Septuagint, Liber Psalmorum 87:

(70인역 성경, 시편 87:)

ᾨδὴ ψαλμοῦ τοῖσ υἱοῖσ Κορέ. εἰσ τὸ τέλοσ, ὑπὲρ μαελὲθ τοῦ ἀποκριθῆναι. συνέσεωσ Αἰμὰν τῷ Ἰσραηλίτῃ. ‐ ΚΥΡΙΕ ὁ Θεὸσ τῆσ σωτηρίασ μου, ἡμέρασ ἐκέκραξα καὶ ἐν νυκτὶ ἐναντίον σου. εἰσελθέτω ἐνώπιόν σου ἡ προσευχή μου, κλῖνον τὸ οὖσ σου εἰσ τὴν δέησίν μου. ὅτι ἐπλήσθη κακῶν ἡ ψυχή μου, καὶ ἡ ζωή μου τῷ ᾅδῃ ἤγγισε. προσελογίσθην μετὰ τῶν καταβαινόντων εἰσ λάκκον, ἐγενήθην ὡσεὶ ἄνθρωποσ ἀβοήθητοσ ἐν νεκροῖσ ἐλεύθεροσ, ὡσεὶ τραυματίαι καθεύδοντεσ ἐν τάφῳ, ὧν οὐκ ἐμνήσθησ ἔτι καὶ αὐτοὶ ἐκ τῆσ χειρόσ σου ἀπώσθησαν. ἔθεντό με ἐν λάκκῳ κατωτάτῳ, ἐν σκοτεινοῖσ καὶ ἐν σκιᾷ θανάτου. ἐπ̓ ἐμὲ ἐπεστηρίχθη ὁ θυμόσ σου, καὶ πάντασ τοὺσ μετεωρισμούσ σου ἐπήγαγεσ ἐπ̓ ἐμέ. . ἐμάκρυνασ τοὺσ γνωστούσ μου ἀπ̓ ἐμοῦ, ἔθεντό με βδέλυγμα ἑαυτοῖσ, παρεδόθην καὶ οὐκ ἐξεπορευόμην. οἱ ὀφθαλμοί μου ἠσθένησαν ἀπὸ πτωχείασ. ἐκέκραξα πρὸσ σέ, Κύριε, ὅλην τὴν ἡμέραν, διεπέτασα πρὸσ σὲ τὰσ χεῖράσ μου. μὴ τοῖσ νεκροῖσ ποιήσεισ θαυμάσια̣ ἢ ἰατροὶ ἀναστήσουσι, καὶ ἐξομολογήσονταί σοι̣ μὴ διηγήσεταί τισ ἐν τῷ τάφῳ τὸ ἔλεόσ σου καὶ τὴν ἀλήθειάν σου ἐν τῇ ἀπωλείᾳ̣ μὴ γνωσθήσεται ἐν τῷ σκότει τὰ θαυμάσιά σου καὶ ἡ δικαιοσύνη σου ἐν γῇ ἐπιλελησμένῃ̣ κἀγὼ πρὸσ σέ, Κύριε, ἐκέκραξα, καὶ τὸ πρωί̈ ἡ προσευχή μου προφθάσει σε. ἱνατί, Κύριε, ἀπωθῇ τὴν ψυχήν μου, ἀποστρέφεισ τὸ πρόσωπόν σου ἀπ̓ ἐμοῦ̣ πτωχόσ εἰμι ἐγὼ καὶ ἐν κόποισ ἐκ νεότητόσ μου, ὑψωθεὶσ δὲ ἐταπεινώθην καὶ ἐξηπορήθην. ἐπ̓ ἐμὲ διῆλθον αἱ ὀργαί σου, οἱ φοβερισμοί σου ἐξετάραξάν με, ἐκύκλωσάν με ὡσεὶ ὕδωρ ὅλην τὴν ἡμέραν, περιέσχον με ἅμα. ἐμάκρυνασ ἀπ̓ ἐμοῦ φίλον καὶ πλησίον καὶ τοὺσ γνωστούσ μου ἀπὸ ταλαιπωρίασ.

목록

일치하는 문장이 없습니다.

SEARCH

MENU NAVIGATION