Septuagint, Liber Proverbiorum 17:

(70인역 성경, 잠언 17:)

ΚΡΕΙΣΣΩΝ ψωμὸσ μεθ̓ ἡδονῆσ ἐν εἰρήνη ἢ οἶκοσ πλήρησ πολλῶν ἀγαθῶν καὶ ἀδίκων θυμάτων μετὰ μάχησ. οἰκέτησ νοήμων κρατήσει δεσποτῶν ἀφρόνων, ἐν δὲ ἀδελφοῖσ διελεῖται μέρη. ὥσπερ δοκιμάζεται ἐν καμίνῳ ἄργυροσ καὶ χρυσόσ, οὕτωσ ἐκλεκταὶ καρδίαι παρὰ Κυρίῳ. κακὸσ ὑπακούει γλώσσησ παρανόμων, δίκαιοσ δὲ οὐ προσέχει χείλεσι ψευδέσιν. ὁ καταγελῶν πτωχοῦ παροξύνει τὸν ποιήσαντα αὐτόν, ὁ δὲ ἐπιχαίρων ἀπολλυμένῳ οὐκ ἀθῳωθήσεται. ὁ δὲ ἐπισπλαγχνιζόμενοσ ἐλεηθήσεται. στέφανοσ γερόντων τέκνα τέκνων, καύχημα δὲ τέκνων πατέρεσ αὐτῶν. α τοῦ πιστοῦ ὅλοσ ὁ κόσμοσ τῶν χρημάτων, τοῦ δὲ ἀπίστου οὐδὲ ὀβολόσ. οὐχ ἁρμόσει ἄφρονι χείλη πιστά, οὐδὲ δικαίῳ χείλη ψευδῆ. μισθὸσ χαρίτων ἡ παιδεία τοῖσ χρωμένοισ, οὗ δ̓ ἂν ἐπιστρέψῃ εὐοδωθήσεται. ὃσ κρύπτει ἀδικήματα, ζητεῖ φιλίαν, ὃσ δὲ μισεῖ κρύπτειν, διί̈στησι φίλουσ καὶ οἰκείουσ. συντρίβει ἀπειλὴ καρδίαν φρονίμου, ἄφρων δὲ μαστιγωθεὶσ οὐκ αἰσθάνεται. ἀντιλογίασ ἐγείρει πᾶσ κακόσ, ὁ δὲ Κύριοσ ἄγγελον ἀνελεήμονα ἐκπέμψει αὐτῷ. ἐμπεσεῖται μέριμνα ἀνδρὶ νοήμονι, οἱ δὲ ἄφρονεσ διαλογιοῦνται κακά. ὃσ ἀποδίδωσι κακὰ ἀντὶ ἀγαθῶν, οὐ κινηθήσεται κακὰ ἐκ τοῦ οἴκου αὐτοῦ. ἐξουσίαν δίδωσι λόγοισ ἀρχὴ δικαιοσύνησ, προηγεῖται δὲ τῆσ ἐνδείασ στάσισ καὶ μάχη. ὃσ δίκαιον κρίνει τὸν ἄδικον, ἄδικον δὲ τὸν δίκαιον, ἀκάθαρτοσ καὶ βδελυκτὸσ παρὰ Θεῷ. ἱνατί ὑπῆρξε χρήματα ἄφρονι̣ κτήσασθαι γὰρ σοφίαν ἀκάρδιοσ οὐ δυνήσεται. α ὃσ ὑψηλὸν ποιεῖ τὸν ἑαυτοῦ οἶκον, ζητεῖ συντριβήν, ὁ δὲ σκολιάζων τοῦ μαθεῖν ἐμπεσεῖται εἰσ κακά. εἰσ πάντα καιρὸν φίλοσ ὑπαρχέτω σοι, ἀδελφοὶ δὲ ἐν ἀνάγκαισ χρήσιμοι ἔστωσαν. τούτου γὰρ χάριν γεννῶνται. ἀνὴρ ἄφρων ἐπικροτεῖ καὶ ἐπιχαίρει ἑαυτῷ, ὡσ καὶ ὁ ἐγγυώμενοσ ἐγγύῃ τῶν ἑαυτοῦ φίλων. φιλαμαρτήμων χαίρει μάχαισ, [ὑψῶν δὲ θύραν αὐτοῦ ζητεῖ συντριβήν]. ὁ δὲ σκληροκάρδιοσ οὐ συναντᾷ ἀγαθοῖσ. ἀνὴρ εὐμετάβολοσ γλώσσῃ ἐμπεσεῖται εἰσ κακά, καρδία δὲ ἄφρονοσ ὀδύνη τῷ κεκτημένῳ αὐτήν. οὐκ εὐφραίνεται πατὴρ ἐπὶ υἱῷ ἀπαιδεύτῳ, υἱὸσ δὲ φρόνιμοσ εὐφραίνει μητέρα αὐτοῦ. καρδία εὐφραινομένη εὐεκτεῖν ποιεῖ, ἀνδρὸσ δὲ λυπηροῦ ξηραίνεται τὰ ὀστᾶ. λαμβάνοντοσ δῶρα ἀδίκωσ ἐν κόλποισ οὐ κατευοδοῦνται ὁδοί, ἀσεβὴσ δὲ ἐκκλίνει ὁδοὺσ δικαιοσύνησ. πρόσωπον συνετὸν ἀνδρὸσ σοφοῦ, οἱ δὲ ὀφθαλμοὶ τοῦ ἄφρονοσ ἐπ̓ ἄκρα γῆσ. ὀργὴ πατρὶ υἱὸσ ἄφρων καὶ ὀδύνη τῇ τεκούσῃ αὐτόν. ζημιοῦν ἄνδρα δίκαιον οὐ καλόν, οὐδὲ ὅσιον ἐπιβουλεύειν δυνάσταισ δικαίοισ. ὃσ φείδεται ρῆμα προέσθαι σκληρόν, ἐπιγνώμων, μακρόθυμοσ δὲ ἀνὴρ φρόνιμοσ. ἀνοήτῳ ἐπερωτήσαντι σοφίαν σοφία λογισθήσεται, ἐνεὸν δέ τισ ἑαυτὸν ποιήσασ δόξει φρόνιμοσ εἶναι.

목록

일치하는 문장이 없습니다.

SEARCH

MENU NAVIGATION