헬라어 문장 검색 - Σεπτύ031́

(70인역 성경, 호세아서)

ΛΟΓΟΣ Κυρίου, ὃσ ἐγενήθη πρὸσ Ὡσηὲ τὸν τοῦ Βεηρεὶ ἐν ἡμέραισ Ὀζίου καὶ Ἰωάθαμ καὶ Ἄχαζ καὶ Ἐζεκίου βασιλέων Ἰούδα καὶ ἐν ἡμέραισ Ἱεροβοὰμ υἱοῦ Ἰωὰσ βασιλέωσ Ἰσραήλ. Ἀρχὴ λόγου Κυρίου εἰσ Ὡσηέ. καὶ εἶπε Κύριοσ πρὸσ Ὡσηέ. βάδιζε, λαβὲ σεαυτῷ γυναῖκα πορνείασ καὶ τέκνα πορνείασ, διότι ἐκπορνεύουσα ἐκπορνεύσει ἡ γῆ ἀπὸ ὄπισθεν τοῦ Κυρίου. καὶ ἐπορεύθη καί ἔλαβε τὴν Γόμερ θυγατέρα Δεβηλαί̈μ, καὶ συνέλαβε καὶ ἔτεκεν αὐτῷ υἱόν. καὶ εἶπε Κύριοσ πρὸσ αὐτόν. κάλεσον τὸ ὄνομα αὐτοῦ Ἰεζραέλ, διότι ἔτι μικρὸν καὶ ἐκδικήσω τὸ αἷμα τοῦ Ἰεζραὲλ ἐπὶ τὸν οἶκον Ἰούδα καὶ καταπαύσω βασιλείαν οἴκου Ἰσραήλ. καὶ ἔσται ἐν τῇ ἡμέρᾳ ἐκείνῃ συντρίψω τὸ τόξον τοῦ Ἰσραὴλ ἐν κοιλάδι τοῦ Ἰεζραέλ. καὶ συνέλαβεν ἔτι καὶ ἔτεκε θυγατέρα, καὶ εἶπεν αὐτῷ. κάλεσον τὸ ὄνομα αὐτῆσ, Οὐκ‐ἠλεημένη, διότι οὐ μὴ προσθήσω ἔτι ἐλεῆσαι τὸν οἶκον Ἰσραήλ, ἀλλ̓ ἢ ἀντιτασσόμενοσ ἀντιτάξομαι αὐτοῖσ. τοὺσ δὲ υἱοὺσ Ἰούδα ἐλεήσω καὶ σώσω αὐτοὺσ ἐν Κυρίῳ Θεῷ αὐτῶν καὶ οὐ σώσω αὐτοὺσ ἐν τόξῳ οὐδὲ ἐν ρομφαίᾳ οὐδὲ ἐν πολέμῳ οὐδὲ ἐν ἵπποισ οὐδὲ ἐν ἱππεῦσι. καὶ ἀπεγαλάκτισε τὴν Οὐκ‐ἠλεημένην, καὶ συνέλαβεν ἔτι καὶ ἔτεκεν υἱόν. καὶ εἶπε. κάλεσον τὸ ὄνομα αὐτοῦ Οὐ‐λαόσ‐μου, διότι ὑμεῖσ οὐ λαόσ μου, καὶ ἐγώ οὐκ εἰμὶ ὑμῶν. ΚΑΙ ἦν ὁ ἀριθμὸσ τῶν υἱῶν Ἰσραὴλ ὡσ ἡ ἄμμοσ τῆσ θαλάσσησ, ἣ οὐκ ἐκμετρηθήσεται οὐδὲ ἐξαριθμηθήσεται. καὶ ἔσται ἐν τῷ τόπῳ, οὗ ἐρρέθη αὐτοῖσ. οὐ λαόσ μου ὑμεῖσ, κληθήσονται καὶ αὐτοὶ υἱοὶ Θεοῦ ζῶντοσ.

