Septuagint, Liber Psalmorum 98:

Ψαλμὸσ τῷ Δαυί̈δ. ‐ ̀ρ̀ν̀ρ̀ν̀ρ̀ν̀ρ̀ν Ο ΚΥΡΙΟΣ ἐβασίλευσεν, ὀργιζέσθωσαν λαοί. ὁ καθήμενοσ ἐπὶ τῶν Χερουβίμ, σαλευθήτω ἡ γῆ. Κύριοσ ἐν Σιὼν μέγασ καὶ ὑψηλόσ ἐστιν ἐπὶ πάντασ τοὺσ λαούσ. ἐξομολογησάσθωσαν τῷ ὀνόματί σου τῷ μεγάλῳ, ὅτι φοβερὸν καὶ ἅγιόν ἐστι. καὶ τιμὴ βασιλέωσ κρίσιν ἀγαπᾷ. σὺ ἡτοίμασασ εὐθύτητασ, κρίσιν καὶ δικαιοσύνην ἐν Ἰακὼβ σὺ ἐποίησασ. ὑψοῦτε Κύριον τὸν Θεὸν ἡμῶν καὶ προσκυνεῖτε τῷ ὑποποδίῳ τῶν ποδῶν αὐτοῦ, ὅτι ἅγιόσ ἐστι. Μωυσῆσ καὶ Ἀαρὼν ἐν τοῖσ ἱερεῦσιν αὐτοῦ, καὶ Σαμουὴλ ἐν τοῖσ ἐπικαλουμένοισ τὸ ὄνομα αὐτοῦ. ἐπεκαλοῦντο τὸν Κύριον, καὶ αὐτὸσ εἰσήκουσεν αὐτῶν, ἐν στύλῳ νεφέλησ ἐλάλει πρὸσ αὐτούσ. ὅτι ἐφύλασσον τὰ μαρτύρια αὐτοῦ καὶ τὰ προστάγματα αὐτοῦ, ἃ ἔδωκεν αὐτοῖσ. Κύριε ὁ Θεὸσ ἡμῶν, σὺ ἐπήκουσε αὐτῶν. ὁ Θεόσ, σὺ εὐίλατοσ ἐγίνου αὐτοῖσ καὶ ἐκδικῶν ἐπὶ πάντα τὰ ἐπιτηδεύματα αὐτῶν. ὑψοῦτε Κύριον τὸν Θεὸν ἡμῶν καὶ προσκυνεῖτε εἰσ ὄροσ ἅγιον αὐτοῦ, ὅτι ἅγιοσ Κύριοσ ὁ Θεὸσ ἡμῶν.