Septuagint, Liber Psalmorum 64:

Εἰσ τὸ τέλοσ. ψαλμὸσ τῷ Δαυί̈δ, ᾠδή. Ἱερεμίου καὶ Ἰεζεκιήλ ἐκ τοῦ λαοῦ τῆσ παροικίασ, ὅτε ἔμελλον ἐκπορεύεσθαι. ‐ ΣΟΙ ΠΡΕΠΕΙ ὕμνοσ, ὁ Θεόσ, ἐν Σιών, καὶ σοὶ ἀποδοθήσεται εὐχὴ ἐν Ἱερουσαλήμ. εἰσάκουσον προσευχῆσ μου. πρὸσ σὲ πᾶσα σὰρξ ἥξει. λόγοι ἀνόμων ὑπερεδυνάμωσαν ἡμᾶσ, καὶ ταῖσ ἀσεβείαισ ἡμῶν σὺ ἱλάσῃ. μακάριοσ ὃν ἐξελέξω καὶ προσελάβου. κατασκηνώσει ἐν ταῖσ αὐλαῖσ σου. πλησθησόμεθα ἐν τοῖσ ἀγαθοῖσ τοῦ οἴκου σου. ἅγιοσ ὁ ναόσ σου, θαυμαστὸσ ἐν δικαιοσύνῃ. ἐπάκουσον ἡμῶν, ὁ Θεόσ, ὁ σωτὴρ ἡμῶν, ἡ ἐλπὶσ πάντων τῶν περάτων τῆσ γῆσ καὶ τῶν ἐν θαλάσσῃ μακράν, ἑτοιμάζων ὄρη ἐν τῇ ἰσχύϊ αὐτοῦ, περιεζωσμένοσ ἐν δυναστείᾳ, ὁ συνταράσσων τὸ κῦτοσ τῆσ θαλάσσησ, ἤχουσ κυμάτων αὐτῆσ. ταραχθήσονται τὰ ἔθνη, καὶ φοβηθήσονται οἱ κατοικοῦντεσ τὰ πέρατα ἀπὸ τῶν σημείων σου. ἐξόδουσ πρωί̈ασ καὶ ἑσπέρασ τέρψεισ. ἐπεσκέψω τὴν γῆν καὶ ἐμέθυσασ αὐτήν, ἐπλήθυνασ τοῦ πλουτίσαι αὐτήν. ὁ ποταμὸσ τοῦ Θεοῦ ἐπληρώθη ὑδάτων. ἡτοίμασασ τὴν τροφὴν αὐτῶν, ὅτι οὕτωσ ἡ ἑτοιμασία. τοὺσ αὔλακασ αὐτῆσ μέθυσον, πλήθυνον τὰ γεννήματα αὐτῆσ, ἐν ταῖσ σταγόσιν αὐτῆσ εὐφρανθήσεται ἀνατέλλουσα. εὐλογήσεισ τὸν στέφανον τοῦ ἐνιαυτοῦ τῆσ χρηστότητόσ σου, καὶ τὰ πεδία σου πλησθήσονται πιότητοσ. πιανθήσεται τὰ ὄρη τῆσ ἐρήμου, καὶ ἀγαλλίασιν οἱ βουνοὶ περιζώσονται. ἐνεδύσαντο οἱ κριοὶ τῶν προβάτων, καὶ αἱ κοιλάδεσ πληθυνοῦσι σῖτον. κεκράξονται, καὶ γὰρ ὑμνήσουσι.