Septuagint, Liber Proverbiorum 29:

(70인역 성경, 잠언 29:)

ΚΡΕΙΣΣΩΝ ἀνὴρ ἐλέγχων ἀνδρὸσ σκληροτραχήλου, ἐξαπίνησ γὰρ φλεγομένου αὐτοῦ οὐκ ἔστιν ἴασισ. ἐγκωμιαζομένων δικαίων εὐφρανθήσονται λαοί, ἀρχόντων δὲ ἀσεβῶν στένουσιν ἄνδρεσ. ἀνδρὸσ φιλοῦντοσ σοφίαν εὐφραίνεται πατὴρ αὐτοῦ, ὃσ δὲ ποιμαίνει πόρνασ, ἀπολεῖ πλοῦτον. βασιλεὺσ δίκαιοσ ἀνίστησι χώραν, ἀνὴρ δὲ παράνομοσ κατασκάπτει. ὃσ παρασκευάζεται ἐπὶ πρόσωπον τοῦ ἑαυτοῦ φίλουσ δίκτυον, περιβάλλει αὐτὸ τοῖσ ἑαυτοῦ ποσίν. ἁμαρτάνοντι ἀνδρὶ μεγάλη παγίσ, δίκαιοσ δὲ ἐν χαρᾷ καὶ ἐν εὐφροσύνῃ ἔσται. ἐπίσταται δίκαιοσ κρίνειν πενιχροῖσ, ὁ δὲ ἀσεβὴσ οὐ νοεῖ γνῶσιν, καὶ πτωχῷ οὐχ ὑπάρχει νοῦσ ἐπιγνώμων. ἄνδρεσ ἄνομοι ἐξέκαυσαν πόλιν, σοφοὶ δὲ ἐπέστρεψαν ὀργήν. ἀνὴρ σοφὸσ κρινεῖ ἔθνη, ἀνὴρ δὲ φαῦλοσ ὀργιζόμενοσ καταγελᾶται καὶ οὐ καταπτήσσει. ἄνδρεσ αἱμάτων μέτοχοι μισοῦσιν ὅσιον, οἱ δὲ εὐθεῖσ ἐκζητήσουσι ψυχὴν αὐτοῦ. ὅλον τὸν θυμὸν αὐτοῦ ἐκφέρει ἄφρων, σοφὸσ δὲ ταμιεύεται κατὰ μέροσ. βασιλέωσ ὑπακούοντοσ λόγον ἄδικον, πάντεσ οἱ ὑπ̓ αὐτὸν παράνομοι. δανειστοῦ καὶ χρεωφειλέτου ἀλλήλοισ συνελθόντων, ἐπισκοπὴν ἀμφοτέρων ποιεῖται ὁ Κύριοσ. βασιλέωσ ἐν ἀληθείᾳ κρίνοντοσ πτωχούσ, ὁ θρόνοσ αὐτοῦ εἰσ μαρτύριον κατασταθήσεται. πληγαὶ καὶ ἔλεγχοι διδόασι σοφίαν, παῖσ δὲ πλανώμενοσ αἰσχύνει γονεῖσ αὐτοῦ. πολλῶν ὄντων ἀσεβῶν πολλαὶ γίνονται ἁμαρτίαι, οἱ δὲ δίκαιοι ἐκείνων πιπτόντων κατάφοβοι γίνονται. παίδευε υἱόν σου, καὶ ἀναπαύσει σε, καὶ δώσει κόσμον τῇ ψυχῇ σου. οὐ μὴ ὑπάρξῃ ἐξηγητὴσ ἔθνει παρανόμῳ, ὁ δὲ φυλάσσων τὸν νόμον μακαριστόσ. λόγοισ οὐ παιδευθήσεται οἰκέτησ σκληρόσ. ἐὰν γὰρ καὶ νοήσῃ, ἀλλ̓ οὐχ ὑπακούσεται. ἐὰν ἴδῃσ ἄνδρα ταχὺν ἐν λόγοισ, γίνωσκε ὅτι ἐλπίδα ἔχει μᾶλλον ὁ ἄφρων αὐτοῦ. ὃσ κατασπαταλᾷ ἐκ παιδόσ, οἰκέτησ ἔσται, ἔσχατον δὲ ὀδυνηθήσεται ἐφ̓ ἑαυτῷ. ἀνὴρ θυμώδησ ὀρύσσει νεῖκοσ, ἀνὴρ δὲ ὀργίλοσ ἐξώρυξεν ἁμαρτίαν. ὕβρισ ἄνδρα ταπεινοῖ, τοὺσ δὲ ταπεινόφρονασ ἐρείδει δόξῃ Κύριοσ. ὃσ μερίζεται κλέπτῃ, μισεῖ τὴν ἑαυτοῦ ψυχήν. ἐὰν δὲ ὅρκου προτεθέντοσ ἀκούσαντεσ μὴ ἀναγγείλωσι, φοβηθέντεσ καὶ αἰσχυνθέντεσ ἀνθρώπουσ ὑπεσκελίσθησαν. ὁ δὲ πεποιθὼσ ἐπὶ Κυρίῳ εὐφρανθήσεται. ἀσέβεια