Septuagint, Liber Psalmorum 149:

(70인역 성경, 시편 149:)

Ἀλληλούϊα. ‐ ΑΣΑΤΕ τῷ Κυρίῳ ᾆσμα καινόν, ἡ αἴνεσισ αὐτοῦ ἐν ἐκκλησίᾳ ὁσίων. εὐφρανθήτω Ἰσραὴλ ἐπὶ τῷ ποιήσαντι αὐτόν, καὶ οἱ υἱοὶ Σιὼν ἀγαλλιάσθωσαν ἐπὶ τῷ βασιλεῖ αὐτῶν. αἰνεσάτωσαν τὸ ὄνομα αὐτοῦ ἐν χορῷ, ἐν τυμπάνῳ καὶ ψαλτηρίῳ ψαλάτωσαν αὐτῷ, ὅτι εὐδοκεῖ Κύριοσ ἐν τῷ λαῷ αὐτοῦ καὶ ὑψώσει πραεῖσ ἐν σωτηρίᾳ. καυχήσονται ὅσιοι ἐν δόξῃ καὶ ἀγαλλιάσονται ἐπὶ τῶν κοιτῶν αὐτῶν. αἱ ὑψώσεισ τοῦ Θεοῦ ἐν τῷ λάρυγγι αὐτῶν, καὶ ῥομφαῖαι δίστομοι ἐν ταῖσ χερσὶν αὐτῶν τοῦ ποιῆσαι ἐκδίκησιν ἐν τοῖσ ἔθνεσιν, ἐλεγμοὺσ ἐν τοῖσ λαοῖσ, τοῦ δῆσαι τοὺσ βασιλεῖσ αὐτῶν ἐν πέδαισ καὶ τοὺσ ἐνδόξουσ αὐτῶν ἐν χειροπέδαισ σιδηραῖσ, τοῦ ποιῆσαι ἐν αὐτοῖσ κρῖμα ἔγγραπτον. δόξα αὕτη ἔσται πᾶσι τοῖσ ὁσίοισ αὐτοῦ.

목록

일치하는 문장이 없습니다.

SEARCH

MENU NAVIGATION