헬라어 문장 검색 - Σεπτύ029́002́

(70인역 성경, 지혜서 2:)

ΕΙΠΟΝ γὰρ ἐν ἑαυτοῖσ λογισάμενοι οὐκ ὀρθῶσ. ὀλίγοσ ἐστὶ καὶ λυπηρὸσ ὁ βίοσ ἡμῶν, καὶ οὐκ ἔστιν ἴασισ ἐν τελευτῇ ἀνθρώπου, καὶ οὐκ ἐγνώσθη ὁ ἀναλύσασ ἐξ ᾅδου. ὅτι αὐτοσχεδίωσ ἐγεννήθημεν, καὶ μετὰ τοῦτο ἐσόμεθα ὡσ οὐχ ὑπάρξαντεσ. ὅτι καπνὸσ ἡ πνοὴ ἐν ρισὶν ἡμῶν, καὶ ὁ λόγοσ σπινθὴρ ἐν κινήσει καρδίασ ἡμῶν, οὗ σβεσθέντοσ τέφρα ἀποβήσεται τὸ σῶμα καὶ τὸ πνεῦμα διαχυθήσεται ὡσ χαῦνοσ ἀήρ. καὶ τὸ ὄνομα ἡμῶν ἐπιλησθήσεται ἐν χρόνῳ, καὶ οὐθεὶσ μνημονεύσει τῶν ἔργων ἡμῶν. καὶ παρελεύσεται ὁ βίοσ ἡμῶν ὡσ ἴχνη νεφέλησ καὶ ὡσ ὁμίχλη διασκεδασθήσεται διωχθεῖσα ὑπὸ ἀκτίνων ἡλίου καὶ ὑπὸ θερμότητοσ αὐτοῦ βαρυνθεῖσα. σκιᾶσ γὰρ πάροδοσ ὁ βίοσ ἡμῶν, καὶ οὐκ ἔστιν ἀναποδισμὸσ τῆσ τελευτῆσ ἡμῶν, ὅτι κατεσφραγίσθη, καὶ οὐδείσ ἀναστρέφει. δεῦτε οὖν καὶ ἀπολαύσωμεν τῶν ὄντων ἀγαθῶν καὶ χρησώμεθα τῇ κτίσει ὡσ ἐν νεότητι σπουδαίωσ. οἴνου πολυτελοῦσ καὶ μύρων πλησθῶμεν, καὶ μὴ παροδευσάτω ἡμᾶσ ἄνθοσ ἀέροσ. στεψώμεθα ρόδων κάλυξι πρὶν ἢ μαρανθῆναι. μηδεὶσ ἡμῶν ἄμοιροσ ἔστω τῆσ ἡμετέρασ ἀγερωγίασ, πανταχῆ καταλίπωμεν σύμβολα τῆσ εὐφροσύνησ, ὅτι αὕτη ἡ μερὶσ ἡμῶν καὶ ὁ κλῆροσ οὗτοσ. καταδυναστεύσωμεν πένητα δίκαιον, μὴ φεισώμεθα χήρασ, μηδὲ πρεσβύτου ἐντραπῶμεν πολιὰσ πολυχρονίουσ. ἔστω δὲ ἡμῶν ἡ ἰσχὺσ νόμοσ τῆσ δικαιοσύνησ, τὸ γὰρ ἀσθενὲσ ἄχρηστον ἐλέγχεται. ἐνεδρεύσωμεν δὲ τὸν δίκαιον, ὅτι δύσχρηστοσ ἡμῖν ἐστι καὶ ἐναντιοῦται τοῖσ ἔργοισ ἡμῶν καὶ ὀνειδίζει ἡμῖν ἁμαρτήματα νόμου καὶ ἐπιφημίζει ἡμῖν ἁμαρτήματα παιδείασ ἡμῶν. ἐπαγγέλλεται γνῶσιν ἔχειν Θεοῦ καὶ παῖδα Κυρίου ἑαυτὸν ὀνομάζει. ἐγένετο ἡμῖν εἰσ ἔλεγχον ἐννοιῶν ἡμῶν. βαρύσ ἐστιν ἡμῖν καὶ βλεπόμενοσ, ὅτι ἀνόμοιοσ τοῖσ ἄλλοισ ὁ βίοσ αὐτοῦ, καὶ ἐξηλλαγμέναι αἱ τρίβοι αὐτοῦ. εἰσ κίβδηλον ἐλογίσθημεν αὐτῷ, καὶ ἀπέχεται τῶν ὁδῶν ἡμῶν ὡσ ἀπὸ ἀκαθαρσιῶν. μακαρίζει ἔσχατα δικαίων καὶ ἀλαζονεύεται πατέρα Θεόν. ἴδωμεν εἰ οἱ λόγοι αὐτοῦ ἀληθεῖσ, καὶ πειράσωμεν τὰ ἐν ἐκβάσει αὐτοῦ. εἰ γάρ ἐστιν ὁ δίκαιοσ υἱὸσ Θεοῦ, ἀντιλήψεται αὐτοῦ καὶ ρύσεται αὐτὸν ἐκ χειρὸσ ἀνθεστηκότων. ὕβρει καὶ βασάνῳ ἐτάσωμεν αὐτόν, ἵνα γνῶμεν τὴν ἐπιείκειαν αὐτοῦ καὶ δοκιμάσωμεν τὴν ἀνεξικακίαν αὐτοῦ. θανάτῳ ἀσχήμονι καταδικάσωμεν αὐτόν, ἔσται γὰρ αὐτοῦ ἐπισκοπὴ ἐκ λόγων αὐτοῦ. Ταῦτα ἐλογίσαντο, καὶ ἐπλανήθησαν. ἀπετύφλωσε γὰρ αὐτοὺσ ἡ κακία αὐτῶν, καὶ οὐκ ἔγνωσαν μυστήρια Θεοῦ, οὐδὲ μισθὸν ἤλπισαν ὁσιότητοσ, οὐδὲ ἔκριναν γέρασ ψυχῶν ἀμώμων. ὅτι ὁ Θεὸσ ἔκτισε τὸν ἄνθρωπον ἐπ̓ ἀφθαρσίᾳ καὶ εἰκόνα τῆσ ἰδίασ ἰδιότητοσ ἐποίησεν αὐτόν. φθόνῳ δέ διαβόλου θάνατοσ εἰσῆλθεν εἰσ τόν κόσμον, πειράζουσι δὲ αὐτὸν οἱ τῆσ ἐκείνου μερίδοσ ὄντεσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber Sapientiae 2:

(70인역 성경, 지혜서 2:)

목록

SEARCH

MENU NAVIGATION