Septuagint, Liber Psalmorum 7:

(70인역 성경, 시편 7:)

Ψαλμὸσ τῷ Δαυί̈δ, ὃν ᾖσε τῷ Κυρίῳ ὑπὲρ τῶν λόγων Χουσὶ υἱοῦ Ἰεμενεί. ‐ ΚΥΡΙΕ ὁ Θεόσ μου, ἐπὶ σοὶ ἤλπισα. σῶσόν με ἐκ πάντων τῶν διωκόντων με καὶ ῥῦσαί με, μήποτε ἁρπάσῃ ὡσ λέων τὴν ψυχήν μου, μὴ ὄντοσ λυτρουμένου μηδὲ σῴζοντοσ. Κύριε ὁ Θεόσ μου, εἰ ἐποίησα τοῦτο, εἰ ἔστιν ἀδικία ἐν χερσί μου, εἰ ἀνταπέδωκα τοῖσ ἀνταποδιδοῦσί μοι κακά, ἀποπέσοιμι ἄρα ἀπὸ τῶν ἐχθρῶν μου κενόσ. καταδιώξαι ἄρα ὁ ἐχθρὸσ τὴν ψυχήν μου καὶ καταλάβοι καὶ καταπατήσαι εἰσ γῆν τὴν ζωήν μου καὶ τὴν δόξαν μου εἰσ χοῦν κατασκηνώσαι. . ἀνάστηθι, Κύριε, ἐν ὀργῇ σου, ὑψώθητι ἐν τοῖσ πέρασι τῶν ἐχθρῶν σου. ἐξεγέρθητι, Κύριε ὁ Θεόσ μου, ἐν προστάγματι, ᾧ ἐνετείλω, καὶ συναγωγὴ λαῶν κυκλώσει σε, καὶ ὑπὲρ ταύτησ εἰσ ὕψοσ ἐπίστρεψον. Κύριοσ κρινεῖ λαούσ. κρῖνόν με, Κύριε, κατὰ τὴν δικαιοσύνην μου καὶ κατὰ τὴν ἀκακίαν μου ἐπ̓ ἐμοί. συντελεσθήτω δὴ πονηρία ἁμαρτωλῶν καὶ κατευθυνεῖσ δίκαιον, ἐτάζων καρδίασ καὶ νεφροὺσ ὁ Θεόσ. δικαία ἡ βοήθειά μου παρὰ τοῦ Θεοῦ τοῦ σῴζοντοσ τοὺσ εὐθεῖσ τῇ καρδίᾳ. ὁ Θεὸσ κριτὴσ δίκαιοσ καὶ ἰσχυρὸσ καὶ μακρόθυμοσ καὶ μὴ ὀργὴν ἐπάγων καθ̓ ἑκάστην ἡμέραν. ἐὰν μὴ ἐπιστραφῆτε, τὴν ρομφαίαν αὐτοῦ στιλβώσει, τὸ τόξον αὐτοῦ ἐνέτεινε καὶ ἡτοίμασεν αὐτό. καὶ ἐν αὐτῷ ἡτοίμασε σκεύη θανάτου, τὰ βέλη αὐτοῦ τοῖσ καιομένοισ ἐξειργάσατο. ἰδοὺ ὠδίνησεν ἀδικίαν, συνέλαβε πόνον καὶ ἔτεκεν ἀνομίαν. λάκκον ὤρυξε καὶ ἀνέσκαψεν αὐτόν, καὶ ἐμπεσεῖται εἰσ βόθρον, ὃν εἰργάσατο. ἐπιστρέψει ὁ πόνοσ αὐτοῦ εἰσ κεφαλὴν αὐτοῦ, καὶ ἐπὶ κορυφὴν αὐτοῦ ἡ ἀδικία αὐτοῦ καταβήσεται. ἐξομολογήσομαι τῷ Κυρίῳ κατὰ τὴν δικαιοσύνην αὐτοῦ καὶ ψαλῶ τῷ ὀνόματι Κυρίου τοῦ Ὑψίστου.

목록

일치하는 문장이 없습니다.

SEARCH

MENU NAVIGATION