Septuagint, Liber Psalmorum 134:

(70인역 성경, 시편 134:)

Ἀλληλούί̈α. ‐ ΑΙΝΕΙΤΕ τὸ ὄνομα Κυρίου, αἰνεῖτε, δοῦλοι, Κύριον, οἱ ἑστῶτεσ ἐν οἴκῳ Κυρίου, ἐν αὐλαῖσ οἴκου Θεοῦ ἡμῶν. αἰνεῖτε τὸν Κύριον, ὅτι ἀγαθὸσ Κύριοσ. ψάλατε τῷ ὀνόματι αὐτοῦ, ὅτι καλόν. ὅτι τὸν Ἰακὼβ ἐξελέξατο ἑαυτῷ ὁ Κύριοσ, Ἰσραὴλ εἰσ περιουσιασμὸν ἑαυτῷ. ὅτι ἐγὼ ἔγνωκα ὅτι μέγασ ὁ Κύριοσ, καὶ ὁ Κύριοσ ἡμῶν παρὰ πάντασ τοὺσ θεούσ. πάντα, ὅσα ἠθέλησεν ὁ Κύριοσ ἐποίησεν ἐν τῷ οὐρανῷ καὶ ἐν τῇ γῇ, ἐν ταῖσ θαλάσσαισ καὶ ἐν πάσαισ ταῖσ ἀβύσσοισ. ἀνάγων νεφέλασ ἐξ ἐσχάτου τῆσ γῆσ, ἀστραπὰσ εἰσ ὑετὸν ἐποίησεν. ὁ ἐξάγων ἀνέμουσ ἐκ θησαυρῶν αὐτοῦ, ὃσ ἐπάταξε τὰ πρωτότοκα Αἰγύπτου ἀπὸ ἀνθρώπου ἕωσ κτήνουσ. ἐξαπέστειλε σημεῖα καὶ τέρατα ἐν μέσῳ σου, Αἴγυπτε, ἐν Φαραὼ καὶ ἐν πᾶσι τοῖσ δούλοισ αὐτοῦ. ὃσ ἐπάταξεν ἔθνη πολλὰ καὶ ἀπέκτεινε βασιλεῖσ κραταιούσ. τὸν Σηὼν βασιλέα τῶν Ἀμορραίων καὶ τὸν Ὢγ βασιλέα τῆσ Βασὰν καὶ πάσασ τὰσ βασιλείασ Χαναάν, καὶ ἔδωκε τὴν γῆν αὐτῶν κληρονομίαν, κληρονομίαν Ἰσραὴλ λαῷ αὐτοῦ. Κύριε, τὸ ὄνομά σου εἰσ τὸν αἰῶνα καὶ τὸ μνημόσυνόν σου εἰσ γενεὰν καὶ γενεάν. ὅτι κρινεῖ Κύριοσ τὸν λαὸν αὐτοῦ καὶ ἐπὶ τοῖσ δούλοισ αὐτοῦ παρακληθήσεται. τὰ εἴδωλα τῶν ἐθνῶν ἀργύριον καὶ χρυσίον, ἔργα χειρῶν ἀνθρώπων. στόμα ἔχουσι καὶ οὐ λαλήσουσιν, ὀφθαλμοὺσ ἔχουσι καὶ οὐκ ὄψονται, ὦτα ἔχουσι καὶ οὐκ ἐνωτισθήσονται, οὐδὲ γάρ ἐστι πνεῦμα ἐν τῷ στόματι αὐτῶν. ὅμοιοι αὐτοῖσ γένοιντο οἱ ποιοῦντεσ αὐτὰ καὶ πάντεσ οἱ πεποιθότεσ ἐπ̓ αὐτοῖσ. οἶκοσ Ἰσραήλ, εὐλογήσατε τὸν Κύριον. οἶκοσ Ἀαρών, εὐλογήσατε τὸν Κύριον. οἶκοσ Λευί̈, εὐλογήσατε τὸν Κύριον. οἱ φοβούμενοι τὸν Κύριον, εὐλογήσατε τὸν Κύριον, εὐλογητὸσ Κύριοσ ἐκ Σιών, ὁ κατοικῶν Ἱερουσαλήμ.

목록

일치하는 문장이 없습니다.

SEARCH

MENU NAVIGATION