήσω τὴν σκηνὴν Δαυὶδ τὴν πεπτωκυῖαν καὶ ἀνοικοδομήσω τὰ πεπτωκότα αὐτῆσ καὶ τὰ κατεσκαμμένα αὐτῆσ ἀναστήσω καὶ ἀνοικοδομήσω αὐτὴν καθὼσ αἱ ἡμέραι τοῦ αἰῶνοσ, ὅπωσ ἐκζητήσωσιν οἱ κατάλοιποι τῶν ἀνθρώπων καὶ πάντα τὰ ἔθνη, ἐφ̓ οὓσ ἐπικέκληται τὸ ὄνομά μου ἐπ̓ αὐτούσ, λέγει Κύριοσ ὁ Θεὸσ ὁ ποιῶν πάντα ταῦτα. ἰδοὺ ἡμέραι ἔρχονται, λέγει Κύριοσ, καὶ καταλήψεται ὁ ἀμητὸσ τὸν τρυγητόν, καὶ περκάσει ἡ σταφυλὴ ἐν τῷ σπόρῳ, καὶ ἀποσταλάξει τὰ ὄρη γλυκασμόν, καὶ πάντεσ οἱ βουνοὶ σύμφυτοι ἔσονται. καὶ ἐπιστρέψω τὴν αἰχμαλωσίαν τοῦ λαοῦ μου Ἰσραήλ, καὶ οἰκοδομήσουσι πόλεισ τὰσ ἠφανισμένασ καὶ κατοικήσουσι καὶ φυτεύσουσιν ἀμπελῶνασ καὶ πίονται τὸν οἶνον αὐτῶν καὶ ποιήσουσι κήπουσ καὶ φάγονται τὸν καρπὸν αὐτῶν. καὶ καταφυτεύσω αὐτοὺσ ἐπὶ τῆσ γῆσ αὐτῶν καὶ οὐ μὴ ἐκσπασθῶσιν οὐκέτι ἀπὸ τῆσ γῆσ, ἧσ ἔδωκα αὐτοῖσ, λέγει Κύριοσ ὁ Θεὸσ ὁ παντοκράτωρ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Septuagint, Prophetia Amos

(70인역 성경, 아모스서)

목록

SEARCH

MENU NAVIGATION