Septuagint, Liber Psalmorum 118:

(70인역 성경, 시편 118:)

Ἀλληλούϊα. ‐ ΜΑΚΑΡΙΟΙ οἱ ἄμωμοι ἐν ὁδῷ οἱ πορευόμενοι ἐν νόμῳ Κυρίου. μακάριοι οἱ ἐξερευνῶντεσ τὰ μαρτύρια αὐτοῦ. ἐν ὅλῃ καρδίᾳ ἐκζητήσουσιν αὐτόν. οὐ γὰρ οἱ ἐργαζόμενοι τὴν ἀνομίαν ἐν ταῖσ ὁδοῖσ αὐτοῦ ἐπορεύθησαν. σὺ ἐνετείλω τὰσ ἐντολάσ σου τοῦ φυλάξασθαι σφόδρα. ὄφελον κατευθυνθείησαν αἱ ὁδοί μου τοῦ φυλάξασθαι τὰ δικαιώματά σου. τότε οὐ μὴ αἰσχυνθῶ ἐν τῷ με ἐπιβλέπειν ἐπὶ πάσασ τὰσ ἐντολάσ σου. ἐξομολογήσομαί σοι ἐν εὐθύτητι καρδίασ ἐν τῷ μεμαθηκέναι με τὰ κρίματα τῆσ δικαιοσύνησ σου. τὰ δικαιώματά σου φυλάξω. μή με ἐγκαταλίπῃσ ἕωσ σφόδρα. ‐ Ἐν τίνι κατορθώσει νεώτεροσ τὴν ὁδὸν αὐτοῦ̣ ἐν τῷ φυλάξασθαι τοὺσ λόγουσ σου. ἐν ὅλῃ καρδίᾳ μου ἐξεζήτησά σε. μὴ ἀπώσῃ με ἀπὸ τῶν ἐντολῶν σου. ἐν τῇ καρδίᾳ μου ἔκρυψα τὰ λόγιά σου, ὅπωσ ἂν μὴ ἁμάρτω σοι. εὐλογητὸσ εἶ, Κύριε. δίδαξόν με τὰ δικαιώματά σου. ἐν τοῖσ χείλεσί μου ἐξήγγειλα πάντα τὰ κρίματα τοῦ στόματόσ σου. ἐν τῇ ὁδῷ τῶν μαρτυρίων σου ἐτέρφθην ὡσ ἐπὶ παντὶ πλούτῳ. ἐν ταῖσ ἐντολαῖσ σου ἀδολεσχήσω καὶ κατανοήσω τὰσ ὁδούσ σου. ἐν τοῖσ δικαιώμασί σου μελετήσω, οὐκ ἐπιλήσομαι τῶν λόγων σου. ‐ Ἀνταπόδοσ τῷ δούλῳ σου. ζήσομαι καὶ φυλάξω τοὺσ λόγουσ σου. ἀποκάλυψον τοὺσ ὀφθαλμούσ μου, καὶ κατανοήσω τὰ θαυμάσια ἐκ τοῦ νόμου σου. πάροικοσ ἐγώ εἰμι ἐν τῇ γῇ. μὴ ἀποκρύψῃσ ἀπ̓ ἐμοῦ τὰσ ἐντολάσ σου. ἐπεπόθησεν ἡ ψυχή μου τοῦ ἐπιθυμῆσαι τὰ κρίματά σου ἐν παντὶ καιρῷ. ἐπετίμησασ ὑπερηφάνοισ. ἐπικατάρατοι οἱ ἐκκλίνοντεσ ἀπὸ τῶν ἐντολῶν σου. περίελε ἀπ̓ ἐμοῦ ὄνειδοσ καὶ ἐξουδένωσιν, ὅτι τὰ μαρτύριά σου ἐξεζήτησα. καὶ γὰρ ἐκάθισαν ἄρχοντεσ καὶ κατ̓ ἐμοῦ κατελάλουν, ὁ δὲ δοῦλόσ σου ἠδολέσχει ἐν τοῖσ δικαιώμασί σου. καὶ γὰρ τὰ μαρτύριά σου μελέτη μού ἐστι, καὶ αἱ συμβουλίαι μου τὰ δικαιώματά σου. ‐ Ἐκολλήθη τῷ ἐδάφει ἡ ψυχή μου. ζῆσόν με κατὰ τὸν λόγον σου. τὰσ ὁδούσ μου ἐξήγγειλα, καὶ ἐπήκουσάσ μου. δίδαξόν με τὰ δικαιώματά σου. ὁδὸν δικαιωμάτων σου συνέτισόν με, καὶ ἀδολεσχήσω ἐν τοῖσ θαυμασίοισ σου. ἐνύσταξεν ἡ ψυχή μου ἀπὸ ἀκηδίασ. βεβαίωσόν με ἐν τοῖσ λόγοισ σου. ὁδὸν ἀδικίασ ἀπόστησον ἀπ̓ ἐμοῦ καὶ τῷ νόμῳ σου ἐλέησόν με. ὁδὸν ἀληθείασ ᾑρετισάμην καὶ τὰ κρίματά σου οὐκ ἐπελαθόμην. ἐκολλήθην τοῖσ μαρτυρίοισ σου, Κύριε. μή με καταισχύνῃσ. ὁδὸν ἐντολῶν σου ἔδραμον, ὅταν ἐπλάτυνασ τὴν καρδίαν μου. ‐ Νομοθέτησόν με, Κύριε, τὴν ὁδὸν τῶν δικαιωμάτων σου, καὶ ἐκζητήσω αὐτὴν διαπαντόσ. συνέτισόν με, καὶ ἐξερευνήσω τὸν νόμον σου καὶ φυλάξω αὐτὸν ἐν ὅλῃ καρδίᾳ μου. ὁδήγησόν με ἐν τῇ τρίβῳ τῶν ἐντολῶν σου, ὅτι αὐτὴν ἠθέλησα. κλῖνον τὴν καρδίαν μου εἰσ τὰ μαρτύριά σου καὶ μὴ εἰσ πλεονεξίαν. ἀπόστρεψον τοὺσ ὀφθαλμούσ μου τοῦ μὴ ἰδεῖν ματαιότητα, ἐν τῇ ὁδῷ σου ζῆσόν με. στῆσον τῷ δούλῳ σου τὸ λόγιόν σου εἰσ τὸν φόβον σου. περίελε τὸν ὀνειδισμόν μου, ὃν ὑπώπτευσα. ὅτι τὰ κρίματά σου χρηστά. ἰδοὺ ἐπεθύμησα τὰσ ἐντολάσ σου. ἐν τῇ δικαιοσύνῃ σου ζῆσόν με. ‐ Καὶ ἔλθοι ἐπ̓ ἐμὲ τὸ ἔλεόσ σου, Κύριε, τὸ σωτήριόν σου κατὰ τὸν λόγον σου. καὶ ἀποκριθήσομαι τοῖσ ὀνειδίζουσί μοι λόγον, ὅτι ἤλπισα ἐπὶ τοῖσ λόγοισ σου. καὶ μὴ περιέλῃσ ἐκ τοῦ στόματόσ μου λόγον ἀληθείασ ἕωσ σφόδρα, ὅτι ἐπὶ τοῖσ κρίμασί σου ἐπήλπισα. καὶ φυλάξω τὸν νόμον σου διαπαντόσ, εἰσ τὸν αἰῶνα καὶ εἰσ τὸν αἰῶνα τοῦ αἰῶνοσ. καὶ ἐπορευόμην ἐν πλατυσμῷ, ὅτι τὰσ ἐντολάσ σου ἐξεζήτησα. καὶ ἐλάλουν ἐν τοῖσ μαρτυρίοισ σου ἐναντίον βασιλέων καὶ οὐκ ᾐσχυνόμην. καὶ ἐμελέτων ἐν ταῖσ ἐντολαῖσ σου, ἃσ ἠγάπησα σφόδρα. καὶ ἦρα τὰσ χεῖράσ μου πρὸσ τὰσ ἐντολάσ σου ἃσ ἠγάπησα, καὶ ἠδολέσχουν ἐν τοῖσ δικαιώμασί σου. ‐ Μνήσθητι τῶν λόγων σου τῷ δούλῳ σου, ὧν ἐπήλπισάσ με. αὕτη με παρεκάλεσεν ἐν τῇ ταπεινώσει μου, ὅτι τὸ λόγιόν σου ἔζησέ με. ὑπερήφανοι παρηνόμουν ἕωσ σφόδρα, ἀπὸ δὲ τοῦ νόμου σου οὐκ ἐξέκλινα. ἐμνήσθην τῶν κριμάτων σου ἀπ̓ αἰῶνοσ, Κύριε, καὶ παρεκλήθην. ἀθυμία κατέσχε με ἀπὸ ἁμαρτωλῶν τῶν ἐγκαταλιμπανόντων τὸν νόμον σου. ψαλτὰ ἦσάν μοι τὰ δικαιώματά σου ἐν τόπῳ παροικίασ μου. ἐμνήσθην ἐν νυκτὶ τοῦ ὀνόματόσ σου, Κύριε, καὶ ἐφύλαξα τὸν νόμον σου. αὕτη ἐγενήθη μοι, ὅτι τὰ δικαιώματά σου ἐξεζήτησα. ‐ Μερίσ μου εἶ, Κύριε, εἶπα τοῦ φυλάξασθαι τὸν νόμον σου. ἐδεήθην τοῦ προσώπου σου ἐν ὅλῃ καρδίᾳ μου. ἐλέησόν με κατὰ τὸ λόγιόν σου. διελογισάμην τὰσ ὁδούσ σου καὶ ἐπέστρεψα τοὺσ πόδασ μου εἰσ τὰ μαρτύριά σου. ἡτοιμάσθην καὶ οὐκ ἐταράχθην τοῦ φυλάξασθαι τὰσ ἐντολάσ σου. σχοινία ἁμαρτωλῶν περιεπλάκησάν μοι, καὶ τοῦ νόμου σου οὐκ ἐπελαθόμην. μεσονύκτιον ἐξηγειρόμην τοῦ ἐξομολογεῖσθαί σοι ἐπὶ τὰ κρίματα τῆσ δικαιοσύνησ σου. μέτοχοσ ἐγώ εἰμι πάντων τῶν φοβουμένων σε καὶ τῶν φυλασσόντων τὰσ ἐντολάσ σου. τοῦ ἐλέουσ σου, Κύριε, πλήρησ ἡ γῆ. τὰ δικαιώματά σου δίδαξόν με. ‐ Χρηστότητα ἐποίησασ μετὰ τοῦ δούλου σου, Κύριε, κατὰ τὸν λόγον σου. χρηστότητα καὶ παιδείαν καὶ γνῶσιν δίδαξόν με, ὅτι ταῖσ ἐντολαῖσ σου ἐπίστευσα. πρὸ τοῦ με ταπεινωθῆναι ἐγὼ ἐπλημμέλησα, διὰ τοῦτο τὸ λόγιόν σου ἐφύλαξα. χρηστὸσ εἶ σύ, Κύριε, καὶ ἐν τῇ χρηστότητί σου δίδαξόν με τὰ δικαιώματά σου. ἐπληθύνθη ἐπ̓ ἐμὲ ἀδικία ὑπερηφάνων, ἐγὼ δὲ ἐν ὅλῃ καρδίᾳ μου ἐξερευνήσω τὰσ ἐντολάσ σου. ἐτυρώθη ὡσ γάλα ἡ καρδία αὐτῶν, ἐγὼ δὲ τὸν νόμον σου ἐμελέτησα. ἀγαθόν μοι ὅτι ἐταπείνωσάσ με, ὅπωσ ἂν μάθω τὰ δικαιώματά σου. ἀγαθόσ μοι ὁ νόμοσ τοῦ στόματόσ σου ὑπὲρ χιλιάδασ χρυσίου καὶ ἀργυρίου. ‐ Αἱ χεῖρέσ σου ἐποίησάν με καὶ ἔπλασάν με. συνέτισόν με καὶ μαθήσομαι τὰσ ἐντολάσ σου. οἱ φοβούμενοί σε ὄψονταί με καὶ εὐφρανθήσονται, ὅτι εἰσ τοὺσ λόγουσ σου ἐπήλπισα. ἔγνων, Κύριε, ὅτι δικαιοσύνη τὰ κρίματά σου, καὶ ἀληθείᾳ ἐταπείνωσάσ με. γενηθήτω δὴ τὸ ἔλεόσ σου τοῦ παρακαλέσαι με