Septuagint, Liber Proverbiorum 14:

(70인역 성경, 잠언 14:)

ΣΟΦΑΙ γυναῖκεσ ᾠκοδόμησαν οἴκουσ, ἡ δὲ ἄφρων κατέσκαψε ταῖσ χερσὶν αὐτῆσ. ὁ πορευόμενοσ ὀρθῶσ φοβεῖται τὸν Κύριον, ὁ δὲ σκολιάζων ταῖσ ὁδοῖσ αὐτοῦ ἀτιμασθήσεται. ἐκ στόματοσ ἀφρόνων βακτηρία ὕβρεωσ, χείλη δὲ σοφῶν φυλάσσει αὐτούσ. οὗ μή εἰσι βόεσ, φάτναι καθαραί. οὗ δὲ πολλὰ γεννήματα, φανερὰ βοὸσ ἰσχύσ. μάρτυσ πιστὸσ οὐ ψεύδεται, ἐκκαίει δὲ ψευδῆ μάρτυσ ἄδικοσ. ζητήσεισ σοφίαν παρὰ κακοῖσ καὶ οὐχ εὑρήσεισ, αἴσθησισ δὲ παρὰ φρονίμοισ εὐχερήσ. πάντα ἐναντία ἀνδρὶ ἄφρονι, ὅπλα δὲ αἰσθήσεωσ χείλη σοφά. σοφία πανούργων ἐπιγνώσεται τὰσ ὁδοὺσ αὐτῶν, ἄνοια δὲ ἀφρόνων ἐν πλάνῃ. οἰκίαι παρανόμων ὀφειλήσουσι καθαρισμόν, οἰκίαι δὲ δικαίων δεκταί. καρδία ἀνδρὸσ αἰσθητική, λυπηρὰ ψυχὴ αὐτοῦ. ὅταν δὲ εὐφραίνηται, οὐκ ἐπιμίγνυται ὕβρει. οἰκίαι ἀσεβῶν ἀφανισθήσονται, σκηναὶ δὲ κατορθούντων στήσονται. ἔστιν ὁδόσ, ἣ δοκεῖ παρὰ ἀνθρώποισ ὀρθὴ εἶναι, τὰ δὲ τελευταῖα αὐτῆσ ἔρχεται εἰσ πυθμένα ᾄδου. ἐν εὐφροσύναισ οὐ προσμίγνυται λύπη, τελευταῖα δὲ χαρὰ εἰσ πένθοσ ἔρχεται. τῶν ἑαυτοῦ ὁδῶν πλησθήσεται θρασυκάρδιοσ, ἀπὸ δὲ τῶν διανοημάτων αὐτοῦ ἀνὴρ ἀγαθόσ. ἄκακοσ πιστεύει παντὶ λόγῳ, πανοῦργοσ δὲ ἔρχεται εἰσ μετάνοιαν. σοφὸσ φοβηθεὶσ ἐξέκλινεν ἀπὸ κακοῦ, ὁ δὲ ἄφρων ἑαυτῷ πεποιθὼσ μίγνυται ἀνόμῳ. ὀξύθυμοσ πράσσει μετὰ ἀβουλίασ, ἀνὴρ δὲ φρόνιμοσ πολλὰ ὑποφέρει. μεριοῦνται ἄφρονεσ κακίαν, οἱ δὲ πανοῦργοι κρατήσουσιν αἰσθήσεωσ. ὀλισθήσουσι κακοὶ ἔναντι ἀγαθῶν, καὶ ἀσεβεῖσ θεραπεύσουσι θύρασ δικαίων. φίλοι μισήσουσι φίλουσ πτωχούσ, φίλοι δὲ πλουσίων πολλοί. ὁ ἀτιμάζων πένητασ ἁμαρτάνει, ἐλεῶν δὲ πτωχοὺσ μακαριστόσ. πλανώμενοι τεκταίνουσι κακά, ἔλεον δὲ καὶ ἀλήθειαν τεκταίνουσιν ἀγαθοί. οὐκ ἐπίστανται ἔλεον καὶ πίστιν τέκτονεσ κακῶν, ἐλεημοσύναι δὲ καὶ πίστεισ παρὰ τέκτοσιν ἀγαθοῖσ. ἐν παντὶ μεριμνῶντι ἔνεστι περισσόν, ὁ δὲ ἡδὺσ καὶ ἀνάλγητοσ ἐν ἐνδείᾳ ἔσται. στέφανοσ σοφῶν πλοῦτοσ αὐτῶν, ἡ δὲ διατριβὴ ἀφρόνων κακή. ρύσεται ἐκ κακῶν ψυχὴν μάρτυσ πιστόσ, ἐκκαίει δὲ ψεύδη δόλιοσ. ἐν φόβῳ Κυρίου ἐλπὶσ ἰσχύοσ, τοῖσ δὲ τέκνοισ αὐτοῦ καταλείπει ἔρεισμα. πρόσταγμα Κυρίου πηγὴ ζωῆσ, ποιεῖ δὲ ἐκκλίνειν ἐκ παγίδοσ θανάτου. ἐν πολλῷ ἔθνει δόξα βασιλέωσ, ἐν δὲ ἐκλείψει λαοῦ συντριβὴ δυνάστου. μακρόθυμοσ ἀνὴρ πολὺσ ἐν φρονήσει, ὁ δὲ ὀλιγόψυχοσ ἰσχυρῶσ ἄφρων. πραΰθυμοσ ἀνὴρ καρδίασ ἰατρόσ, σὴσ δὲ ὀστέων καρδία αἰσθητική. ὁ συκοφαντῶν πένητα παροξύνει τὸν ποιήσαντα αὐτόν, ὁ δὲ τιμῶν αὐτὸν ἐλεεῖ πτωχόν. ἐν κακίᾳ αὐτοῦ ἀπωσθήσεται ἀσεβήσ, ὁ δὲ πεποιθὼσ τῇ ἑαυτοῦ ὁσιότητι δίκαιοσ. ἐν καρδίᾳ ἀγαθῇ ἀνδρὸσ ἀναπαύσεται σοφίᾳ, ἐν δὲ καρδίᾳ ἀφρόνων οὐ διαγινώσκεται. δικαιοσύνη ὑψοῖ ἔθνοσ, ἐλασσονοῦσι δὲ φυλὰσ ἁμαρτίαι. δεκτὸσ βασιλεῖ ὑπηρέτησ νοήμων, τῇ δὲ ἑαυτοῦ εὐστροφίᾳ ἀφαιρεῖται ἀτιμίαν.

목록

일치하는 문장이 없습니다.

SEARCH

MENU NAVIGATION