Septuagint, Liber Proverbiorum 25:

(70인역 성경, 잠언 25:)

ΑΥΤΑΙ αἱ παιδεῖαι Σολομῶντοσ αἱ ἀδιάκριτοι, ἃσ ἐξεγράψαντο οἱ φίλοι Ἐζεκίου τοῦ βασιλέωσ τῆσ Ἰουδαίασ. ‐ Δόξα Θεοῦ κρύπτει λόγον, δόξα δὲ βασιλέωσ τιμᾷ πράγματα. οὐρανὸσ ὑψηλόσ, γῆ δὲ βαθεῖα, καρδία δὲ βασιλέωσ ἀνεξέλεγκτοσ. τύπτε ἀδόκιμον ἀργύριον, καὶ καθαρισθήσεται καθαρὸν ἅπαν. κτεῖνε ἀσεβεῖσ ἐκ προσώπου βασιλέωσ, καὶ κατορθώσει ἐν δικαιοσύνῃ ὁ θρόνοσ αὐτοῦ. μὴ ἀλαζονεύου ἐνώπιον βασιλέωσ, μηδὲ ἐν τόποισ δυναστῶν ὑφίστασο. κρεῖσσον γάρ σοι τὸ ρηθῆναι. ἀνάβαινε πρόσ με ἢ ταπεινῶσαί σε ἐν προσώπῳ δυνάστου. ἃ εἶδον οἱ ὀφθαλμοί σου, λέγε. μὴ πρόσπιπτε εἰσ μάχην ταχέωσ, ἵνα μὴ μεταμεληθῇσ ἐπ̓ ἐσχάτων. ἡνίκα ἄν σε ὀνειδίσῃ ὁ σὸσ φίλοσ, ἀναχώρει εἰσ τὰ ὀπίσω μὴ καταφρόνει, μή σε ὀνειδίσῃ μὲν ὁ φίλοσ, ἡ δὲ μάχη σου καὶ ἡ ἔχθρα οὐκ ἀπέσται, ἀλλὰ ἔσται σοι ἴση θανάτῳ. α χάρισ καὶ φιλία ἐλευθεροῖ, ἃσ τήρησον σεαυτῷ, ἵνα μὴ ἐπονείδιστοσ γένῃ, ἀλλὰ φύλαξον τὰσ ὁδούσ σου εὐσυναλλάκτωσ. μῆλον χρυσοῦν ἐν ὁρμίσκῳ σαρδίου, οὕτωσ εἰπεῖν λόγον. εἰσ ἐνώτιον χρυσοῦν καὶ σάρδιον πολυτελὲσ δέδεται, λόγοσ σοφὸσ εἰσ εὐήκοον οὖσ. ὥσπερ ἔξοδοσ χιόνοσ ἐν ἀμήτῳ κατὰ καῦμα ὠφελεῖ, οὕτωσ ἄγγελοσ πιστὸσ τοὺσ ἀποστείλαντασ αὐτόν. ψυχὰσ γὰρ τῶν αὐτῷ χρωμένων ὠφελεῖ. ὥσπερ ἄνεμοι καὶ νέφη καὶ ὑετοὶ ἐπιφανέστατα, οὕτωσ ὁ καυχώμενοσ ἐπὶ δόσει ψευδεῖ. ἐν μακροθυμίᾳ εὐοδία βασιλεῦσι, γλῶσσα δὲ μαλακὴ συντρίβει ὀστᾶ. μέλι εὑρὼν φάγε τὸ ἱκανόν, μήποτε πλησθεὶσ ἐξεμέσῃσ. σπάνιον εἴσαγε σὸν πόδα πρὸσ σεαυτοῦ φίλον, μήποτε πλησθείσ σου μισήσῃ σε. ρόπαλον καὶ μάχαιρα καὶ τόξευμα ἀκιδωτόν, οὕτωσ καὶ ἀνὴρ ὁ καταμαρτυρῶν τοῦ φίλου αὐτοῦ μαρτυρίαν ψευδῆ. ὁδὸσ κακοῦ καὶ ποὺσ παρανόμου ὀλεῖται ἐν ἡμέρᾳ κακῇ. ὥσπερ ὄξοσ ἕλκει ἀσύμφορον, οὕτωσ προσπεσὸν πάθοσ ἐν σώματι καρδίαν λυπεῖ. α ὥσπερ σὴσ ἐν ἱματίῳ καὶ σκώληξ ξύλῳ, οὕτωσ λύπη ἀνδρὸσ βλάπτει καρδίαν. ἐὰν πεινᾷ ὁ ἐχθρόσ σου, ψώμιζε αὐτόν, ἐὰν διψᾷ, πότιζε αὐτόν. τοῦτο γὰρ ποιῶν ἄνθρακασ πυρὸσ σωρεύσεισ ἐπὶ τὴν κεφαλὴν αὐτοῦ, ὁ δὲ Κύριοσ ἀνταποδώσει σοι ἀγαθά. ἄνεμοσ Βορέασ ἐξεγείρει νέφη, πρόσωπον δὲ ἀναιδὲσ γλῶσσαν ἐρεθίζει. κρεῖσσον οἰκεῖν ἐπὶ γωνίασ δώματοσ ἢ μετὰ γυναικὸσ λοιδόρου ἐν οἰκίᾳ κοινῇ. ὥσπερ ὕδωρ ψυχρὸν ψυχῇ διψώσῃ προσηνέσ, οὕτωσ ἀγγελία ἀγαθὴ ἐκ γῆσ μακρόθεν. ὥσπερ εἴ τισ πηγὴ φράσσοι καὶ ὕδατοσ ἔξοδον λυμαίνοιτο, οὕτωσ ἄκοσμον δίκαιον πεπτωκέναι ἐνώπιον ἀσεβοῦσ. ἐσθίειν μέλι πολὺ οὐ καλόν, τιμᾶ δὲ χρὴ λόγουσ ἐνδόξουσ. ὥσπερ πόλισ τὰ τείχει καταβεβλημένη καὶ ἀτείχιστοσ, οὕτωσ ἀνὴρ ὃσ οὐ μετὰ βουλῆσ τι πράσσει.

목록

일치하는 문장이 없습니다.

SEARCH

MENU NAVIGATION