καὶ συναχθήσονται υἱοὶ Ἰούδα καὶ οἱ υἱοὶ Ἰσραὴλ ἐπὶ τὸ αὐτὸ καὶ θήσονται ἑαυτοῖσ ἀρχὴν μίαν καὶ ἀναβήσονται ἐκ τῆσ γῆσ, ὅτι μεγάλη ἡ ἡμέρα τοῦ Ἰεζραέλ. εἴπατε τῷ ἀδελφῷ ὑμῶν. λαόσ μου καὶ τῇ ἀδελφῇ ὑμῶν. ἠλεημένη. Κρίθητε πρὸσ τὴν μητέρα ὑμῶν, κρίθητε, ὅτι αὕτη οὐ γυνή μου, καὶ ἐγὼ οὐκ ἀνὴρ αὐτῆσ. καὶ ἐξαρῶ τὴν πορνείαν αὐτῆσ ἐκ προσώπου μου καὶ τὴν μοιχείαν αὐτῆσ ἐκ μέσου μαστῶν αὐτῆσ, ὅπωσ ἂν ἐκδύσω αὐτὴν γυμνὴν καὶ ἀποκαταστήσω αὐτὴν καθὼσ ἡμέρα γενέσεωσ αὐτῆσ. καὶ θήσω αὐτὴν ἔρημον καὶ τάξω αὐτὴν ὡσ γῆν ἄνυδρον καὶ ἀποκτενῶ αὐτὴν ἐν δίψει. καὶ τὰ τέκνα αὐτῆσ οὐ μὴ ἐλεήσω, ὅτι τέκνα πορνείασ ἐστίν. ὅτι ἐξεπόρνευσεν ἡ μήτηρ αὐτῶν, κατῄσχυνεν ἡ τεκοῦσα αὐτά, ὅτι εἶπε. πορεύσομαι ὀπίσω τῶν ἐραστῶν μου τῶν διδόντων μοι τοὺσ ἄρτουσ μου καὶ τὸ ὕδωρ μου καὶ τὰ ἱμάτιά μου καὶ τὰ ὀθόνιά μου, τὸ ἔλαιόν μου καὶ πάντα ὅσα μοι καθήκει. διὰ τοῦτο ἰδοὺ ἐγὼ φράσσω τὴν ὁδὸν αὐτῆσ ἐν σκόλοψι καὶ ἀνοικοδομήσω τὰσ ὁδούσ, καὶ τὴν τρίβον αὐτῆσ οὐ μὴ εὕρῃ. καὶ καταδιώξεται τοὺσ ἐραστὰσ αὐτῆσ καὶ οὐ μὴ καταλάβῃ αὐτοὺσ καὶ ζητήσει αὐτοὺσ καὶ οὐ μὴ εὕρῃ αὐτούσ. καὶ ἐρεῖ. πορεύσομαι καὶ ἐπιστρέψω πρὸσ τὸν ἄνδρα μου τὸν πρότερον, ὅτι καλῶσ μοι ἦν τότε ἢ νῦν. καὶ αὐτὴ οὐκ ἔγων ὅτι ἐγὼ ἔδωκα αὐτῇ τὸν σῖτον καὶ τὸν οἶνον καὶ τὸ ἔλαιον, καὶ ἀργύριον ἐπλήθυνα αὐτῇ. αὐτὴ δὲ ἀργυρᾶ καὶ χρυσᾶ ἐποίησε τῇ Βάαλ. διὰ τοῦτο ἐπιστρέψω καὶ κομιοῦμαι τὸν σῖτόν μου καθ̓ ὥραν αὐτοῦ καὶ τὸν οἶνόν μου ἐν καιρῷ αὐτοῦ καὶ ἀφελοῦμαι τὰ ἱμάτιά μου καὶ τὰ ὀθόνιά μου τοῦ μὴ καλύπτειν τὴν ἀσχημοσύνην αὐτῆσ. καὶ νῦν ἀποκαλύψω τὴν ἀκαθαρσίαν αὐτῆσ ἐνώπιον τῶν ἐραστῶν αὐτῆσ, καὶ οὐδεὶσ οὐ μὴ ἐξέληται αὐτὴν ἐκ χειρόσ μου. καὶ ἀποστρέψω πάσασ τὰσ εὐφροσύνασ αὐτῆσ, ἑορτὰσ αὐτῆσ καὶ τὰσ νουμηνίασ αὐτῆσ καὶ τὰ σάββατα αὐτῆσ καὶ πάσασ τὰσ πανηγύρεισ αὐτῆσ. καὶ ἀφανιῶ ἄμπελον αὐτῆσ καὶ τάσ συκᾶσ αὐτῆσ, ὅσα εἶπε. μισθώματά μου ταῦτά ἐστιν ἃ ἔδωκάν μοι οἱ ἐρασταί μου, καὶ θήσομαι αὐτὰ εἰσ μαρτύριον, καὶ καταφάγεται αὐτὰ τὰ θηρία τοῦ ἀγροῦ, καὶ τὰ πετεινὰ τοῦ οὐρανοῦ καὶ τὰ ἑρπετὰ τῆσ γῆσ. καὶ ἐκδικήσω ἐπ̓ αὐτὴν τὰσ ἡμέρασ τῶν Βααλείμ, ἐν αἷσ ἐπέθυεν αὐτοῖσ καὶ περιετίθετο τὰ ἐνώτια αὐτῆσ καὶ τὰ καθόρμια αὐτῆσ καὶ ἐπορεύετο ὀπίσω τῶν ἐραστῶν αὐτῆσ, ἐμοῦ δὲ ἐπελάθετο, λέγει Κύριοσ. Διὰ τοῦτο ἰδοὺ ἐγὼ πλανῶ αὐτὴν καὶ τάξω αὐτὴν ὡσ ἔρημον καὶ λαλήσω ἐπὶ τὴν καρδίαν αὐτῆς καὶ δώσω αὐτῇ τὰ κτήματα αὐτῆσ ἐκεῖθεν καὶ τὴν κοιλάδα Ἀχὼρ διανοῖξαι σύνεσιν αὐτῆσ, καὶ ταπεινωθήσεται ἐκεῖ κατὰ τὰσ ἡμέρασ νηπιότητοσ αὐτῆσ καὶ κατὰ τὰσ ἡμέρασ ἀναβάσεωσ αὐτῆσ ἐκ γῆσ Αἰγύπτου. καὶ ἔσται ἐν τῇ ἡμέρᾳ ἐκείνῃ, λέγει Κύριοσ, καλέσει με. ὁ ἀνήρ μου, καὶ οὐ καλέσει με ἔτι Βααλείμ. καὶ ἐξαρῶ τὰ ὀνόματα τῶν Βααλεὶμ ἐκ στόματοσ αὐτῆσ καὶ οὐ μὴ μνησθῶσιν οὐκ ἔτι τὰ ὀνόματα αὐτῶν. καὶ διαθήσομαι αὐτοῖσ διαθήκην ἐν τῇ ἡμέρᾳ ἐκείνῃ μετὰ τῶν θηρίων τοῦ ἀγροῦ καὶ μετὰ τῶν πετεινῶν τοῦ οὐρανοῦ καὶ τῶν ἑρπετῶν τῆσ γῆσ. καὶ τόξον καὶ ρομφαίαν καὶ πόλεμον συντρίψω ἀπὸ τῆσ γῆσ καὶ κατοικιῶ σε ἐπ̓ ἐλπίδι. καὶ μνηστεύσομαί σε ἐμαυτῷ εἰσ τὸν αἰῶνα καὶ μνηστεύσομαί σε ἐν δικαιοσύνῃ καὶ ἐν κρίματι καὶ ἐν ἐλέει καὶ ἐν οἰκτιρμοῖς καὶ μνηστεύσομαί σε ἐμαυτῷ ἐν πίστει, καὶ ἐπιγνώσῃ τὸν Κύριον. καὶ ἔσται ἐν ἐκείνῃ τῇ ἡμέρᾳ, λέγει Κύριοσ, ἐπακούσομαι τῷ οὐρανῷ, καὶ αὐτὸσ ἐπακούσεται τῇ γῇ, καὶ ἡ γῆ ἐπακούσεται τὸν σῖτον καὶ τὸν οἶνον καὶ τὸ ἔλαιον, καὶ αὐτὰ ἐπακούσεται τῷ Ἰεζραέλ. καὶ σπερῶ αὐτὴν ἐμαυτῷ ἐπὶ τῆσ γῆσ καὶ ἐλεήσω τὴν Οὐκ‐ἠλεημένην καὶ ἐρῶ τῷ Οὐ‐λαῷ‐μου. λαόσ μου εἰ σύ, καὶ αὐτὸσ ἐρεῖ. Κύριοσ ὁ Θεόσ μου εἶ σύ. ΚΑΙ εἶπε Κύριοσ πρόσ με. ἔτι πορεύθητι καὶ ἀγάπησον γυναῖκα ἀγαπῶσαν πονηρὰ καὶ μοιχαλίν, καθὼσ ἀγαπᾷ ὁ Θεὸσ τοὺσ υἱοὺσ Ἰσραὴλ καὶ αὐτοὶ ἀποβλέπουσιν ἐπὶ θεοὺσ ἀλλοτρίουσ καὶ φιλοῦσι πέμματα μετὰ σταφίδων.

καὶ ἐμισθωσάμην ἐμαυτῷ πεντεκαίδεκα ἀργυρίου καὶ γομὸρ κριθῶν καὶ νέβελ οἴνου καὶ εἶπα πρὸσ αὐτήν. ἡμέρασ πολλὰσ καθήσῃ ἐπ̓ ἐμοὶ καὶ οὐ μὴ πορνεύσῃσ, οὐδὲ μὴ γένῃ ἀνδρὶ ἑτέρῳ, καὶ ἐγὼ ἐπὶ σοί. διότι ἡμέρασ πολλὰσ καθήσονται οἱ υἱοὶ Ἰσραὴλ οὐκ ὄντοσ βασιλέωσ οὐδὲ ὄντοσ ἄρχοντοσ οὐδὲ οὔσησ θυσίασ οὐδὲ ὄντοσ θυσιαστηρίου οὐδὲ ἱερατείασ οὐδὲ δήλων. καὶ μετὰ ταῦτα ἐπιστρέψουσιν οἱ υἱοὶ Ἰσραὴλ καὶ ἐπιζητήσουσι Κύριον τὸν Θεὸν αὐτῶν καὶ Δαυὶδ τὸν βασιλέα αὐτῶν. καὶ ἐκστήσονται ἐπὶ τῷ Κυρίῳ καὶ ἐπὶ τοῖσ ἀγαθοῖσ αὐτοῦ ἐπ̓ ἐσχάτων τῶν ἡμερῶν. ΑΚΟΥΣΑΤΕ λόγον Κυρίου, υἱοὶ Ἰσραήλ, ὅτι κρίσισ τῷ Κυρίῳ πρὸσ τοὺσ κατοικοῦντασ τὴν γῆν, διότι οὐκ ἔστιν ἀλήθεια οὐδὲ ἔλεοσ οὐδὲ ἐπίγνωσισ Θεοῦ ἐπὶ τῆσ γῆσ.

ἀρὰ καὶ ψεῦδοσ καὶ φόνοσ καὶ κλοπὴ καὶ μοιχεία κέχυται ἐπὶ τῆσ γῆσ, καὶ αἵματα ἀφ̓ αἵμασι μίσγουσι. διὰ τοῦτο πενθήσει ἡ γῆ καὶ σμικρυνθήσεται σὺν πᾶσι τοῖσ κατοικοῦσιν αὐτήν, σὺν τοῖσ θηρίοισ τοῦ ἀγροῦ καὶ σὺν τοῖσ ἑρπετοῖσ τῆσ γῆσ καὶ σὺν τοῖσ πετεινοῖσ τοῦ οὐρανοῦ, καὶ οἱ ἰχθύεσ τῆσ θαλάσσησ ἐκλείψουσιν, ὅπωσ μηδεὶσ μήτε δικάζηται μήτε ἐλέγχῃ μηδείσ. ὁ δὲ λαόσ μου ὡσ ἀντιλεγόμενοσ ἱερεύσ. καὶ ἀσθενήσεισ ἡμέρασ, καὶ ἀσθενήσει ὁ προφήτησ μετὰ σοῦ. νυκτὶ ὡμοίωσα τὴν μητέρα σου. ὡμοιώθη ὁ λαόσ μου ὡσ οὐκ ἔχων γνῶσιν. ὅτι σὺ ἐπίγνωσιν ἀπώσω, κἀγὼ ἀπώσομαί σε τοῦ μὴ ἱερατεύειν μοι. καὶ ἐπελάθου νόμον Θεοῦ σου, κἀγὼ ἐπιλήσομαι τέκνων σου. κατὰ τὸ πλῆθοσ αὐτῶν οὕτωσ ἥμαρτόν μοι. τὴν δόξαν αὐτῶν εἰσ ἀτιμίαν θήσομαι. ἁμαρτίασ λαοῦ μου φάγονται καὶ ἐν ταῖσ ἀδικίαισ αὐτῶν λήψονται τὰσ ψυχὰσ αὐτῶν. καὶ ἔσται καθὼσ ὁ λαὸσ οὕτωσ καὶ ὁ ἱερεύσ. καὶ ἐκδικήσω ἐπ̓ αὐτὸν τὰσ ὁδοὺσ αὐτοῦ καὶ τὰ διαβούλια αὐτοῦ ἀνταποδώσω αὐτῷ. καὶ φάγονται καὶ οὐ μὴ ἐμπλησθῶσιν, ἐπόρνευσαν καὶ οὐ μὴ κατευθύνωσι, διότι τὸν Κύριον ἐγκατέλιπον τοῦ φυλάξαι. ‐ Πορνείαν καὶ οἶνον καὶ μέθυσμα ἐδέξατο καρδία λαοῦ μου. ἐν συμβόλοισ ἐπηρώτων, καὶ ἐν ράβδοισ αὐτοῦ ἀπήγγελλον αὐτῷ. πνεύματι πορνείασ ἐπλανήθησαν καὶ ἐξεπόρνευσαν ἀπὸ τοῦ Θεοῦ αὐτῶν. ἐπὶ τὰσ κορυφὰσ τῶν ὀρέων ἐθυσίαζον καὶ ἐπὶ τοὺσ βουνοὺσ ἔθυον, ὑποκάτω δρυὸσ καὶ λεύκησ καὶ δένδρου συσκιάζοντοσ, ὅτι καλὸν σκέπη. διὰ τοῦτο ἐκπορνεύσουσιν αἱ θυγατέρεσ ὑμῶν, καὶ αἱ νύμφαι ὑμῶν μοιχεύσουσι. καὶ οὐ μὴ ἐπισκέψωμαι ἐπὶ τὰσ θυγατέρασ ὑμῶν, ὅταν πορνεύσωσι, καὶ ἐπὶ τὰσ νύμφασ ὑμῶν, ὅταν μοιχεύσωσιν. ὅτι αὐτοὶ μετὰ τῶν πορνῶν συνεφύροντο καὶ μετὰ τῶν τετελεσμένων ἔθυον, καὶ ὁ λαὸσ ὁ συνίων συνεπλέκετο μετὰ πόρνησ. ‐ Σὺ δέ, Ἰσραήλ, μὴ ἀγνόει, καὶ Ἰούδα, μὴ εἰσπορεύεσθε εἰσ Γάλγαλα καὶ μὴ ἀναβαίνετε εἰσ τὸν Οἶκον Ὦν καὶ μὴ ὀμνύετε ζῶντα Κύριον. διότι ὡσ δάμαλισ παροιστρῶσα παροίστρησεν Ἰσραήλ. νῦν νεμήσει αὐτοὺσ Κύριοσ ὡσ ἀμνὸν ἐν εὐρυχώρῳ. μέτοχοσ εἰδώλων Ἐφραὶμ ἔθηκεν ἑαυτῷ σκάνδαλα, ἡρέτισε Χαναναίουσ. πορνεύοντεσ ἐξεπόρνευσαν, ἠγάπησαν ἀτιμίαν ἐκ φρυάγματοσ αὐτῶν. συστροφὴ πνεύματοσ σὺ εἶ ἐν ταῖσ πτέρυξιν αὐτῆσ, καὶ καταισχυνθήσονται ἐκ τῶν θυσιαστηρίων αὐτῶν. ΑΚΟΥΣΑΤΕ ταῦτα, οἱ ἱερεῖσ, καὶ προσέχετε, οἶκοσ Ἰσραήλ, καὶ ὁ οἶκοσ τοῦ βασιλέωσ, ἐνωτίζεσθε, διότι πρὸσ ὑμᾶσ ἐστι τὸ κρίμα. ὅτι παγὶσ ἐγενήθητε τῇ σκοπιᾷ καὶ ὡσ δίκτυον ἐκτεταμένον ἐπὶ τὸ Ἰταβύριον,

ὃ οἱ ἀγρεύοντεσ τὴν θήραν κατέπηξαν. ἐγὼ δὲ παιδευτὴσ ὑμῶν. ἐγὼ ἔγνων τὸν Ἐφραίμ, καὶ Ἰσραὴλ οὐκ ἀπέστη ἀπ̓ ἐμοῦ. διότι νῦν ἐξεπόρνευσεν Ἐφραίμ, ἐμιάνθη Ἰσραήλ. οὐκ ἔδωκαν τὰ διαβούλια αὐτῶν τοῦ ἐπιστρέψαι πρὸσ τὸν Θεὸν αὐτῶν, ὅτι πνεῦμα πορνείασ ἐν αὐτοῖσ ἐστι, τὸν δὲ Κύριον οὐκ ἐπέγνωσαν. καὶ ταπεινωθήσεται ἡ ὕβρισ τοῦ Ἰσραὴλ εἰσ πρόσωπον αὐτοῦ, καὶ Ἰσραὴλ καὶ Ἐφραὶμ ἀσθενήσουσιν ἐν ταῖσ ἀδικίαισ αὐτῶν, καὶ ἀσθενήσει καὶ Ἰούδασ μετ̓ αὐτῶν. μετὰ προβάτων καὶ μόσχων πορεύσονται τοῦ ἐκζητῆσαι τὸν Κύριον καὶ οὐ μὴ εὕρωσιν αὐτόν, ὅτι ἐκκέκλικεν ἀπ̓ αὐτῶν, ὅτι τὸν Κύριον ἐγκατέλιπον, ὅτι τέκνα ἀλλότρια ἐγεννήθησαν αὐτοῖσ. νῦν καταφάγεται αὐτοὺσ ἡ ἐρυσίβη, καὶ τοὺσ κλήρουσ αὐτῶν. ‐ Σαλπίσατε σάλπιγγι ἐπὶ τοὺσ βουνούσ, ἠχήσατε ἐπὶ τῶν ὑψηλῶν, κηρύξατε ἐν τῷ οἴκῳ Ὦν. ἐξέστη Βενιαμίν, Ἐφραὶμ εἰσ ἀφανισμὸν ἐγένετο ἐν ἡμέραισ ἐλέγχου. ἐν ταῖσ φυλαῖσ τοῦ Ἰσραὴλ ἔδειξα πιστά. ἐγένοντο οἱ ἄρχοντεσ Ἰούδα ὡσ μετατιθέντεσ ὅρια, ἐπ̓ αὐτοὺσ ἐκχεῶ ὡσ ὕδωρ τὸ ὅρμημά μου. κατεδυνάστευσεν Ἐφραὶμ τὸν ἀντίδικον αὐτοῦ, κατεπάτησε κρίμα, ὅτι ἤρξατο πορεύεσθαι ὀπίσω τῶν ματαίων. καὶ ἐγὼ ὡσ ταραχὴ τῷ Ἐφραὶμ καὶ ὡσ κέντρον τῷ οἴκῳ Ἰούδα. καὶ εἶδεν Ἐφραὶμ τὴν νόσον αὐτοῦ καὶ Ἰούδασ τὴν ὀδύνην αὐτοῦ, καὶ ἐπορεύθη Ἐφραὶμ πρὸσ Ἀσσυρίουσ καὶ ἀπέστειλε πρέσβεισ πρὸσ βασιλέα Ἰαρείμ. καὶ αὐτὸσ οὐκ ἠδυνάσθη ἰάσασθαι ὑμᾶσ, καὶ οὐ μὴ διαπαύσῃ ἐξ ὑμῶν ὀδύνη. διότι ἐγώ εἰμι ὡσ πανθὴρ τῷ Ἐφραὶμ καὶ ὡσ λέων τῷ οἴκῳ Ἰούδα. καὶ ἐγὼ ἁρπῶμαι καὶ πορεύσομαι καὶ λήψομαι, καὶ οὐκ ἔσται ὁ ἐξαιρούμενοσ. πορεύσομαι καὶ ἐπιστρέψω εἰσ τὸν τόπον μου, ἕωσ οὗ ἀφανισθῶσι. καὶ ζητήσουσι τὸ πρόσωπόν μου, ἐν θλίψει αὐτῶν ὀρθριοῦσι πρόσ με λέγοντεσ. ΠΟΡΕΥΘΩΜΕΝ καὶ ἐπιστρέψωμεν πρὸσ Κύριον τὸν Θεὸν ἡμῶν, ὅτι αὐτὸσ ἥρπακε καὶ ἰάσεται ἡμᾶσ, πατάξει καὶ μοτώσει ἡμᾶσ.

