Septuagint, Liber Proverbiorum 19:

(70인역 성경, 잠언 19:)

ΑΦΡΟΣΥΝΗ ἀνδρὸσ λυμαίνεται τὰσ ὁδοὺσ αὐτοῦ, τὸν δὲ Θεὸν αἰτιᾶται τῇ καρδίᾳ αὐτοῦ. πλοῦτοσ προστίθησι φίλουσ πολλούσ, ὁ δὲ πτωχὸσ καὶ ἀπὸ τοῦ ὑπάρχοντοσ φίλου λείπεται. μάρτυσ ψευδὴσ οὐκ ἀτιμώρητοσ ἔσται, ὁ δὲ ἐγκαλῶν ἀδίκωσ οὐ διαφεύξεται. πολλοὶ θεραπεύουσι πρόσωπα βασιλέων, πᾶσ δὲ ὁ κακὸσ γίνεται ὄνειδοσ ἀνδρί. πᾶσ, ὃσ ἀδελφὸν πτωχὸν μισεῖ, καὶ φιλίασ μακρὰν ἔσται. ἔννοια ἀγαθὴ τοῖσ εἰδόσιν αὐτὴν ἐγγιεῖ, ἀνὴρ δὲ φρόνιμοσ εὑρήσει αὐτήν. ὁ πολλὰ κακοποιῶν τελεσιουργεῖ κακίαν, ὃσ δὲ ἐρεθίζει λόγουσ οὐ σωθήσεται. ὁ κτώμενοσ φρόνησιν ἀγαπᾷ ἑαυτόν, ὃσ δὲ φυλάσσει φρόνησιν, εὑρήσει ἀγαθά. μάρτυσ ψευδὴσ οὐκ ἀτιμώρητοσ ἔσται, ὃσ δ̓ ἂν ἐκκαύσῃ κακίαν, ἀπολεῖται ὑπ̓ αὐτῆσ. οὐ συμφέρει ἄφρονι τρυφή, καὶ ἐὰν οἰκέτησ ἄρξηται μεθ̓ ὕβρεωσ δυναστεύειν. ἐλεήμων ἀνὴρ μακροθυμεῖ, τὸ δὲ καύχημα αὐτοῦ ἐπέρχεται παρανόμοισ. βασιλέωσ ἀπειλὴ ὁμοία βρυγμῷ λέοντοσ, ὥσπερ δὲ δρόσοσ ἐπὶ χόρτῳ, οὕτωσ τὸ ἱλαρὸν αὐτοῦ. αἰσχύνη πατρὶ υἱὸσ ἄφρων. οὐχ ἁγναὶ εὐχαὶ ἀπὸ μισθώματοσ ἑταίρασ. οἶκον καὶ ὕπαρξιν μερίζουσι πατέρεσ παισί, παρὰ δὲ Κυρίου ἁρμόζεται γυνὴ ἀνδρί. δειλία κατέχει ἀνδρόγυνον, ψυχὴ δὲ ἀεργοῦ πεινάσει. ὃσ φυλάσσει ἐντολήν, τηρεῖ τὴν ἑαυτοῦ ψυχήν, ὁ δὲ καταφρονῶν τῶν ἑαυτοῦ ὁδῶν ἀπολεῖται. δανείζει Θεῷ ὁ ἐλεῶν πτωχόν, κατὰ δὲ τὸ δόμα αὐτοῦ ἀνταποδώσει αὐτῷ. παίδευε υἱόν σου, οὕτωσ γὰρ ἔσται εὔελπισ, εἰσ δὲ ὕβριν μὴ ἐπαίρου τῇ ψυχῇ σου. κακόφρων ἀνὴρ πολλὰ ζημιωθήσεται. ἐὰν δὲ λοιμεύηται, καὶ τὴν ψυχὴν αὐτοῦ προσθήσει. ἄκουε, υἱέ, παιδείαν πατρόσ σου, ἵνα σοφὸσ γένῃ ἐπ̓ ἐσχάτων σου. πολλοὶ λογισμοὶ ἐν καρδίᾳ ἀνδρόσ, ἡ δὲ βουλὴ τοῦ Κυρίου εἰσ τὸν αἰῶνα μένει. καρπὸσ ἀνδρὶ ἐλεημοσύνη, κρείσσων δὲ πτωχὸσ δίκαιοσ ἢ πλούσιοσ ψεύστησ. φόβοσ Κυρίου εἰσ ζωὴν ἀνδρί, ὁ δὲ ἄφοβοσ αὐλισθήσεται ἐν τόποισ, οὗ οὐκ ἐπισκοπεῖται γνῶσισ. ὁ ἐγκρύπτων εἰσ τὸν κόλπον αὐτοῦ χεῖρασ ἀδίκωσ, οὐδὲ τῷ στόματι οὐ μὴ προσαγάγῃ αὐτάσ. λοιμοῦ μαστιγουμένου, ἄφρων πανουργότεροσ γίνεται. ἐὰν δὲ ἐλέγχῃσ ἄνδρα φρόνιμον, νοήσει αἴσθησιν. ὁ ἀτιμάζων πατέρα καὶ ἀπωθούμενοσ μητέρα αὐτοῦ καταισχυνθήσεται καὶ ἐπονείδιστοσ ἔσται. υἱὸσ ἀπολειπόμενοσ φυλάξαι παιδείαν πατρὸσ μελετήσει ρήσεισ κακάσ. ὁ ἐγγυώμενοσ παῖδα ἄφρονα καθυβρίσει δικαίωμα, στόμα δὲ ἀσεβῶν καταπίεται κρίσεισ. ἑτοιμάζονται ἀκολάστοισ μάστιγεσ, καὶ τιμωρίαι ὁμοίωσ ἄφροσιν.

목록

일치하는 문장이 없습니다.

SEARCH

MENU NAVIGATION