Septuagint, Liber Proverbiorum 21:

(70인역 성경, 잠언 21:)

ΩΣΠΕΡ ὁρμὴ ὕδατοσ, οὕτωσ καρδία βασιλέωσ ἐν χειρὶ Θεοῦ. οὗ ἐὰν θέλων νεύσῃ, ἐκεῖ ἔκλινεν αὐτήν. πᾶσ ἀνὴρ φαίνεται ἑαυτῷ δίκαιοσ, κατευθύνει δὲ καρδίασ Κύριοσ. ποιεῖν δίκαια καὶ ἀληθεύειν ἀρεστὰ παρὰ Θεῷ μᾶλλον ἢ θυσιῶν αἷμα. μεγαλόφρων ἐν ὕβρει θρασυκάρδιοσ, λαμπτὴρ δὲ ἀσεβῶν ἁμαρτία. ὁ ἐνεργῶν θησαυρίσματα γλώσσῃ ψευδεῖ μάταια διώκει καὶ ἔρχεται ἐπὶ παγίδασ θανάτου. ὄλεθροσ ἀσεβέσιν ἐπιξενωθήσεται, οὐ γὰρ βούλονται πράσσειν τὰ δίκαια. πρὸσ τοὺσ σκολιοὺσ σκολιὰσ ὁδοὺσ ἀποστέλλει ὁ Θεόσ, ἁγνὰ γὰρ καὶ ὀρθὰ τὰ ἔργα αὐτοῦ. κρεῖσσον οἰκεῖν ἐπὶ γωνίασ ὑπαίθρου ἢ ἐν κεκονιαμένοισ μετὰ ἀδικίασ καὶ ἐν οἴκῳ κοινῷ. ψυχὴ ἀσεβοῦσ οὐκ ἐλεηθήσεται ὑπ̓ οὐδενὸσ τῶν ἀνθρώπων. ζημιουμένου ἀκολάστου πανουργότεροσ γίνεται ὁ ἄκακοσ, συνίων δὲ σοφὸσ δέξεται γνῶσιν. συνίει δίκαιοσ καρδίασ ἀσεβῶν καὶ φαυλίζει ἀσεβεῖσ ἐν κακοῖσ. ὃσ φράσσει τὰ ὧτα αὐτοῦ τοῦ μὴ ἐπακοῦσαι ἀσθενοῦσ, καὶ αὐτὸσ ἐπικαλέσεται, καὶ οὐκ ἔσται ὁ εἰσακούων. δόσισ λάθριοσ ἀνατρέπει ὀργάσ, δώρων δὲ ὁ φειδόμενοσ θυμὸν ἐγείρει ἰσχυρόν. εὐφροσύνη δικαίων ποιεῖν κρίμα, ὅσιοσ δὲ ἀκάθαρτοσ παρὰ κακούργοισ. ἀνὴρ πλανώμενοσ ἐξ ὁδοῦ δικαιοσύνησ ἐν συναγωγῇ γιγάντων ἀναπαύσεται. ἀνὴρ ἐνδεὴσ ἀγαπᾷ εὐφροσύνην, φιλῶν οἶνον καὶ ἔλαιον εἰσ πλοῦτον. περικάθαρμα δὲ δικαίου ἄνομοσ. κρεῖσσον οἰκεῖν ἐν γῇ ἐρήμῳ ἢ μετὰ γυναικὸσ μαχίμου καὶ γλωσσώδουσ καὶ ὀργίλου. θησαυρὸσ ἐπιθυμητὸσ ἀναπαύσεται ἐπὶ στόματοσ σοφοῦ, ἄφρονεσ δὲ ἄνδρεσ καταπίονται αὐτόν. ὁδὸσ δικαιοσύνησ καὶ ἐλεημοσύνησ εὑρήσει ζωὴν καὶ δόξαν. πόλεισ ὀχυρὰσ ἐπέβη σοφὸσ καὶ καθεῖλε τὸ ὀχύρωμα, ἐφ̓ ᾧ ἐπεποίθεισαν οἱ ἀσεβεῖσ. ὃσ φυλάσσει τὸ στόμα αὐτοῦ καὶ τὴν γλῶσσαν, διατηρεῖ ἐκ θλίψεωσ τὴν ψυχὴν αὐτοῦ. θρασὺσ καὶ αὐθάδησ καὶ ἀλαζὼν λοιμὸσ καλεῖται, ὃσ δὲ μνησικακεῖ, παράνομοσ. ἐπιθυμίαι ὀκνηρὸν ἀποκτείνουσιν, οὐ γὰρ προαιροῦνται αἱ χεῖρεσ αὐτοῦ ποιεῖν τι. ἀσεβὴσ ἐπιθυμεῖ ὅλην τὴν ἡμέραν ἐπιθυμίασ κακάσ, ὁ δὲ δίκαιοσ ἐλεᾷ καὶ οἰκτείρει ἀφειδῶσ. θυσίαι ἀσεβῶν βδέλυγμα Κυρίῳ, καὶ γὰρ παρανόμωσ προσφέρουσιν αὐτάσ. μάρτυσ ψευδὴσ ἀπολεῖται, ἀνὴρ δὲ ὑπήκοοσ φυλασσόμενοσ λαλήσει. ἀσεβὴσ ἀνὴρ ἀναιδῶσ ὑφίσταται προσώπῳ, ὁ δὲ εὐθὴσ αὐτὸσ συνίει τὰσ ὁδοὺσ αὐτοῦ. οὐκ ἔστι σοφία, οὐκ ἔστιν ἀνδρεία, οὐκ ἔστι βουλὴ πρὸσ τὸν ἀσεβῆ. ἵπποσ ἑτοιμάζεται εἰσ ἡμέραν πολέμου, παρὰ δὲ Κυρίου ἡ βοήθεια.

목록

일치하는 문장이 없습니다.

SEARCH

MENU NAVIGATION