Septuagint, Liber Proverbiorum 16:

(70인역 성경, 잠언 16:)

ΠΑΝΤΑ τὰ ἔργα τοῦ ταπεινοῦ φανερὰ παρὰ τῷ Θεῷ, οἱ δὲ ἀσεβεῖσ ἐν ἡμέρᾳ κακῇ ὀλοῦνται. ἀκάθαρτοσ παρὰ Θεῷ πᾶσ ὑψηλοκάρδιοσ, χειρὶ δὲ χεῖρασ ἐμβαλὼν ἀδίκωσ οὐκ ἀθῳωθήσεται. ἀρχὴ ὁδοῦ ἀγαθῆσ τὸ ποιεῖν τὰ δίκαια, δεκτὰ δὲ παρὰ Θεῷ μᾶλλον ἢ θύειν θυσίασ. ὁ ζητῶν τὸν Κύριον εὑρήσει γνῶσιν μετὰ δικαιοσύνησ, οἱ δὲ ὀρθῶσ ζητοῦντεσ αὐτὸν εὑρήσουσιν εἰρήνην. πάντα τὰ ἔργα τοῦ Κυρίου μετὰ δικαιοσύνησ. φυλάσσεται δὲ ὁ ἀσεβὴσ εἰσ ἡμέραν κακήν. μαντεῖον ἐπὶ χείλεσι βασιλέωσ, ἐν δὲ κρίσει οὐ μὴ πλανηθῇ τὸ στόμα αὐτοῦ. ροπὴ ζυγοῦ δικαιοσύνη παρὰ Κυρίῳ, τὰ δὲ ἔργα αὐτοῦ στάθμια δίκαια. βδέλυγμα βασιλεῖ ὁ ποιῶν κακά, μετὰ γὰρ δικαιοσύνησ ἑτοιμάζεται θρόνοσ ἀρχῆσ. δεκτὰ βασιλεῖ χείλη δίκαια, λόγουσ δὲ ὀρθοὺσ ἀγαπᾷ. θυμὸσ βασιλέωσ ἄγγελοσ θανάτου, ἀνὴρ δὲ σοφὸσ ἐξιλάσεται αὐτόν. ἐν φωτὶ ζωῆσ υἱὸσ βασιλέωσ, οἱ δὲ προσδεκτοὶ αὐτῷ ὥσπερ νέφοσ ὄψιμον. νοσσιαὶ σοφίασ αἱρετώτεραι χρυσίου, νοσσιαί δὲ φρονήσεωσ αἱρετώτεραι ὑπὲρ ἀργύριον. τρίβοι ζωῆσ ἐκκλίνουσιν ἀπὸ κακῶν, μῆκοσ δὲ βίου ὁδοὶ δικαιοσύνησ. ὁ δεχόμενοσ παιδείαν ἐν ἀγαθοῖσ ἔσται, ὁ δὲ φυλάσσων ἐλέγχουσ σοφισθήσεται. ὅσ φυλάσσει τὰσ ἑαυτοῦ ὁδούσ, τηρεῖ τὴν ἑαυτοῦ ψυχήν, ἀγαπῶν δὲ ζωὴν αὐτοῦ φείσεται στόματοσ αὐτοῦ. πρὸ συντριβῆσ ἡγεῖται ὕβρισ, πρὸ δὲ πτώματοσ κακοφροσύνη. κρείσσων πραΰθυμοσ μετὰ ταπεινώσεωσ ἢ ὃσ διαιρεῖται σκῦλα μετὰ ὑβριστῶν. συνετὸσ ἐν πράγμασιν εὑρετὴσ ἀγαθῶν, πεποιθὼσ δὲ ἐπὶ Θεῷ μακαριστόσ. τοὺσ σοφοὺσ καὶ συνετοὺσ φαύλουσ καλοῦσιν, οἱ δὲ γλυκεῖσ ἐν λόγῳ πλείονα ἀκούσονται. πηγὴ ζωῆσ ἔννοια τοῖσ κεκτημένοισ, παιδεία δὲ ἀφρόνων κακή. καρδία σοφοῦ νοήσει τὰ ἀπὸ τοῦ ἰδίου στόματοσ, ἐπὶ δὲ χείλεσι φορέσει ἐπιγνωμοσύνην. κηρία μέλιτοσ λόγοι καλοί, γλύκασμα δὲ αὐτοῦ ἴασισ ψυχῆσ. εἰσὶν ὁδοὶ δοκοῦσαι εἶναι ὀρθαὶ ἀνδρί, τὰ μέντοι τελευταῖα αὐτῶν βλέπει εἰσ πυθμένα ᾅδου. ἀνὴρ ἐν πόνοισ πονεῖ ἑαυτῷ καὶ ἐκβιάζεται τὴν ἀπώλειαν ἑαυτοῦ, ὁ μέντοι σκολιὸσ ἐπὶ τῷ ἑαυτοῦ στόματι φορεῖ τὴν ἀπώλειαν. ἀνὴρ ἄφρων ὀρύσσει ἑαυτῷ κακά, ἐπὶ δὲ τῶν ἑαυτοῦ χειλέων θησαυρίζει πῦρ. ἀνὴρ σκολιὸσ διαπέμπεται κακά, καὶ λαμπτῆρα δόλου πυρσεύει κακοῖσ καὶ διαχωρίζει φίλουσ. ἀνὴρ παράνομοσ ἀποπειρᾶται φίλων καὶ ἀπάγει αὐτοὺσ ὁδοὺσ οὐκ ἀγαθάσ. στηρίζων δὲ ὀφθαλμοὺσ αὐτοῦ διαλογίζεται διεστραμμένα, ὁρίζει δὲ τοῖσ χείλεσιν αὐτοῦ πάντα τὰ κακά. οὗτοσ κάμινόσ ἐστι κακίασ. στέφανοσ καυχήσεωσ γῆρασ, ἐν δὲ ὁδοῖσ δικαιοσύνησ εὑρίσκεται. κρείσσων ἀνὴρ μακρόθυμοσ ἰσχυροῦ, ὁ δὲ κρατῶν ὀργῆσ κρείσσων καταλαμβανομένου πόλιν. εἰσ κόλπουσ ἐπέρχεται πάντα τοῖσ ἀδίκοισ, παρὰ δὲ Κυρίου πάντα τὰ δίκαια.

목록

일치하는 문장이 없습니다.

SEARCH

MENU NAVIGATION