Septuagint, Liber Esther 1:

(70인역 성경, 에스테르기 1:)

ΕΤΟΥΣ δευτέρου βασιλεύοντοσ Ἀρταξέρξου τοῦ μεγάλου βασιλέωσ τῇ μιᾷ τοῦ Νισάν, ἐνύπνιον εἶδε Μαρδοχαῖοσ ὁ τοῦ Ἰαί̈ρου, τοῦ Σεμεί̈ου, τοῦ Κισσαίου, ἐκ φυλῆσ Βενιαμίν, β ἄνθρωποσ Ἰουδαῖοσ οἰκῶν ἐν Σούσοισ τῇ πόλει, ἄνθρωποσ μέγασ, θεραπεύων ἐν τῇ αὐλῇ τοῦ βασιλέωσ. γ ἦν δὲ ἐκ τῆσ αἰχμαλωσίασ, ἧσ ᾐχμαλώτευσε Ναβουχοδονόσορ βασιλεὺσ Βαβυλῶνοσ ἐξ Ἱερουσαλὴμ μετὰ Ἰεχονίου τοῦ βασιλέωσ τῆσ Ἰουδαίασ. δ καὶ τοῦτο αὐτοῦ τὸ ἐνύπνιον. καὶ ἰδοὺ φωναὶ καὶ θόρυβοσ, βρονταὶ καὶ σεισμόσ, τάραχοσ ἐπὶ τῆσ γῆσ. ε καὶ ἰδοὺ δύο δράκοντεσ μεγάλοι ἕτοιμοι προῆλθον ἀμφότεροι παλαίειν, καὶ ἐγένετο αὐτῶν φωνὴ μεγάλη. ζ καὶ τῇ φωνῇ αὐτῶν ἡτοιμάσθη πᾶν ἔθνοσ εἰσ πόλεμον, ὥστε πολεμῆσαι δικαίων ἔθνοσ. η καὶ ἰδοὺ ἡμέρα σκότοσ καὶ γνόφου, θλῖψισ καὶ στενοχωρία, κάκωσισ καὶ τάραχοσ μέγασ ἐπὶ τῆσ γῆσ. θ καὶ ἐταράχθη πᾶν ἔθνοσ δίκαιον φοβούμενοι τὰ ἑαυτῶν κακὰ καὶ ἡτοιμάσθησαν ἀπολέσθαι καὶ ἐβόησαν πρὸσ τὸν Θεόν. ι ἀπὸ δὲ τῆσ βοῆσ αὐτῶν ἐγένετο ὡσανεὶ ἀπὸ μικρᾶσ πηγῆσ ποταμὸσ μέγασ, ὕδωρ πολύ. κ καὶ φῶσ καὶ ἥλιοσ ἀνέτειλε, καὶ οἱ ταπεινοὶ ὑψώθησαν καὶ κατέφαγον τοὺσ ἐνδόξουσ. λ καὶ διεγερθεὶσ Μαρδοχαῖοσ ὁ ἑωρακὼσ τὸ ἐνύπνιον τοῦτο καὶ τί ὁ Θεὸσ βεβούλευται ποιῆσαι, εἶχεν αὐτὸ ἐν τῇ καρδίᾳ καὶ ἐν παντὶ λόγῳ ἤθελεν ἐπιγνῶναι αὐτὸ ἕωσ τῆσ νυκτόσ. μ καὶ ἡσύχασε Μαρδοχαῖοσ ἐν τῇ αὐλῇ μετὰ Γαβαθὰ καὶ Θάρα τῶν δύο εὐνούχων τοῦ βασιλέωσ τῶν φυλασσόντων τὴν αὐλὴν ν ἤκουσέ τε αὐτῶν τοὺσ λογισμοὺσ καὶ τὰσ μερίμνασ αὐτῶν ἐξηρεύνησε καὶ ἔμαθεν, ὅτι ἑτοιμάζουσι τὰσ χεῖρασ ἐπιβαλεῖν Ἀρταξέρξῃ τῷ βασιλεῖ, καὶ ὑπέδειξε τῷ βασιλεῖ περὶ αὐτῶν. ξ καὶ ἐξήτασεν ὁ βασιλεὺσ τοὺσ δύο εὐνούχουσ, καὶ ὁμολογήσαντεσ ἀπήχθησαν. ο καὶ ἔγραψεν ὁ βασιλεὺσ τοὺσ λόγουσ τούτουσ εἰσ μνημόσυνον, καὶ Μαρδοχαῖοσ ἔγραψεν περὶ τῶν λόγων