Septuagint, Liber Psalmorum 136:

(70인역 성경, 시편 136:)

Τῷ Δαυί̈δ Ἱερεμίου. ‐ ΕΠΙ τῶν ποταμῶν Βαβυλῶνοσ ἐκεῖ ἐκαθίσαμεν καὶ ἐκλαύσαμεν ἐν τῷ μνησθῆναι ἡμᾶσ τῆσ Σιών. ἐπὶ ταῖσ ἰτέαισ ἐν μέσῳ αὐτῆσ ἐκρεμάσαμεν τὰ ὄργανα ἡμῶν. ὅτι ἐκεῖ ἐπηρώτησαν ἡμᾶσ οἱ αἰχμαλωτεύσαντεσ ἡμᾶσ λόγουσ ᾠδῶν καὶ οἱ ἀπαγαγόντεσ ἡμᾶσ ὕμνον. ᾄσατε ἡμῖν ἐκ τῶν ᾠδῶν Σιών. πῶσ ᾄσωμεν τὴν ᾠδὴν Κυρίου ἐπὶ γῆσ ἀλλοτρίασ̣ ἐὰν ἐπιλάθωμαί σου, Ἱερουσαλήμ, ἐπιλησθείη ἡ δεξιά μου. κολληθείη ἡ γλῶσσά μου τῷ λάρυγγί μου, ἐὰν μή σου μνησθῶ, ἐὰν μὴ προανατάξωμαι τὴν Ἱερουσαλὴμ ὡσ ἐν ἀρχῇ τῆσ εὐφροσύνησ μου. μνήσθητι, Κύριε, τῶν υἱῶν Ἐδὼμ τὴν ἡμέραν Ἱερουσαλὴμ τῶν λεγόντων. ἐκκενοῦτε, ἐκκενοῦτε, ἕωσ τῶν θεμελίων αὐτῆσ. θυγάτηρ Βαβυλῶνοσ ἡ ταλαίπωροσ, μακάριοσ ὃσ ἀνταποδώσει σοι τὸ ἀνταπόδομά σου, ὃ ἀνταπέδωκασ ἡμῖν. μακάριοσ ὃσ κρατήσει καὶ ἐδαφιεῖ τὰ νήπιά σου πρὸσ τὴν πέτραν.

목록

일치하는 문장이 없습니다.

SEARCH

MENU NAVIGATION