Septuagint, Liber Psalmorum 148:

Ἀλληλούϊα. Ἀγγαίου καὶ Ζαχαρίου. ‐ ΑΙΝΕΙΤΕ τὸν Κύριον ἐκ τῶν οὐρανῶν. αἰνεῖτε αὐτὸν ἐν τοῖσ ὑψίστοισ. αἰνεῖτε αὐτόν, πάντεσ οἱ ἄγγελοι αὐτοῦ. αἰνεῖτε αὐτόν, πᾶσαι αἱ δυνάμεισ αὐτοῦ. αἰνεῖτε αὐτὸν ἥλιοσ καὶ σελήνη, αἰνεῖτε αὐτὸν πάντα τὰ ἄστρα καὶ τὸ φῶσ. αἰνεῖτε αὐτὸν οἱ οὐρανοὶ τῶν οὐρανῶν καὶ τὸ ὕδωρ τὸ ὑπεράνω τῶν οὐρανῶν. αἰνεσάτωσαν τὸ ὄνομα Κυρίου, ὅτι αὐτὸσ εἶπε, καὶ ἐγενήθησαν, αὐτὸσ ἐνετείλατο, καὶ ἐκτίσθησαν. ἔστησεν αὐτὰ εἰσ τὸν αἰῶνα καὶ εἰσ τὸν αἰῶνα τοῦ αἰῶνοσ. πρόσταγμα ἔθετο, καὶ οὐ παρελεύσεται. αἰνεῖτε τὸν Κύριον ἐκ τῆσ γῆσ, δράκοντεσ καὶ πᾶσαι ἄβυσσοι. πῦρ, χάλαζα, χιών, κρύσταλλοσ, πνεῦμα καταιγίδοσ, τὰ ποιοῦντα τὸν λόγον αὐτοῦ. τὰ ὄρη καὶ πάντεσ οἱ βουνοί, ξύλα καρποφόρα καὶ πᾶσαι κέδροι. τὰ θηρία καὶ πάντα τὰ κτήνη, ἑρπετὰ καὶ πετεινὰ πτερωτά. βασιλεῖσ τῆσ γῆσ καὶ πάντεσ λαοί, ἄρχοντεσ καὶ πάντεσ κριταὶ γῆσ. νεανίσκοι καὶ παρθένοι, πρεσβύτεροι μετὰ νεωτέρων. αἰνεσάτωσαν τὸ ὄνομα Κυρίου, ὅτι ὑψώθη τὸ ὄνομα αὐτοῦ μόνου. ἡ ἐξομολόγησισ αὐτοῦ ἐπὶ γῆσ καὶ οὐρανοῦ. καὶ ὑψώσει κέρασ λαοῦ αὐτοῦ. ὕμνοσ πᾶσι τοῖσ ὁσίοισ αὐτοῦ, τοῖσ υἱοῖσ Ἰσραήλ, λαῷ ἐγγίζοντι αὐτῷ.