헬라어 문장 검색 - Σεπτύ029́015́

(70인역 성경, 지혜서 15:)

ΣΥ δὲ ὁ Θεὸσ ἡμῶν χρηστὸσ καὶ ἀληθήσ, μακρόθυμοσ καὶ ἐν ἐλέει διοικῶν τὰ πάντα. καὶ γὰρ ἐὰν ἁμάρτωμεν, σοί ἐσμεν, εἰδότεσ σου τὸ κράτοσ. οὐχ ἁμαρτησόμεθα δέ, εἰδότεσ ὅτι σοὶ λελογίσμεθα. τὸ γὰρ ἐπίστασθαί σε ὁλόκληροσ δικαιοσύνη, καὶ εἰδέναι τὸ κράτοσ σου ρίζα ἀθανασίασ. οὔτε γὰρ ἐπλάνησεν ἡμᾶσ ἀνθρώπων κακότεχνοσ ἐπίνοια, οὐδὲ σκιαγράφων πόνοσ ἄκαρποσ, εἶδοσ σπιλωθὲν χρώμασι διηλλαγμένοισ, ὧν ὄψισ ἄφροσιν εἰσ ὄνειδοσ ἔρχεται, ποθεῖ τε νεκρᾶσ εἰκόνοσ εἶδοσ ἄπνουν. κακῶν ἐρασταὶ ἄξιοί τε τοιούτων ἐλπίδων, καὶ οἱ δρῶντεσ καὶ οἱ ποθοῦντεσ καὶ οἱ σεβόμενοι. Καὶ γὰρ κεραμεὺσ ἁπαλὴν γῆν θλίβων ἐπίμοχθον πλάσσει πρὸσ ὑπηρεσίαν ἡμῶν ἓν ἕκαστον. ἀλλ̓ ἐκ τοῦ αὐτοῦ πηλοῦ ἀνεπλάσατο τά τε τῶν καθαρῶν ἔργων δοῦλα σκεύη τά τε ἐναντία, πάνθ̓ ὁμοίωσ. τούτων δὲ ἑκατέρου τίσ ἑκάστῳ ἐστὶν ἡ χρῆσισ, κριτὴσ ὁ πηλουργόσ. καὶ κακόμοχθοσ θεὸν μάταιον ἐκ τοῦ αὐτοῦ πλάσσει πηλοῦ, ὃσ πρὸ μικροῦ γῆσ γεννηθεὶσ μετ̓ ὀλίγον πορεύεται ἐξ ἧσ ἐλήφθη, τὸ τῆσ ψυχῆσ ἀπαιτηθεὶσ χρέοσ. ἀλλ̓ ἔστιν αὐτῷ φροντὶσ οὐχ ὅτι μέλλει κάμνειν, ἀλλ̓ ὅτι βραχυτελῆ βίον ἔχει, ἀλλ̓ ἀντερείδεται μέν χρυσουργοῖσ καὶ ἀργυροχόοισ, χαλκοπλάστασ τε μιμεῖται καὶ δόξαν ἡγεῖται ὅτι κίβδηλα πλάσσει. σποδὸσ ἡ καρδία αὐτοῦ, καὶ γῆσ εὐτελεστέρα ἡ ἐλπὶσ αὐτοῦ, πηλοῦ τε ἀτιμότεροσ ὁ βίοσ αὐτοῦ, ὅτι ἠγνόησε τὸν πλάσαντα αὐτὸν καὶ τὸν ἐμπνεύσαντα αὐτῷ ψυχὴν ἐνεργοῦσαν καὶ ἐμφυσήσαντα πνεῦμα ζωτικόν. ἀλλ̓ ἐλογίσαντο παίγνιον εἶναι τὴν ζωὴν ἡμῶν καὶ τὸν βίον πανηγυρισμὸν ἐπικερδῆ. δεῖν γάρ φησιν ὅθεν δή, κἂν ἐκ κακοῦ, πορίζειν. οὗτοσ γὰρ παρὰ πάντασ οἶδεν ὅτι ἁμαρτάνει, ὕλησ γεώδουσ εὔθραυστα σκεύη καὶ γλυπτὰ δημιουργῶν. πάντεσ δ̓ ἀφρονέστατοι καὶ τάλαντεσ ὑπὲρ ψυχὴν νηπίου οἱ ἐχθροὶ τοῦ λαοῦ σου καταδυναστεύσαντεσ αὐτόν, ὅτι καὶ πάντα εἴδωλα τῶν ἐθνῶν ἐλογίσαντο θεούσ, οἷσ οὔτε ὀμμάτων χρῆσισ εἰσ ὅρασιν οὔτε ρῖνεσ εἰσ συνολκὴν ἀέροσ οὔτε ὦτα ἀκούειν οὔτε δάκτυλοι χειρῶν εἰσ ψηλάφησιν, καὶ οἱ πόδεσ αὐτῶν ἀργοὶ πρὸσ ἐπίβασιν. ἄθρωποσ γὰρ ἐποίησεν αὐτούσ, καὶ τὸ πνεῦμα δεδανεισμένοσ ἔπλασεν αὐτούσ. οὐδεὶσ γὰρ αὐτῷ ὅμοιον ἄνθρωποσ ἰσχύει πλάσαι Θεόν. θνητὸσ δὲ ὢν νεκρὸν ἐργάζεται χερσὶν ἀνόμοισ. κρείττων γάρ ἐστι τῶν σεβασμάτων αὐτοῦ, ὧν αὐτὸσ μὲν ἔζησεν, ἐκεῖνα δὲ οὐδέποτε. καὶ τὰ ζῷα δὲ τὰ ἔχθιστα σέβονται. ἀνοίᾳ γὰρ συγκρινόμενα τῶν ἄλλων ἐστὶ χείρονα. οὐδ̓ ὅσον ἐπιποθῆσαι ὡσ ἐν ζῴων ὄψει καλὰ τυγχάνει, ἐκπέφευγε δὲ καὶ τὸν τοῦ Θεοῦ ἔπαινον καὶ τὴν εὐλογίαν αὐτοῦ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber Sapientiae 15:

(70인역 성경, 지혜서 15:)

목록

SEARCH

MENU NAVIGATION