κατὰ τὸ λόγιόν σου τῷ δούλῳ σου. ἐλθέτωσάν μοι οἱ οἰκτιρμοί σου, καὶ ζήσομαι, ὅτι ὁ νόμοσ σου μελέτη μού ἐστιν. αἰσχυνθήτωσαν ὑπερήφανοι, ὅτι ἀδίκωσ ἠνόμησαν εἰσ ἐμέ. ἐγὼ δὲ ἀδολεσχήσω ἐν ταῖσ ἐντολαῖσ σου. ἐπιστρεψάτωσάν με οἱ φοβούμενοί σε καὶ οἱ γινώσκοντεσ τὰ μαρτύριά σου. γενηθήτω ἡ καρδία μου ἄμωμοσ ἐν τοῖσ δικαιώμασί σου, ὅπωσ ἂν μὴ αἰσχυνθῶ. ‐ Ἐκλείπει εἰσ τὸ σωτήριόν σου ἡ ψυχή μου, εἰσ τοὺσ λόγουσ σου ἐπήλπισα. ἐξέλιπον οἱ ὀφθαλμοί μου εἰσ τὸ λόγιόν σου λέγοντεσ. πότε παρακαλέσεισ με̣ ὅτι ἐγενήθην ὡσ ἀσκὸσ ἐν πάχνῃ. τὰ δικαιώματά σου οὐκ ἐπελαθόμην. πόσαι εἰσὶν αἱ ἡμέραι τοῦ δούλου σου̣ πότε ποιήσεισ μοι ἐκ τῶν καταδιωκόντων με κρίσιν̣ διηγήσαντό μοι παράνομοι ἀδολεσχίασ, ἀλλ̓ οὐχ ὡσ ὁ νόμοσ σου, Κύριε. πᾶσαι αἱ ἐντολαί σου ἀλήθεια. ἀδίκωσ κατεδίωξάν με, βοήθησόν μοι. παρὰ βραχὺ συνετέλεσάν με ἐν τῇ γῇ, ἐγὼ δὲ οὐκ ἐγκατέλιπον τὰσ ἐντολάσ σου. κατὰ τὸ ἔλεόσ σου ζῆσόν με, καὶ φυλάξω τὰ μαρτύρια τοῦ στόματόσ σου. ‐ Εἰσ τὸν αἰῶνα, Κύριε, ὁ λόγοσ σου διαμένει ἐν τῷ οὐρανῷ. εἰσ γενεὰν καὶ γενεὰν ἡ ἀλήθειά σου. ἐθεμελίωσασ τὴν γῆν καὶ διαμένει. τῇ διατάξει σου διαμένει ἡμέρα, ὅτι τὰ σύμπαντα δοῦλα σά. εἰ μὴ ὅτι ὁ νόμοσ σου μελέτη μού ἐστι, τότε ἂν ἀπωλόμην ἐν τῇ ταπεινώσει μου. εἰσ τὸν αἰῶνα οὐ μὴ ἐπιλάθωμαι τῶν δικαιωμάτων σου, ὅτι ἐν αὐτοῖσ ἔζησάσ με. σόσ εἰμι ἐγώ, σῶσόν με, ὅτι τὰ δικαιώματά σου ἐξεζήτησα. ἐμὲ ὑπέμειναν ἁμαρτωλοὶ τοῦ ἀπολέσαι με. τὰ μαρτύριά σου συνῆκα. πάσησ συντελείασ εἶδον πέρασ. πλατεῖα ἡ ἐντολή σου σφόδρα. ‐ Ὡσ ἠγάπησα τὸν νόμον σου, Κύριε. ὅλην τὴν ἡμέραν μελέτη μού ἐστιν. ὑπὲρ τοὺσ ἐχθρούσ μου ἐσόφισάσ με τὴν ἐντολήν σου, ὅτι εἰσ τὸν αἰῶνα ἐμή ἐστιν. ὑπὲρ πάντασ τοὺσ διδάσκοντάσ με συνῆκα, ὅτι τὰ μαρτύριά σου μελέτη μού ἐστιν. ὑπὲρ πρεσβυτέρουσ συνῆκα, ὅτι τὰσ ἐντολάσ σου ἐξεζήτησα. ἐκ πάσησ ὁδοῦ πονηρᾶσ ἐκώλυσα τοὺσ πόδασ μου, ὅπωσ ἂν φυλάξω τοὺσ λόγουσ σου. ἀπὸ τῶν κριμάτων σου οὐκ ἐξέκλινα, ὅτι σὺ ἐνομοθέτησάσ με. ὡσ γλυκέα τῷ λάρυγγί μου τὰ λόγιά σου, ὑπὲρ μέλι τῷ στόματί μου. ἀπὸ τῶν ἐντολῶν σου συνῆκα. διὰ τοῦτο ἐμίσησα πᾶσαν ὁδὸν ἀδικίασ. ‐ Λύχνοσ τοῖσ ποσί μου ὁ νόμοσ σου καὶ φῶσ ταῖσ τρίβοισ μου. ὤμοσα καὶ ἔστησα τοῦ φυλάξασθαι τὰ κρίματα τῆσ δικαιοσύνησ σου. ἐταπεινώθην ἕωσ σφόδρα. Κύριε, ζῆσόν με κατὰ τὸν λόγον σου. τὰ ἑκούσια τοῦ στόματόσ μου εὐδόκησον δή, Κύριε, καὶ τὰ κρίματά σου δίδαξόν με. ἡ ψυχή μου ἐν ταῖσ χερσί σου διαπαντόσ, καὶ τοῦ νόμου σου οὐκ ἐπελαθόμην. ἔθεντο ἁμαρτωλοὶ παγίδα μοι, καὶ ἐκ τῶν ἐντολῶν σου οὐκ ἐπλανήθην. ἐκληρονόμησα τὰ μαρτύριά σου εἰσ τὸν αἰῶνα, ὅτι ἀγαλλίαμα τῆσ καρδίασ μού εἰσιν. ἔκλινα τὴν καρδίαν μου τοῦ ποιῆσαι τὰ δικαιώματά σου εἰσ τὸν αἰῶνα δἰ ἀντάμειψιν. ‐ Παρανόμουσ ἐμίσησα, τὸν δὲ νόμον σου ἠγάπησα. βοηθόσ μου, καὶ ἀντιλήπτωρ μου εἶ σύ. εἰσ τοὺσ λόγουσ σου ἐπήλπισα. ἐκκλίνατε ἀπ̓ ἐμοῦ, πονηρευόμενοι, καὶ ἐξερευνήσω τὰσ ἐντολὰσ τοῦ Θεοῦ μου. ἀντιλαβοῦ μου κατὰ τὸ λόγιόν σου, καὶ ζῆσόν με, καὶ μὴ καταισχύνῃσ με ἀπὸ τῆσ προσδοκίασ μου. βοήθησόν μοι, καὶ σωθήσομαι καὶ μελετήσω ἐν τοῖσ δικαιώμασί σου διαπαντόσ. ἐξουδένωσασ πάντασ τοὺσ ἀποστατοῦντασ ἀπὸ τῶν δικαιωμάτων σου, ὅτι ἄδικον τὸ ἐνθύμημα αὐτῶν. παραβαίνοντασ ἐλογισάμην πάντασ τοὺσ ἁμαρτωλοὺσ τῆσ γῆσ. διὰ τοῦτο ἠγάπησα τὰ μαρτύριά σου. καθήλωσον ἐκ τοῦ φόβου σου τὰσ σάρκασ μου. ἀπὸ γὰρ τῶν κριμάτων σου ἐφοβήθην. ‐ Ἐποίησα κρῖμα καὶ δικαιοσύνην. μὴ παραδῷσ με τοῖσ ἀδικοῦσί με. ἔκδεξαι τὸν δοῦλόν σου εἰσ ἀγαθόν. μὴ συκοφαντησάτωσάν με ὑπερήφανοι. οἱ ὀφθαλμοί μου ἐξέλιπον εἰσ τὸ σωτήριόν σου καὶ εἰσ τὸ λόγιον τῆσ δικαιοσύνησ σου. ποίησον μετὰ τοῦ δούλου σου κατὰ τὸ ἔλεόσ σου καὶ τὰ δικαιώματά σου δίδαξόν με. δοῦλόσ σού εἰμι ἐγώ. συνέτισόν με, καὶ γνώσομαι τὰ μαρτύριά