Septuagint, Liber Psalmorum 43:

(70인역 성경, 시편 43:)

Εἰσ τὸ τέλοσ. τοῖσ υἱοῖσ Κορὲ εἰσ σύνεσιν ψαλμόσ. ‐ Ο ΘΕΟΣ, ἐν τοῖσ ὠσὶν ἡμῶν ἠκούσαμεν, καὶ οἱ πατέρεσ ἡμῶν ἀνήγγειλαν ἡμῖν ἔργον, ὃ εἰργάσω ἐν ταῖσ ἡμέραισ αὐτῶν, ἐν ἡμέραισ ἀρχαίαισ. ἡ χείρ σου ἔθνη ἐξωλόθρευσε, καὶ κατεφύτευσασ αὐτούσ, ἐκάκωσασ λαοὺσ καὶ ἐξέβαλεσ αὐτούσ. οὐ γὰρ ἐν τῇ ῥομφαίᾳ αὐτῶν ἐκληρονόμησαν γῆν, καὶ ὁ βραχίων αὐτῶν οὐκ ἔσωσεν αὐτούσ, ἀλλ̓ ἡ δεξιά σου καὶ ὁ βραχίων σου καὶ ὁ φωτισμὸσ τοῦ προσώπου σου, ὅτι ηὐδόκησασ ἐν αὐτοῖσ. σὺ εἶ αὐτὸσ ὁ Βασιλεύσ μου καὶ ὁ Θεόσ μου ὁ ἐντελλόμενοσ τὰσ σωτηρίασ Ἰακώβ. ἐν σοὶ τοὺσ ἐχθροὺσ ἡμῶν κερατιοῦμεν καὶ ἐν τῷ ὀνόματί σου ἐξουδενώσομεν τοὺσ ἐπανισταμένουσ ἡμῖν. οὐ γὰρ ἐπὶ τῷ τόξῳ μου ἐλπιῶ, καὶ ἡ ρομφαία μου οὐ σώσει με. ἔσωσασ γὰρ ἡμᾶσ ἐκ τῶν θλιβόντων ἡμᾶσ καὶ τοὺσ μισοῦντασ ἡμᾶσ κατῄσχυνασ. ἐν τῷ Θεῷ ἐπαινεθησόμεθα ὅλην τὴν ἡμέραν καὶ ἐν τῷ ὀνόματί σου ἐξομολογηθησόμεθα εἰσ τὸν αἰῶνα. . νυνὶ δὲ ἀπώσω καὶ κατῄσχυνασ ἡμᾶσ καὶ οὐκ ἐξελεύσῃ, ὁ Θεόσ, ἐν ταῖσ δυνάμεσιν ἡμῶν. ἀπέστρεψασ ἡμᾶσ εἰσ τὰ ὀπίσω παρὰ τοὺσ ἐχθροὺσ ἡμῶν, καὶ οἱ μισοῦντεσ ἡμᾶσ διήρπαζον ἑαυτοῖσ. ἔδωκασ ἡμᾶσ ὡσ πρόβατα βρώσεωσ καὶ ἐν τοῖσ ἔθνεσι διέσπειρασ ἡμᾶσ. ἀπέδου τὸν λαόν σου ἄνευ τιμῆσ, καὶ οὐκ ἦν πλῆθοσ ἐν τοῖσ ἀλαλάγμασιν αὐτῶν. ἔθου ἡμᾶσ ὄνειδοσ τοῖσ γείτοσιν ἡμῶν, μυκτηρισμὸν καὶ χλευασμὸν τοῖσ κύκλῳ ἡμῶν. ἔθου ἡμᾶσ εἰσ παραβολὴν ἐν τοῖσ ἔθνεσιν, κίνησιν κεφαλῆσ ἐν τοῖσ λαοῖσ. ὅλην τὴν ἡμέραν ἡ ἐντροπή μου κατεναντίον μού ἐστι, καὶ ἡ αἰσχύνη τοῦ προσώπου μου ἐκάλυψέ με ἀπὸ φωνῆσ ὀνειδίζοντοσ καὶ καταλαλοῦντοσ, ἀπὸ προσώπου ἐχθροῦ καὶ ἐκδιώκοντοσ. ταῦτα πάντα ἦλθεν ἐφ̓ ἡμᾶσ καὶ οὐκ ἐπελαθόμεθά σου καὶ οὐκ ἠδικήσαμεν ἐν τῇ διαθήκῃ σου, καὶ οὐκ ἀπέστη εἰσ τὰ ὀπίσω ἡ καρδία ἡμῶν καὶ ἐξέκλινασ τὰσ τρίβουσ ἡμῶν ἀπὸ τῆσ ὁδοῦ σου. ὅτι ἐταπείνωσασ ἡμᾶσ ἐν τόπῳ κακώσεωσ, καὶ ἐπεκάλυψεν ἡμᾶσ σκιὰ θανάτου. εἰ ἐπελαθόμεθα τοῦ ὀνόματοσ τοῦ Θεοῦ ἡμῶν καὶ εἰ διεπετάσαμεν χεῖρασ ἡμῶν πρὸσ Θεὸν ἀλλότριον, οὐχὶ ὁ Θεὸσ ἐκζητήσει ταῦτα̣ αὐτὸσ γὰρ γινώσκει τὰ κρύφια τῆσ καρδίασ. ὅτι ἕνεκά σου θανατούμεθα ὅλην τὴν ἡμέραν, ἐλογίσθημεν ὡσ πρόβατα σφαγῆσ. ἐξεγέρθητι. ἱνατί ὑπνοῖσ, Κύριε̣ ἀνάστηθι καὶ μὴ ἀπώσῃ εἰσ τέλοσ. ἱνατί τὸ πρόσωπόν σου ἀποστρέφεισ̣ ἐπιλανθάνῃ τῆσ πτωχείασ ἡμῶν καὶ τῆσ θλίψεωσ ἡμῶν̣ ὅτι ἐταπεινώθη εἰσ χοῦν ἡ ψυχὴ ἡμῶν, ἐκολλήθη εἰσ γῆν ἡ γαστὴρ ἡμῶν. ἀνάστα, Κύριε, βοήθησον ἡμῖν καὶ λύτρωσαι ἡμᾶσ ἕνεκεν τοῦ ὀνόματόσ σου.

목록

일치하는 문장이 없습니다.

SEARCH

MENU NAVIGATION