Septuagint, Liber Psalmorum 83:

Εἰσ τὸ τέλοσ, ὑπὲρ τῶν ληνῶν. τοῖσ υἱοῖσ Κορὲ ψαλμόσ. ‐ ΩΣ ΑΓΑΠΗΤΑ τὰ σκηνώματά σου, Κύριε τῶν δυνάμεων. ἐπιποθεῖ καὶ ἐκλείπει ἡ ψυχή μου εἰσ τὰσ αὐλὰσ τοῦ Κυρίου, ἡ καρδία μου καὶ ἡ σάρξ μου ἠγαλλιάσαντο ἐπὶ Θεὸν ζῶντα. καὶ γὰρ στρουθίον εὗρεν ἑαυτῷ οἰκίαν καὶ τρυγὼν νοσσιὰν ἑαυτῇ, οὗ θήσει τὰ νοσσία ἑαυτῆσ, τὰ θυσιαστήριά σου, Κύριε τῶν δυνάμεων, ὁ Βασιλεύσ μου καὶ ὁ Θεόσ μου. μακάριοι οἱ κατοικοῦντεσ ἐν τῷ οἴκῳ σου, εἰσ τοὺσ αἰῶνασ τῶν αἰώνων αἰνέσουσί σε. . μακάριοσ ἀνήρ, ᾧ ἐστιν ἡ ἀντίληψισ αὐτοῦ παρὰ σοί. ἀναβάσεισ ἐν τῇ καρδίᾳ αὐτοῦ διέθετο εἰσ τὴν κοιλάδα τοῦ κλαυθμῶνοσ, εἰσ τὸν τόπον, ὃν ἔθετο. καὶ γὰρ εὐλογίασ δώσει ὁ νομοθετῶν. πορεύσονται ἐκ δυνάμεωσ εἰσ δύναμιν, ὀφθήσεται ὁ Θεὸσ τῶν θεῶν ἐν Σιών. Κύριε ὁ Θεὸσ τῶν δυνάμεων, εἰσάκουσον τῆσ προσευχῆσ μου, ἐνώτισαι, ὁ Θεὸσ Ἰακώβ. . ὑπερασπιστὰ ἡμῶν, ἴδε, ὁ Θεόσ, καὶ ἐπίβλεψον εἰσ τὸ πρόσωπον τοῦ χριστοῦ σου. ὅτι κρείσσων ἡμέρα μία ἐν ταῖσ αὐλαῖσ σου ὑπὲρ χιλιάδασ. ἐξελεξάμην παραρριπτεῖσθαι ἐν τῷ οἴκῳ τοῦ Θεοῦ μου μᾶλλον ἢ οἰκεῖν με ἐν σκηνώμασιν ἁμαρτωλῶν. ὅτι ἔλεοσ καὶ ἀλήθειαν ἀγαπᾷ Κύριοσ ὁ Θεόσ, χάριν καὶ δόξαν δώσει. Κύριοσ οὐ στερήσει τὰ ἀγαθὰ τοῖσ πορευομένοισ ἐν ἀκακίᾳ. Κύριε, ὁ Θεὸσ τῶν δυνάμεων, μακάριοσ ἄνθρωποσ ὁ ἐλπίζων ἐπὶ σέ.