Septuagint, Liber Esther 7:

(70인역 성경, 에스테르기 7:)

ΕΙΣΗΛΘΕ δὲ ὁ βασιλεὺσ καὶ Ἀμὰν συμπιεῖν τῇ βασιλίσσῃ. εἶπε δὲ ὁ βασιλεὺσ Ἐσθὴρ τῇ δευτέρᾳ ἡμέρᾳ ἐν τῷ πότῳ. τί ἐστιν, Ἐσθὴρ βασίλισσα, καὶ τί τὸ αἴτημά σου καὶ τί τὸ ἀξιωμά σου̣ καὶ ἔστω σοι ἕωσ ἡμίσουσ τῆσ βασιλείασ μου. καὶ ἀποκριθεῖσα εἶπεν. εἰ εὗρον χάριν ἐνώπιον τοῦ βασιλέωσ, δοθήτω ἡ ψυχὴ τῷ αἰτήματί μου καὶ ὁ λαόσ μου τῷ ἀξιώματί μου. ἐπράθημεν γὰρ ἐγώ τε καὶ ὁ λαόσ μου εἰσ ἀπώλειαν καὶ διαρπαγὴν καὶ δουλείαν, ἡμεῖσ καὶ τὰ τέκνα ἡμῶν εἰσ παῖδασ καὶ παιδίσκασ, καὶ παρήκουσα. οὐ γὰρ ἄξιοσ ὁ διάβολοσ τῆσ αὐλῆσ τοῦ βασιλέωσ. εἶπε δὲ ὁ βασιλεύσ. τίσ οὗτοσ, ὅστισ ἐτόλμησε ποιῆσαι τὸ πρᾶγμα τοῦτο̣ εἶπε δὲ Ἐσθήρ. ἄνθρωποσ ἐχθρὸσ Ἀμάν, ὁ πονηρὸσ οὗτοσ. Ἀμὰν δὲ ἐταράχθη ἀπὸ τοῦ βασιλέωσ καὶ τῆσ βασιλίσσησ. ὁ δὲ βασιλεὺσ ἐξανέστη ἀπὸ τοῦ συμποσίου εἰσ τὸν κῆπον. ὁ δὲ Ἀμὰν παρῃτεῖτο τὴν βασίλισσαν, ἑώρα γὰρ ἑαυτὸν ἐν κακοῖσ ὄντα. ἐπέστρεψε δὲ ὁ βασιλεὺσ ἐκ τοῦ κήπου, Ἀμάν δὲ ἐπιπεπτώκει ἐπὶ τὴν κλίνην ἀξιῶν τὴν βασίλισσαν. εἶπε δὲ ὁ βασιλεύσ. ὥστε καὶ τὴν γυναῖκα βιάζῃ ἐν τῇ οἰκίᾳ μου̣ Ἀμὰν δὲ ἀκούσασ διετράπη τῷ προσώπῳ. εἶπε δὲ Βουγαθὰν εἷσ τῶν εὐνούχων πρὸσ τὸν βασιλέα. ἰδοὺ καὶ ξύλον ἡτοίμασεν Ἀμὰν Μαρδοχαίῳ τῷ λαλήσαντι περὶ τοῦ βασιλέωσ, καὶ ὤρθωται ἐν τοῖσ Ἀμὰν ξύλον πηχῶν πεντήκοντα. εἶπε δὲ ὁ βασιλεύσ. σταυρωθήτω ἐπ̓ αὐτοῦ. καὶ ἐκρεμάσθη Ἀμὰν ἐπὶ τοῦ ξύλου, ὃ ἡτοιμάσθη Μαρδοχαίῳ. καὶ τότε ὁ βασιλεὺσ ἐκόπασε τοῦ θυμοῦ.

목록

일치하는 문장이 없습니다.

SEARCH

MENU NAVIGATION