Septuagint, Liber Ecclesiastes 12:

(70인역 성경, 코헬렛 12:)

ΚΑΙ μνήσθητι τοῦ κτίσαντόσ σε ἐν ἡμέραισ νεότητόσ σου, ἕωσ ὅτου μὴ ἔλθωσιν ἡμέραι τῆσ κακίασ καὶ φθάσωσιν ἔτη, ἐν οἷσ ἐρεῖσ. οὐκ ἔστι μοι ἐν αὐτοῖσ θέλημα. ἕωσ οὗ μὴ σκοτισθῇ ὁ ἥλιοσ καὶ τὸ φῶσ καὶ ἡ σελήνη καὶ οἱ ἀστέρεσ, καὶ ἐπιστρέψωσι τὰ νέφη ὀπίσω τοῦ ὑετοῦ. ἐν ἡμέρᾳ, ᾗ ἐὰν σαλευθῶσι φύλακεσ τῆσ οἰκίασ καὶ διαστραφῶσιν ἄνδρεσ τῆσ δυνάμεωσ, καὶ ἤργησαν αἱ ἀλήθουσαι, ὅτι ὠλιγώθησαν, καὶ σκοτάσουσιν αἱ βλέπουσαι ἐν ταῖσ ὀπαῖσ. καὶ κλείσουσι θύρασ ἐν ἀγορᾷ, ἐν ἀσθενείᾳ φωνῆσ τῆσ ἀληθούσησ, καὶ ἀναστήσεται εἰσ φωνὴν τοῦ στρουθίου, καὶ ταπεινωθήσονται πᾶσαι αἱ θυγατέρεσ τοῦ ᾄσματοσ. καὶ ἀπὸ ὕψουσ ὄψονται, καὶ θάμβοι ἐν τῇ ὁδῷ. καὶ ἀνθήσῃ τὸ ἀμύγδαλον, καὶ παχυνθῇ ἡ ἀκρίσ, καὶ διασκεδασθῇ ἡ κάππαρισ, ὅτι ἐπορεύθη ὁ ἄνθρωποσ εἰσ οἶκον αἰῶνοσ αὐτοῦ, καὶ ἐκύκλωσαν ἐν ἀγορᾷ οἱ κοπτόμενοι. ἕωσ ὅτου μὴ ἀνατραπῇ τὸ σχοινίον τοῦ ἀργυρίου, καὶ συντριβῇ τὸ ἀνθέμιον τοῦ χρυσίου, καὶ συντριβῇ ὑδρία ἐπὶ τῇ πηγῇ, καὶ συντροχάσῃ ὁ τροχὸσ ἐπὶ τὸν λάκκον, καὶ ἐπιστρέψῃ ὁ χοῦσ ἐπὶ τὴν γῆν, ὡσ ἦν, καὶ τὸ πνεῦμα ἐπιστρέψῃ πρὸσ τὸν Θεόν, ὃσ ἔδωκεν αὐτό. ματαιότησ ματαιοτήτων, εἶπεν ὁ ἐκκλησιαστήσ, τὰ πάντα ματαιότησ. Καὶ περισσὸν ὅτι ἐγένετο ἐκκλησιαστὴσ σοφόσ, ὅτι ἐδίδαξε γνῶσιν σὺν τὸν λαόν, καὶ οὖσ ἐξιχνιάσεται κόσμιον παραβολῶν. πολλὰ ἐζήτησεν ἐκκλησιαστὴσ τοῦ εὑρεῖν λόγουσ θελήματοσ καὶ γεγραμμένον εὐθύτητοσ, λόγουσ ἀληθείασ. Λόγοι σοφῶν ὡσ τὰ βούκεντρα καὶ ὡσ ἧλοι πεφυτευμένοι, οἳ παρὰ τῶν συνθεμάτων ἐδόθησαν ἐκ ποιμένοσ ἑνὸς καὶ περισσὸν ἐξ αὐτῶν. υἱὲ μου, φύλαξαι, τοῦ ποιῆσαι βιβλία πολλά. οὐκ ἔστι περασμόσ, καὶ μελέτη πολλὴ κόπωσισ σαρκόσ. Τέλοσ λόγου, τὸ πᾶν ἄκουε. τὸν Θεὸν φοβοῦ καὶ τὰσ ἐντολὰσ αὐτοῦ φύλασσε, ὅτι τοῦτο πᾶσ ὁ ἄνθρωποσ. ὅτι σύμπαν τὸ ποίημα ὁ Θεὸσ ἄξει ἐν κρίσει, ἐν παντὶ παρεωραμένῳ, ἐὰν ἀγαθὸν καὶ ἐὰν πονηρόν.

목록

일치하는 문장이 없습니다.

SEARCH

MENU NAVIGATION