Septuagint, Liber Psalmorum 117:

(70인역 성경, 시편 117:)

Ἀλληλούϊα. ‐ ΕΞΟΜΟΛΟΓΕΙΣΘΕ τῷ Κυρίῳ, ὅτι ἀγαθόσ, ὅτι εἰσ τὸν αἰῶνα τὸ ἔλεοσ αὐτοῦ. εἰπάτω δὴ οἶκοσ Ἰσραὴλ ὅτι ἀγαθόσ, ὅτι εἰσ τὸν αἰῶνα τὸ ἔλεοσ αὐτοῦ. εἰπάτω δὴ οἶκοσ Ἀαρὼν ὅτι ἀγαθόσ, ὅτι εἰσ τὸν αἰῶνα τὸ ἔλεοσ αὐτοῦ. εἰπάτωσαν δὴ πάντεσ οἱ φοβούμενοι τὸν Κύριον ὅτι ἀγαθόσ, ὅτι εἰσ τὸν αἰῶνα τὸ ἔλεοσ αὐτοῦ. ἐκ θλίψεωσ ἐπεκαλεσάμην τὸν Κύριον, καὶ ἐπήκουσέ μου εἰσ πλατυσμόν. Κύριοσ ἐμοὶ βοηθόσ, καὶ οὐ φοβηθήσομαι τί ποιήσει μοι ἄνθρωποσ. Κύριοσ ἐμοὶ βοηθόσ, κἀγὼ ἐπόψομαι τοὺσ ἐχθρούσ μου. ἀγαθὸν πεποιθέναι ἐπὶ Κύριον ἢ πεποιθέναι ἐπ̓ ἄνθρωπον. ἀγαθὸν ἐλπίζειν ἐπὶ Κύριον ἢ ἐλπίζειν ἐπ̓ ἄρχουσι. πάντα τὰ ἔθνη ἐκύκλωσάν με, καὶ τῷ ὀνόματι Κυρίου ἠμυνάμην αὐτούσ. κυκλώσαντεσ ἐκύκλωσάν με, καὶ τῷ ὀνόματι Κυρίου ἠμυνάμην αὐτούσ. ἐκύκλωσάν με ὡσεὶ μέλισσαι κηρίον καὶ ἐξεκαύθησαν ὡσ πῦρ ἐν ἀκάνθαισ, καὶ τῷ ὀνόματι Κυρίου ἠμυνάμην αὐτούσ. ὠσθεὶσ ἀνετράπην τοῦ πεσεῖν, καὶ ὁ Κύριοσ ἀντελάβετό μου. ἰσχύσ μου καὶ ὕμνησίσ μου ὁ Κύριοσ καὶ ἐγένετό μοι εἰσ σωτηρίαν. φωνὴ ἀγαλλιάσεωσ καὶ σωτηρίασ ἐν σκηναῖσ δικαίων. δεξιὰ Κυρίου ἐποίησε δύναμιν, δεξιὰ Κυρίου ὕψωσέ με, δεξιὰ Κυρίου ἐποίησε δύναμιν. οὐκ ἀποθανοῦμαι, ἀλλὰ ζήσομαι καὶ διηγήσομαι τὰ ἔργα Κυρίου. παιδεύων ἐπαίδευσέ με ὁ Κύριοσ καὶ τῷ θανάτῳ οὐ παρέδωκέ με. ἀνοίξατέ μοι πύλασ δικαιοσύνησ. εἰσελθὼν ἐν αὐταῖσ ἐξομολογήσομαι τῷ Κυρίῳ. αὕτη ἡ πύλη τοῦ Κυρίου, δίκαιοι εἰσελεύσονται ἐν αὐτῇ. ἐξομολογήσομαί σοι, ὅτι ἐπήκουσάσ μου καὶ ἐγένου μοι εἰσ σωτηρίαν. λίθον, ὃν ἀπεδοκίμασαν οἱ οἰκοδομοῦντεσ, οὗτοσ ἐγενήθη εἰσ κεφαλὴν γωνίασ. παρὰ Κυρίου ἐγένετο αὕτη καὶ ἔστι θαυμαστὴ ἐν ὀφθαλμοῖσ ἡμῶν. αὕτη ἡ ἡμέρα, ἣν ἐποίησεν ὁ Κύριοσ. ἀγαλλιασώμεθα καὶ εὐφρανθῶμεν ἐν αὐτῇ. ὦ Κύριε, σῶσον δή, ὦ Κύριε, εὐόδωσον δή. εὐλογημένοσ ὁ ἐρχόμενοσ ἐν ὀνόματι Κυρίου. εὐλογήκαμεν ὑμᾶσ ἐξ οἴκου Κυρίου. Θεὸσ Κύριοσ καὶ ἐπέφανεν ἡμῖν. συστήσασθε ἑορτὴν ἐν τοῖσ πυκάζουσιν ἕωσ τῶν κεράτων τοῦ θυσιαστηρίου. Θεόσ μου εἶ σύ, καὶ ἐξομολογήσομαί σοι. Θεόσ μου εἶ σύ, καὶ ὑψώσω σε. ἐξομολογήσομαί σοι, ὅτι ἐπήκουσάσ μου καὶ ἐγένου μοι εἰσ σωτηρίαν. ἐξομολογεῖσθε τῷ Κυρίῳ, ὅτι ἀγαθόσ, ὅτι εἰσ τὸν αἰῶνα τὸ ἔλεοσ αὐτοῦ.

목록

일치하는 문장이 없습니다.

SEARCH

MENU NAVIGATION