σου. καιρὸσ τοῦ ποιῆσαι τῷ Κυρίῳ. διεσκέδασαν τὸν νόμον σου. διὰ τοῦτο ἠγάπησα τὰσ ἐντολάσ σου ὑπὲρ χρυσίον καὶ τοπάζιον. διὰ τοῦτο πρὸσ πάσασ τὰσ ἐντολάσ σου κατωρθούμην, πᾶσαν ὁδὸν ἄδικον ἐμίσησα. ‐ Θαυμαστὰ τὰ μαρτύριά σου. διὰ τοῦτο ἐξηρεύνησεν αὐτὰ ἡ ψυχή μου. ἡ δήλωσισ τῶν λόγων σου φωτιεῖ καὶ συνετιεῖ νηπίουσ. τὸ στόμα μου ἤνοιξα καὶ εἵλκυσα πνεῦμα, ὅτι τὰσ ἐντολάσ σου ἐπεπόθουν. Ἐπίβλεψον ἐπ̓ ἐμὲ καὶ ἐλέησόν με κατὰ τὸ κρίμα τῶν ἀγαπώντων τὸ ὄνομά σου. τὰ διαβήματά μου κατεύθυνον κατὰ τὸ λόγιόν σου, καὶ μὴ κατακυριευσάτω μου πᾶσα ἀνομία. λύτρωσαί με ἀπὸ συκοφαντίασ ἀνθρώπων, καὶ φυλάξω τὰσ ἐντολάσ σου. τὸ πρόσωπόν σου ἐπίφανον ἐπὶ τὸν δοῦλόν σου καὶ δίδαξόν με τὰ δικαιώματά σου. διεξόδουσ ὑδάτων κατέδυσαν οἱ ὀφθαλμοί μου, ἐπεὶ οὐκ ἐφύλαξα τὸν νόμον σου. ‐ Δίκαιοσ εἶ, Κύριε, καὶ εὐθεῖαι αἱ κρίσεισ σου. ἐνετείλω δικαιοσύνην τὰ μαρτύριά σου καὶ ἀλήθειαν σφόδρα. ἐξέτηξέ με ὁ ζῆλόσ σου, ὅτι ἐπελάθοντο τῶν λόγων σου οἱ ἐχθροί μου. πεπυρωμένον τὸ λόγιόν σου σφόδρα, καὶ ὁ δοῦλόσ σου ἠγάπησεν αὐτό. νεώτεροσ ἐγώ εἰμι καὶ ἐξουδενωμένοσ. τὰ δικαιώματά σου οὐκ ἐπελαθόμην. ἡ δικαιοσύνη σου δικαιοσύνη εἰσ τὸν αἰῶνα, καὶ ὁ νόμοσ σου ἀλήθεια. θλίψεισ καὶ ἀνάγκαι εὕροσάν με. αἱ ἐντολαί σου μελέτη μου. δικαιοσύνη τὰ μαρτύριά σου εἰσ τὸν αἰῶνα. συνέτισόν με, καὶ ζήσομαι ‐ Ἐκέκραξα ἐν ὅλῃ καρδίᾳ μου. ἐπάκουσόν μου, Κύριε, τὰ δικαιώματά σου ἐκζητήσω. ἐκέκραξά σοι. σῶσόν με, καὶ φυλάξω τὰ μαρτύριά σου. προέφθασα ἐν ἀωρίᾳ καὶ ἐκέκραξα, εἰσ τοὺσ λόγουσ σου ἐπήλπισα. προέφθασαν οἱ ὀφθαλμοί μου πρὸσ ὄρθρον τοῦ μελετᾶν τὰ λόγιά σου. τῆσ φωνῆσ μου ἄκουσον, Κύριε, κατὰ τὸ ἔλεόσ σου, κατὰ τὸ κρῖμά σου ζῆσόν με. προσήγγισαν οἱ καταδιώκοντέσ με ἀνομίᾳ, ἀπὸ δὲ τοῦ νόμου σου ἐμακρύνθησαν. ἐγγὺσ εἶ, Κύριε, καὶ πᾶσαι αἱ ὁδοί σου ἀλήθεια. κατ̓ ἀρχὰσ ἔγνων ἐκ τῶν μαρτυρίων σου, ὅτι