ὑγιάσει ἡμᾶσ μετὰ δύο ἡμέρασ, ἐν τῇ ἡμέρᾳ τῇ τρίτῃ ἐξαναστησόμεθα καὶ ζησόμεθα ἐνώπιον αὐτοῦ καὶ γνωσόμεθα. διώξωμεν τοῦ γνῶναι τὸν Κύριον, ὡσ ὄρθρον ἕτοιμον εὑρήσομεν αὐτόν, καὶ ἥξει ὡσ ὑετὸσ ἡμῖν πρώϊμοσ καὶ ὄψιμοσ γῇ. τί σοι ποιήσω Ἐφραίμ̣ τί σοι ποιήσω Ἰούδα̣ τὸ δὲ ἔλεοσ ὑμῶν ὡσ νεφέλη πρωϊνὴ καὶ ὡσ δρόσοσ ὀρθρινὴ πορευομένη. ‐ Διὰ τοῦτο ἀπεθέρισα τοὺσ προφήτασ ὑμῶν, ἀπέκτεινα αὐτοὺσ ἐν ρήματι στόματόσ μου, καὶ τὸ κρίμα μου ὡσ φῶσ ἐξελεύσεται. διότι ἔλεοσ θέλω καὶ οὐ θυσίαν καὶ ἐπίγνωσιν Θεοῦ ἢ ὁλοκαυτώματα. αὐτοὶ δέ εἰσιν ὡσ ἄνθρωποσ παραβαίνων διαθήκην. ἐκεῖ κατεφρόνησέ μου Γαλαὰδ πόλισ ἐργαζομένη μάταια, ταράσσουσα ὕδωρ, καὶ ἡ ἰσχύσ σου ἀνδρὸσ πειρατοῦ. ἔκρυψαν ἱερεῖσ ὁδόν, ἐφόνευσαν Σίκιμα, ὅτι ἀνομίαν ἐποίησαν. ἐν τῷ οἴκῳ τοῦ Ἰσραὴλ εἶδον φρικώδη ἐκεῖ, πορνείαν τοῦ Ἐφραίμ. ἐμιάνθη Ἰσραὴλ καὶ Ἰούδα. ἄρχου τρυγᾶν σεαυτῷ ἐν τῷ ἐπιστρέφειν με τὴν αἰχμαλωσίαν τοῦ λαοῦ μου ἐν τῷ ἰάσασθαί με τὸν Ἰσραήλ. ΚΑΙ ἀποκαλυφθήσεται ἡ ἀδικία Ἐφραὶμ καὶ ἡ κακία Σαμαρείασ, ὅτι εἰργάσαντο ψευδῆ. καὶ κλέπτησ πρὸσ αὐτὸν εἰσελεύσεται, ἐκδιδύσκων λῃστὴσ ἐν τῇ ὁδῷ αὐτοῦ,

ὅπωσ συνᾴδωσιν ὡσ ᾄδοντεσ τῇ καρδίᾳ αὐτῶν. πάσασ τὰσ κακίασ αὐτῶν ἐμνήσθην. νῦν ἐκύκλωσαν αὐτοὺσ τὰ διαβούλια αὐτῶν, ἀπέναντι τοῦ προσώπου μου ἐγένοντο. ἐν ταῖσ κακίαισ αὐτῶν εὔφραναν βασιλεῖσ καὶ ἐν τοῖσ ψεύδεσιν αὐτῶν ἄρχοντασ. πάντεσ μοιχεύοντεσ, ὡσ κλίβανοσ καιόμενοσ εἰσ πέψιν κατακαύματοσ ἀπὸ τῆσ φλογόσ, ἀπὸ φυράσεωσ στέατοσ ἕωσ τοῦ ζυμωθῆναι αὐτό. αἱ ἡμέραι τῶν βασιλέων ὑμῶν, ἤρξαντο οἱ ἄρχοντεσ θυμοῦσθαι ἐξ οἴνου, ἐξέτεινε τὴν χεῖρα αὐτοῦ μετὰ λοιμῶν. διότι ἀνεκαύθησαν ὡσ κλίβανοσ αἱ καρδίαι αὐτῶν, ἐν τῷ καταράσσειν αὐτούσ, ὅλην τὴν νύκτα ὅπου Ἐφραὶμ ἐνεπλήσθη, πρωί̈ ἐγενήθη, ἀνεκαύθη ὡσ πυρὸσ φέγγοσ. πάντεσ ἐθερμάνθησαν ὡσ κλίβανοσ καὶ κατέφαγον τοὺσ κριτὰσ αὐτῶν. πάντεσ οἱ βασιλεῖσ αὐτῶν ἔπεσαν, οὐκ ἦν ἐν αὐτοῖσ ὁ ἐπικαλούμενοσ πρόσ με. ‐ Ἐφραὶμ ἐν τοῖσ λαοῖσ αὐτοῦ συνεμίγνυτο, Ἐφραὶμ ἐγένετο ἐγκρυφίασ οὐ μεταστρεφόμενοσ. κατέφαγον ἀλλότριοι τὴν ἰσχὺν αὐτοῦ, αὐτὸσ δὲ οὐκ ἔγνω. καὶ πολιαὶ ἐξήνθησαν αὐτῷ, καὶ αὐτὸσ οὐκ ἔγνω. καὶ ταπεινωθήσεται ἡ ὕβρισ Ἰσραὴλ εἰσ πρόσωπον αὐτοῦ, καὶ οὐκ ἐπέστρεψαν πρὸσ Κύριον τὸν Θεὸν αὐτῶν καὶ οὐκ ἐξεζήτησαν αὐτὸν ἐν πᾶσι τούτοισ. καὶ ἦν Ἐφραὶμ ὡσ περιστερὰ ἄνουσ οὐχ ἔχουσα καρδίαν. Αἴγυπτον ἐπεκαλεῖτο καὶ εἰσ Ἀσσυρίουσ ἐπορεύθησαν. καθὼσ ἂν πορεύωνται, ἐπιβαλῶ ἐπ̓ αὐτοὺσ τὸ δίκτυόν μου. καθὼσ τὰ πετεινὰ τοῦ οὐρανοῦ κατάξω αὐτούσ, παιδεύσω αὐτοὺσ ἐν τῇ ἀκοῇ τῆσ θλίψεωσ αὐτῶν. οὐαὶ αὐτοῖσ, ὅτι ἀπεπήδησαν ἀπ̓ ἐμοῦ. δείλαιοί εἰσιν, ὅτι ἠσέβησαν εἰσ ἐμέ. ἐγὼ δὲ ἐλυτρωσάμην αὐτούσ, αὐτοὶ δὲ κατελάλησαν κατ̓ ἐμοῦ ψευδῆ. καὶ οὐκ ἐβόησαν πρόσ με αἱ καρδίαι αὐτῶν, ἀλλ̓ ἢ ὠλόλυζον ἐν ταῖσ κοίταισ αὐτῶν. ἐπὶ σίτῳ καὶ οἴνῳ κατετέμνοντο. ἐπαιδεύθησαν ἐν ἐμοί, κἀγὼ κατίσχυσα τοὺσ βραχίονασ αὐτῶν, καὶ εἰσ ἐμὲ ἐλογίσαντο πονηρά. ἀπεστράφησαν εἰσ οὐδέν, ἐγένοντο ὡσ τόξον ἐντεταμένον. πεσοῦνται ἐν ρομφαίᾳ οἱ ἄρχοντεσ αὐτῶν δἰ ἀπαιδευσίαν γλώσσησ αὐτῶν. οὗτοσ ὁ φαυλισμὸσ αὐτῶν ἐν γῇ Αἰγύπτῳ. ΕΙΣ κόλπον αὐτῶν ὡσ γῆ, ὡσ ἀετὸσ ἐπὶ οἶκον Κυρίου, ἀνθ̓ ὧν παρέβησαν τὴν διαθήκην μου καὶ κατὰ τοῦ νόμου μου ἠσέβησαν.

