Septuagint, Liber Esther 3:

(70인역 성경, 에스테르기 3:)

ΜΕΤΑ δὲ ταῦτα ἐδόξασεν ὁ βασιλεὺσ Ἀρταξέρξησ Ἀμὰν Ἀμαδάθου Βουγαῖον καὶ ὕψωσεν αὐτόν, καὶ ἐπρωτοβάθρει πάντων τῶν φίλων αὐτοῦ. καὶ πάντεσ οἱ ἐν τῇ αὐλῇ προσεκύνουν αὐτῷ, οὕτωσ γὰρ προσέταξεν ὁ βασιλεὺσ ποιῆσαι. ὁ δὲ Μαρδοχαῖοσ οὐ προσεκύνει αὐτῷ. καὶ ἐλάλησαν οἱ ἐν τῇ αὐλῇ τοῦ βασιλέωσ τῷ Μαρδοχαίῳ. Μαρδοχαῖε, τί παρακούεισ τὰ ὑπὸ τοῦ βασιλέωσ λεγόμενα̣ καθ̓ ἑκάστην ἡμέραν ἐλάλουν αὐτῷ, καὶ οὐχ ὑπήκουεν αὐτῶν. καὶ ὑπέδειξαν τῷ Ἀμὰν Μαρδοχαῖον τοῖσ τοῦ βασιλέωσ λόγοισ ἀντιτασσόμενον. καὶ ὑπέδειξεν αὐτοῖσ ὁ Μαρδοχαῖοσ ὅτι Ἰουδαῖόσ ἐστι. καὶ ἐπιγνοὺσ Ἀμὰν ὅτι οὐ προσκυνεῖ αὐτῷ Μαρδοχαῖοσ, ἐθυμώθη σφόδρα καὶ ἐβουλεύσατο ἀφανίσαι πάντασ τοὺσ ὑπὸ τὴν Ἀρταξέρξου βασιλείαν Ἰουδαίουσ. καὶ ἐποίησε ψήφισμα ἐν ἔτει δωδεκάτῳ τῆσ βασιλείασ Ἀρταξέρξου καὶ ἔβαλε κλήρουσ ἡμέραν ἐξ ἡμέρασ καὶ μῆνα ἐκ μηνόσ, ὥστε ἀπολέσαι ἐν μιᾷ ἡμέρᾳ τὸ γένοσ Μαρδοχαίου, καὶ ἔπεσεν ὁ κλῆροσ εἰσ τὴν τεσσαρεσκαιδεκάτην τοῦ μηνόσ, ὅσ ἐστιν Ἀδάρ. καὶ ἐλάλησε πρὸσ τὸν βασιλέα Ἀρταξέρξησ λέγων. ὑπάρχει ἔθνοσ διεσπαρμένον ἐν τοῖσ ἔθνεσιν ἐν πάσῃ τῇ βασιλείᾳ σου, οἱ δὲ νόμοι αὐτῶν ἔξαλλοι παρὰ πάντα τὰ ἔθνη, τῶν δὲ νόμων τοῦ βασιλέωσ παρακούουσι, καὶ οὐ συμφέρει τῷ βασιλεῖ ἐᾶσαι αὐτούσ. εἰ δοκεῖ τῷ βασιλεῖ, δογματισάτω ἀπολέσαι αὐτούσ, κἀγὼ διαγράψω εἰσ τὸ γαζοφυλάκιον τοῦ βασιλέωσ ἀργυρίου τάλαντα μύρια. καὶ περιελόμενοσ ὁ βασιλεὺσ τὸ δακτύλιον ἔδωκεν εἰσ χεῖρασ τῷ Ἀμὰν σφραγίσαι κατὰ τῶν γεγραμμένων κατὰ τῶν Ἰουδαίων. καὶ εἶπεν ὁ βασιλεὺσ τῷ Ἀμάν. τὸ μὲν ἀργύριον ἔχε, τῷ δὲ ἔθνει χρῶ ὡσ βούλει. καὶ ἐκλήθησαν οἱ γραμματεῖσ τοῦ βασιλέωσ μηνὶ πρώτῳ τῇ τρισκαιδεκάτῃ καὶ ἔγραψαν, ὡσ ἐπέταξεν Ἀμάν, τοῖσ στρατηγοῖσ, καὶ τοῖσ ἄρχουσι κατὰ πᾶσαν χώραν ἀπὸ Ἰνδικῆσ ἕωσ τῆσ Αἰθιοπίασ, ταῖσ ἑκατὸν εἰκοσιεπτὰ χώραισ, τοῖσ τε ἄρχουσι τῶν ἐθνῶν κατὰ τὴν αὐτῶν λέξιν δἰ Ἀρταξέρξου τοῦ βασιλέωσ. καὶ ἀπεστάλη διὰ βιβλιοφόρων εἰσ τὴν Ἀρταξέρξου βασιλείαν ἀφανίσαι τὸ γένοσ τῶν Ἰουδαίων ἐν ἡμέρᾳ μιᾶ μηνὸσ δωδεκάτου, ὅσ ἐστιν Ἀδάρ, καὶ διαρπάσαι τὰ ὑπάρχοντα