Septuagint, Liber Psalmorum 28:

Ψαλμὸσ τῷ Δαυί̈δ. ἐξοδίου σκηνῆσ. ‐ ̀ρ̀ν̀ρ̀ν̀ρ̀ν̀ρ̀ν ΕΝΕΓΚΑΤΕ τῷ Κυρίῳ, υἱοὶ Θεοῦ, ἐνέγκατε τῷ Κυρίῳ υἱοὺσ κριῶν, ἐνέγκατε τῷ Κυρίῳ δόξαν καὶ τιμήν, ἐνέγκατε τῷ Κυρίῳ δόξαν ὀνόματι αὐτοῦ, προσκυνήσατε τῷ Κυρίῳ ἐν αὐλῇ ἁγίᾳ αὐτοῦ. φωνὴ Κυρίου ἐπὶ τῶν ὑδάτων, ὁ Θεὸσ τῆσ δόξησ ἐβρόντησε, Κύριοσ ἐπὶ ὑδάτων πολλῶν. φωνὴ Κυρίου ἐν ἰσχύϊ, φωνὴ Κυρίου ἐν μεγαλοπρεπείᾳ. φωνὴ Κυρίου συντρίβοντοσ κέδρουσ, καὶ συντρίψει Κύριοσ τὰσ κέδρουσ τοῦ Λιβάνου καὶ λεπτυνεῖ αὐτὰσ ὡσ τὸν μόσχον τὸν Λίβανον, καὶ ὁ ἠγαπημένοσ ὡσ υἱὸσ μονοκερώτων. φωνὴ Κυρίου διακόπτοντοσ φλόγα πυρόσ, φωνὴ Κυρίου συσσείοντοσ ἔρημον καὶ συσσείσει Κύριοσ τὴν ἔρημον Κάδησ. φωνὴ Κυρίου καταρτιζομένη ἐλάφουσ, καὶ ἀποκαλύψει δρυμούσ. καὶ ἐν τῷ ναῷ αὐτοῦ πᾶσ τισ λέγει δόξαν. Κύριοσ τὸν κατακλυσμὸν κατοικιεῖ, καὶ καθιεῖται Κύριοσ βασιλεὺσ εἰσ τὸν αἰῶνα. Κύριοσ ἰσχὺν τῷ λαῷ αὐτοῦ δώσει, Κύριοσ εὐλογήσει τὸν λαὸν αὐτοῦ ἐν εἰρήνῃ.