Septuagint, Liber Proverbiorum 15:

(70인역 성경, 잠언 15:)

ΟΡΓΗ ἀπόλλυσι καὶ φρονίμουσ, ἀπόκρισισ δὲ ὑποπίπτουσα ἀποστρέφει θυμόν, λόγοσ δὲ λυπηρὸσ ἐγείρει ὀργάσ. γλῶσσα σοφῶν καλὰ ἐπίσταται, στόμα δὲ ἀφρόνων ἀναγγέλλει κακά. ἐν παντὶ τόπῳ ὀφθαλμοὶ Κυρίου, σκοπεύουσι κακούσ τε καὶ ἀγαθούσ. ἴασισ γλώσσησ δένδρον ζωῆσ, ὁ δὲ συντηρῶν αὐτὴν πλησθήσεται πνεύματοσ, ἄφρων μυκτηρίζει παιδείαν πατρόσ, ὁ δὲ φυλάσσων ἐντολὰσ πανουργότεροσ. ἐν πλεοναζούσῃ δικαιοσύνῃ ἰσχὺσ πολλή, οἱ δὲ ἀσεβεῖσ ὁλόρριζοι ἐκ γῆσ ἀπολοῦνται. οἴκοισ δικαίων ἰσχὺσ πολλή, καρποὶ δὲ ἀσεβῶν ἀπολοῦνται. χείλη σοφῶν δέδεται αἰσθήσει, καρδία δὲ ἀφρόνων οὐκ ἀσφαλεῖσ. θυσίαι ἀσεβῶν βδέλυγμα Κυρίῳ, εὐχαὶ δὲ κατευθυνόντων δεκταὶ παῤ αὐτῷ. βδέλυγμα Κυρίῳ ὁδοὶ ἀσεβοῦσ, διώκοντασ δὲ δικαιοσύνην ἀγαπᾷ. παιδεία ἀκάκου γνωρίζεται ὑπὸ τῶν παριόντων, οἱ δὲ μισοῦντεσ ἐλέγχουσ τελευτῶσιν αἰσχρῶσ. ᾅδησ καὶ ἀπώλεια φανερὰ παρὰ τῷ Κυρίῳ. πῶσ οὐχὶ καὶ αἱ καρδίαι τῶν ἀνθρώπων̣ οὐκ ἀγαπήσει ἀπαίδευτοσ τοὺσ ἐλέγχοντασ αὐτόν, μετὰ δὲ σοφῶν οὐχ ὁμιλήσει. καρδίασ εὐφραινομένησ πρόσωπον θάλλει, ἐν δὲ λύπαισ οὔσησ σκυθρωπάζει. καρδία ὀρθὴ ζητεῖ αἴσθησιν, στόμα δὲ ἀπαιδεύτων γνώσεται κακά. πάντα τὸν χρόνον οἱ ὀφθαλμοὶ τῶν κακῶν προσδέχονται κακά, οἱ δὲ ἀγαθοὶ ἡσυχάζουσι διαπαντόσ. κρεῖσσον μικρὰ μερὶσ μετὰ φόβου Κυρίου ἢ θησαυροὶ μεγάλοι μετὰ ἀφοβίασ. κρείσσων ξενισμὸσ μετὰ λαχάνων πρὸσ φιλίαν καὶ χάριν ἢ παράθεσισ μόσχων μετὰ ἔχθρασ. ἀνὴρ θυμώδησ παρασκευάζει μάχασ, μακρόθυμοσ δὲ καὶ τὴν μέλλουσαν καταπραΰνει. α μακρόθυμοσ ἀνὴρ κατασβέσει κρίσεισ, ὁ δὲ ἀσεβὴσ ἐγείρει μᾶλλον. ὁδοὶ ἀεργῶν ἐστρωμέναι ἀκάνθαισ, αἱ δὲ τῶν ἀνδρείων τετριμμέναι. υἱὸσ σοφὸσ εὐφραίνει πατέρα, υἱὸσ δὲ ἄφρων μυκτηρίζει μητέρα αὐτοῦ. ἀνοήτου τρίβοι ἐνδεεῖσ φρενῶν, ἀνὴρ δὲ φρόνιμοσ κατευθύνων πορεύεται. ὑπερτίθενται λογισμοὺσ οἱ μὴ τιμῶντεσ συνέδρια, ἐν δὲ καρδίαισ βουλευομένων μένει βουλή. οὐ μὴ ὑπακούσῃ ὁ κακὸσ αὐτῇ, οὐδὲ μὴ εἴπῃ καίριόν τι καὶ καλὸν τῷ κοινῷ. ὁδοὶ ζωῆσ διανοήματα συνετοῦ, ἵνα ἐκκλίνασ ἐκ τοῦ ᾅδου σωθῇ. οἴκουσ ὑβριστῶν κατασπᾷ Κύριοσ, ἐστήρισε δὲ ὅριον χήρασ. βδέλυγμα Κυρίῳ λογισμὸσ ἄδικοσ, ἁγνῶν δὲ ρήσεισ σεμναί. ἐξόλλυσιν ἑαυτὸν ὁ δωρολήπτησ, ὁ δὲ μισῶν δώρων λήψεισ σώζεται. . α ἐλεημοσύναισ καὶ πίστεσιν ἀποκαθαίρονται ἁμαρτίαι, τῷ δὲ φόβῳ Κυρίου ἐκκλίνει πᾶσ ἀπὸ κακοῦ. καρδίαι δικαίων μελετῶσι πίστεισ, στόμα δὲ ἀσεβῶν ἀποκρίνεται κακά. . α δεκταὶ παρὰ Κυρίῳ ὁδοὶ ἀνθρώπων δικαίων, διὰ δὲ αὐτῶν καὶ οἱ ἐχθροὶ φίλοι γίνονται. μακρὰν ἀπέχει ὁ Θεὸσ ἀπὸ ἀσεβῶν, εὐχαῖσ δὲ δικαίων ἐπακούει. . α κρείσσων ὀλίγη λῆψισ μετὰ δικαιοσύνησ ἢ πολλὰ γεννήματα μετὰ ἀδικίασ. β καρδία ἀνδρὸσ λογιζέσθω δίκαια, ἵνα ὑπὸ τοῦ Θεοῦ διορθωθῇ τὰ διαβήματα αὐτοῦ. θεωρῶν ὀφθαλμὸσ καλὰ εὐφραίνει καρδίαν, φήμη δὲ ἀγαθὴ πιαίνει ὀστᾶ. ὃσ ἀπωθεῖται παιδείαν, μισεῖ ἑαυτόν, ὁ δὲ τηρῶν ἐλέγχουσ ἀγαπᾷ ψυχὴν αὐτοῦ. φόβοσ Θεοῦ παιδεία καὶ σοφία, καὶ ἀρχὴ δόξησ ἀποκριθήσεται αὐτῇ.

목록

일치하는 문장이 없습니다.

SEARCH

MENU NAVIGATION