Septuagint, Liber Psalmorum 48:

(70인역 성경, 시편 48:)

Εἰσ τὸ τέλοσ. τοῖσ υἱοῖσ Κορὲ ψαλμόσ. ‐ ΑΚΟΥΣΑΤΕ ταῦτα, πάντα τὰ ἔθνη, ἐνωτίσασθε πάντεσ οἱ κατοικοῦντεσ τὴν οἰκουμένην, οἵ τε γηγενεῖσ καὶ οἱ υἱοὶ τῶν ἀνθρώπων, ἐπὶ τὸ αὐτὸ πλούσιοσ καὶ πένησ. τὸ στόμα μου λαλήσει σοφίαν καὶ ἡ μελέτη τῆσ καρδίασ μου σύνεσιν. κλινῶ εἰσ παραβολὴν τὸ οὖσ μου, ἀνοίξω ἐν ψαλτηρίῳ τὸ πρόβλημά μου. ἱνατί φοβοῦμαι ἐν ἡμέρᾳ πονηρᾷ̣ ἡ ἀνομία τῆσ πτέρνησ μου κυκλώσει με. οἱ πεποιθότεσ ἐπὶ τῇ δυνάμει αὐτῶν καὶ ἐπὶ τῷ πλήθει τοῦ πλούτου αὐτῶν καυχώμενοι, ἀδελφὸσ οὐ λυτροῦται, λυτρώσεται ἄνθρωποσ̣ οὐ δώσει τῷ Θεῷ ἐξίλασμα ἑαυτοῦ καὶ τὴν τιμὴν τῆσ λυτρώσεωσ τῆσ ψυχῆσ αὐτοῦ. καὶ ἐκοπίασεν εἰσ τὸν αἰῶνα καὶ ζήσεται εἰσ τέλοσ. οὐκ ὄψεται καταφθοράν, ὅταν ἴδῃ σοφοὺσ ἀποθνήσκοντασ. ἐπὶ τὸ αὐτὸ ἄφρων καὶ ἄνουσ ἀπολοῦνται καὶ καταλείψουσιν ἀλλοτρίοισ τὸν πλοῦτον αὐτῶν, καὶ οἱ τάφοι αὐτῶν οἰκίαι αὐτῶν εἰσ τὸν αἰῶνα, σκηνώματα αὐτῶν εἰσ γενεὰν καὶ γενεάν. ἐπεκαλέσαντο τὰ ὀνόματα αὐτῶν ἐπὶ τῶν γαιῶν αὐτῶν. καὶ ἄνθρωποσ ἐν τιμῇ ὢν οὐ συνῆκε, παρασυνεβλήθη τοῖσ κτήνεσι τοῖσ ἀνοήτοισ καὶ ὡμοιώθη αὐτοῖσ. αὕτη ἡ ὁδὸσ αὐτῶν σκάνδαλον αὐτοῖσ, καὶ μετὰ ταῦτα ἐν τῷ στόματι αὐτῶν εὐδοκήσουσι. . ὡσ πρόβατα ἐν ᾅδῃ ἔθεντο, θάνατοσ ποιμανεῖ αὐτούσ. καὶ κατακυριεύσουσιν αὐτῶν οἱ εὐθεῖσ τὸ πρωί̈, καὶ ἡ βοήθεια αὐτῶν παλαιωθήσεται ἐν τῷ ᾅδῃ, ἐκ τῆσ δόξησ αὐτῶν ἐξώσθησαν. πλὴν ὁ Θεὸσ λυτρώσεται τὴν ψυχήν μου ἐκ χειρὸσ ᾅδου, ὅταν λαμβάνῃ με. . μὴ φοβοῦ, ὅταν πλουτήσῃ ἄνθρωποσ καὶ ὅταν πληθυνθῇ ἡ δόξα τοῦ οἴκου αὐτοῦ. ὅτι οὐκ ἐν τῷ ἀποθνήσκειν αὐτὸν λήψεται τὰ πάντα, οὐδὲ συγκαταβήσεται αὐτῷ ἡ δόξα αὐτοῦ. ὅτι ἡ ψυχὴ αὐτοῦ ἐν τῇ ζωῇ αὐτοῦ εὐλογηθήσεται. ἐξομολογήσεταί σοι, ὅταν ἀγαθύνῃσ αὐτῷ. εἰσελεύσεται ἕωσ γενεᾶσ πατέρων αὐτοῦ, ἕωσ αἰῶνοσ οὐκ ὄψεται φῶσ. καὶ ἄνθρωποσ ἐν τιμῇ ὢν οὐ συνῆκε, παρασυνεβλήθη τοῖσ κτήνεσι τοῖσ ἀνοήτοισ καὶ ὡμοιώθη αὐτοῖσ.

목록

일치하는 문장이 없습니다.

SEARCH

MENU NAVIGATION