ἐμὲ κεκράξονται. ὁ Θεόσ, ἐγνώκαμέν σε. ὅτι Ἰσραὴλ ἀπεστρέψατο ἀγαθά, ἐχθρὸν κατεδίωξαν. ἑαυτοῖσ ἐβασίλευσαν καὶ οὐ δἰ ἐμοῦ. ἦρξαν καὶ οὐκ ἐγνώρισάν μοι. τὸ ἀργύριον αὐτῶν καὶ τὸ χρυσίον αὐτῶν ἐποίησαν ἑαυτοῖσ εἴδωλα, ὅπωσ ἐξολοθρευθῶσιν. ἀπότριψαι τὸν μόσχον σου, Σαμάρεια. παρωξύνθη ὁ θυμόσ μου ἐπ̓ αὐτούσ. ἕωσ τίνοσ οὐ μὴ δύνωνται καθαρισθῆναι ἐν τῷ Ἰσραήλ̣ καὶ αὐτὸ τέκτων ἐποίησε, καὶ οὐ θεόσ ἐστι. διότι πλανῶν ἦν ὁ μόσχοσ σου, Σαμάρεια. ὅτι ἀνεμόφθορα ἔσπειραν, καὶ ἡ καταστροφὴ αὐτῶν ἐκδέξεται αὐτά. δράγμα οὐκ ἔχον ἰσχὺν τοῦ ποιῆσαι ἄλευρον. ἐὰν δὲ καὶ ποιήσῃ, ἀλλότριοι καταφάγονται αὐτό. κατεπόθη Ἰσραήλ, νῦν ἐγένετο ἐν τοῖσ ἔθνεσιν ὡσ σκεῦοσ ἄχρηστον, ὅτι αὐτοὶ ἀνέβησαν εἰσ Ἀσσυρίουσ. ἀνέθαλε καθ̓ ἑαυτὸν Ἐφραίμ, δῶρα ἠγάπησαν. διὰ τοῦτο παραδοθήσονται ἐν τοῖσ ἔθνεσι. νῦν εἰσδέξομαι αὐτούσ, καὶ κοπάσουσι μικρὸν τοῦ χρίειν βασιλέα καὶ ἄρχοντασ. ὅτι ἐπλήθυνεν Ἐφραὶμ θυσιαστήρια, εἰσ ἁμαρτίασ ἐγένοντο αὐτῷ θυσιαστήρια ἠγαπημένα. καταγράψω αὐτῷ πλῆθοσ καὶ τὰ νόμιμα αὐτοῦ, εἰσ ἀλλότρια ἐλογίσθησαν θυσιαστήρια τὰ ἠγαπημένα. διότι ἐὰν θύσωσι θυσίαν καὶ φάγωσι κρέα, Κύριοσ οὐ προσδέξεται αὐτά. νῦν μνησθήσεται τὰσ ἀδικίασ αὐτῶν καὶ ἐκδικήσει τὰσ ἁμαρτίασ αὐτῶν. αὐτοὶ εἰσ Αἴγυπτον ἀπέστρεψαν καὶ ἐν Ἀσσυρίοισ ἀκάθαρτα φάγονται. καὶ ἐπελάθετο Ἰσραὴλ τοῦ ποιήσαντοσ αὐτὸν καὶ ᾠκοδόμησαν τεμένη, καὶ Ἰούδασ ἐπλήθυνε πόλεισ τετειχισμένασ. καὶ ἐξαποστελῶ πῦρ εἰσ τὰσ πόλεισ αὐτοῦ, καὶ καταφάγεται τὰ θεμέλια αὐτῶν. ΜΗ χαῖρε Ἰσραήλ, μηδὲ εὐφραίνου καθὼσ οἱ λαοί, διότι ἐπόρνευσασ ἀπὸ τοῦ Θεοῦ σου. ἠγάπησασ δόματα ἐπὶ πάντα ἅλωνα σίτου.