εἰσ τὸν αἰῶνα ἐθεμελίωσασ αὐτά. ‐ Ἴδε τὴν ταπείνωσίν μου καὶ ἐξελοῦ με, ὅτι τοῦ νόμου σου οὐκ ἐπελαθόμην. κρῖνον τὴν κρίσιν μου καὶ λύτρωσαί με. διὰ τὸν λόγον σου ζῆσόν με. μακρὰν ἀπὸ ἁμαρτωλῶν σωτηρία, ὅτι τὰ δικαιώματά σου οὐκ ἐξεζήτησαν. οἱ οἰκτιρμοί σου πολλοί, Κύριε. κατὰ τὸ κρῖμά σου ζῆσόν με. πολλοὶ οἱ ἐκδιώκοντέσ με καὶ θλίβοντέσ με. ἐκ τῶν μαρτυρίων σου οὐκ ἐξέκλινα. εἶδον ἀσυνετοῦντασ καὶ ἐξετηκόμην, ὅτι τὰ λόγιά σου οὐκ ἐφυλάξαντο. ἴδε, ὅτι τὰσ ἐντολάσ σου ἠγάπησα. Κύριε, ἐν τῷ ἐλέει σου ζῆσόν με. ἀρχὴ τῶν λόγων σου ἀλήθεια, καὶ εἰσ τὸν αἰῶνα πάντα τὰ κρίματα τῆσ δικαιοσύνησ σου. ‐ Ἄρχοντεσ κατεδίωξάν με δωρεάν, καὶ ἀπὸ τῶν λόγων σου ἐδειλίασεν ἡ καρδία μου. ἀγαλλιάσομαι ἐγὼ ἐπὶ τὰ λόγιά σου ὡσ ὁ εὑρίσκων σκῦλα πολλά. ἀδικίαν ἐμίσησα καὶ ἐβδελυξάμην, τὸν δὲ νόμον σου ἠγάπησα. ἑπτάκισ τῆσ ἡμέρασ ᾔνεσά σε ἐπὶ τὰ κρίματα τῆσ δικαιοσύνησ σου. εἰρήνη πολλὴ τοῖσ ἀγαπῶσι τὸν νόμον σου, καὶ οὐκ ἔστιν αὐτοῖσ σκάνδαλον. προσεδόκων τὸ σωτήριόν σου, Κύριε, καὶ τὰσ ἐντολάσ σου ἠγάπησα. ἐφύλαξεν ἡ ψυχή μου τὰ μαρτύριά σου καὶ ἠγάπησεν αὐτὰ σφόδρα. ἐφύλαξα τὰσ ἐντολάσ σου καὶ τὰ μαρτύριά σου, ὅτι πᾶσαι αἱ ὁδοί μου ἐναντίον σου, Κύριε. ‐ Ἐγγισάτω ἡ δέησίσ μου ἐνώπιόν σου, Κύριε. κατὰ τὸ λόγιόν σου συνέτισόν με. εἰσέλθοι τὸ ἀξίωμά μου ἐνώπιόν σου, Κύριε. κατὰ τὸ λόγιόν σου ῥῦσαί με. ἐξερεύξαιντο τὰ χείλη μου ὕμνον, ὅταν διδάξῃσ με τὰ δικαιώματά σου. φθέγξαιτο ἡ γλῶσσά μου τὰ λόγιά σου, ὅτι πᾶσαι αἱ ἐντολαί σου δικαιοσύνη. γενέσθω ἡ χείρ σου τοῦ σῶσαί με, ὅτι τὰσ ἐντολάσ σου ᾑρετισάμην. ἐπεπόθησα τὸ σωτήριόν σου, Κύριε, καὶ ὁ νόμοσ σου μελέτη μού ἐστι. ζήσεται ἡ ψυχή μου καὶ αἰνέσει σε, καὶ τὰ κρίματά σου βοηθήσει μοι. ἐπλανήθην ὡσ πρόβατον ἀπολωλόσ. ζήτησον τὸν δοῦλόν σου, ὅτι τὰσ ἐντολάσ σου οὐκ ἐπελαθόμην.

목록

일치하는 문장이 없습니다.

SEARCH

MENU NAVIGATION