Septuagint, Liber Proverbiorum 11:

(70인역 성경, 잠언 11:)

ΖΥΓΟΙ δόλιοι βδέλυγμα ἐνώπιον Κυρίου, στάθμιον δὲ δίκαιον δεκτὸν αὐτῷ. οὗ ἐὰν εἰσέλθῃ ὕβρισ, ἐκεῖ καὶ ἀτιμία. στόμα δὲ ταπεινῶν μελετᾷ σοφίαν ἀποθανὼν δίκαιοσ ἔλιπε μετάμελον, πρόχειροσ δὲ γίνεται καὶ ἐπίχαρτοσ ἀσεβῶν ἀπώλεια. δικαιοσύνη ἀμώμουσ ὀρθοτομεῖ ὁδούσ, ἀσέβεια δὲ περιπίπτει ἀδικίᾳ. δικαιοσύνη ἀνδρῶν ὀρθῶν ρύεται αὐτούσ, τῇ δὲ ἀπωλείᾳ αὐτῶν ἁλίσκονται παράνομοι. τελευτήσαντοσ ἀνδρὸσ δικαίου οὐκ ὄλλυται ἐλπίσ, τὸ δὲ καύχημα τῶν ἀσεβῶν ὄλλυται. δίκαιοσ ἐκ θήρασ ἐκδύνει, ἀντ̓ αὐτοῦ δὲ παραδίδοται ὁ ἀσεβήσ. ἐν στόματι ἀσεβῶν παγὶσ πολίταισ, αἴσθησισ δὲ δικαίων εὔοδοσ. ἐν ἀγαθοῖσ δικαίων κατώρθωσε πόλισ, στόμασι δὲ ἀσεβῶν κατεσκάφη. μυκτηρίζει πολίτασ ἐνδεὴσ φρενῶν, ἀνὴρ δὲ φρόνιμοσ ἡσυχίαν ἄγει. ἀνὴρ δίγλωσσοσ ἀποκαλύπτει βουλὰσ ἐν συνεδρίῳ, πιστὸσ δὲ πνοῇ κρύπτει πράγματα. οἷσ μὴ ὑπάρχει κυβέρνησισ, πίπτουσιν ὥπερ φύλλα, σωτηρία δὲ ὑπάρχει ἐν πολλῇ βουλῇ. πονηρὸσ κακοποιεῖ ὅταν συμμίξῃ δικαίῳ, μισεῖ δὲ ἦχον ἀσφαλείασ. γυνὴ εὐχάριστοσ ἐγείρει ἀνδρὶ δόξαν, θρόνοσ δὲ ἀτιμίασ γυνὴ μισοῦσα δίκαια. πλούτου ὀκνηροὶ ἐνδεεῖσ γίνονται, οἱ δὲ ἀνδρεῖοι ἐρείδονται πλούτῳ. τῇ ψυχῇ αὐτοῦ ἀγαθὸν ποιεῖ ἀνὴρ ἐλεήμων, ἐξολλύει δὲ αὐτοῦ σῶμα ὁ ἀνελεήμων. ἀσεβεῖσ ποιεῖ ἔργα ἄδικα, σπέρμα δὲ δικαίων μισθὸσ ἀληθείασ. υἱὸσ δίκαιοσ γεννᾶται εἰσ ζωήν, διωγμὸσ δὲ ἀσεβοῦσ εἰσ θάνατον. βδέλυγμα Κυρίῳ διεστραμμέναι ὁδοί, προσδεκτοὶ δὲ αὐτῷ πάντεσ ἄμωμοι ἐν ταῖσ ὁδοῖσ αὐτῶν. χειρὶ χεῖρασ ἐμβαλὼν ἀδίκωσ οὐκ ἀτιμώρητοσ ἔσται, ὁ δὲ σπείρων δικαιοσύνην λήψεται μισθὸν πιστόν. ὥσπερ ἐνώτιον ἐν ρινὶ ὑόσ, οὕτωσ γυναικὶ κακόφρονι κάλλοσ. ἐπιθυμία δικαίων πᾶσα ἀγαθή, ἐλπὶσ δὲ ἀσεβῶν ἀπολεῖται. εἰσὶν οἳ τὰ ἴδια σπείροντεσ πλείονα ποιοῦσιν, εἰσὶ δὲ καὶ οἳ συνάγοντεσ ἐλαττονοῦνται. ψυχὴ εὐλογουμένη πᾶσα ἁπλῆ, ἀνὴρ δὲ θυμώδησ οὐκ εὐσχήμων. ὁ συνέχων σῖτον ὑπολείποιτο αὐτὸν τοῖσ ἔθνεσιν, εὐλογίαν δὲ εἰσ κεφαλὴν τοῦ μεταδιδόντοσ. τεκταινόμενοσ ἀγαθὰ ζητεῖ χάριν ἀγαθήν, ἐκζητοῦντα δὲ κακά, καταλήψεται αὐτόν. ὁ πεποιθὼσ ἐπὶ πλούτῳ οὗτοσ πεσεῖται, ὁ δὲ ἀντιλαμβανόμενοσ δικαίων οὗτοσ ἀνατελεῖ. ὁ μὴ συμπεριφερόμενοσ τῷ ἑαυτοῦ οἴκῳ κληρονομήσει ἄνεμον, δουλεύσει δὲ ἄφρων φρονίμῳ. ἐκ καρποῦ δικαιοσύνησ φύεται δένδρον ζωῆσ, ἀφαιροῦνται δὲ ἄωροι ψυχαὶ παρανόμων. εἰ ὁ μὲν δίκαιοσ μόλισ σώζεται, ὁ ἀσεβὴσ καὶ ἁμαρτωλὸσ ποὺ φανεῖται̣

목록

일치하는 문장이 없습니다.

SEARCH

MENU NAVIGATION