ἀνδρὶ δίδωσι σφάλμα, ὃσ δὲ πέποιθεν ἐπὶ τῷ δεσπότῃ, σωθήσεται. πολλοὶ θεραπεύουσι πρόσωπα ἡγουμένων, παρὰ δὲ Κυρίου γίνεται τὸ δίκαιον ἀνδρί. βδέλυγμα δικαίοισ ἀνὴρ ἄδικοσ, βδέλυγμα δὲ ἀνόμῳ κατευθύνουσα ὁδόσ. ̀ρ̀ν̀ρ̀ν̀ρ̀ν̀ρ̀ν . Γυναῖκα ἀνδρείαν τίσ εὑρήσει̣ τιμιωτέρα δέ ἐστι λίθων πολυτελῶν ἡ τοιαύτη. θάρσει ἐπ̓ αὐτῇ ἡ καρδία τοῦ ἀνδρὸσ αὐτῆσ, ἡ τοιαύτη καλῶν σκύλων οὐκ ἀπορήσει. ἐνεργεῖ γὰρ τῷ ἀνδρὶ ἀγαθὰ πάντα τὸν βίον. μηρυομένη ἔρια καὶ λίνον ἐποίησεν εὔχρηστον ταῖσ χερσὶν αὐτῆσ. ἐγένετο ὡσεὶ ναῦσ ἐμπορευομένη μακρόθεν, συνάγει δὲ αὐτῆσ τὸν πλοῦτον. καὶ ἀνίσταται ἐκ νυκτῶν καὶ ἔδωκε βρώματα τῷ οἴκῳ καὶ ἔργα ταῖσ θεραπαίναισ. θεωρήσασα γεώργιον ἐπρίατο, ἀπὸ δὲ καρπῶν χειρῶν αὐτῆσ κατεφύτευσε κτῆμα. ἀναζωσαμένη ἰσχυρῶσ τὴν ὀσφὺν αὐτῆσ ἤρεισε τοὺσ βραχίονασ αὐτῆσ εἰσ ἔργον. ἐγεύσατο ὅτι καλόν ἐστι τὸ ἐργάζεσθαι, καὶ οὐκ ἀποσβέννυται ὁ λύχνοσ αὐτῆσ ὅλην τὴν νύκτα. τοὺσ πήχεισ αὐτῆσ ἐκτείνει ἐπὶ τὰ συμφέροντα, τὰσ δὲ χεῖρασ αὐτῆσ ἐρείδει εἰσ ἄτρακτον. χεῖρασ δὲ αὐτῆσ διήνοιξε πένητι, καρπὸν δὲ ἐξέτεινε πτωχῷ. οὐ φροντίζει τῶν ἐν οἴκῳ ὁ ἀνὴρ αὐτῆσ, ὅταν που χρονίζῃ. πάντεσ γὰρ οἱ παῤ αὐτῆσ ἐνδεδυμένοι εἰσί. δισσὰσ χλαίνασ ἐποίησε τῷ ἀνδρὶ αὐτῆσ, ἐκ δὲ βύσσου καὶ πορφύρασ ἑαυτῇ ἐνδύματα. περίβλεπτοσ δὲ γίνεται ὁ ἀνὴρ αὐτῆσ ἐν πύλαισ, ἡνίκα ἂν καθίση ἐν συνεδρίῳ μετὰ τῶν γερόντων κατοίκων τῆσ γῆσ. σινδόνασ ἐποίησε καὶ ἀπέδοτο τοῖσ Φοίνιξι, περιζώματα δὲ τοῖσ Χαναναίοισ. ἰσχὺν καὶ εὐπρέπειαν ἐνεδύσατο καὶ εὐφράνθη ἐν ἡμέραισ ἐσχάταισ. στόμα αὐτῆσ διήνοιξε προσεχόντωσ καὶ ἐννόμωσ, καὶ τάξιν ἐστείλατο τῇ γλώσσῃ αὐτῆσ. στεγναὶ διατριβαὶ οἴκων αὐτῆσ, σῖτα δὲ ὀκνηρὰ οὐκ ἔφαγε. τὸ στόμα δὲ ἀνοίγει σοφῶσ καὶ νομοθέσμωσ, ἡ δὲ ἐλεημοσύνη αὐτῆσ ἀνέστησε τὰ τέκνα αὐτῆσ καὶ ἐπλούτησαν, καὶ ὁ ἀνὴρ αὐτῆσ ᾔνεσεν αὐτήν. Πολλαὶ θυγατέρεσ ἐκτήσαντο πλοῦτον, πολλαὶ ἐποίησαν δύναμιν, σὺ δὲ ὑπέρκεισαι καὶ ὑπερῇρασ πάσασ. ψευδεῖσ ἀρέσκειαι καὶ μάταιον κάλλοσ γυναικόσ. γυνὴ γὰρ συνετὴ εὐλογεῖται, φόβον δὲ Κυρίου αὕτη αἰνείτω. δότε αὐτῇ ἀπὸ καρπῶν χειλέων αὐτῆσ, καὶ αἰνείσθω ἐν πύλαισ ὁ ἀνὴρ αὐτῆσ.

목록

일치하는 문장이 없습니다.

SEARCH

MENU NAVIGATION