Septuagint, Liber Esther 5:

(70인역 성경, 에스테르기 5:)

ΚΑΙ ἐγενήθη ἐν τῇ ἡμέρᾳ τῇ τρίτῃ, ὡσ ἐπαύσατο προσευχομένη, ἐξεδύσατο τὰ ἱμάτια τῆσ θεραπείασ καὶ περιεβάλετο τὴν δόξαν αὐτῆσ. α καὶ γενηθεῖσα ἐπιφανήσ, ἐπικαλεσαμένη τῶν πάντων ἐπόπτην Θεὸν καὶ σωτῆρα, παρέλαβε τὰσ δύο ἅβρασ. καὶ τῇ μὲν μιᾷ ἐπηρείδετο ὡσ τρυφερευομένη, ἡ δὲ ἑτέρα ἐπηκολούθει κουφίζουσα τὴν ἔνδυσιν αὐτῆσ, β καὶ αὐτὴ ἐρυθριῶσα ἀκμῇ κάλλουσ αὐτῆσ, καὶ τὸ πρόσωπον αὐτῆσ ἱλαρὸν ὡσ προσφιλέσ, ἡ δὲ καρδία αὐτῆσ ἀπεστενωμένη ἀπὸ τοῦ φόβου. γ καὶ εἰσελθοῦσα πάσασ τὰσ θύρασ κατέστη ἐνώπιον τοῦ βασιλέωσ, καὶ αὐτὸσ ἐκάθητο ἐπὶ τοῦ θρόνου τῆσ βασιλείασ αὐτοῦ καὶ πᾶσαν στολὴν τῆσ ἐπιφανείασ αὐτοῦ ἐνδεδύκει, ὅλοσ διὰ χρυσοῦ καὶ λίθων πολυτελῶν, καὶ ἦν φοβερὸσ σφόδρα. δ καὶ ἄρασ τὸ πρόσωπον αὐτοῦ πεπυρωμένον δόξῃ ἐν ἀκμῇ θυμοῦ ἔβλεψε, καὶ ἔπεσεν ἡ βασίλισσα καὶ μετέβαλε τὸ χρῶμα αὐτῆσ ἐν ἐκλύσει καὶ κατεπέκυψεν ἐπὶ τὴν κεφαλὴν τῆσ ἅβρασ τῆσ προπορευομένησ. ε καὶ μετέβαλεν ὁ Θεὸσ τὸ πνεῦμα τοῦ βασιλέωσ εἰσ πραΰτητα, καὶ ἀγωνιάσασ ἀνεπήδησεν ἀπὸ τοῦ θρόνου αὐτοῦ καὶ ἀνέλαβεν αὐτὴν ἐπὶ τὰσ ἀγκάλασ αὐτοῦ, μέχρισ οὗ κατέστη, καὶ παρεκάλει αὐτὴν λόγοισ εἰρηνικοῖσ καὶ εἶπεν αὐτῇ. ζ τί ἐστιν Ἐσθήρ̣ ἐγὼ ὁ ἀδελφόσ σου, θάρσει, οὐ μὴ ἀποθάνῃσ ὅτι κοινὸν τὸ πρόσταγμα ἡμῶν ἐστι. πρόσελθε. καὶ ἄρασ τὴν χρυσῆν ράβδον ἐπέθηκεν ἐπὶ τὸν τράχηλον αὐτῆσ καὶ ἠσπάσατο αὐτὴν καὶ εἶπε. λάλησόν μοι. α καὶ εἶπεν αὐτῷ. εἶδόν σε, κύριε, ὡσ ἄγγελον Θεοῦ, καὶ ἐταράχθη ἡ καρδία μου ἀπὸ φόβου τῆσ δόξησ σου, ὅτι θαυμαστὸσ εἶ, κύριε, καὶ τὸ πρόσωπόν σου χαρίτων μεστόν. β ἐν δὲ τῷ διαλέγεσθαι αὐτὴν ἔπεσεν ἀπὸ ἐκλύσεωσ αὐτῆσ καὶ ὁ βασιλεὺσ ἐταράσσετο, καὶ πᾶσα ἡ θεραπεία αὐτοῦ παρεκάλει αὐτήν. καὶ εἶπεν ὁ βασιλεύσ. τί θέλεισ, Ἐσθήρ̣ καὶ τί σού ἐστι τὸ ἀξίωμα̣ ἕωσ τοῦ ἡμίσουσ τῆσ βασιλείασ μου, καὶ ἔσται σοι. εἶπε δὲ Ἐσθήρ. ἡμέρα μου ἐπίσημοσ σήμερόν ἐστι. εἰ οὖν δοκεῖ τῷ βασιλεῖ, ἐλθάτω καὶ αὐτὸσ καὶ Ἀμὰν εἰσ τὴν δοχήν, ἣν ποιήσω σήμερον. καὶ εἶπεν ὁ βασιλεύσ. κατασπεύσατε Ἀμάν, ὅπωσ ποιήσωμεν τὸν λόγον Ἐσθήρ. καὶ παραγίνονται ἀμφότεροι εἰσ τὴν δοχήν, ἣν εἶπεν Ἐσθήρ. ἐν δὲ τῷ πότῳ εἶπεν ὁ βασιλεὺσ πρὸσ Ἐσθήρ. τί ἐστι βασίλισσα Ἐσθήρ̣ καὶ ἔσται ὅσα ἀξιοῖσ. καὶ εἶπε. τὸ αἴτημά μου καὶ τὸ ἀξίωμα. εἰ εὗρον χάριν ἐνώπιον τοῦ βασιλέωσ, ἐλθάτω ὁ βασιλεὺσ καὶ Ἀμὰν ἔτι τὴν αὔριον εἰσ τὴν δοχήν, ἣν ποιήσω αὐτοῖσ, καὶ αὔριον ποιήσω τὰ αὐτά. Καὶ ἐξῆλθεν ὁ Ἀμὰν ἀπὸ τοῦ βασιλέωσ ὑπερχαρὴσ εὐφραινόμενοσ. ἐν δὲ τῷ ἰδεῖν Ἀμὰν Μαρδοχαῖον τὸν Ἰουδαῖον ἐν τῇ αὐλῇ ἐθυμώθη σφόδρα καὶ εἰσελθὼν εἰσ τὰ ἴδια ἐκάλεσε τοὺσ φίλουσ καὶ Ζωσάραν τὴν γυναῖκα αὐτοῦ, καὶ ὑπέδειξεν αὐτοῖσ τὸν πλοῦτον αὐτοῦ καὶ τὴν δόξαν, ἣν ὁ βασιλεὺσ αὐτῷ περιέθηκε, καὶ ὡσ ἐποίησεν αὐτὸν πρωτεύειν καὶ ἡγεῖσθαι τῆσ βασιλείασ. καὶ εἶπεν Ἀμάν. οὐ κέκληκεν ἡ βασίλισσα μετὰ τοῦ βασιλέωσ οὐδένα εἰσ τὴν δοχὴν ἀλλ̓ ἢ ἐμέ, καὶ εἰσ τὴν αὔριον κέκλημαι. καὶ ταῦτά μοι οὐκ ἀρέσκει, ὅταν ἴδω Μαρδοχαῖον τὸν Ἰουδαῖον ἐν τῇ αὐλῇ. καὶ εἶπε πρὸσ αὐτὸν Ζωσάρα ἡ γυνὴ αὐτοῦ καὶ οἱ φίλοι. κοπήτω σοι ξύλον πηχῶν πεντήκοντα, ὄρθρου δὲ εἰπὸν τῷ βασιλεῖ καὶ κρεμασθήτω Μαρδοχαῖοσ ἐπὶ τοῦ ξύλου. σὺ δὲ εἴσελθε εἰσ τὴ δοχὴν σὺν τῷ βασιλεῖ καὶ εὐφραίνου. καὶ ἤρεσε τὸ ρῆμα τῷ Ἀμάν, καὶ ἡτοιμάσθη τὸ ξύλον.

목록

일치하는 문장이 없습니다.

SEARCH

MENU NAVIGATION