Septuagint, Liber Proverbiorum 5:

(70인역 성경, 잠언 5:)

ΥΙΕ, ἐμῇ σοφίᾳ πρόσεχε, ἐμοῖσ δὲ λόγοισ παράβαλλε σὸν οὗσ, ἵνα φυλάξῃσ ἔννοιαν ἀγαθήν. αἴσθησισ δὲ ἐμῶν χειλέων ἐντέλλεταί σοι. μὴ πρόσεχε φαύλῃ γυναικί. μέλι γὰρ ἀποστάζει ἀπὸ χειλέων γυναικὸσ πόρνησ, ἣ πρὸσ καιρὸν λιπαίνει σὸν φάρυγγα, ὕστερον μέντοι πικρότερον χολῆσ εὑρήσεισ καὶ ἠκονημένον μᾶλλον μαχαίρασ διστόμου. τῆσ γὰρ ἀφροσύνησ οἱ πόδεσ κατάγουσι τοὺσ χρωμένουσ αὐτῇ μετὰ θανάτου εἰσ τὸν ᾅδην, τὰ δὲ ἴχνη αὐτῆσ οὐκ ἐρείδεται. ὁδοὺσ γὰρ ζωῆσ οὐκ ἐπέρχεται, σφαλεραὶ δὲ αἱ τροχιαὶ αὐτῆσ καὶ οὐκ εὔγνωστοι. νῦν οὖν, υἱέ, ἄκουέ μου καὶ μὴ ἀκύρουσ ποιήσῃσ ἐμοὺσ λόγουσ. μακρὰν ποίησον ἀπ̓ αὐτῆσ σὴν ὁδόν, μὴ ἐγγίσῃσ πρὸσ θύραισ οἴκων αὐτῆσ, ἵνα μὴ πρόῃ ἄλλοισ ζωήν σου καὶ σὸν βίον ἀνελεήμοσιν. ἵνα μὴ πλησθῶσιν ἀλλότριοι σῆσ ἰσχύοσ, οἱ δὲ σοὶ πόνοι εἰσ οἴκουσ ἀλλοτρίων ἔλθωσι καὶ μεταμεληθήσῃ ἐπ̓ ἐσχάτων, ἡνίκα ἂν κατατριβῶσι σάρκεσ σωματόσ σου, καὶ ἐρεῖσ. πῶσ ἐμίσησα παιδείαν, καὶ ἐλέγχουσ ἐξέκλινεν ἡ καρδία μου̣ οὐκ ἤκουον φωνὴν παιδεύοντόσ με καὶ διδάσκοντόσ με, οὐδὲ παρέβαλλον τὸ οὖσ μου. παῤ ὀλίγον ἐγενόμην ἐν παντὶ κακῷ ἐν μέσῳ ἐκκλησίασ καὶ συναγωγῆσ. πῖνε ὕδατα ἀπὸ σῶν ἀγγείων καὶ ἀπὸ σῶν φρεάτων πηγῆσ. μὴ ὑπερεκχείσθω σοι ὕδατα ἐκ τῆσ σῆσ πηγῆσ, εἰσ δὲ σὰσ πλατείασ διαπορευέσθω τὰ σὰ ὕδατα. ἔστω σοι μόνῳ ὑπάρχοντα, καὶ μηδεὶσ ἀλλότριοσ μετασχέτω σοι. ἡ πηγή σου τοῦ ὕδατοσ ἔστω σοι ἰδία, καὶ συνευφραίνου μετὰ γυναικὸσ τῆσ ἐκ νεότητόσ σου. ἔλαφοσ φιλίασ καὶ πῶλοσ σῶν χαρίτων ὁμιλείτω σοι. ἡ δὲ ἰδία ἡγείσθω σου καὶ συνέστω σοι ἐν παντὶ καιρῷ, ἐν γὰρ τῇ ταύτησ φιλίᾳ συμπεριφερόμενοσ πολλοστὸσ ἔσῃ. μὴ πολὺσ ἴσθι πρὸσ ἀλλοτρίαν, μηδὲ συνέχου ἀγκάλαισ τῆσ μὴ ἰδίασ. ἐνώπιον γάρ εἰσι τῶν τοῦ Θεοῦ ὀφθαλμῶν ὁδοὶ ἀνδρόσ, εἰσ δὲ πάσασ τὰσ τροχιὰσ αὐτοῦ σκοπεύει. παρονομίαι ἄνδρα ἀγρεύουσι, σειραῖσ δὲ τῶν ἑαυτοῦ ἁμαρτιῶν ἕκαστοσ σφίγγεται. οὗτοσ τελευτᾷ μετὰ ἀπαιδεύτων, ἐκ δὲ πλήθουσ τῆσ ἑαυτοῦ βιότητοσ ἐξερρίφη καὶ ἀπώλετο δἰ ἀφροσύνην.

목록

일치하는 문장이 없습니다.

SEARCH

MENU NAVIGATION