αὐτῶν. α Τῆσ δὲ ἐπιστολῆσ ἐστι τὸ ἀντίγραφον τόδε. «Βασιλεὺσ μέγασ Ἀρταξέρξησ τοῖσ ἀπὸ τῆσ Ἰνδικῆσ ἕωσ τῆσ Αἰθιοπίασ ἑκατὸν εἰκοσιεπτὰ χωρῶν ἄρχουσι καὶ τοπάρχαισ ὑποτεταγμένοισ τάδε γράφει. β πολλῶν ἐπάρξασ ἐθνῶν καὶ πάσησ ἐπικρατήσασ οἰκουμένησ, ἐβουλήθην μὴ τῷ θράσει τῆσ ἐξουσίασ ἐπαιρόμενοσ, ἐπιεικέστερον δὲ καὶ μετὰ ἠπιότητοσ ἀεὶ διεξάγων, τοὺσ τῶν ὑποτεταγμένων ἀκυμάντουσ διαπαντὸσ καταστῆσαι βίουσ, τήν τε βασιλείαν ἥμερον καὶ πορευτὴν μέχρι περάτων παρεξόμενοσ ἀνανεώσασθαί τε τὴν ποθουμένην τοῖσ πᾶσιν ἀνθρώποισ εἰρήνην. ̔͂ γ πυθομένου δέ μου τῶν συμβούλων, πῶσ ἂν ἀχθείη τοῦτο ἐπὶ πέρασ, ὁ σωφροσύνῃ παῤ ἡμῖν διενέγκασ καὶ ἐν τῇ εὐνοίᾳ ἀπαραλλάκτωσ καὶ βεβαίᾳ πίστει ἀποδεδειγμένοσ καὶ δεύτερον τῶν βασιλειῶν γέρασ ἀπενηνεγμένοσ Ἀμὰν δ ἐπέδειξεν ἡμῖν ἐν πάσαισ ταῖσ κατὰ τὴν οἰκουμένην φυλαῖσ ἀναμεμεῖχθαι δυσμενῆ λαόν τινα τοῖσ νόμοισ ἀντίθετον πρὸσ πᾶν ἔθνοσ τά τε τῶν βασιλέων παραπέμποντασ διηνεκῶσ διατάγματα, πρὸσ τὸ μὴ κατατίθεσθαι τὴν ὑφ̓ ἡμῶν κατευθυνομένην ἀμέμπτωσ συναρχίαν. ε διειληφότεσ οὖν τόδε τὸ ἔθνοσ μονώτατον ἐν ἀντιπαραγωγῇ παντὶ διαπαντὸσ ἀνθρώπῳ κείμενον, διαγωγὴν νόμων ξενίζουσαν παραλλάσσον καὶ δυσνοοῦν τοῖσ ἡμετέροισ πράγμασι τὰ χείριστα συντελοῦν κακὰ καὶ πρὸσ τὸ μὴ τὴν βασιλείαν εὐσταθείασ τυγχάνειν. ζ προστετάχαμεν οὖν τοὺσ σημαινομένουσ ὑμῖν ἐν τοῖσ γεγραμμένοισ ὑπὸ Ἀμὰν τοῦ τεταγμένου ἐπὶ τῶν πραγμάτων καὶ δευτέρου πατρὸσ ἡμῶν πάντασ σὺν συναιξὶ καὶ τέκνοισ ἀπολέσαι ὁλορριζεὶ ταῖσ τῶν ἐχθρῶν μαχαίραισ ἄνευ παντὸσ οἴκτου καὶ φειδοῦσ, τῇ τεσσαρεσκαιδεκάτῃ τοῦ δωδεκάτου μηνὸσ Ἀδάρ, τοῦ ἐνεστῶτοσ ἔτουσ, η ὅπωσ οἱ πάλαι καὶ νῦν δυσμενεῖσ ἐν ἡμέρᾳ μιᾷ βιαίωσ εἰσ τὸν ᾅδην κατελθόντεσ, εἰσ τὸν μετέπειτα χρόνον εὐσταθῆ καὶ ἀτάραχα παρέχωσιν ἡμῖν διὰ τέλουσ τὰ πράγματα». Τὰ δὲ ἀντίγραφα τῶν ἐπιστολῶν ἐξετίθετο κατὰ χώραν, καὶ προσετάγη πᾶσι τοῖσ ἔθνεσιν ἑτοίμουσ εἶναι εἰσ τὴν ἡμέραν ταύτην. ἐσπεύδετο δὲ τὸ πρᾶγμα καὶ εἰσ Σοῦσαν. ὁ δὲ βασιλεὺσ καὶ Ἀμὰν ἐκωθωνίζοντο, ἐταράσσετο δὲ ἡ πόλισ.

목록

일치하는 문장이 없습니다.

SEARCH

MENU NAVIGATION