ἅλων καὶ ληνὸσ οὐκ ἔγνω αὐτούσ, καὶ ὁ οἶνοσ ἐψεύσατο αὐτούσ. οὐ κατῴκησαν ἐν τῇ γῇ τοῦ Κυρίου. κατῴκησεν Ἐφραὶμ Αἴγυπτον, καὶ ἐν Ἀσσυρίοισ ἀκάθαρτα φάγονται. οὐκ ἔσπεισαν τῷ Κυρίῳ οἶνον καὶ οὐχ ἥδυναν αὐτῷ. αἱ θυσίαι αὐτῶν ὡσ ἄρτοσ πένθουσ αὐτοῖσ, πάντεσ οἱ ἐσθίοντεσ αὐτὰ μιανθήσονται, διότι οἱ ἄρτοι αὐτῶν ταῖσ ψυχαῖσ αὐτῶν οὐκ εἰσελεύσονται εἰσ τὸν οἶκον Κυρίου. τί ποιήσετε ἐν ἡμέραισ πανηγύρεωσ καὶ ἐν ἡμέρᾳ ἑορτῆσ τοῦ Κυρίου̣ διὰ τοῦτο ἰδοὺ πορεύσονται ἐκ ταλαιπωρίασ Αἰγύπτου, καὶ ἐκδέξεται αὐτοὺσ Μέμφισ, καὶ θάψει αὐτοὺσ Μαχμάσ. τὸ ἀργύριον αὐτῶν ὄλεθροσ κληρονομήσει αὐτό, ἄκανθαι ἐν τοῖσ σκηνώμασιν αὐτῶν. ἥκασιν αἱ ἡμέραι τῆσ ἐκδικήσεωσ, ἥκασιν αἱ ἡμέραι τῆσ ἀνταποδόσεώσ σου, καὶ κακωθήσεται Ἰσραὴλ ὥσπερ ὁ προφήτησ ὁ παρεξεστηκώσ, ἄνθρωποσ ὁ πνευματοφόροσ. ὑπὸ τοῦ πλήθουσ τῶν ἀδικιῶν σου ἐπληθύνθη μανία σου. σκοπὸσ Ἐφραὶμ μετὰ Θεοῦ. προφήτησ, παγὶσ σκολιὰ ἐπὶ πάσασ τὰσ ὁδοὺσ αὐτοῦ. μανίαν ἐν οἴκῳ Κυρίου κατέπηξαν. ἐφθάρησαν κατὰ τὰσ ἡμέρασ τοῦ βουνοῦ. μνησθήσεται ἀδικίασ αὐτῶν, ἐκδικήσει ἁμαρτίασ αὐτῶν. ‐ Ὡσ σταφυλὴν ἐν ἐρήμῳ εὗρον τὸν Ἰσραὴλ καὶ ὡσ σκοπὸν ἐν συκῇ πρώϊμον πατέρασ αὐτῶν εἶδον. αὐτοὶ εἰσῆλθον πρὸσ τὸν Βεελφεγὼρ καὶ ἀπηλλοτριώθησαν εἰσ αἰσχύνην, καὶ ἐγένοντο οἱ ἐβδελυγμένοι ὡσ οἱ ἠγαπημένοι. Ἐφραὶμ ὡσ ὄρνεον ἐξεπετάσθη, αἱ δόξαι αὐτῶν ἐκ τόκων καὶ ὠδίνων καὶ συλλήψεων. διότι καὶ ἐὰν ἐκθρέψωσι τὰ τέκνα αὐτῶν, ἀτεκνωθήσονται ἐξ ἀνθρώπων. διότι καὶ οὐαὶ αὐτοῖσ ἐστι, σάρξ μου ἐξ αὐτῶν. Ἐφραίμ, ὃν τρόπον εἶδον. εἰσ θήραν παρέστησαν τὰ τέκνα αὐτῶν, καὶ Ἐφραὶμ τοῦ ἐξαγαγεῖν εἰσ ἀποκέντησιν τὰ τέκνα αὐτοῦ. δὸσ αὐτοῖσ, Κύριε. τί δώσεισ αὐτοῖσ̣ δὸσ αὐτοῖσ μήτραν ἀτεκνοῦσαν καὶ μαστούσ ξηρούσ. πᾶσαι αἱ κακίαι αὐτῶν ἐν Γαλγάλ, ὅτι ἐκεῖ ἐμίσησα αὐτούσ. διὰ τὰσ κακίασ τῶν ἐπιτηδευμάτων αὐτῶν ἐκ τοῦ οἴκου μου ἐκβαλῶ αὐτούσ, οὐ μὴ προσθήσω τοῦ ἀγαπῆσαι αὐτούσ. πάντεσ οἱ ἄρχοντεσ αὐτῶν ἀπειθοῦντεσ. ἐπόνεσεν Ἐφραίμ. τὰσ ρίζασ αὐτοῦ ἐξηράνθη, καρπὸν οὐκ ἔτι μὴ ἐνέγκῃ. διότι καὶ ἐὰν γεννήσωσιν, ἀποκτενῶ τὰ ἐπιθυμήματα κοιλίασ αὐτῶν. ἀπώσεται αὐτοὺσ ὁ Θεόσ, ὅτι οὐκ εἰσήκουσαν αὐτοῦ, καὶ ἔσονται πλανῆται ἐν τοῖσ ἔθνεσιν. ΑΜΠΕΛΟΣ εὐκληματοῦσα Ἰσραήλ, ὁ καρπὸσ εὐθηνῶν αὐτῆσ. κατὰ τὸ πλῆθοσ τῶν καρπῶν αὐτῆσ ἐπλήθυνε τὰ θυσιαστήρια, κατὰ τὰ ἀγαθὰ τῆσ γῆσ αὐτοῦ ᾠκοδόμησε στήλασ.

ἐμέρισαν καρδίασ αὐτῶν, νῦν ἀφανισθήσονται. αὐτὸσ κατασκάψει τὰ θυσιαστήρια αὐτῶν, ταλαιπωρήσουσιν αἱ στῆλαι αὐτῶν. διότι νῦν ἐροῦσιν. οὐκ ἔστι βασιλεὺσ ἡμῖν, ὅτι οὐκ ἐφοβήθημεν τὸν Κύριον, ὁ δὲ βασιλεὺσ τί ποιήσει ἡμῖν̣ λαλῶν ρήματα προφάσεισ ψευδεῖσ διαθήσεται διαθήκην. ἀνατελεῖ ὡσ ἄγρωστισ κρίμα ἐπὶ χέρσον ἀγροῦ. τῷ μόσχῳ τοῦ οἴκου Ὦν παροικήσουσιν οἱ κατοικοῦντεσ Σαμάρειαν, ὅτι ἐπένθησε λαὸσ αὐτοῦ ἐπ̓ αὐτόν. καὶ καθὼσ παρεπίκραναν αὐτόν, ἐπιχαροῦνται ἐπὶ τὴν δόξαν αὐτοῦ, ὅτι μετῳκίσθη ἀπ̓ αὐτοῦ. καὶ αὐτὸν εἰσ Ἀσσυρίουσ δήσαντεσ ἀπήνεγκαν ξένια τῷ βασιλεῖ Ἰαρείμ. ἐν δόματι Ἐφραὶμ δέξεται, καὶ αἰσχυνθήσεται Ἰσραὴλ ἐν τῇ βουλῇ αὐτοῦ. ἀπέρριψε Σαμάρεια βασιλέα αὐτῆσ ὡσ φρύγανον ἐπὶ προσώπου ὕδατοσ. καὶ ἐξαρθήσονται βωμοὶ Ὦν, ἁμαρτήματα τοῦ Ἰσραήλ. ἄκανθαι καὶ τρίβολοι ἀναβήσονται ἐπὶ τὰ θυσιαστήρια αὐτῶν. καὶ ἐροῦσι τοῖσ ὄρεσι. καλύψατε ἡμᾶσ, καὶ τοῖσ βουνοῖσ. πέσατε ἐφ̓ ἡμᾶσ. ‐ Ἀφ̓ οὗ οἱ βουνοί, ἥμαρτεν Ἰσραήλ, ἐκεῖ ἔστησαν. οὐ μὴ καταλάβῃ αὐτοὺσ ἐν τῷ βουνῷ πόλεμοσ ἐπὶ τὰ τέκνα ἀδικίασ̣ ἦλθε παιδεῦσαι αὐτούσ, καὶ συναχθήσονται ἐπ̓ αὐτοὺσ λαοὶ ἐν τῷ παιδεύεσθαι αὐτοὺσ ἐν ταῖσ δυσὶν ἀδικίαισ αὐτῶν. Ἐφραὶμ δάμαλισ δεδιδαγμένη ἀγαπᾶν νεῖκοσ, ἐγὼ δὲ ἀπελεύσομαι ἐπὶ τὸ κάλλιστον τοῦ τραχήλου αὐτῆσ. ἐπιβιβῶ Ἐφραὶμ καὶ παρασιωπήσομαι Ἰούδαν, ἐνισχύσει αὐτῷ Ἰακώβ. σπείρατε ἑαυτοῖσ εἰσ δικαιοσύνην, τρυγήσατε εἰσ καρπὸν ζωῆσ, φωτίσατε ἑαυτοῖσ φῶσ γνώσεωσ, ἐκζητήσατε τὸν Κύριον ἕωσ τοῦ ἐλθεῖν γενήματα δικαιοσύνησ ὑμῖν. ἱνατὶ παρεσιωπήσατε ἀσέβειαν καὶ τὰσ ἀδικίασ αὐτῆσ ἐτρυγήσατε̣ ἐφάγετε καρπὸν ψευδῆ, ὅτι ἤλπισασ ἐν τοῖσ ἁμαρτήμασί σου, ἐν πλήθει δυνάμεώσ σου. καὶ ἐξαναστήσεται ἀπώλεια ἐν τῷ λαῷ σου, καὶ πάντα τὰ περιτετειχισμένα σου οἰχήσεται. ὡσ ἄρχων Σαλαμὰν ἐκ τοῦ οἴκου τοῦ Ἱεροβάαλ, ἐν ἡμέραισ πολέμου μητέρα ἐπὶ τέκνοισ ἠδάφισαν. οὕτωσ ποιήσω ὑμῖν, οἶκοσ τοῦ Ἰσραήλ, ἀπὸ προσώπου ἀδικίασ κακιῶν ὑμῶν. ΟΡΘΡΟΥ ἀπερρίφησαν, ἀπερρίφη βασιλεὺσ Ἰσραήλ. ὅτι νήπιοσ Ἰσραήλ, καὶ ἐγὼ ἠγάπησα αὐτὸν καὶ ἐξ Αἰγύπτου μετεκάλεσα τὰ τέκνα αὐτοῦ.

