Septuagint, Liber Psalmorum 58:

Εἰσ τὸ τέλοσ. μὴ διαφθείρῃσ. τῷ Δαυί̈δ εἰσ στηλογραφίαν, ὁπότε ἀπέστειλε Σαοὺλ καὶ ἐφύλαξε τὸν οἶκον αὐτοῦ τοῦ θανατῶσαι αὐτόν. ‐ ΕΞΕΛΟΥ με ἐκ τῶν ἐχθρῶν μου, ὁ Θεόσ, καὶ ἐκ τῶν ἐπανισταμένων ἐπ̓ ἐμὲ λύτρωσαί με. ρῦσαί με ἐκ τῶν ἐργαζομένων τὴν ἀνομίαν καὶ ἐξ ἀνδρῶν αἱμάτων σῶσόν με. ὅτι ἰδοὺ ἐθήρευσαν τὴν ψυχήν μου, ἐπέθεντο ἐπ̓ ἐμὲ κραταιοί. οὔτε ἡ ἀνομία μου οὔτε ἡ ἁμαρτία μου, Κύριε. ἄνευ ἀνομίασ ἔδραμον καὶ κατεύθυνα. ἐξεγέρθητι εἰσ συνάντησίν μου καὶ ἴδε. καὶ σύ, Κύριε, ὁ Θεὸσ τῶν δυνάμεων, ὁ Θεὸσ τοῦ Ἰσραήλ, πρόσχεσ τοῦ ἐπισκέψασθαι πάντα τὰ ἔθνη, μὴ οἰκτειρήσῃσ πάντασ τοὺσ ἐργαζομένουσ τὴν ἀνομίαν. . ἐπιστρέψουσιν εἰσ ἑσπέραν καὶ λιμώξουσιν ὡσ κύων καὶ κυκλώσουσι πόλιν. ἰδοὺ ἀποφθέγξονται ἐν τῷ στόματι αὐτῶν, καὶ ρομφαία ἐν τοῖσ χείλεσιν αὐτῶν, ὅτι τίσ ἤκουσε̣ καὶ σύ, Κύριε, ἐκγελάσῃ αὐτούσ, ἐξουδενώσεισ πάντα τὰ ἔθνη. τὸ κράτοσ μου, πρὸσ σὲ φυλάξω, ὅτι σύ, ὁ Θεόσ, ἀντιλήπτωρ μου εἶ. ὁ Θεόσ μου, τὸ ἔλεοσ αὐτοῦ προφθάσει με. ὁ Θεόσ μου δείξει μοι ἐν τοῖσ ἐχθροῖσ μου. μὴ ἀποκτείνῃσ αὐτούσ, μήποτε ἐπιλάθωνται τοῦ νόμου σου. διασκόρπισον αὐτοὺσ ἐν τῇ δυνάμει σου καὶ κατάγαγε αὐτούσ, ὁ ὑπερασπιστήσ μου, Κύριε. ἁμαρτία στόματοσ αὐτῶν, λόγοσ χειλέων αὐτῶν, καὶ συλληφθήτωσαν ἐν τῇ ὑπερηφανίᾳ αὐτῶν. καὶ ἐξ ἀρᾶσ καὶ ψεύδουσ διαγγελήσονται ἐν συντελείᾳ, ἐν ὀργῇ συντελείασ, καὶ οὐ μὴ ὑπάρξουσι. καὶ γνώσονται, ὅτι Θεὸσ δεσπόζει τοῦ Ἰακὼβ τῶν περάτων τῆσ γῆσ. . ἐπιστρέψουσιν εἰσ ἑσπέραν, καὶ λιμώξουσιν ὡσ κύων καὶ κυκλώσουσι πόλιν. αὐτοὶ διασκορπισθήσονται τοῦ φαγεῖν. ἐὰν δὲ μὴ χορτασθῶσι, καὶ γογγύσουσιν. ἐγὼ δὲ ᾄσομαι τῇ δυνάμει σου καὶ ἀγαλλιάσομαι τὸ πρωί̈ τὸ ἔλεόσ σου, ὅτι ἐγενήθησ ἀντιλήπτωρ μου καὶ καταφυγή μου ἐν ἡμέρᾳ θλίψεώσ μου. βοηθόσ μου εἶ, σοὶ ψαλῶ, ὅτι σύ, ὁ Θεόσ, ἀντιλήπτωρ μου εἶ, ὁ Θεόσ μου, τὸ ἔλεόσ μου.