Septuagint, Liber Psalmorum 21:

(70인역 성경, 시편 21:)

Εἰσ τὸ τέλοσ, ὑπὲρ τῆσ ἀντιλήψεωσ τῆσ ἑωθινῆσ. ψαλμὸσ τῷ Δαυί̈δ. ‐ Ο ΘΕΟΣ, ὁ Θεόσ μου, πρόσχεσ μοι. ἵνα τί ἐγκατέλιπέσ με̣ μακρὰν ἀπὸ τῆσ σωτηρίασ μου οἱ λόγοι τῶν παραπτωμάτων μου. ὁ Θεόσ μου, κεκράξομαι ἡμέρασ, καὶ οὐκ εἰσακούσῃ, καὶ νυκτόσ, καὶ οὐκ εἰσ ἄνοιαν ἐμοί. σὺ δὲ ἐν ἁγίῳ κατοικεῖσ, ὁ ἔπαινοσ τοῦ Ἰσραήλ. ἐπὶ σοὶ ἤλπισαν οἱ πατέρεσ ἡμῶν, ἤλπισαν, καὶ ἐῤῥύσω αὐτούσ. πρὸσ σὲ ἐκέκραξαν καὶ ἐσώθησαν, ἐπὶ σοὶ ἤλπισαν καὶ οὐ κατῃσχύνθησαν. ἐγὼ δέ εἰμι σκώληξ καὶ οὐκ ἄνθρωποσ, ὄνειδοσ ἀνθρώπων καὶ ἐξουθένημα λαοῦ. πάντεσ οἱ θεωροῦντέσ με ἐξεμυκτήρισάν με, ἐλάλησαν ἐν χείλεσιν, ἐκίνησαν κεφαλήν. ἤλπισεν ἐπὶ Κύριον, ῥυσάσθω αὐτόν. σωσάτω αὐτόν, ὅτι θέλει αὐτόν. ὅτι σὺ εἶ ὁ ἐκσπάσασ με ἐκ γαστρόσ, ἡ ἐλπίσ μου ἀπὸ μαστῶν τῆσ μητρόσ μου. ἐπὶ σὲ ἐπεῤῥίφην ἐκ μήτρασ, ἐκ κοιλίασ μητρόσ μου Θεόσ μου εἶ σύ. μὴ ἀποστῇσ ἀπ̓ ἐμοῦ, ὅτι θλῖψισ ἐγγύσ, ὅτι οὐκ ἔστιν ὁ βοηθῶν. περιεκύκλωσάν με μόσχοι πολλοί, ταῦροι πίονεσ περιέσχον με. ἤνοιξαν ἐπ̓ ἐμὲ τὸ στόμα αὐτῶν ὡσ λέων ἁρπάζων καὶ ὠρυόμενοσ. ὡσεὶ ὕδωρ ἐξεχύθην, καὶ διεσκορπίσθη πάντα τὰ ὀστᾶ μου, ἐγενήθη ἡ καρδία μου ὡσεὶ κηρὸσ τηκόμενοσ ἐν μέσῳ τῆσ κοιλίασ μου. ἐξηράνθη ὡσεὶ ὄστρακον ἡ ἰσχύσ μου, καὶ ἡ γλῶσσά μου κεκόλληται τῷ λάρυγγί μου, καὶ εἰσ χοῦν θανάτου κατήγαγέσ με. ὅτι ἐκύκλωσάν με κύνεσ πολλοί, συναγωγὴ πονηρευομένων περιέσχον με, ὤρυξαν χεῖράσ μου καὶ πόδασ. ἐξηρίθμησαν πάντα τὰ ὀστᾶ μου, αὐτοὶ δὲ κατενόησαν καὶ ἐπεῖδόν με. διεμερίσαντο τὰ ἱμάτιά μου ἑαυτοῖσ καὶ ἐπὶ τὸν ἱματισμόν μου ἔβαλον κλῆρον. σὺ δέ, Κύριε, μὴ μακρύνῃσ τὴν βοήθειάν μου ἀπ̓ ἐμοῦ, εἰσ τὴν ἀντίληψίν μου πρόσχεσ. ρῦσαι ἀπὸ ῥομφαίασ τὴν ψυχήν μου, καὶ ἐκ χειρὸσ κυνὸσ τὴν μονογενῆ μου. σῶσόν με ἐκ στόματοσ λέοντοσ καὶ ἀπὸ κεράτων μονοκερώτων τὴν ταπείνωσίν μου. διηγήσομαι τὸ ὄνομά σου τοῖσ ἀδελφοῖσ μου, ἐν μέσῳ ἐκκλησίασ ὑμνήσω σε. οἱ φοβούμενοι τὸν Κύριον, αἰνέσατε αὐτόν, ἅπαν τὸ σπέρμα Ἰακώβ, δοξάσατε αὐτόν, φοβηθήτωσαν αὐτὸν ἅπαν τὸ σπέρμα Ἰσραήλ, ὅτι οὐκ ἐξουδένωσεν οὐδὲ προσώχθισε τῇ δεήσει τοῦ πτωχοῦ, οὐδὲ ἀπέστρεψε τὸ πρόσωπον αὐτοῦ ἀπ̓ ἐμοῦ καὶ ἐν τῷ κεκραγέναι με πρὸσ αὐτὸν εἰσήκουσέ μου. παρὰ σοῦ ὁ ἔπαινόσ μου ἐν ἐκκλησίᾳ μεγάλῃ, τὰσ εὐχάσ μου ἀποδώσω ἐνώπιον τῶν φοβουμένων αὐτόν. φάγονται πένητεσ καὶ ἐμπλησθήσονται, καὶ αἰνέσουσι Κύριον οἱ ἐκζητοῦντεσ αὐτόν. ζήσονται αἱ καρδίαι αὐτῶν εἰσ αἰῶνα αἰῶνοσ. μνησθήσονται καὶ ἐπιστραφήσονται πρὸσ Κύριον πάντα τὰ πέρατα τῆσ γῆσ καὶ προσκυνήσουσιν ἐνώπιον αὐτοῦ πᾶσαι αἱ πατριαὶ τῶν ἐθνῶν, ὅτι τοῦ Κυρίου ἡ βασιλεία, καὶ αὐτὸσ δεσπόζει τῶν ἐθνῶν. ἔφαγον καὶ προσεκύνησαν πάντεσ οἱ πίονεσ τῆσ γῆσ, ἐνώπιον αὐτοῦ προπεσοῦνται πάντεσ οἱ καταβαίνοντεσ εἰσ γῆν. καὶ ἡ ψυχή μου αὐτῷ ζῇ, καὶ τὸ σπέρμα μου δουλεύσει αὐτῷ. ἀναγγελήσεται τῷ Κυρίῳ γενεὰ ἡ ἐρχομένη, καὶ ἀναγγελοῦσι τὴν δικαιοσύνην αὐτοῦ λαῷ τῷ τεχθησομένῳ, ὃν ἐποίησεν ὁ Κύριοσ.

목록

일치하는 문장이 없습니다.

SEARCH

MENU NAVIGATION