καθὼσ μετεκάλεσα αὐτούσ, οὕτωσ ἀπῴχοντο ἐκ προσώπου μου. αὐτοὶ τοῖσ Βααλεὶμ ἔθυον καὶ τοῖσ γλυπτοῖσ ἐθυμίων. καὶ ἐγὼ συνεπόδισα τὸν Ἐφραίμ, ἀνέλαβον αὐτὸν ἐπὶ τὸν βραχίονά μου, καὶ οὐκ ἔγνωσαν ὅτι ἴαμαι αὐτούσ. ἐν διαφθορᾷ ἀνθρώπων ἐξέτεινα αὐτοὺσ ἐν δεσμοῖσ ἀγαπήσεώσ μου καὶ ἔσομαι αὐτοῖσ ὡσ ραπίζων ἄνθρωποσ ἐπὶ τὰσ σιαγόνασ αὐτοῦ. καὶ ἐπιβλέψομαι πρὸσ αὐτόν, δυνήσομαι αὐτῷ. κατῴκησεν Ἐφραὶμ ἐν Αἰγύπτῳ, καὶ Ἀσσοὺρ αὐτὸσ βασιλεὺσ αὐτοῦ, ὅτι οὐκ ἠθέλησεν ἐπιστρέψαι. καὶ ἠσθένησε ρομφαία ἐν ταῖσ πόλεσιν αὐτοῦ καὶ κατέπαυσεν ἐν ταῖσ χερσὶν αὐτοῦ, καὶ φάγονται ἐκ τῶν διαβουλίων αὐτῶν. καὶ ὁ λαὸσ αὐτοῦ ἐπικρεμάμενοσ ἐκ τῆσ κατοικίασ αὐτοῦ, καὶ ὁ Θεὸσ ἐπὶ τὰ τίμια αὐτοῦ θυμωθήσεται, καὶ οὐ μὴ ὑψώσῃ αὐτόν. τί σε διαθῶμαι, Ἐφραίμ̣ ὑπερασπιῶ σου, Ἰσραήλ̣ τί σε διαθῷ̣ ὡσ Ἀδαμὰ θήσομαί σε καὶ ὡσ Σεβνείμ̣ μετεστράφη ἡ καρδία μου ἐν τῷ αὐτῷ, συνεταράχθη ἡ μεταμέλειά μου. οὐ μὴ ποιήσω κατὰ τὴν ὀργὴν τοῦ θυμοῦ μου, οὐ μὴ ἐγκαταλίπω τοῦ ἐξαλειφθῆναι τὸν Ἐφραίμ. διότι Θεὸσ ἐγώ εἰμι καὶ οὐκ ἄνθρωποσ. ἐν σοὶ ἅγιοσ, καὶ οὐκ εἰσελεύσομαι εἰσ πόλιν. ὀπίσω Κυρίου πορεύσομαι. ὡσ λέων ἐρεύξεται, ὅτι αὐτὸσ ὠρύσεται, καὶ ἐκστήσονται τέκνα ὑδάτων. ἐκστήσονται ὡσ ὄρνεον ἐξ Αἰγύπτου καὶ ὡσ περιστερὰ ἐκ γῆσ Ἀσσυρίων. καὶ ἀποκαταστήσω αὐτούσ εἰσ τοὺσ οἴκουσ αὐτῶν, λέγει Κύριοσ. ΕΚΥΚΛΩΣΕ με ἐν ψεύδει Ἐφραὶμ καὶ ἐν ἀσεβείασ οἶκοσ Ἰσραὴλ καὶ Ἰούδα. νῦν ἔγνω αὐτοὺσ ὁ Θεόσ, καὶ λαὸσ ἅγιοσ κεκλήσεται Θεοῦ.

ὁ δὲ Ἐφραὶμ πονηρὸν πνεῦμα ἐδίωξε, καύσωνα ὅλην τὴν ἡμέραν. κενὰ καὶ μάταια ἐπλήθυνε καὶ διαθήκην μετὰ Ἀσσυρίων διέθετο, καὶ ἔλαιον εἰσ Αἴγυπτον ἐνεπορεύετο. καὶ κρίσισ τῷ Κυρίῳ πρὸσ Ἰούδαν τοῦ ἐκδικῆσαι τὸν Ἰακώβ. κατὰ τὰσ ὁδοὺσ αὐτοῦ καὶ κατὰ τὰ ἐπιτηδεύματα αὐτοῦ ἀποδώσει αὐτῷ. ἐν τῇ κοιλίᾳ ἐπτέρνισε τὸν ἀδελφὸν αὐτοῦ καὶ ἐν κόποισ αὐτοῦ ἐνίσχυσε πρὸσ Θεὸν καὶ ἐνίσχυσε μετὰ ἀγγέλου, καὶ ἠδυνάσθη. ἔκλαυσαν καὶ ἐδεήθησάν μου, ἐν τῷ οἴκῳ Ὦν εὕροσάν με, καὶ ἐκεῖ ἐλαλήθη πρὸσ αὐτούσ. ὁ δὲ Κύριοσ ὁ Θεὸσ ὁ παντοκράτωρ ἔσται μνημόσυνον αὐτοῦ. καὶ σὺ ἐν Θεῷ σου ἐπιστρέψεισ. ἔλεον καὶ κρίμα φυλάσσου καὶ ἔγγιζε πρὸσ τὸν Θεόν σου διαπαντόσ. ‐ Χαναὰν ἐν χειρὶ αὐτοῦ ζυγὸσ ἀδικίασ, καταδυναστεύειν ἠγάπησε. καὶ εἶπε Ἐφραίμ. πλὴν πεπλούτηκα, εὕρηκα ἀναψυχὴν ἐμαυτῷ. πάντεσ οἱ πόνοι αὐτοῦ οὐχ εὑρεθήσονται αὐτῷ, δἰ ἀδικίασ ἃσ ἥμαρτεν. ἐγὼ δὲ Κύριοσ ὁ Θεόσ σου ἀνήγαγόν σε ἐκ γῆσ Αἰγύπτου, ἔτι κατοικιῶ σε ἐν σκηναῖσ καθὼσ ἡμέρᾳ ἑορτῆσ. καὶ λαλήσω πρὸσ προφήτασ, καὶ ἐγὼ ὁράσεισ ἐπλήθυνα καὶ ἐν χερσὶ προφητῶν ὡμοιώθην. εἰ μὴ Γαλαὰδ ἐστιν, ἄρα ψευδεῖσ ἦσαν ἐν Γαλγὰλ ἄρχοντεσ θυσιάζοντεσ, καὶ τὰ θυσιαστήρια αὐτῶν ὡσ χελῶναι ἐπὶ χέρσον ἀγροῦ. καὶ ἀνεχώρησεν Ἰακὼβ εἰσ πεδίον Συρίασ, καὶ ἐδούλευσεν Ἰσραὴλ ἐν γυναικὶ καὶ ἐν γυναικὶ ἐφυλάξατο. καὶ ἐν προφήτῃ ἀνήγαγε Κύριοσ τὸν Ἰσραὴλ ἐκ γῆσ Αἰγύπτου, καὶ ἐν προφήτῃ διεφυλάχθη. ἐθύμωσεν Ἐφραὶμ καὶ παρώργισε, καὶ τὸ αἷμα αὐτοῦ ἐπ̓ αὐτὸν ἐκχυθήσεται, καὶ τὸν ὀνειδισμὸν αὐτοῦ ἀνταποδώσει αὐτῷ Κύριοσ. ΚΑΤΑ τὸν λόγον Ἐφραὶμ δικαιώματα ἔλαβεν αὐτὸσ ἐν τῷ Ἰσραὴλ καὶ ἔθετο αὐτὰ τῇ Βάαλ καὶ ἀπέθανε.

