Septuagint, Liber Proverbiorum 4:

(70인역 성경, 잠언 4:)

ΑΚΟΥΣΑΤΕ, παῖδεσ, παιδείαν πατρὸσ καὶ προσέχετε γνῶναι ἔννοιαν. δῶρον γὰρ ἀγαθὸν δωροῦμαι ὑμῖν, τὸν ἐμὸν νόμον μὴ ἐγκαταλίπητε. υἱὸσ γὰρ ἐγενόμην κἀγὼ πατρὶ ὑπήκοοσ καὶ ἀγαπώμενοσ ἐν προσώπῳ μητρόσ, οἳ ἐδίδασκόν με καὶ ἔλεγον. ἐρειδέτω ὁ ἡμέτεροσ λόγοσ εἰσ σὴν καρδίαν. φύλασσε ἐντολάσ, μὴ ἐπιλάθῃ μηδὲ παρίδῃσ ρῆσιν ἐμοῦ στόματοσ, μηδὲ ἐγκαταλίπῃσ αὐτήν, καὶ ἀνθέξεταί σου. ἐράσθητι αὐτῆσ, καὶ τηρήσει σε. περιχαράκωσον αὐτήν, καὶ ὑψώσει σε. τίμησον αὐτήν, ἵνα σε περιλάβῃ, ἵνα δῷ τῇ σῇ κεφαλῇ στέφανον χαρίτων, στεφάνῳ δὲ τρυφῆσ ὑπερασπίσῃ σου. Ἄκουε, υἱέ, καὶ δέξαι ἐμοὺσ λόγουσ, καὶ πληθυνθήσεται ἔτη ζωῆσ σου, ἵνα σοι γένωνται πολλαὶ ὁδοὶ βίου. ὁδοὺσ γὰρ σοφίασ διδάσκω σε, ἐμβιβάζω δέ σε τροχιαῖσ ὀρθαῖσ. ἐὰν γὰρ πορεύῃ, οὐ συγκλεισθήσεταί σου τὰ διαβήματα, ἐὰν δὲ τρέχῃσ οὐ κοπιάσεισ. ἐπιλαβοῦ ἐμῆσ παιδείασ, μὴ ἀφῇσ, ἀλλὰ φύλαξον αὐτὴν σεαυτῷ εἰσ ζωήν σου. ὁδοὺσ ἀσεβῶν μὴ ἐπέλθῃσ, μηδὲ ζηλώσῃσ ὁδοὺσ παρανόμων. ἐν ᾧ ἂν τόπῳ στρατοπεδεύσωσι, μὴ ἐπέλθῃσ ἐκεῖ, ἔκκλινον δὲ ἀπ̓ αὐτῶν καὶ παράλλαξον. οὐ γὰρ μὴ ὑπνώσωσιν, ἐὰν μὴ κακοποιήσωσιν, ἀφῄρηται ὁ ὕπνοσ αὐτῶν, καὶ οὐ κοιμῶνται. οἵδε γὰρ σιτοῦνται σῖτα ἀσεβείασ, οἴνῳ δὲ παρανόμῳ μεθύσκονται. αἱ δὲ ὁδοὶ τῶν δικαίων ὁμοίωσ φωτὶ λάμπουσι, προπορεύονται καὶ φωτίζουσιν, ἕωσ κατορθώσῃ ἡ ἡμέρα. αἱ δὲ ὁδοὶ τῶν ἀσεβῶν σκοτειναί, οὐκ οἴδασι πῶσ προσκόπτουσιν. Υἱέ, ἐμῇ ρήσει πρόσεχε, τοῖσ δὲ ἐμοῖσ λόγοισ παράβαλλε σὸν οὖσ, ὅπωσ μὴ ἐκλίπωσί σε αἱ πηγαί σου, φύλασσε αὐτὰσ ἐν καρδίᾳ. ζωὴ γάρ ἐστι τοῖσ εὑρίσκουσιν αὐτὰσ καὶ πάσῃ σαρκὶ ἴασισ. πάσῃ φυλακῇ τήρει σὴν καρδίαν, ἐκ γὰρ τούτων ἔξοδοι ζωῆσ. περίελε σεαυτοῦ σκολιὸν στόμα καὶ ἄδικα χείλη μακρὰν ἀπὸ σοῦ ἄπωσαι. οἱ ὀφθαλμοί σου ὀρθὰ βλεπέτωσαν, τὰ δὲ βλέφαρά σου νευέτω δίκαια. ὀρθὰσ τροχιὰσ ποίει σοῖσ ποσὶ καὶ τὰσ ὁδούσ σου κατεύθυνε. μὴ ἐκκλίνῃσ εἰσ τὰ δεξιὰ μηδὲ εἰσ τὰ ἀριστερά, ἀπόστρεψον δὲ σὸν πόδα ἀπὸ ὁδοῦ κακῆσ. ὁδοὺσ γὰρ τὰσ ἐκ δεξιῶν οἶδεν ὁ Θεόσ, διεστραμμέναι δέ εἰσιν αἱ ἐξ ἀριστερῶν. αὐτὸσ δὲ ὀρθὰσ ποιήσει τὰσ τροχιάσ σου, τὰσ δὲ πορείασ σου ἐν εἰρήνῃ προάξει.

목록

일치하는 문장이 없습니다.

SEARCH

MENU NAVIGATION