Septuagint, Liber Psalmorum 50:

(70인역 성경, 시편 50:)

Εἰσ τὸ τέλοσ. ψαλμὸσ τῷ Δαυί̈δ ἐν τῷ ἐλθεῖν πρὸσ αὐτὸν Νάθαν τὸν προφήτην, ἡνίκα εἰσῆλθε πρὸσ Βηρσαβεέ. ‐ ΕΛΕΗΣΟΝ με, ὁ Θεόσ, κατὰ τὸ μέγα ἔλεόσ σου καὶ κατὰ τὸ πλῆθοσ τῶν οἰκτιρμῶν σου ἐξάλειψον τὸ ἀνόμημά μου. ἐπὶ πλεῖον πλῦνόν με ἀπὸ τῆσ ἀνομίασ μου καὶ ἀπὸ τῆσ ἁμαρτίασ μου καθάρισόν με. ὅτι τὴν ἀνομίαν μου ἐγὼ γινώσκω, καὶ ἡ ἁμαρτία μου ἐνώπιόν μού ἐστι διαπαντόσ. σοὶ μόνῳ ἥμαρτον καὶ τὸ πονηρὸν ἐνώπιόν σου ἐποίησα, ὅπωσ ἂν δικαιωθῇσ ἐν τοῖσ λόγοισ σου, καὶ νικήσῃσ ἐν τῷ κρίνεσθαί σε. ἰδοὺ γὰρ ἐν ἀνομίαισ συνελήφθην, καὶ ἐν ἁμαρτίαισ ἐκίσσησέ με ἡ μήτηρ μου. ἰδοὺ γὰρ ἀλήθειαν ἠγάπησασ, τὰ ἄδηλα καὶ τὰ κρύφια τῆσ σοφίασ σου ἐδήλωσάσ μοι. ραντιεῖσ με ὑσσώπῳ, καὶ καθαρισθήσομαι, πλυνεῖσ με, καὶ ὑπὲρ χιόνα λευκανθήσομαι. ἀκουτιεῖσ μοι ἀγαλλίασιν καὶ εὐφροσύνην, ἀγαλλιάσονται ὀστέα τεταπεινωμένα. ἀπόστρεψον τὸ πρόσωπόν σου ἀπὸ τῶν ἁμαρτιῶν μου καὶ πάσασ τὰσ ἀνομίασ μου ἐξάλειψον. καρδίαν καθαρὰν κτίσον ἐν ἐμοί, ὁ Θεόσ, καὶ πνεῦμα εὐθὲσ ἐγκαίνισον ἐν τοῖσ ἐγκάτοισ μου. μὴ ἀποῤῥίψῃσ με ἀπὸ τοῦ προσώπου σου καὶ τὸ πνεῦμά σου τὸ ἅγιον μὴ ἀντανέλῃσ ἀπ̓ ἐμοῦ. ἀπόδοσ μοι τὴν ἀγαλλίασιν τοῦ σωτηρίου σου καὶ πνεύματι ἡγεμονικῷ στήριξόν με. διδάξω ἀνόμουσ τὰσ ὁδούσ σου, καὶ ἀσεβεῖσ ἐπὶ σὲ ἐπιστρέψουσι. ρῦσαί με ἐξ αἱμάτων, ὁ Θεὸσ ὁ Θεὸσ τῆσ σωτηρίασ μου. ἀγαλλιάσεται ἡ γλῶσσά μου τὴν δικαιοσύνην σου. Κύριε, τὰ χείλη μου ἀνοίξεισ, καὶ τὸ στόμα μου ἀναγγελεῖ τὴν αἴνεσίν σου. ὅτι εἰ ἠθέλησασ θυσίαν, ἔδωκα ἄν. ὁλοκαυτώματα οὐκ εὐδοκήσεισ. θυσία τῷ Θεῷ πνεῦμα συντετριμμένον, καρδίαν συντετριμμένην καὶ τεταπεινωμένην ὁ Θεὸσ οὐκ ἐξουδενώσει. ἀγάθυνον, Κύριε, ἐν τῇ εὐδοκίᾳ σου τὴν Σιών, καὶ οἰκοδομηθήτω τὰ τείχη Ἱερουσαλήμ. τότε εὐδοκήσεισ θυσίαν δικαιοσύνησ, ἀναφορὰν καὶ ὁλοκαυτώματα. τότε ἀνοίσουσιν ἐπὶ τὸ θυσιαστήριόν σου μόσχουσ.

목록

일치하는 문장이 없습니다.

SEARCH

MENU NAVIGATION