καὶ νῦν προσέθεντο τοῦ ἁμαρτάνειν ἔτι, καὶ ἐποίησαν ἑαυτοῖσ χώνευμα ἐκ τοῦ ἀργυρίου αὐτῶν κατ̓ εἰκόνα εἰδώλων, ἔργα τεκτόνων συντετελεσμένα αὐτοῖσ. αὐτοὶ λέγουσι. θύσατε ἀνθρώπουσ, μόσχοι γὰρ ἐκλελοίπασι. διὰ τοῦτο ἔσονται ὡσ νεφέλη πρωϊνὴ καὶ ὡσ δρόσοσ ὀρθρινὴ πορευομένη, ὥσπερ χνοῦσ ἀποφυσώμενοσ ἀφ̓ ἅλωνοσ καὶ ὡσ ἀτμὶσ ἀπό δακρύων. ἐγὼ δὲ Κύριοσ ὁ Θεόσ σου ὁ στερεῶν τὸν οὐρανὸν καὶ κτίζων γῆν, οὗ αἱ χεῖρεσ ἔκτισαν πᾶσαν τὴν στρατιὰν τοῦ οὐρανοῦ, καὶ οὐ παρέδειξά σοι αὐτὰ τοῦ πορεύεσθαι ὀπίσω αὐτῶν. καὶ ἐγὼ ἀνήγαγόν σε ἐκ γῆσ Αἰγύπτου, καὶ Θεὸν πλὴν ἐμοῦ οὐ γνώσῃ, καὶ σῴζων οὐκ ἔστι πάρεξ ἐμοῦ. ἐγὼ ἐποίμανόν σε ἐν τῇ ἐρήμῳ, ἐν γῇ ἀοικήτῳ κατὰ τὰσ νομὰσ αὐτῶν. καὶ ἐνεπλήσθησαν εἰσ πλησμονὴν καὶ ὑψώθησαν αἱ καρδίαι αὐτῶν. ἕνεκα τούτου ἐπελάθοντό μου. καὶ ἔσομαι αὐτοῖσ ὡσ πανθὴρ καὶ ὡσ πάρδαλισ κατὰ τὴν ὁδὸν Ἀσσυρίων. ἀπαντήσομαι αὐτοῖσ ὡσ ἄρκοσ ἀπορουμένη καὶ διαρρήξω συγκλεισμὸν καρδίασ αὐτῶν, καὶ καταφάγονται αὐτοὺσ ἐκεῖ σκύμνοι δρυμοῦ, θηρία ἀγροῦ διασπάσει αὐτούσ. τῇ διαφθορᾷ σου, Ἰσραήλ, τίσ βοηθήσει̣ ποῦ ὁ βασιλεύσ σου οὗτοσ̣ καὶ διασωσάτω σε ἐν πάσαισ ταῖσ πόλεσί σου. κρινάτω σε ὃν εἶπασ. δόσ μοι βασιλέα καὶ ἄρχοντα. καὶ ἔδωκά σοι βασιλέα ἐν ὀργῇ μου καὶ ἔσχον ἐν τῷ θυμῷ μου συστροφὴν ἀδικίασ. Ἐφραίμ, ἐγκεκρυμμένη ἡ ἁμαρτία αὐτοῦ. ὠδῖνεσ ὡσ τικτούσησ ἥξουσιν αὐτῷ. οὗτοσ ὁ υἱόσ σου ὁ φρόνιμοσ, διότι οὐ μὴ ὑποστῇ ἐν συντριβῇ τέκνων. ἐκ χειρὸσ ᾅδου ρύσομαι καὶ ἐκ θανάτου λυτρώσομαι αὐτούσ, ποῦ ἡ δίκη σου, θάνατε̣ ποῦ τὸ κέντρον σου, ᾅδη̣ παράκλησισ κέκρυπται ἀπὸ ὀφθαλμῶν μου, διότι οὗτοσ ἀνὰ μέσον ἀδελφῶν διαστελεῖ. ἐπάξει καύσωνα ἄνεμον Κύριοσ ἐκ τῆσ ἐρήμου ἐπ̓ αὐτόν, καὶ ἀναξηρανεῖ τὰσ φλέβασ αὐτοῦ, ἐξερημώσει τὰσ πηγὰσ αὐτοῦ. αὐτὸσ καταξηρανεῖ τὴν γῆν αὐτοῦ καὶ πάντα τὰ σκεύη τὰ ἐπιθυμητὰ αὐτοῦ. ΑΦΑΝΙΣΘΗΣΕΤΑΙ Σαμάρεια, ὅτι ἀντέστη πρὸσ τὸν Θεὸν αὐτῆσ. ἐν ρομφαίᾳ πεσοῦνται αὐτοί, καὶ τὰ ὑποτίτθια αὐτῶν ἐδαφισθήσονται, καὶ αἱ ἐν γαστρὶ ἔχουσαι αὐτῶν διαρραγήσονται.

ἐπιστράφηθι, Ἰσραήλ, πρὸσ Κύριον τὸν Θεόν σου, διότι ἠσθένησαν ἐν ταῖσ ἀδικίαισ σου. λάβετε μεθ̓ ἑαυτῶν λόγουσ καὶ ἐπιστράφητε πρὸσ Κύριον τὸν Θεὸν ὑμῶν. εἴπατε αὐτῷ, ὅπωσ μὴ λάβητε ἀδικίαν καὶ λάβητε ἀγαθά, καὶ ἀνταποδώσομεν καρπὸν χειλέων ἡμῶν. Ἀσσοὺρ οὐ μὴ σώσῃ ἡμᾶσ, ἐφ̓ ἵππον οὐκ ἀναβησόμεθα. οὐκέτι μὴ εἴπωμεν. θεοὶ ἡμῶν, τοῖσ ἔργοισ τῶν χειρῶν ἡμῶν. ὁ ἐν σοὶ ἐλεήσει ὀρφανόν. ἰάσομαι τὰσ κατοικίασ αὐτῶν, ἀγαπήσω αὐτοὺσ ὁμολόγωσ, ὅτι ἀποστρέψω τὴν ὀργήν μου ἀπ̓ αὐτοῦ. ἔσομαι ὡσ δρόσοσ τῷ Ἰσραήλ, ἀνθήσει ὡσ κρίνον καὶ βαλεῖ τὰσ ρίζασ αὐτοῦ ὡσ ὁ Λίβανοσ. πορεύσονται οἱ κλάδοι αὐτοῦ, καὶ ἔσται ὡσ ἐλαία κατάκαρποσ, καὶ ἡ ὀσφρασία αὐτοῦ ὡσ Λιβάνου. ἐπιστρέψουσι καὶ καθιοῦνται ὑπὸ τὴν σκέπην αὐτοῦ, ζήσονται καὶ μεθυσθήσονται σίτῳ. καὶ ἐξανθήσει ὡσ ἄμπελοσ μνημόσυνον αὐτοῦ, ὡσ οἶνοσ Λιβάνου. τῷ Ἐφραίμ, τί αὐτῷ ἔτι καὶ εἰδώλοισ̣ ἐγὼ ἐταπείνωσα αὐτόν, καὶ ἐγὼ κατισχύσω αὐτόν. ἐγὼ ὡσ ἄρκευθοσ πυκάζουσα, ἐξ ἐμοῦ ὁ καρπόσ σου εὕρηται. τίσ σοφὸσ καὶ συνήσει ταῦτα̣ ἢ συνετὸσ καὶ ἐπιγνώσεται αὐτά̣ ὅτι εὐθεῖαι αἱ ὁδοὶ τοῦ Κυρίου, καὶ δίκαιοι πορεύσονται ἐν αὐταῖσ, οἱ δὲ ἀσεβεῖσ ἀσθενήσουσιν ἐν αὐταῖσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Prophetia Osee

(70인역 성경, 호세아서)

목록

SEARCH

MENU NAVIGATION