Septuagint, Liber Psalmorum 135:

(70인역 성경, 시편 135:)

Ἀλληλούί̈α. ‐ ΕΞΟΜΟΛΟΓΕΙΣΘΕ τῷ Κυρίῳ, ὅτι ἀγαθόσ, ὅτι εἰσ τὸν αἰῶνα τὸ ἔλεοσ αὐτοῦ. ἐξομολογεῖσθε τῷ Θεῷ τῶν θεῶν, ὅτι εἰσ τὸν αἰῶνα τὸ ἔλεοσ αὐτοῦ. ἐξομολογεῖσθε τῷ Κυρίῳ τῶν κυρίων, ὅτι εἰσ τὸν αἰῶνα τὸ ἔλεοσ αὐτοῦ. τῷ ποιήσαντι θαυμάσια μεγάλα μόνῳ, ὅτι εἰσ τὸν αἰῶνα τὸ ἔλεοσ αὐτοῦ. τῷ ποιήσαντι τοὺσ οὐρανοὺσ ἐν συνέσει, ὅτι εἰσ τὸν αἰῶνα τὸ ἔλεοσ αὐτοῦ. τῷ στερεώσαντι τὴν γῆν ἐπὶ τῶν ὑδάτων, ὅτι εἰσ τὸν αἰῶνα τὸ ἔλεοσ αὐτοῦ. τῷ ποιήσαντι φῶτα μεγάλα μόνῳ, ὅτι εἰσ τὸν αἰῶνα τὸ ἔλεοσ αὐτοῦ. τὸν ἥλιον εἰσ ἐξουσίαν τῆσ ἡμέρασ, ὅτι εἰσ τὸν αἰῶνα τὸ ἔλεοσ αὐτοῦ. τὴν σελήνην καὶ τοὺσ ἀστέρασ εἰσ ἐξουσίαν τῆσ νυκτόσ, ὅτι εἰσ τὸν αἰῶνα τὸ ἔλεοσ αὐτοῦ. τῷ πατάξαντι Αἴγυπτον σὺν τοῖσ πρωτοτόκοισ αὐτῶν, ὅτι εἰσ τὸν αἰῶνα τὸ ἔλεοσ αὐτοῦ, καὶ ἐξαγαγόντι τὸν Ἰσραὴλ ἐκ μέσου αὐτῶν, ὅτι εἰσ τὸν αἰῶνα τὸ ἔλεοσ αὐτοῦ, ἐν χειρὶ κραταιᾷ καὶ ἐν βραχίονι ὑψηλῷ, ὅτι εἰσ τὸν αἰῶνα τὸ ἔλεοσ αὐτοῦ. τῷ καταδιελόντι τὴν Ἐρυθρὰν θάλασσαν εἰσ διαιρέσεισ, ὅτι εἰσ τὸν αἰῶνα τὸ ἔλεοσ αὐτοῦ. καὶ διαγαγόντι τὸν Ἰσραὴλ διὰ μέσου αὐτῆσ, ὅτι εἰσ τὸν αἰῶνα τὸ ἔλεοσ αὐτοῦ, καὶ ἐκτινάξαντι Φαραὼ καὶ τὴν δύναμιν αὐτοῦ εἰσ θάλασσαν Ἐρυθράν, ὅτι εἰσ τὸν αἰῶνα τὸ ἔλεοσ αὐτοῦ. τῷ διαγαγόντι τὸν λαὸν αὐτοῦ ἐν τῇ ἐρήμῳ, ὅτι εἰσ τὸν αἰῶνα τὸ ἔλεοσ αὐτοῦ. τῷ πατάξαντι βασιλεῖσ μεγάλουσ, ὅτι εἰσ τὸν αἰῶνα τὸ ἔλεοσ αὐτοῦ, καὶ ἀποκτείναντι βασιλεῖσ κραταιούσ, ὅτι εἰσ τὸν αἰῶνα τὸ ἔλεοσ αὐτοῦ, τὸν Σηὼν βασιλέα τῶν Ἀμορραίων, ὅτι εἰσ τὸν αἰῶνα τὸ ἔλεοσ αὐτοῦ, καὶ τὸν Ὢγ βασιλέα τῆσ Βασάν, ὅτι εἰσ τὸν αἰῶνα τὸ ἔλεοσ αὐτοῦ, καὶ δόντι τὴν γῆν αὐτῶν κληρονομίαν, ὅτι εἰσ τὸν αἰῶνα τὸ ἔλεοσ αὐτοῦ, κληρονομίαν Ἰσραὴλ δούλῳ αὐτοῦ, ὅτι εἰσ τὸν αἰῶνα τὸ ἔλεοσ αὐτοῦ. ὅτι ἐν τῇ ταπεινώσει ἡμῶν ἐμνήσθη ἡμῶν ὁ Κύριοσ, ὅτι εἰσ τὸν αἰῶνα τὸ ἔλεοσ αὐτοῦ, καὶ ἐλυτρώσατο ἡμᾶσ ἐκ τῶν ἐχθρῶν ἡμῶν, ὅτι εἰσ τὸν αἰῶνα τὸ ἔλεοσ αὐτοῦ. ὁ διδοὺσ τροφὴν πάσῃ σαρκί, ὅτι εἰσ τὸν αἰῶνα τὸ ἔλεοσ αὐτοῦ. ἐξομολογεῖσθε τῷ Θεῷ τοῦ οὐρανοῦ, ὅτι εἰσ τὸν αἰῶνα τὸ ἔλεοσ αὐτοῦ.

목록

일치하는 문장이 없습니다.

SEARCH

MENU NAVIGATION