Septuagint, Liber Ecclesiastes 1:

(70인역 성경, 코헬렛 1:)

Ρήματα ἐκκλησιαστοῦ υἱοῦ Δαβὶδ βασιλέωσ Ἰσραὴλ ἐν Ἱερουσαλήμ. Ματαιότησ ματαιοτήτων, εἶπεν ὁ ἐκκλησιαστήσ, ματαιότησ ματαιοτήτων, τὰ πάντα ματαιότησ. τίσ περισσεία τῷ ἀνθρώπῳ ἐν παντὶ μόχθῳ αὐτοῦ, ᾧ μοχθεῖ ὑπὸ τὸν ἥλιον̣ γενεὰ πορεύεται καὶ γενεὰ ἔρχεται, καὶ ἡ γῆ εἰσ τὸν αἰῶνα ἕστηκε. καὶ ἀνατέλλει ὁ ἥλιοσ καὶ δύνει ὁ ἥλιοσ καὶ εἰσ τὸν τόπον αὐτοῦ ἕλκει. αὐτὸσ ἀνατέλλων ἐκεῖ πορεύεται πρὸσ νότον καὶ κυκλοῖ πρὸσ βορρᾶν. κυκλοῖ κυκλῶν, πορεύεται τὸ πνεῦμα, καὶ ἐπὶ κύκλουσ αὐτοῦ ἐπιστρέφει τὸ πνεῦμα. πάντεσ οἱ χείμαρροι πορεύονται εἰσ τὴν θάλασσαν, καὶ ἡ θάλασσα οὐκ ἔστιν ἐμπιπλαμένη. εἰσ τὸν τόπον, οὗ οἱ χείμαρροι πορεύονται, ἐκεῖ αὐτοὶ ἐπιστρέφουσι τοῦ πορευθῆναι. πάντεσ οἱ λόγοι ἔγκοποι. οὐ δυνήσεται ἀνὴρ τοῦ λαλεῖν, καὶ οὐ πλησθήσεται ὀφθαλμὸσ τοῦ ὁρᾶν, καὶ οὐ πληρωθήσεται οὖσ ἀπὸ ἀκροάσεωσ. τί τὸ γεγονόσ̣ αὐτὸ τὸ γενησόμενον. καὶ τὶ τό πεποιημένον̣ αὐτὸ τὸ ποιηθησόμενον. καί οὐκ ἔστι πᾶν πρόσφατον ὑπὸ τὸν ἥλιον. ὃσ λαλήσει καὶ ἐρεῖ. ἰδὲ τοῦτο κενόν ἐστιν, ἤδη γέγονεν ἐν τοῖσ αἰῶσι τοῖσ γενομένοισ ἀπὸ ἔμπροσθεν ἡμῶν. οὐκ ἔστι μνήμη τοῖσ πρώτοισ, καί γε τοῖσ ἐσχάτοισ γενομένοισ οὐκ ἔσται αὐτῶν μνήμη μετὰ τῶν γενησομένων εἰσ τὴν ἐσχάτην. Ἐγὼ ἐκκλησιαστὴσ ἐγενόμην βασιλεὺσ ἐπὶ Ἰσραὴλ ἐν Ἱερουσαλήμ. καὶ ἔδωκα τὴν καρδίαν μου τοῦ ἐκζητῆσαι καὶ τοῦ κατασκέψασθαι ἐν τῇ σοφίᾳ περὶ πάντων τῶν γινομένων ὑπὸ τὸν οὐρανόν. ὅτι περισπασμὸν πονηρὸν ἔδωκεν ὁ Θεὸσ τοῖσ υἱοῖσ τῶν ἀνθρώπων τοῦ περισπάσθαι ἐν αὐτῷ. εἶδον σὺν πάντα τὰ ποιήματα τὰ πεποιημένα ὑπὸ τὸν ἥλιον, καὶ ἰδοὺ τὰ πάντα ματαιότησ καὶ προαίρεσισ πνεύματοσ. διεστραμμένον οὐ δυνήσεται ἐπικοσμηθῆναι, καὶ ὑστέρημα οὐ δυνήσεται ἀριθμηθῆναι. ἐλάλησα ἐγὼ ἐν καρδίᾳ μου τῷ λέγειν. ἰδοὺ ἐγὼ ἐμεγαλύνθην καὶ προσέθηκα σοφίαν ἐπὶ πᾶσιν, οἳ ἐγένοντο ἔμπροσθέν μου ἐν Ἱερουσαλήμ, καὶ ἔδωκα καρδίαν μου τοῦ γνῶναι σοφίαν καὶ γνῶσιν. καὶ καρδία μου εἶδε πολλά, σοφίαν καὶ γνῶσιν, παραβολὰσ καὶ ἐπιστήμην ἔγνων ἐγώ, ὅτι καί γε τοῦτό ἐστι προαίρεσισ πνεύματοσ. ὅτι ἐν πλήθει σοφίασ πλῆθοσ γνώσεωσ, καὶ ὁ προστιθεὶσ γνῶσιν προσθήσει ἄλγημα.

목록

일치하는 문장이 없습니다.

SEARCH

MENU NAVIGATION