Septuagint, Liber Proverbiorum 28:

(70인역 성경, 잠언 28:)

ΦΕΥΓΕΙ ἀσεβὴσ μηδενὸσ διώκοντοσ, δίκαιοσ δὲ ὥσπερ λέων πέποιθε. δἰ ἁμαρτίασ ἀσεβῶν κρίσεισ ἐγείρονται, ἀνὴρ δὲ πανοῦργοσ κατασβέσει αὐτάσ. ἀνδρεῖοσ ἐν ἀσεβείαισ συκοφαντεῖ πτωχούσ. ὥσπερ ὑετὸσ λάβροσ καὶ ἀνωφελήσ, οὕτωσ οἱ ἐγκαταλείποντεσ τὸν νόμον ἐγκωμιάζουν ἀσέβειαν, οἱ δὲ ἀγαπῶντεσ τὸν νόμον περιβάλλουσιν ἑαυτοῖσ τεῖχοσ. ἄνδρεσ κακοὶ οὐ νοήσουσι κρίμα, οἱ δὲ ζητοῦντεσ τὸν Κύριον συνήσουσιν ἐν παντί. κρείσσων πτωχὸσ πορευόμενοσ ἐν ἀληθείᾳ, πλουσίου ψευδοῦσ. φυλάσσει νόμον υἱὸσ συνετόσ, ὃσ δὲ ποιμαίνει ἀσωτίαν ἀτιμάζει πατέρα. ὁ πληθύνων τὸν πλοῦτον αὐτοῦ μετὰ τόκων καὶ πλεονασμῶν, τῷ ἐλεῶντι πτωχοὺσ συνάγει αὐτόν. ὁ ἐκκλίνων τὸ οὖσ αὐτοῦ μὴ εἰσακοῦσαι νόμου, καὶ αὐτὸσ τὴν προσευχὴν αὐτοῦ ἐβδέλυκται. ὃσ πλανᾷ εὐθεῖσ ἐν ὁδῷ κακῇ, εἰσ διαφθορὰν αὐτὸσ ἐμπεσεῖται. οἱ δὲ ἄνομοι διελεύσονται ἀγαθά, καὶ οὐκ εἰσελεύσονται εἰσ αὐτά. σοφὸσ παῤ ἑαυτῷ ἀνὴρ πλούσιοσ, πένησ δὲ νοήμων καταγνώσεται αὐτοῦ. διὰ βοήθειαν δικαίων πολλὴν γίνεται δόξα, ἐν δὲ τόποισ ἀσεβῶν ἁλίσκονται ἄνθρωποι. ὁ ἐπικαλύπτων ἀσέβειαν ἑαυτοῦ οὐκ εὐοδωθήσεται, ὁ δὲ ἐξηγούμενοσ ἐλέγχουσ ἀγαπηθήσεται. μακάριοσ ἀνήρ, ὃσ καταπτήσσει πάντα δἰ εὐλάβειαν, ὁ δὲ σκληρὸσ τὴν καρδίαν ἐμπεσεῖται κακοῖσ. λέων πεινῶν καὶ λύκοσ διψῶν, ὃσ τυραννεῖ, πτωχὸσ ὤν, ἔθνουσ πενιχροῦ. βασιλεὺσ ἐνδεὴσ προσόδων μέγασ συκοφάντησ, ὁ δὲ μισῶν ἀδικίαν μακρὸν χρόνον ζήσεται. ἄνδρα τὸν ἐν αἰτίᾳ φόνου ὁ ἐγγυώμενοσ, φυγὰσ ἔσται καὶ οὐκ ἐν ἀσφαλείᾳ. α παίδευε υἱὸν καὶ ἀγαπήσει σε, καὶ δώσει κόσμον τῇ σῆ ψυχῇ. οὐ μὴ ὑπακούσει ἔθνει παρανόμῳ. ὁ πορευόμενοσ δικαίωσ βεβοήθηται, ὁ δὲ σκολιαῖσ ὁδοῖσ πορευόμενοσ ἐμπλακήσεται. ὁ ἐργαζόμενοσ τὴν ἑαυτοῦ γῆν πλησθήσεται ἄρτων, ὁ δὲ διώκων σχολὴν πλησθήσεται πενίασ. ἀνὴρ ἀξιόπιστοσ πολλὰ εὐλογηθήσεται, ὁ δὲ κακὸσ οὐκ ἀτιμώρητοσ ἔσται. ὃσ οὐκ αἰσχύνεται πρόσωπα δικαίων, οὐκ ἀγαθόσ. ὁ τοιοῦτοσ ψωμοῦ ἄρτου ἀποδώσεται ἄνδρα. σπεύδει πλουτεῖν ἀνὴρ βάσκανοσ, καὶ οὐκ οἶδεν ὅτι ἐλεήμων κρατήσει αὐτοῦ. ὁ ἐλέγχων ἀνθρώπου ὁδοὺσ χάριτασ ἕξει μᾶλλον τοῦ γλωσσοχαριτοῦντοσ. ὃσ ἀποβάλλεται πατέρα ἢ μητέρα, καὶ δοκεῖ μὴ ἁμαρτάνειν, οὗτοσ κοινωνόσ ἐστιν ἀνδρὸσ ἀσεβοῦσ. ἄπιστοσ ἀνὴρ κρίνει εἰκῆ, ὃσ δὲ πέποιθεν ἐπὶ Κύριον ἐν ἐπιμελείᾳ ἔσται. ὃσ πέποιθε θρασείᾳ καρδίᾳ, ὁ τοιοῦτοσ ἄφρων. ὃσ δὲ πορεύεται σοφίᾳ σωθήσεται. ὃσ δίδωσι πτωχοῖσ, οὐκ ἐνδεηθήσεται, ὃσ δὲ ἀποστρέφει τὸν ὀφθαλμὸν αὐτοῦ, ἐν πολλῇ ἀπορίᾳ ἔσται. ἐν τόποισ ἀσεβῶν στένουσι δίκαιοι, ἐν δὲ τῇ ἐκείνων ἀπωλείᾳ πληθυνθήσονται δίκαιοι.

목록

SEARCH

MENU NAVIGATION