Septuagint, Liber Psalmorum 111:

Ἀλληλούϊα. ‐ ΜΑΚΑΡΙΟΣ ἀνὴρ ὁ φοβούμενοσ τὸν Κύριον, ἐν ταῖσ ἐντολαῖσ αὐτοῦ θελήσει σφόδρα. δυνατὸν ἐν τῇ γῇ ἔσται τὸ σπέρμα αὐτοῦ, γενεὰ εὐθέων εὐλογηθήσεται. δόξα καὶ πλοῦτοσ ἐν τῷ οἴκῳ αὐτοῦ, καὶ ἡ δικαιοσύνη αὐτοῦ μένει εἰσ τὸν αἰῶνα τοῦ αἰῶνοσ. ἐξανέτειλεν ἐν σκότει φῶσ τοῖσ εὐθέσιν ἐλεήμων καὶ οἰκτίρμων καὶ δίκαιοσ. χρηστὸσ ἀνὴρ ὁ οἰκτείρων καὶ κιχρῶν. οἰκονομήσει τοὺσ λόγουσ αὐτοῦ ἐν κρίσει, ὅτι εἰσ τὸν αἰῶνα οὐ σαλευθήσεται, εἰσ μνημόσυνον αἰώνιον ἔσται δίκαιοσ. ἀπὸ ἀκοῆσ πονηρᾶσ οὐ φοβηθήσεται. ἑτοίμη ἡ καρδία αὐτοῦ ἐλπίζειν ἐπὶ Κύριον. ἐστήρικται ἡ καρδία αὐτοῦ, οὐ μὴ φοβηθῇ, ἕωσ οὗ ἐπίδῃ ἐπὶ τοὺσ ἐχθροὺσ αὐτοῦ. ἐσκόρπισεν, ἔδωκε τοῖσ πένησιν. ἡ δικαιοσύνη αὐτοῦ μένει εἰσ τὸν αἰῶνα τοῦ αἰῶνοσ, τὸ κέρασ αὐτοῦ ὑψωθήσεται ἐν δόξῃ. ἁμαρτωλὸσ ὄψεται καὶ ὀργισθήσεται, τοὺσ ὀδόντασ αὐτοῦ βρύξει καὶ τακήσεται. ἐπιθυμία ἁμαρτωλοῦ ἀπολεῖται.