헬라어 문장 검색 - Σεπτύ024́105́

(70인역 성경, 시편 105:)

Ἀλληλούϊα. ‐ ΕΞΟΜΟΛΟΓΕΙΣΘΕ τῷ Κυρίῳ, ὅτι χρηστόσ, ὅτι εἰσ τὸν αἰῶνα τὸ ἔλεοσ αὐτοῦ. τίσ λαλήσει τὰσ δυναστείασ τοῦ Κυρίου, ἀκουστὰσ ποιήσει πάσασ τὰσ αἰνέσεισ αὐτοῦ̣ μακάριοι οἱ φυλάσσοντεσ κρίσιν καὶ ποιοῦντεσ δικαιοσύνην ἐν παντὶ καιρῷ. μνήσθητι ἡμῶν, Κύριε, ἐν τῇ εὐδοκίᾳ τοῦ λαοῦ σου, ἐπίσκεψαι ἡμᾶσ ἐν τῷ σωτηρίῳ σου τοῦ ἰδεῖν ἐν τῇ χρηστότητι τῶν ἐκλεκτῶν σου, τοῦ εὐφρανθῆναι ἐν τῇ εὐφροσύνῃ τοῦ ἔθνουσ σου, τοῦ ἐπαινεῖσθαι μετὰ τῆσ κληρονομίασ σου. ἡμάρτομεν μετὰ τῶν πατέρων ἡμῶν, ἠνομήσαμεν, ἠδικήσαμεν. οἱ πατέρεσ ἡμῶν ἐν Αἰγύπτῳ οὐ συνῆκαν τὰ θαυμάσιά σου καὶ οὐκ ἐμνήσθησαν τοῦ πλήθουσ τοῦ ἐλέουσ σου καὶ παρεπίκραναν ἀναβαίνοντεσ ἐν τῇ ἐρυθρᾷ θαλάσσῃ. καὶ ἔσωσεν αὐτοὺσ ἕνεκεν τοῦ ὀνόματοσ αὐτοῦ τοῦ γνωρίσαι τὴν δυναστείαν αὐτοῦ. καὶ ἐπετίμησε τῇ ἐρυθρᾷ θαλάσσῃ, καὶ ἐξηράνθη, καὶ ὡδήγησεν αὐτοὺσ ἐν ἀβύσσῳ ὡσ ἐν ἐρήμῳ. καὶ ἔσωσεν αὐτοὺσ ἐκ χειρὸσ μισοῦντοσ καὶ ἐλυτρώσατο αὐτοὺσ ἐκ χειρὸσ ἐχθρῶν. ἐκάλυψεν ὕδωρ τοὺσ θλίβοντασ αὐτούσ, εἷσ ἐξ αὐτῶν οὐχ ὑπελείφθη. καὶ ἐπίστευσαν τοῖσ λόγοισ αὐτοῦ καὶ ᾖσαν τὴν αἴνεσιν αὐτοῦ. ἐτάχυναν, ἐπελάθοντο τῶν ἔργων αὐτοῦ, οὐχ ὑπέμειναν τὴν βουλὴν αὐτοῦ. καὶ ἐπεθύμησαν ἐπιθυμίαν ἐν τῇ ἐρήμῳ καὶ ἐπείρασαν τὸν Θεὸν ἐν ἀνύδρῳ. καὶ ἔδωκεν αὐτοῖσ τὸ αἴτημα αὐτῶν, καὶ ἐξαπέστειλε πλησμονὴν εἰσ τὰσ ψυχὰσ αὐτῶν. καὶ παρώργισαν Μωυσῆν ἐν τῇ παρεμβολῇ, τὸν Ἀαρὼν τὸν ἅγιον Κυρίου. ἠνοίχθη ἡ γῆ καὶ κατέπιε Δαθὰν καὶ ἐκάλυψεν ἐπὶ τὴν συναγωγὴν Ἀβειρών. καὶ ἐξεκαύθη πῦρ ἐν τῇ συναγωγῇ αὐτῶν, φλὸξ κατέφλεξεν ἁμαρτωλούσ. καὶ ἐποίησαν μόσχον ἐν Χωρὴβ καὶ προσεκύνησαν τῷ γλυπτῷ. καὶ ἠλλάξαντο τὴν δόξαν αὐτῶν ἐν ὁμοιώματι μόσχου ἐσθίοντοσ χόρτον. καὶ ἐπελάθοντο τοῦ Θεοῦ τοῦ σῴζοντοσ αὐτούσ, τοῦ ποιήσαντοσ μεγάλα ἐν Αἰγύπτῳ, θαυμαστὰ ἐν γῇ Χάμ, φοβερὰ ἐπὶ θαλάσσησ ἐρυθρᾶσ. καὶ εἶπε τοῦ ἐξολοθρεῦσαι αὐτούσ, εἰ μὴ Μωυσῆσ ὁ ἐκλεκτὸσ αὐτοῦ ἔστη ἐν τῇ θραύσει ἐνώπιον αὐτοῦ τοῦ ἀποστρέψαι τὸν θυμὸν αὐτοῦ τοῦ μὴ ἐξολοθρεῦσαι αὐτούσ. καὶ ἐξουδένωσαν γῆν ἐπιθυμητήν, οὐκ ἐπίστευσαν τῷ λόγῳ αὐτοῦ. καὶ ἐγόγγυσαν ἐν τοῖσ σκηνώμασιν