τούτων. π καὶ ἐπέταξεν ὁ βασιλεὺσ Μαρδοχαίῳ θεραπεύειν ἐν τῇ αὐλῇ καὶ ἔδωκεν αὐτῷ δόματα περὶ τούτων. ρ καὶ ἦν Ἀμὰν Ἀμαδάθου Βουγαῖοσ ἔνδοξοσ ἐνώπιον τοῦ βασιλέωσ. καὶ ἐζήτησε κακοποιῆσαι τὸν Μαρδοχαῖον καὶ τὸν λαὸν αὐτοῦ ὑπὲρ τῶν δύο εὐνούχων τοῦ βασιλέωσ. Καὶ ἐγένετο μετὰ τοὺσ λόγουσ τούτουσ ἐν ταῖσ ἡμέραισ Ἀρταξέρξου —οὗτοσ ὁ Ἀρταξέρξησ ἀπὸ τῆσ Ἰνδικῆσ ἑκατὸν εἰκοσιεπτὰ χωρῶν ἐκράτησεν— ἐν αὐταῖσ ταῖσ ἡμέραισ ὅτε ἐθρονίσθη βασιλεὺσ Ἀρταξέρξησ ἐν Σούσοισ τῇ πόλει, ἐν τῷ τρίτῳ ἔτει βασιλεύοντοσ αὐτοῦ, δοχὴν ἐποίησε τοῖσ φίλοισ καὶ τοῖσ λοιποῖσ ἔθνεσι καὶ τοῖσ Περσῶν καὶ Μήδων ἐνδόξοισ καὶ τοῖσ ἄρχουσι τῶν σατραπῶν. καὶ μετὰ ταῦτα μετὰ τὸ δεῖξαι αὐτοῖσ τὸν πλοῦτον τῆσ βασιλείασ αὐτοῦ καὶ τὴν δόξαν τῆσ εὐφροσύνησ τοῦ πλούτου αὐτοῦ ἐν ἡμέραισ ἑκατὸν ὀγδοήκοντα, ὅτε δὲ ἀνεπληρώθησαν αἱ ἡμέραι τοῦ γάμου, ἐποίησεν ὁ βασιλεὺσ πότον τοῖσ ἔθνεσι τοῖσ εὑρεθεῖσιν εἰσ τὴν πόλιν ἐπὶ ἡμέρασ ἓξ ἐν αὐλῇ οἴκου τοῦ βασιλέως κεκοσμημένῃ βυσσίνοισ καὶ καρπασίνοισ τεταμένοισ ἐπὶ σχοινίοισ βυσσίνοισ καὶ πορφυροῖσ, ἐπὶ κύβοισ χρυσοῖσ καὶ ἀργυροῖσ, ἐπὶ στύλοισ παρίνοισ καὶ λιθίνοισ. κλῖναι χρυσαῖ καὶ ἀργυραῖ ἐπὶ λιθοστρώτου σμαραγδίτου λίθου καὶ πιννίνου καὶ παρίνου λίθου καὶ στρώμναι διαφανεῖσ ποικίλωσ διηνθισμέναι, κύκλῳ ρόδα πεπασμένα. ποτήρια χρυσᾶ καὶ ἀργυρᾶ καὶ ἀνθράκινον κυλίκιον προκείμενον ἀπὸ ταλάντων τρισμυρίων. οἶνοσ πολὺσ καὶ ἡδύσ, ὃν αὐτὸσ ὁ βασιλεὺσ ἔπινεν. ὁ δὲ πότοσ οὗτοσ οὐ κατὰ προκείμενον νόμον ἐγένετο, οὕτωσ δὲ ἠθέλησεν ὁ βασιλεὺσ καὶ ἐπέταξε τοῖσ οἰκονόμοισ ποιῆσαι τὸ θέλημα αὐτοῦ καὶ τῶν ἀνθρώπων. καὶ Ἀστὶν ἡ βασίλισσα ἐποίησε πότον ταῖσ γυναιξὶν ἐν τοῖσ βασιλείοισ, ὅπου ὁ βασιλεὺσ Ἀρταξέρξησ, ἐν δὲ τῇ ἡμέρᾳ τῇ ἑβδόμῃ ἡδέωσ γενόμενοσ ὁ βασιλεὺσ εἶπε τῷ Ἀμὰν καὶ Βαζὰν καὶ Θάρᾳ καὶ Βαραζὶ καὶ Ζαθολθὰ καὶ Ἀβαταζὰ καὶ Θαραβά, τοῖσ ἑπτὰ εὐνούχοισ τοῖσ διακόνοισ τοῦ βασιλέωσ Ἀρταξέρξου, εἰσαγαγεῖν τὴν βασίλισσαν πρὸσ αὐτόν, βασιλεύειν αὐτὴν καὶ περιθεῖναι αὐτῇ τὸ διάδημα καὶ δεῖξαι τοῖσ ἄρχουσι καὶ τοῖσ ἔθνεσι τὸ κάλλοσ αὐτῆσ, ὅτι καλὴ ἦν. καὶ οὐκ εἰσήκουσεν αὐτοῦ Ἀστὶν ἡ βασίλισσα ἐλθεῖν μετὰ τῶν εὐνούχων. καὶ ἐλυπήθη ὁ βασιλεὺσ καὶ ὠργίσθη καὶ εἶπε τοῖσ φίλοισ αὐτοῦ. κατὰ ταῦτα ἐλάλησεν Ἀστίν, ποιήσατε οὖν περὶ τούτου νόμον καὶ κρίσιν. καὶ προσῆλθεν αὐτῷ Ἀρκεσαῖοσ καὶ Σαρσαθαῖοσ καὶ Μαλησεὰρ οἱ ἄρχοντεσ Περσῶν καὶ Μήδων, οἱ ἐγγὺσ τοῦ βασιλέωσ, οἱ πρῶτοι παρακαθήμενοι τῷ βασιλεῖ, καὶ ἀπήγγειλαν αὐτῷ κατὰ τοὺσ νόμουσ, ὡσ δεῖ ποιῆσαι Ἀστὶν τῇ βασιλίσσῃ, ὅτι οὐκ ἐποίησε τὰ ὑπὸ τοῦ βασιλέωσ προσταχθέντα διὰ τῶν εὐνούχων. καὶ εἶπεν ὁ Μουχαῖοσ πρὸσ τὸν βασιλέα καὶ τοὺσ ἄρχοντασ. οὐ τὸν βασιλέα μόνον ἠδίκησεν Ἀστὶν ἡ βασίλισσα, ἀλλὰ καὶ πάντασ τοὺσ ἄρχοντασ καὶ τοὺσ ἡγουμένουσ τοῦ βασιλέωσ . ὡσ οὖν ἀντεῖπε τῷ βασιλεῖ Ἀρταξέρξῃ, οὕτω σήμερον αἱ τυραννίδεσ αἱ λοιπαὶ τῶν ἀρχόντων Περσῶν καὶ Μήδων ἀκούσασαι τὰ τῷ βασιλεῖ λεχθέντα ὑπ̓ αὐτῆσ, τολμήσουσιν ὁμοίωσ ἀτιμάσαι τοὺσ ἄνδρασ αὐτῶν. εἰ οὖν δοκεῖ τῷ βασιλεῖ, προσταξάτω βασιλικόν, καὶ γραφήτω κατὰ τοὺσ νόμουσ Μήδων καὶ Περσῶν. καὶ μὴ ἄλλωσ χρησάσθω, μηδὲ εἰσελθέτω ἔτι ἡ βασίλισσα πρὸσ αὐτόν, καὶ τὴν βασιλείαν αὐτῆσ δότω ὁ βασιλεὺσ γυναικὶ κρείττονι αὐτῆσ. καὶ ἀκουσθήτω ὁ νόμοσ ὁ ὑπὸ τοῦ βασιλέωσ, ὃν ἐὰν ποιῇ ἐν τῇ βασιλείᾳ αὐτοῦ, καὶ οὕτω πᾶσαι αἱ γυναῖκεσ περιθήσουσι τιμὴν τοῖσ ἀνδράσιν ἑαυτῶν, ἀπὸ πτωχοῦ ἕωσ πλουσίου. καὶ ἤρεσεν ὁ λόγοσ τῷ βασιλεῖ καὶ τοῖσ ἄρχουσι, καὶ ἐποίησεν ὁ βασιλεὺσ καθὰ ἐλάλησεν ὁ Μουχαῖοσ. καὶ ἀπέστειλεν εἰσ πᾶσαν τὴν βασιλείαν κατὰ χώραν, κατὰ τὴν λέξιν αὐτῶν, ὥστε εἶναι φόβον αὐτοῖσ ἐν ταῖσ οἰκίαισ αὐτῶν.

목록

일치하는 문장이 없습니다.

SEARCH

MENU NAVIGATION