αὐτῶν, οὐκ εἰσήκουσαν τῆσ φωνῆσ Κυρίου. καὶ ἐπῆρε τὴν χεῖρα αὐτοῦ ἐπ̓ αὐτοὺσ τοῦ καταβαλεῖν αὐτοὺσ ἐν τῇ ἐρήμῳ καὶ τοῦ καταβαλεῖν τὸ σπέρμα αὐτῶν ἐν τοῖσ ἔθνεσι καὶ διασκορπίσαι αὐτοὺσ ἐν ταῖσ χώραισ. καὶ ἐτελέσθησαν τῷ Βεελφεγὼρ καὶ ἔφαγον θυσίασ νεκρῶν. καὶ παρώξυναν αὐτὸν ἐν τοῖσ ἐπιτηδεύμασιν αὐτῶν, καὶ ἐπληθύνθη ἐν αὐτοῖσ ἡ πτῶσισ. καὶ ἔστη Φινεὲσ καὶ ἐξιλάσατο, καὶ ἐκόπασεν ἡ θραῦσισ. καὶ ἐλογίσθη αὐτῷ εἰσ δικαιοσύνην εἰσ γενεὰν καὶ γενεὰν ἕωσ τοῦ αἰῶνοσ. καὶ παρώργισαν αὐτὸν ἐπὶ ὕδατοσ ἀντιλογίασ καὶ ἐκακώθη Μωυσῆσ δἰ αὐτούσ, ὅτι παρεπίκραναν τὸ πνεῦμα αὐτοῦ, καὶ διέστειλεν ἐν τοῖσ χείλεσιν αὐτοῦ. οὐκ ἐξωλόθρευσαν τὰ ἔθνη, ἃ εἶπε Κύριοσ αὐτοῖσ, καὶ ἐμίγησαν ἐν τοῖσ ἔθνεσι καὶ ἔμαθον τὰ ἔργα αὐτῶν. καὶ ἐδούλευσαν τοῖσ γλυπτοῖσ αὐτῶν, καὶ ἐγενήθη αὐτοῖσ εἰσ σκάνδαλον. καὶ ἔθυσαν τοὺσ υἱοὺσ αὐτῶν καὶ τὰσ θυγατέρασ αὐτῶν τοῖσ δαιμονίοις καὶ ἐξέχεαν αἷμα ἀθῷον, αἷμα υἱῶν αὐτῶν καὶ θυγατέρων, ὧν ἔθυσαν τοῖσ γλυπτοῖσ Χαναὰν καὶ ἐφονοκτονήθη ἡ γῆ ἐν τοῖσ αἵμασι καὶ ἐμιάνθη ἐν τοῖσ ἔργοισ αὐτῶν, καὶ ἐπόρνευσαν ἐν τοῖσ ἐπιτηδεύμασιν αὐτῶν. καὶ ὠργίσθη θυμῷ Κύριοσ ἐπὶ τὸν λαὸν αὐτοῦ καὶ ἐβδελύξατο τὴν κληρονομίαν αὐτοῦ. καὶ παρέδωκεν αὐτοὺσ εἰσ χεῖρασ ἐχθρῶν, καὶ ἐκυρίευσαν αὐτῶν οἱ μισοῦντεσ αὐτούσ. καὶ ἔθλιψαν αὐτοὺσ οἱ ἐχθροὶ αὐτῶν, καὶ ἐταπεινώθησαν ὑπὸ τὰσ χεῖρασ αὐτῶν. πλεονάκισ ἐρρύσατο αὐτούσ, αὐτοὶ δὲ παρεπίκραναν αὐτὸν ἐν τῇ βουλῇ αὐτῶν καὶ ἐταπεινώθησαν ἐν ταῖσ ἀνομίαισ αὐτῶν. καὶ εἶδε Κύριοσ ἐν τῷ θλίβεσθαι αὐτούσ, ἐν τῷ αὐτὸν εἰσακοῦσαι τῆσ δεήσεωσ αὐτῶν. καὶ ἐμνήσθη τῆσ διαθήκησ αὐτοῦ καὶ μετεμελήθη κατὰ τὸ πλῆθοσ τοῦ ἐλέουσ αὐτοῦ καὶ ἔδωκεν αὐτοὺσ εἰσ οἰκτιρμοὺσ ἐναντίον πάντων τῶν αἰχμαλωτευσάντων αὐτούσ. σῶσον ἡμᾶσ, Κύριε ὁ Θεὸσ ἡμῶν, καὶ ἐπισυνάγαγε ἡμᾶσ ἐκ τῶν ἐθνῶν τοῦ ἐξομολογήσασθαι τῷ ὀνόματί σου τῷ ἁγίῳ, τοῦ ἐγκαυχᾶσθαι ἐν τῇ αἰνέσει σου. εὐλογητὸσ Κύριοσ ὁ Θεὸσ Ἰσραὴλ ἀπὸ τοῦ αἰῶνοσ καὶ ἕωσ τοῦ αἰῶνοσ. καὶ ἐρεῖ πᾶσ ὁ λαόσ. γένοιτο γένοιτο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber Psalmorum 105:

(70인역 성경, 시편 105:)

목록

SEARCH

MENU NAVIGATION